金鳳大餐廳 (山林道) (裝修中)

金鳳係一間耳熟能詳食鐵板扒嘅專門店，每每諗起要食扒，第一時間就會諗起佢！今次去咗山林道嘅分店，裝修比較華麗、有設計感，卡位亦都坐得非常舒服！一如以往，鐵板嘅item最吸引到我嘅眼球😍價錢亦都非常合理，同時有多個部位可以選擇👍🏻餐湯熱騰騰，味道非常濃郁，而餐包亦都經過處理，處於微溫狀態，兩者配襯，簡直一流！同朋友都點了牛柳，我仲加埋帶子添😬，鐵板一到，姐姐就會好細心咁叫大家拎起紙巾，擋住彈出嚟既油煙，汁有蒜蓉同黑椒可選，一落汁就會咋渣聲，鐵板非常夠熱👍🏻不得不提係可以選擇加生蒜（加兩蚊），可算係金鳳嘅特色，蒜同牛真係可以非常夾，未試過咁食，簡直係遺憾！牛柳肉質非常淋，而我鍾意食五成熟，完全冇overcooked,重點係喺扒底會墊著薯條同翠玉瓜，咁就唔會比熱騰騰嘅鐵板影響牛嘅熟度😬另外，奶茶嘅茶底都非常香濃，非常建議喺度飲奶茶😙咁高質嘅食物都係呢個價錢，而且係呢個咁方便嘅地段，認真抵食👍🏻

我琴日同男朋友食完嚟。一開頭坐的位係4人位，之後有個職員A叫我哋坐後面二人 因為有檯7 人嘅 都okay 我明白 我之前都做過呢啲餐廳，唔緊要。等到有餐了，我切緊牛扒，職員B準備要臨汁 我同佢講唔使了唔該我哋自己落（係 我知我唔記得講另上）佢就話你講另上啊嘛，感覺好似唔耐煩。之後，我同佢講唔該，佢就話等等啦，咁你都要俾啲回應我，我講幾次唔該先講我幫緊客人淋汁。姐我想講人多，爆忙都唔使咁，你呢間餐廳嘅面積，話大唔大，話細唔細，對比我之前間餐廳起碼大多一倍，就算爆忙，人多啲態度都唔會差

以前太子金鳳餐廳要排曬長龍 ，我見到尖沙咀有金鳳嘅分店，就決定一試。鋪頭裝修懷舊得黎，帶點 現代化 ，有冷氣，坐得舒服 ，好近地鐵站。套餐有，麵包，餐湯，野飲，呢個價錢非常抵食 ，呢個價錢喺尖沙咀，食到咁高質素嘅扒餐 ，非常之抵。佢嘅餐湯羅宋湯， 好香濃， 好多材料。餐包軟綿綿 ，暖笠笠， 非常好食。仲有紅豆冰飲， 非常之開心。沙律都好新鮮,有車厘茄 ，粟米等等。佢嘅白湯係忌廉湯，好香濃嘅忌廉味， 粟米粒, 非常好飲。呢個係美國牛肩扒， 職員倒黑椒汁落去, 已經香味四溢，非常之香， 牛更加入口即溶 ， 嫩滑。食得出係高級靚牛扒。我點了一個雜扒 ，有豬扒，牛扒，腸 ，雞翼 ，好多野食，味道都好好食， 豬扒都係入口即溶，所有材料都好新鮮。仲有雪糕甜品。

大大件抵食港式扒餐☺️帶子牛柳餐 $158牛柳非常軟熟，肉質鮮嫩 新鮮 口感非常好，肉味都好出眾😝叫七成熟都做得幾出色，唔會有肥膏丶太韌 同埋筋嘅問題👏🏻👏🏻食到啖啖肉口感好爽 ！帶子有兩大粒，都算新鮮～ 不過可能係配左蒜蓉汁吸晒啲醬汁所以味道偏喊😲但總括來講都好抵食👏🏻西冷牛扒餐 $116牛扒size好大塊，亦都好厚！食落去好有滿足感 肉汁豐富 同樣配蒜蓉汁非常夾 好好食💕套餐包左：餐湯、餐包同嘢飲！紅湯酸酸甜甜咁都唔錯 百幾蚊包咁多嘢都幾抵😆另外，食扒嘅時候分別有蒜蓉汁同黑椒汁可以選擇，亦都可以加兩蚊加倍蒜蓉💛口感更加豐富總括來講，舖頭環境好大丶好闊落，好適合一家大細過嚟鋸扒，價錢亦合理，唔錯！！

講到香港特色鐵板朳房，金鳳一定佔一席位金鳳大餐廳喺香港已經有50幾年歷史喺香港有5間分店，裝修裝飾好懷舊店內氣氛同員工都好有貼地同親切嘅感覺美國安格斯肉眼扒 $183有冇人明白追求食鐵板餐個板熱辣辣，香噴噴倒汁嗰陣喳喳聲，啲煙係咁標上黎嘅治癒感覺食呢個簡直喚起哂我嘅兒時回憶我食呢類鐵板牛扒，多數都會揀肉眼貪佢肉質淋滑，連埋小小膏，增加香口感覺同其他地方唔同嘅係呢度用咗薯格，代替薯條我自己就覺得幾有新鮮感，無咁悶跟餐加咗$18飲白牛，雲呢拿雪糕加雪碧西冷牛扒餐 $116呢個真係就算係最classic嘅港牛扒套餐牛扒size超大件！呢個價錢真係大件夾抵食港式嘅牛扒經過醃製，零舍滋味鍾意重口味嘅人梗係要加多兩蚊，加一大pat蒜蓉咁就一定食到舔舔脷啦！跟餐包咗湯，牛油餐包同埋嘢飲湯嘅話推介羅宋湯，清新得來又帶少少辣味非常開胃，為牛扒餐打響頭炮之前你嘅時候食過香蕉船，成件事真係好有本土情懷

🥩金鳳大餐廳 (山林道) (尖沙咀)🥩-好耐冇食港式鐵板餐！去到尖沙咀朋友帶咗我嚟食佢一直食開嘅金鳳😂食鐵板嘅指定動作一定係攞住張紙巾👻-帶子牛柳餐(💰158):一上到黎姐姐就問我哋要咩汁，我地一個要黑椒一個要蒜蓉😽準備好紙巾就等佢淋落嚟！牛柳好嫩而且牛味重🤤我哋叫咗五成熟對我來講就啱啱好👍🏼加埋帶子😽鮮味十足🤤-西冷牛扒餐💰116:我哋跟咗個龍蝦湯(+💰20）個湯超級濃郁！入邊仲有啲蝦肉🤤不過整體感覺偏鹹🤭西冷牛扒比起牛柳血腥味冇咁重😂大家都係五成熟🤭佢仲會配薯條同翠肉瓜🤣—(非專業,完全跟據個人口味☺)食物:8/10環境:8/10服務:8/10人均消費:$500———————————————▪店舖名稱: 金鳳大餐廳 (山林道) (尖沙咀)▪店舖地址:🔸 尖沙咀山林道9號A地下

細個逢年過節都係上酒樓食飯嘅我，豉油西餐的印象只得大快活扒餐，只聞其名的港式扒房真唔係我嘅童年回憶。今日來訪，對我來講處處新奇，味道如何倒成了其次，單憑裝潢明亮坐落意外地舒服、年紀有反咁上下嘅侍應極有禮、以為會冷清到拍烏蠅但實則這類懷舊餐廳平日晚上鐵板淋醬的滋滋聲和裊裊炊煙此起彼落、出奇無一堆廢老台上擺一杯水夠坐足成晚但反而不少後生仔女光顧、以為係汁另上但原來係由待應推著手推車為你淋上，種種都夠我大跌眼鏡又印象深刻。每月晚餐:餐包+餐湯+沙律+牛扒+甜品+餐飲 $178🍞熱辣又鬆軟嘅港式餐包絕對絕對要搽牛油！美味加倍～🥣再配埋酸酸甜甜帶點微辣嘅羅宋湯～真心開胃！超好飲～～～啲蔬菜煲到極入味又軟淋～係我嘅最愛！🥳🥩有驚喜兩塊牛扒幾厚身喎又易切～居然軟腍得黎都有肉味而唔係鬆肉粉味！🤣搭配埋幾塊薯菜同黑椒汁食落都幾OKKK喎！幾有風味🥸🍨仲輸賭緊甜品一定係標配嘅雀巢雲呢拿🍦結果黎到嘅卻係甜絲絲奶味更重嘅抺茶味雪糕～😹📝不妨一試，可能我細個並無咁嘅用餐體驗，所以兩三百蚊能賺黎一個邊食邊聽著周遭的人提及以往大時大節真的會來飽足一餐嘅經歷～👂，又好像無形中在這一餐對舊式香港風味窺探了一二，又豐富了

金鳳大餐廳呢間老字號嘅扒房(Since 1969 )香港人都冇乜邊個唔識。最近係網上成日見到人食都幾吸引，我自己都好耐冇去過，於是搵埋朋友一齊去鋸扒。▪️羅宋湯 (跟餐附送) (8/10)羅宋湯味道濃郁，又唔會太酸，亦唔會好辣，味道啱啱好我鍾意(太辣嘅羅宋湯會唔好飲，會飲唔到羅宋湯原有嘅味道)都唔錯。▪️忌廉湯(跟餐附送) (7.5/10)忌廉湯都幾香濃，仲有粒粒粟米，朋友都覺得唔錯。▪️牛油餐包(跟餐附送) (7.5/10)餐包熱辣辣好軟熟，當然要搽埋香滑嘅牛油一齊食啦，我有時都鍾意將牛油餐包點下羅宋湯一齊食，都好食㗎。▪️美國牛小排餐 $168 (8/10)牛小排冇用鐵板，我哋選擇用碟上。雖然叫咗Medium Well，但仍然見到肉質粉嫩，咬落口仲好Juicy 㗎，濃厚嘅牛味正呀。▪️招牌牛柳餐 $118 (7.5/10)呢個揀咗用鐵板上，鋸扒就係鍾意聽到炸炸聲，即刻童年回憶返晒嚟😂牛柳叫咗Medium，肉質粉嫩仲好腍，但肉汁就冇牛小排咁濃厚，但都算唔錯。▪️雙檸雪碧 (跟餐+$18)鹹檸七，凍檸七，相信大家都過，雙檸(鹹檸檬+黃檸檬)大家又試過未呢，我自己未試過所以就叫嚟試吓，鹹鹹酸酸甜甜感

鍾意食扒嘅朋友仔必定會認識金鳳，雖然今次唔係食太子總店，但發現呢間可以靜落嚟享受牛扒。食扒最緊要係鐵板，黑椒汁係你面前先淋，聽到滋滋聲證明夠曬熱。因為用鐵板上，所以叫咗五成熟 嚟到枱面就啱啱好啦！尖沙咀呢間嘅啱曬一班朋友仔去食，舖頭同時提供下午茶同扒餐，可以一次過滿足曬唔同胃同朋友嘅需要。

pre ordered takeaway online with 20 minute grace time . no communication of delays, ended up waiting an additional 20 minutes at venue. no compensation or apologies for the delay. beef curry itself is tasty and melt in mouth but waiting experience ruined due to wait

地址－金鳳大餐廳 (山林道)尖沙咀山林道9號A地下前排係尖咀經過呢間餐廳門口睇到好特別，好有港式扒房的感覺，而且好耐冇据過扒，所以就食下港式傳統扒啦，一點完餐後，就送上餐包同羅宋湯及忌廉湯，餐包方面摸上手都溫熱而且軟熟，搽埋牛油成個飽都充滿牛油香，好正，羅宋湯方面佢同坊間的唔太相同，佢帶一點辣味，幾過癮，用料都好足，味道都好濃，忌廉湯就都幾濃稠，唔似係罐頭沖出黎咁，幾好。💋雜扒餐(加蒜蓉)，佢勁大堆頭，有雞扒，豬扒，牛扒，火腿同人類最好朋友─腸仔，我地揀左黑椒汁，職員淋汁時都好貼心地提醒要搵張餐紙遮一遮，幾好，黑椒汁做得幾好，唔會話太辣，佢D扒全部都有厚度，唔會太薄，幾好，而D扒都有醃過，肉味都唔會被遮蓋，肉質都好嫩滑彈牙，配埋蒜容咁食，味道好有層次，呢個價錢，呢個份量同質素，我完全覺得收貨有餘，直頭係大件夾抵食。💋美國德州頂級西冷餐(加蒜蓉)，ORDER時侍應問我要板上定碟上，我當然要鐵板上啦，食到尾都係熱辣辣咁，勁正，我揀左蒜蓉汁，熟度方面我揀左6成熟，呢個熟度係岩岩好，唔話太血淋淋咁，首先個扒都唔錯，好輕鬆一切就開左，肥瘦比例幾好，食落都有牛味，果然係頂級貨色，連埋蒜蓉同蒜蓉汁成

今日心血來潮想食鐵板餐，就去左食呢間經典鐵板餐廳啦～鋪頭係倪虹燈招牌，非常吸睛！美國牛更加係無得輸呀👍🏼每個餐都配有牛油餐包、餐湯及飲品☺️餐包上菜時仲係好熱，搽上厚厚既牛油好味😆餐湯要左羅宋湯，味道唔錯！配左兩杯凍檸茶，少糖少冰，味道好好多😛🔸貴族牛扒餐 $188有黑椒汁或蒜蓉汁揀，個人覺得牛扒同黑椒汁先係perfect match！所以揀左黑椒汁！由於鐵板會熱住塊牛，令到塊牛變得更熟，所以最好揀5成熟🤪呢塊牛係美國牛肩位，肉好厚又大塊😋切開真係不得了，熟度剛好！肉質真係非常嫩滑，每啖都好juicy😋配有薯角及翠肉瓜！就連薯角都好好味～平時鐵板餐跟餐既薯條或薯角都唔好食的😌🔸鴛鴦扒餐 $103一塊係豬扒，另一塊係雞扒！揀左蒜蓉汁，個汁配落豬扒及雞扒好正，完全將兩款扒既味道昇華。豬扒同雞扒都同樣咁大塊😍兩款都肉質好嫩滑！覺得豬扒做得非常出色，肉質比平時食開既豬扒滑好多！同樣配有薯角及翠肉瓜，食下蔬菜通便🤣

金鳳係大部分香港人由細到大嘅回憶👦🏼以前細個嘅時候可以鋸扒嘅地方唔多. 想食就會去金鳳😆因為大件夾抵食雖然而家成日去食西餐鋸靚扒.但對港式扒總係有一種著迷😍.🥣羅宋湯及忌廉湯朋友太肚餓唔等我影相就飲咗碗羅宋湯🥲好傷心但偷飲咗佢一啖羅宋湯. 甜辣度適中. 湯渣好多忌廉湯雖然都唔錯. 但我都係鍾意羅宋湯多啲.🐮蘇格蘭牛扒 & 帶子牛扒我自己好鍾意港式嘅蒜蓉醬. 所以就揀咗蒜蓉汁🧄當店員倒啲汁落鐵板上面嘅時候啲煙大到呢…可想言之塊鐵板幾有鑊氣🤣兩塊扒都好大塊.個鐵板都爭啲裝唔住😍牛肉肉質好淋.而且唔多根亦唔會過熟. 牛味香濃帶子亦食得出唔係便宜貨👍🏻牛扒下面除咗配有薯條仲有翠玉瓜同紅蘿蔔. 比以前更營養均衡🤣.🥤黑牛基本上每塊扒都配有餐湯同餐飲. 嚟到港式扒房點可以唔叫港式嘢飲😆我就加咗$18升級左做黑牛🐮大大嚿朱古力雪糕配上一罐可樂今餐真係充滿住港式風味🥰

餐廳越開越多，好多都唔記得個名。但係依間一定唔會唔記得，相信係好多人嘅回憶，成日都聽聞呢間鐵板扒好出名，仲有好多分店，超就腳。今次我哋嗌左🌸大蝦牛扒餐七成熟$158🌸，牛扒質感10分好，頗有彈性，口感不俗，七成熟剛剛好，底下仲有超多薯條，仲跟餐湯羅宋湯，同埋飲品同餐包仔，好滿足好飽！另外，我哋嗌左好經典嘅🌸牛柳餐$118🌸一樣係七成熟，呢個牛柳餐果然不錯，雖然好似好薄咁，但係都幾有誠意，因為有好濃郁嘅牛肉味，同黑椒汁好夾除咗有薯條、餐包仔、仲有飲品之外，我特登仲加咗$20轉龍蝦湯。呢個龍蝦湯真係全餐嘅精華所在，龍蝦湯10分濃郁，質地有少少澀，唔會好似飲水咁，又夠熱，都幾出色喎！總結來講全餐真係好抵食，真係糧尾恩物，找到捧住個肚走🤣

小朋友生日🎂應承咗佢話要帶佢去鋸扒㗎😋話曬生日喎梗係要帶佢去食餐勁㗎啦😁鋸扒咁當然要揀間老字號㗎喇👍👍因為有信心保證呀嘛💯同埋個扒咁大塊三個人食都得呀😁😁叫咗大蝦牛扒餐同埋吉列魚柳餐，晚餐梗係包餐飲同埋餐湯㗎啦😋😋小朋友仲升級加咗18蚊飲黑牛啊♥️唔係度度有架😍乜嘢係黑牛🤔咪就係可樂加朱古力雪糕囉😁😁兩個湯一個紅湯羅宋湯裏面有好多菜好正😋一個忌廉湯小朋友梗係鍾意飲忌廉湯啦👍👍但係佢最鍾意竟然係嗰兩個軟淋淋熱辣辣嘅餐包呀😅😅因為可以自己搽牛油好開心架😂🤣嘩！小朋友見到裏面有冰跟住仲有一個朱古力雪糕就諗住揸住匙羹食啦😂🤣我就叫佢停一停等一等😅等我開咗罐可樂倒落去佢見到好多泡好開心好興奮呀😍佢話點解可以咁得意咁好飲嘅呢🤔我話畀佢聽呢個係以香港特色飲品嚟㗎💖 只有係啲老字號嘅舖頭先有㗎💖佢好開心一啖一啖咁飲，仲話想要多杯添😅😅大蝦牛扒鐵板上，係我地面前淋d汁落鐵板上好多煙咋咋聲小朋友好興奮呀😂🤣嘩😱隻蝦幾大隻💖件牛扒幾厚幾大塊♥️小朋友見到話嘩咁大塊點食呀😂🤣我話我哋三個人一齊食😋 睇下個牛扒好juicy、好多汁老字號即係老字號永遠唔會失手㗎💯💯仲有件牛扒好厚㗎💯隻蝦好新鮮好彈牙！抵食👍吉列魚柳嚟