金飯館貳·零 肉餅·焗飯專門店

营业中

休息中

人氣炒飯專門店之分店，朋友帶我到這吃手工肉餅飯及焗飯，在下午之繁忙～來一個快樂的午餐～ 好特別的店，是即叫即煎 生煎肉餅飯的人氣專門店，當然有很多滋味焗飯、惹味炒飯、爆餡三文治和特色刈包也是吸引～人氣之選。 焗豬扒飯 經典焗飯～招牌焗豬扒飯。份量多，芝士焗豬扒飯芝士拉絲的，融化芝士，為菜式加冕。炒香乾身，炒飯口感非常特別，夠料～ 黑松露墨魚肉餅飯店子肉餅用新鮮豬後腿肉和腩肉攪碎製成，即叫即煎，滿滿肉汁。店子的肉餅口味多樣化。 新鮮最好吃，肉餅飯，很多黑松露和肉餅做得好好吃～蒸完煎了一煎，香氣滿滿呢。 來這黑松露香～港式風味的肉餅飯。一個華麗升級，不錯，主打即叫即煎的生煎肉餅飯，肉餅迷有福了！ 芒果果味紅茶 解熱，味道也不錯，清香味道。 熱情果紅茶 新鮮百香果味～紅茶原汁原味，棒 小吃雞翼 隻隻肥美~入入味! 吃了一個很飽之午餐，用心工作了，感謝朋友的介紹

金飯館貳·零 肉餅·焗飯專門店 (旺角).個人對香港嘅茶餐廳冰室等係有情意結，呢到有好多快飯，全部好似好普通但好食！.金莎鹹蛋黃肉餅飯/蓮藕梅香咸魚肉餅飯.呢兩個飯味道都比較類近，係肉餅嘅味道有分別鹹蛋黃我個人比較鍾意，不過就漏啲相反鹹魚肉餅會比較濃味兩個飯加左蘭王蛋，成個飯昇華不少，蛋黃汁撈埋個飯.芝士焗肉醬配蘭王蛋.老闆推薦必叫，肉醬飯係一樣感覺好頹但無可否認好好食嘅配搭，必須有埋蛋.鮮茄黃桃焗豬扒飯.成日食連鎖店嘅焗豬？呢個都好出色，菠蘿嘅替代品係黃桃，同樣開胃.金飯館貳·零 肉餅·焗飯專門店 (旺角)旺角廣華街38號地舖

旺角金飯館貳‧零 肉餅‧焗飯專門店是一間專營肉餅飯和焗飯的港式餐廳，位於廣華街38號地舖，是金飯館炒飯專門店的姊妹店。蝦頭油炒飯：用自家秘製的蝦頭油來炒飯，香氣十足，每一粒米都沾滿了蝦頭的鮮味，炒得又夠乾身，做到粒粒分晴，而炒飯用料豐富，入面有多款嘅海鮮，分別有蠔、元貝、蝦、櫻花蝦等，而炒飯上面還放了幾隻比炒飯中嘅大隻嘅蝦球，肉質彈牙爽口，炒飯的份量也很足夠，可以吃得很飽。黑松露墨魚肉餅飯：呢個肉餅飯用料十足，佢哋嘅肉餅採取即叫即煎，而用墨魚和翠玉瓜製成肉餅，再灑上黑松露碎，味道非常豐富。肉餅外表香脆，食落很爽口彈牙，黑松露的香氣也很濃郁，讓人有一種吃了一道法國菜的感覺。肉餅飯仲有蘭王蛋，可以撈埋一齊食，白飯吸收了肉汁黑松露的味道仲帶有陣陣蛋味，口感更加順滑更易入口。亦可以再加埋店家提供嘅豬油同甜豉油，味道口感會更好。沙嗲牛肉炒腸粉：沙嗲牛肉加埋蘭王蛋一齊炒腸粉，味道很香濃。牛肉切得很薄，很嫩滑多汁，腸粉表面包裹咗蘭王蛋嘅蛋漿，為其增添一份蛋香，食落仍然很滑溜。沙嗲汁的甜辣度也剛好，是一道很開胃的小吃。愛玉蜂蜜檸檬冬瓜茶：冬瓜茶作為基底，加入愛玉、蜂蜜和檸檬汁，口感很清新。愛玉有一種微

大隻仔今次覓食嘅店舖就係💥 金飯館貳‧零 肉餅‧焗飯專門店 💥大隻仔今次介紹一間新開餐廳，金飯館貳‧零 肉餅‧焗飯專門店，餐廳主打肉餅同焗飯，但大隻仔今次就試咗餐廳另一推介沙嗲牛肉麵。⋯⋯⋯⋯⋯⋯⋯⋯⋯⋯⋯⋯⋯⋯⋯5⭐️ 超班3⭐️ 一般/正常1⭐️ 差味道 ⭐️⭐️⭐️⭐️抵食 ⭐️⭐️⭐️⭐️服務 ⭐️⭐️⭐️⭐️環境 ⭐️⭐️⭐️⭐️⋯⋯⋯⋯⋯⋯⋯⋯⋯⋯⋯⋯⋯⋯⋯⋯🔥 下午茶 - 沙嗲牛肉煎蛋麵 $48牛肉有4大片，同一般茶記有少少分別，湯汁唔多，沙嗲汁比較杰身，有少少似食沾麵，而沙嗲汁花生醬味超濃，帶有少少辣，味道不錯。餐廳對雞蛋都好講究，可以+$10 轉蘭王蛋 +$15 轉蘭王燶邊蛋+$12 轉湖北燶邊蛋大隻仔今次就冇加錢，配左普通雞蛋一隻，雞蛋煎到燶邊，大隻仔知道好多朋友仔鍾意食燶邊雞蛋，不過大隻仔就比較喜歡半生熟雞蛋，最好蛋白仲係流質，篤穿蛋黃撈勻一齊食更加滋味。🔥 凍飲 +$5比較特別餐廳嘅凍檸茶選用青檸片加檸檬片，一般餐廳比較少見，茶不會苦澀，比較易入口。🔥 X記瑞士雞翼 $42雞翼好淋，做到骨肉分離，瑞士汁唔太甜，味道不錯。

食呢間野真係成肚氣，個飯等左20分鐘先上 杯黑牛食完飯都冇黎。有位無戴眼鐘既哥哥仔幫我地落單，我叫香芋珍珠奶茶 少珍珠，佢同我講：「呢杯無珍珠架喎」 餐牌寫明都話無？ 結果張單黎到，佢落錯單。收銀姐姐走埋黎同我地講唔好意思，好好禮貌 但位落單既哥哥仔竟然走黎同我理論，仲要同我拗話係我落錯。枱枱客都要受氣，真係貼錢買難受。 講返食物先- 鹹魚肉餅飯：無乜肉、好多冬菇，整舊餅淨係食到一兩啖咸魚。不過佢個炸蒜同個䜴油都好好味。- 瑞士雞翼：只係上左色，係無味的！- 同行朋友食左個炒飯，無評價，但杯黑牛由坐到到食完走人45-50分鐘都沖唔到出黎，真心強。成間鋪既店員都好好禮貌，特別係位收銀姐姐。可惜比位「老闆」搞到咁。呢間野 無下次 。相信應該好快就會byebye 茶記模式 食物一般 等上菜又耐 又漏單

前幾日行過發現屋企附近開左間新餐廳 今日放假就約左媽咪同我去食🤭新開但都幾多人食 係信心既保證😎落單係即叫即整所以上枱一定係新鮮最好食🤪叫左個蝦頭油肉餅飯🍚一上枱就嘩一聲 勁吸引啊 有好多櫻花蝦佈面同埋肉餅做得好好 因為平日食既肉餅好容易整得好老 依個蒸完仲煎左一煎 勁香 同埋有原隻蝦同馬蹄粒粒 勁有口感肉餅好嫩滑🤤加埋豬油係perfect match💕隻蛋更加係冇得彈✨芝士焗肉醬配蘭王蛋飯🍛勁大碟份量好多🤣佢D芝士係可以拉絲架 兩個人一齊share已經好飽雞翼隻隻都好肥美 同埋好入味 我中意食啊雞翼控🤤XXL 1公升系列-愛玉蜜蜂檸檬冬瓜茶🥤OMG!!!大杯到誇張 我食飽都未飲哂🤭飲落幾潤同埋好解熱黑糖珍珠鮮奶🧋好似甜甜的 珍珠唔會好硬 軟硬適中🥤

蝦頭油肉餅飯配蘭王蛋($68/跟熱飲+$6, 凍飲+$8) + 沙爹牛肉煎蛋通粉($48/下午茶/跟熱飲+$3, 凍飲+$5） + X記瑞士雞翼($42/5隻) + “浩茶” XXL 1公升愛玉蜂蜜檸檬冬瓜茶($36) + 厚芝士奶蓋小芋圓冬瓜茶($38) 話說聽過牛頭角金飯館個名，大熱椒鹽豬扒飯炒飯沙嗲牛，前排得知喺旺角開咗新分店2.0，今日去開旺角試吓😉2.0主打生煎肉餅飯同沙嗲牛，煎蛋加$10可以轉蘭王蛋、加$12轉湖北燶邊蛋、加$15轉蘭王燶邊蛋，蛋都搞gimmick🤟🏻蝦頭油肉餅飯，面層鋪上櫻花蝦，蝦頭油香味好，煎燶兩面嘅肉餅成塊漢堡扒咁厚，非常足料✨即叫即煎，上枱熱到辣咀，肉餅以半肥瘦豬肉打成，咬開鬆軟彈牙，冇討厭嘅生粉味，可以話係我食過咁多間嘅肉餅飯入面最好食，估佢唔到🥹✌🏻配貴價日本蘭王蛋，蛋味香濃送飯正👍🏻枱頭有大大樽豬油同醬油，可以自製邪惡豬油撈飯💙茶餐廳沙嗲牛一般水準參差，有啲死因太多湯，有啲鹹到洗腎🤷🏻‍♀️朋友叫咗下午茶限定沙爹牛肉煎蛋通粉，沙嗲香濃，帶花生香，微辣，沙嗲汁夠沙有立體感，湯底厚身，撈咗沙嗲後通粉都掛到湯索盡沙嗲汁🤝🏻牛肉肉質冇過份人工軟化，滑滑地

今日黎到旺角，驚見金飯館新開分店！以肉餅做招牌，非常吸引緊係入去試下！餐牌有好多款式選擇店家宗旨，每粒米飯都係一粒一辛苦希望大家好好享受同體諒製作需時~黑松露墨魚肉餅飯當一上枱時，一股混合了黑松露和墨魚的香氣立即撲鼻而來，絕對是一種讓人無法抗拒的味道。墨魚肉餅的口感紮實且彈牙，散發著微微的海鮮鮮甜，與黑松露的豐富風味搭配得恰到好處。而半熟的荷包蛋更是點睛之筆，當你用筷子輕輕切開，那金黃色的蛋黃瞬間流出，與飯和肉餅完美地糅合在一起，口感滑嫩，滋味無窮蜜桃鮮茄焗豬扒飯豬扒烹煮得剛剛好，外皮略微焦香，裡面的肉質卻保持著肉汁的鮮美，配上香甜的蜜桃和新鮮的番茄，各種味道在口中一起迸發，甜、酸、烤香、肉的鮮味，多重口感讓人回味無窮沙嗲牛肉炒腸粉這個菜式引人注目的地方在於它將炒腸粉與沙嗲牛肉完美地結合在一起。腸粉的口感綿密滑溜，沙嗲醬的香辣味道讓人食指大動，而炒過的牛肉則帶有一絲絲的炭烤香氣，三者相互搭配，營造出一種既熟悉又新奇的味道

坊間茶餐廳以快靚正為主為求飽肚,好多都較參差,但今次巧遇一間🤩既有質素又有特色😙非常值得一試!餐廳格局乾淨簡單,冷氣充足,卡位比較舒適.見到餐牌選擇繁多,每樣都想叫🫢除主打焗飯,生煎肉餅飯類,仲有刈包及台式飲品🧋非常適合喜愛特色嘅後生仔~🔸瑞士雞翼($42)瑞士雞翼共五隻.每隻雞翼都被滷水汁煮得入味及軟腍,但不會過鹹🔸蜜桃鮮茄焗豬扒飯($78)豬扒飯上放滿新鮮蕃茄同蜜桃,酸酸甜甜,非常開胃.豬扒無骨,啖啖肉.帶少許肥膏🤤香口軟熟.下面配合炒飯底,粒粒分明,微微蛋香味🔸蝦頭油肉餅飯($68)賣相非常吸引🤩每件肉餅即叫即煮,需時15分鐘,表面焦香,內裏肉質軟熟.上面灑滿櫻花蝦,加上蝦頭油令香氣倍增.旁邊半熟蘭王蛋蛋味香濃,整體質素甚好✨仲嫌唔夠邪惡?🤭店員更建議可加上豬油及豉油.試過更顯油香好送飯～🔸綠豆冰($29)🔸厚芝士奶蓋綠茶豆腐凍($38)餐廳與「浩茶」合作,除咗普通奶茶檸茶外,仲可以叫手搖飲品,選擇非常多!綠豆冰非常有驚喜!😙綠豆煮得熟透帶口感,解暑清爽.而後者芝士奶蓋非常濃厚,底部幼滑豆腐花分量剛好,但略嫌綠茶味不夠濃郁

📍 金飯館貳·零 肉餅·焗飯專門店 (旺角)旺角廣華街38號地舖今日lunch time行左去廣華街諗住食素菜，點知原來而家冇左，轉左呢間金飯館貳。見佢哋啲相好吸引，所以入去試試佢☺️佢成功成為我嘅飯堂之一啦🤭🤭見到佢哋個蝦頭油海鮮炒飯都好似好正，下次要試吓黑松露墨魚肉餅飯非常推薦，黑松露鋪滿肉餅，望落好香好吸引，加埋好靚嘅濃邊雞蛋🥚已經急不及待即刻食🤩果然不出我嘅期望，成個飯連埋肉餅勁惹味，超愛佢哋嘅肉餅🤤🤤蜜桃鮮茄焗豬扒飯豬扒飯係餐牌必食之一，梗係要點😍份量相對較大，而且賣相吸睛，水蜜桃🍑同個飯好夾👍芝士充斥整個飯面，食落好邪惡，不過好正🤭🤤豬扒大大塊又厚肉，而且肉質鬆軟唔會柴👍瑞士汁雞翼雞皮夠彈牙，不過略嫌未係最入味，但係食落新鮮😋花生醬芝士奶蓋苿梨綠茶朋友見呢個係皇牌就點左黎飲，估唔到飲落又幾夾，好特別☺️如果鍾意嘅試新嘢嘅你哋都可以試吓，真係唔錯😍手作三芋而我就嗌咗呢杯手作，集香芋芝士奶蓋、香芋奶茶、芋泥三種芋頭衍生品於一身嘅特飲😋😋我都意音樂有香，又有口感👍👍原來佢哋仲有手搖飲品可以供外賣,好多美食app都可以購買當日人流都非常多#金飯館貳 #人氣焗飯 #焗飯專門店#肉餅 #肉

👩🏻‍🍳金飯館貳·零 肉餅·焗飯🧑🏻‍🍳自問好食嘅肉餅我都食過幾間，叫做幾有心得，而呢間開係旺角嘅肉餅專門店，成功加入左我喜愛嘅肉餅飯LIST，而且性價比高，係年輕人會喜歡嘅，有特色嘅餐廳。👣值得科勞指數：🏃🏻‍♂️🏃🏻🏃🏻‍♂️🏃🏻‍♀️🏃🏻🍽️黑松露墨魚肉餅飯黑松露醬滿滿舖係肉餅上面，香味撲鼻而來，已經令我食慾大增。新鮮熱辣辣即叫即煎嘅肉餅幾厚身，墨魚肉粒彈牙，而且中間加入左翠玉瓜，令口感增加，無左一般肉餅嘅油膩感。最最重要嘅係，佢用左我最愛嘅蘭王蛋，仲要燶邊，蛋黃流入白飯果刻係何等美嘅畫面。🍽️ 沙爹牛肉炒腸粉牛肉份量都多，腸粉配上濃味沙爹醬係幾夾嘅。 🍹葡萄柚綠茶Crossover「浩茶」，綠茶味出，葡萄柚味都平衡到，如果有真果肉會更開心。📍地點：旺角廣華街38號地舖#hk #hkfood #hkfoodie #yummy #hongkong #followme #followmetasting #油麻地探店 #油麻地美食 #油麻地探食 #旺角探店 #旺角美食 #旺角探食 #肉餅飯 #沙爹牛肉 #炒腸粉 #金飯館 #goldenbowl@goldenbowl.hk

🦭🦭見到係蘭王蛋所以入去試下嘅小編🤣🤣叫左個蘭王蛋蓮藕梅香咸魚肉餅同蜜桃鮮笳焗豬扒飯，兩個飯除咗好邪惡之外，味道仲好有驚喜~☺️☺️蓮藕鹹魚煎肉餅配蘭王蛋香，仲有超邪惡嘅豉油豬油🥹🥹🤍🤍第一次食蜜桃同豬扒嘅配撘，原來好夾！佢個炒飯底都炒得好好 粒粒分明，仲要有唔少嘅拉絲芝士👍🏻👍🏻不過豬扒可以改為無骨豬扒會更好 哈哈🤣🤣💸💸芝麻瑞士雞翼（5隻）$42🌟蘭王蛋蓮藕梅香咸魚肉餅 $62蜜桃鮮笳焗豬扒飯 $781公升 愛玉蜂蜜檸檬冬瓜茶 $36厚芝士奶蓋抹茶豆腐凍 $39📍金飯館貳·零 肉餅·焗飯專門店地址：旺角廣華街38號地舖

間舖中午12:00開門，12點鬆啲去到，坐咗一半人左右。入到去，同收銀職位個姨姨講「一位」，望一望之後無理我。企多10秒，都係無人理，卒之自己行去圓枱問人哋可唔可以搭枱。坐低咗兩分鐘，依然無人理，餐牌都係要自己行過隔離枱攞。睇好食咩喇，揮極手都無人理。最後係要叫破全場「唔該寫嘢～～～」，頭先收銀位個姨姨先埋嚟。佢又犀利喎，我同講要啲咩，佢「哦哦哦」，然後原來件事就完咗。等咗一陣，有位身型豐滿高大嘅男職員，察覺到我無落到單，又坐咗喺度，所以叫咗另外一位職員埋嚟問我需唔需要落單。到嗰刻至知，由入嚟嗰刻到而家，完全無心想做生意。新店未run得smooth？都開咗差唔多成個月啦⋯⋯住樓上，先佢menu都幾吸引，諗住今次試完蝦頭油炒飯，下次帶埋啲frd嚟試肉餅飯。但無下次喇，多謝晒

旺角新開茶餐廳，我會形容係一間帶女朋友去食唔會嬲嬲嘅茶餐廳😝 環境乾淨企理，食物擺碟都算靚靚仔仔，配埋台式飲品更加有特色～仲有比較少地方食到嘅刈包。-黑松露墨魚肉餅飯 $62用上蘭王蛋，煎到有少少燶邊，蛋液流出嚟個一刻真係好自癒👼🏻 黑松露醬汁濃郁，加埋自家製豬油撈飯，邪惡嘅組合，而肉餅亦煎得香口。-蜜桃鮮茄豬扒飯 $78金牌焗飯，大大份豬扒，配上炒飯底，配多份瑞士雞翼大滿足。-花生醬芝士奶蓋茉莉綠茶 $37-黑芝麻豆乳豆腐凍 $36都係平時比較少食到嘅飲品口味，好欣賞花生醬芝士奶蓋，鹹鹹甜甜，幾有層次感。而黑芝麻豆乳就係舒服順口既味道。

叫左個沙爹牛腸粉，瑞士汁雞翼，同肉餅蛋飯。啲飯好硬又乾。差啲未熟。食完會胃痛。肉餅煎燶，超咸。瑞士汁雞翼係老細推薦，聲稱話自己比得上太平管喎。都無所謂我地都照要。個汁得甜字。無咸味。正確黎講係無乜味。就唔好攤太平管個朵響度招搖撞騙。沙爹牛最正常。腸粉都ok. 凍飲唔凍。檸檬上枱已爛晒。點知係咪循環再用。又唔知每個客要幾酸。點解無左個選擇權？全程水巴檸茶檸水奶茶無晒。咁普通嘅飲品都提供唔到。個收銀女仔落錯晒啲單。又派錯晒啲單。好騰雞。間野少少人就應付唔到咁。送餐姐姐得一個，又要執枱，搞唔清枱号，次次攞飯出黎循幾個圈都唔知比邊枱。啲野凍晒。個收銀女仔自己整左杯雪糕比自己食，似係腦細條女落舖幫倒忙。雪糕機唔係比客係自己食。卡位窄到癲。仲焗人撘枱。男人對坐會腳頂腳。見到佢地都超辛苦。唔會再去。