金飯館貳·零 肉餅·焗飯專門店

营业中

休息中

有間旺角茶餐廳冰室最近食過我覺得比一般茶餐廳🍴更高質，位置方便，叫 ： 金飯館貳·零 肉餅·焗飯專門店 ！食物都有點特別，例如皇牌有 金莎鹹蛋黃肉餅飯 、蓮藕梅香咸魚肉餅飯、蘭王蛋飯及各種焗飯等等！蔥油肉餅飯 看似簡單但食落特別好吃😋，肉餅煎到金黃！香噴噴的，蔥油加蛋送飯一流！鮮茄黃桃焗豬扒飯黃桃焗飯好開胃，豬排腍軟又好吃雞排三文治🥪厚厚的雞排蛋夾住惹味十足！金飯館貳·零 肉餅·焗飯專門店 旺角廣華街38號地舖

原本在牛頭角有着極高人氣的炒飯專門店終於進駐旺角開分店主打手工肉餅飯及焗飯，我第一時間約朋友試試。⭐奧爾良雞軟骨肉餅飯$62誠意推介之作，即叫即煎，肉餅外皮煎得香脆並能鎖緊肉汁且爽口彈牙；而且還附有燶邊蘭王蛋，賣相相當吸引。謹記進食前加入豬油及秘製豉油。⭐蜜桃鮮茄焗豬扒飯$78店家竟用蛋炒飯做飯底，然後再鋪上厚薄適中的豬扒，而且還加入芝士、蕃茄及蜜桃；份量十足，還可以做到拉絲的效果。⭐X記瑞士雞翼$42雞翼皮滑肉嫩，醃得相當不錯，味道剛好，而且曬上芝麻，香氣十足。⭐古法鹵扣肉刈包$58香軟的刈包夾着肥瘦分明且醃得入味的扣肉；配菜還有酸菜、臘腸、花生碎及芫荽，多重層次及有豐富口感。⭐凍頂烏龍茶$15帶有少許米穀香，入口醇厚順口及甘甜清香。⭐冬瓜茶$18炎熱的夏天正適合來一杯消暑香甜的冬瓜茶，且具有清熱及生津止渴的功效。

完全對得住「金飯館」3個字！唔同菜式配搭唔同嘅飯底🫶🏼焗飯揀選長身較重米香嘅米種，沾滿蛋漿炒到金黃色粒粒分明；而肉餅飯就用珍珠米，煙韌彈牙🥰土地問題真係比較坐得比較逼🙈不過食物質素搭救 叫咗3樣嘢 分別係黑松露墨魚肉餅飯（中）、蓮藕梅香鹹魚肉餅（右）、蜜桃鮮茄焗豬扒飯（左）🐙黑松露墨魚肉餅飯蘭王脆邊蛋真係無得輸🤤睇隻顏色已經有食慾！珍珠米夠咬口，肉餅有肉汁，如果個松露再香啲就好！🐟蓮藕梅香鹹魚肉餅個梅菜咸度啱啱好！仲有豉油同豬油撈飯，超級香！🍅蜜桃鮮茄焗豬扒飯個炒飯底好得，蛋漿包裹飯粒，每粒飯都好香！美中不足係我個人認為桃入面果糖太甜，同番茄嘅酸味唔太夾好好味🫶🏼一定會番兜🤤

👧🏻😋👅🍽✨肉餅 焗飯 刈包 一間餐廳嚐盡特色 😍-金飯館貳·零 肉餅·焗飯專門店🇭🇰 旺角廣華街38號地舖 🇭🇰-🍳 餐廳位置唔算旺角好中心, 係煙廠街再入少少, 都係食過牛頭角本店見佢開左2.0個路線有少少唔同突登慕名而來; 果然餐點不盡相同, 但質素都係咁高, 仲有多D特式野食🍳 比起茶餐廳佢唔算平, 但質素有貨交, 見佢廚房一箱箱蘭王蛋就知真材實料, 所以兩個飯都揀左有蛋的~-🦑 黑松露墨魚肉餅飯 $62💯個肉餅超厚身, 有墨魚做底唔只豬肉, 所以更鮮味, 超多黑松露塗上肉餅面頭💯加左秘製豉油同豬油撈飯邪惡但好好味! 加埋蘭王蛋黃勁香!-🫕 芝士焗沙爹牛肉 配蘭王蛋飯 $85✨入座時過左下午茶時間叫唔到失傳秘製沙牛麵, 唯有叫個沙牛焗飯✨鋪面芝士焗得好脆, 輕輕覆蓋一片片沙牛; 炒飯底粒粒分明, 都有沙嗲香味-🌮古法鹵扣肉刈包 $58💯普通茶記唔會有既刈包, 包好軟熟, 鹵扣肉夠肥又厚身, 加上芫荽同酸菜, 面頭再灑花生碎同白糖, 整體唔會太膩-🧋跟餐特飲✨同隔離浩茶聯乘, 跟餐可用優惠價加配肥仔水, 只有特定十幾款可揀, 但勝在夠平✨叫左葡萄柚綠茶 $19 香芋珍珠奶荼 $1

朋友相約至知旺角開了這家金飯館貳·零 肉餅·焗飯專門店，話明是焗飯專門店，所以都點選了來吃，口感都算不錯。蜜桃鮮茄焗豬扒飯$78最愛便是那炒飯底，本身炒得已不錯，加埋鮮茄及豬扒的肉汁，滲入飯內，粒粒米飯也加添了甜味，那啖啖肉又鬆軟的豬扒，份量都足，男士食應該夠飽。黑松露墨魚肉餅飯$62上枱時，已聞到陣陣黑松露香味，墨魚肉餅有點新意，肉質也鬆軟，米飯也吸收了黑松霞的香味，吃時記住要加點豬油及秘製豉汁，令飯變得更好味呀！不過講到最精彩是美人照鏡後，碗內的驚喜禮物，今次就是可獲精美甜品，是日甜品正好是雪糕，啱晒呢個火熱的夏季來降溫。蝦頭油炒飯$83本來見到米飯有點油，以為好油膩原來是用蝦頭油來炒，所以入口時有蝦的鮮香味，還有蠔仔及蝦仔的海鮮，米飯也炒得夠乾身。XXL雙檸檬茶$29見到個份量好開心，大大杯就算飲唔曬都可以就咁拎走，味道都夠，最衰是忘記講走甜，有點甜，對於無走甜習慣的朋友來講，應該啱啱好。X記瑞士雞翼（5隻）$42記得以前在牛頭角是必食，今次試這間新店覺得有點失準，雞肉則有點鞋，應該是overcook，但雞翼是夠入味。金飯館貳·零 肉餅·焗飯專門店

🎈金飯館貳·零 肉餅·焗飯專門店 金飯館總店位於牛頭角，憑住出色炒飯打出名堂旺角分店餐牌主打生煎肉餅飯、焗飯等仲有聯乘浩茶嘅台式飲品🥤價錢親民又有新意🎈蝦頭油炒飯炒飯始終係招牌菜之一今次嚟到新店都係選擇食炒飯🥄必食嘅蝦頭油炒飯粒粒分明，乾爽唔油膩食到蝦頭油嘅甘香，唔係度度有🤤本身配料豐富，啖啖都食到蝦肉、元貝、蠔仔等材料加上上面灑滿櫻花蝦，鮮味加倍用料方面絕不手軟☺️🎈 瑞士雞翼經典嘅茶餐廳小食，雞翼煮得軟腍夠晒火喉瑞士汁甜甜哋，一貫好味，配飯食都相當唔錯🎈古法鹵扣肉刈包刈包夾住肥瘦相間嘅扣肉，加上酸菜、花生碎一齊食，配搭好有新鮮感😚扣肉有入口即溶嘅口感，配酸菜同花生碎鹹鹹甜甜又有油香，唔會覺得膩，反而好有層次

旺角邪惡蘭王蛋肉餅專門店
店鋪：金飯館貳·零 肉餅·焗飯專門店
地址：旺角廣華街38號地舖
係旺角睇完戲， 朋友話附近有間新開嘅隱世肉餅專門店，聽佢講到咁犀利咁，就決定去一試，果然冇令人失望。▫蜜桃鮮茄焗豬扒飯 $78賣相吸睛，本身好鍾意食蕃茄🍅，呢個焗豬扒飯非常特別，用咗蜜桃，加埋D蕃茄，面頭仲舖咗芝士🧀，有拉絲效果。食落開胃又邪惡，豬扒肉質鬆軟又有肉汁，仲已幫你切好晒，食得方便🤭個飯係正宗炒蛋飯底，粒粒分明，有鑊氣而且夠乾身，估吾到咁有驚喜。🤫▫蔥油肉餅飯$56招牌菜有肉餅配蘭王蛋飯🥚，肉餅款式繁多，店員推介蔥油肉餅飯，仲要係即叫即煎，肉餅厚身，咬落鬆軟，足料每啖都咬到吾同既配料好味。😝記得要落埋豬油，邪惡但好好味😈香氣十足，再撈埋蘭王蛋既蛋液就完美🤤▫沙爹牛肉蘭王蛋刈包$58刈包由饅頭製成，餡料有沙爹牛肉、蘭王蛋、生菜、酸菜和花生碎等。😉包身好有彈性，食落非常軟熟，沙爹味香，好似食緊個中式漢堡咁。🤪一咬蛋黃流晒出黎。• 整體•食物: 𝟺/𝟻環境: 𝟺/𝟻

這小店疫症期間在牛頭角開業，但仍然人氣高企，最近仲喺旺角開新分店，與牛頭角店不同，是這新店是主打港式煎肉餅飯，及焗飯😋 另外還有特色刈包。 蓮藕梅香咸魚肉餅即叫即煎，外層焦香脆口，肉餅鬆化，鹹香味濃，蓮藕粒帶來爽口感！ 上面加上一隻燶邊蘭王蛋，色澤鮮艷吸引，蛋汁混合飽滿的飯一齊食，配上蔥花香蒜，味道更上一層⬆️老闆首選芝士焗肉醬配蘭王蛋飯，製作需時即叫即焗，上面有一層香脆芝士，及半熟蘭王蛋，裡面嘅飯炒得香而乾身，配肉醬汁滋味滿滿另外小食也能見師傅誠意，雖然X記瑞士雞翼不難煮，但要做到雞翼入味同時嫩滑，都要把時間拿捏得到！ 至於特飲就同「浩茶」合作，有好款台式茶飲！

性價比高的茶餐廳✌🏻旺角覓食又多個選擇！#瑞士雞翼應該人人都食過，好香又入味，隻隻雞翼都好飽滿～#招牌肉餅飯最愛飯肉餅飯✌🏻就係為左佢而黎，仲有隻荷包蛋，賣相睇得又食得，肉餅仲充滿肉汁，唔乾又唔鞋，仲可以額外加豉油同豬油，不過太heavy，就咁食都好正！#港人最愛焗豬我對焗飯不嬲mamaday，但勝在保姆like，豬扒夠大塊，炒飯底粒粒分明，味道都ok啦🤫鐘意食茶記既睇完俾個like十卜十卜啦！

❤️黑松露墨魚肉餅飯大大塊太陽蛋鋪在飯上，刺穿蛋黃，蛋汁混入飯中同吃，超級滋味～😋黑松露墨魚肉餅入口有黑松露香，肉餅內有粒粒墨魚，很有口感👍🏻。侍應推薦我將枱面嘅自家製甜豉油和豬油撈埋入肉餅飯一齊食，佢話咁樣食會更加好味！❤️蜜桃鮮茄焗豬扒飯蕃茄夠新鮮，酸甜多汁。豬扒份量足！👍🏻❤️X記瑞士雞翼(5隻)雞翼落左瑞士汁食落甜甜的～跟餐特飲有好多唔同款式選擇：珍珠奶茶🧋、雪糕汽水🥤、咖啡☕️及茶類飲品。❤️和朋友各自嗌左杯珍珠奶茶同香芋珍珠奶茶。奶茶香濃甜度適中，珍珠份量多，Q彈有口感～

原來旺角廣華街呢度竟然開咗金飯碗分店，餐廳今次除主打焗飯，生煎肉餅飯類，仲有刈包及台式飲品🧋。新開張冇耐，就已經見到人龍不斷，夜晚更座無虛席，真係人氣爆燈！🔸蘭王蛋鮮茄肉醬焗飯($78)蘭王蛋賣相非常吸引，橙紅色嘅鮮艷蛋黃再加上滿佈芝士既肉醬，拌上蛋汁，芝士多到可以拉絲十足，整體味道超夾！而下面炒飯底都值得一讚，粒粒分明，充滿飯香。🔸雞軟骨肉餅飯配日本蘭王蛋($68)估唔到呢間茶餐廳都會用上日本高級嘅蘭王蛋，太陽蛋色澤通透，望落去已經好惹味🤩每件肉餅即叫即煮,需時15分鐘,表面焦香,特別之處係混合了雞軟骨，所以會食到爽脆彈牙，特別有口感，上面灑滿櫻花蝦,加上蝦頭油，無論賣相及味道都10分高質！🤗店員更建議肉餅飯要加上豬油，令到整體味道更加提升，大家一定要試吓，絕對冇失望！🔹瑞士雞翼($42)瑞士雞翼有五隻，每隻雞翼都炆得非常入味軟腍，色澤均勻食完呢次之後，簡直令我對傳統茶餐廳改觀，更加成為長期嘅飯堂！📍 金飯館貳·零 肉餅·焗飯專門店 (旺角)📍旺角廣華街38號地舖#hongkongfoodie #hongkongfoodblogger #hkfoodie #hkfoodlover #

喺牛頭角返工嘅應該對呢間唔陌生，朋友仔話原來旺角都開咗分店～ 餐廳主打生煎肉餅、焗飯同台灣刈包，另外亦有多款港式茶記菜式！飲品方面仲有勁多肥仔水，價錢親民，而且近地鐵站，放工後食個quick dinner都唔錯👍🏻招牌菜有肉餅配蘭王蛋飯，肉餅款式繁多，店員推介蝦頭油肉餅飯，雖然即叫即煎但上枱速度好快，肉餅厚身，咬落鬆軟，足料好味、記得要落豬油（係好肥但唔落真係嘥咗🤣）飯滿口油，香氣十足，配埋蝦乾同蘭王蛋就完美了～ 另外有蜜桃鮮茄焗豬扒飯，聽聞呢款都係必點item！芝士鋪到滿滿，賣相吸睛，豬扒大大塊，唔乾柴，仲有蜜桃同番茄，食落開胃又邪惡～ 估唔到下面竟然係炒飯，粒粒分明，有鑊氣而且夠乾身，good！個人好鍾意呢度嘅瑞士雞翼，味道甜甜地，雞翼大隻，肉質超級嫩滑，咬落多汁，我哋爭住嚟食哈哈哈✌️ 沙嗲牛肉蛋腸粉都唔錯，出面比較少見，牛肉未到好嫩但勝在夠入味，腸粉QQ，炒蛋份量十足，可以配多碗白飯～ 嘢飲仲有黑/白牛，店內有雪糕機，好新奇😆

遠在牛頭角的金飯館本店，早已聞名小炒岀色，近日看到旺角有新分店開張，便一賭其食物的風采。.🦐蝦頭油炒飯 $83超讚的炒飯！賣相非常吸引，數之不盡的櫻花蝦蓋滿了大半碟飯，而且香氣撲鼻！多件原隻新鮮蝦肉爽口彈牙，配搭着小貝柱和蠔仔，並無冷藏的味道！加上利用蝦頭油的油香味來製成粒粒分明的炒飯，香氣四溢！絕對是視覺、嗅覺和味覺集於一身的享受！.🐷蜜桃鮮茄焗豬扒飯 $78豬扒用料上乘，口感厚身鬆軟，還細心地把一大塊豬扒切開了數塊，讓人方便進食！蜜桃加上鮮茄，味道酸酸甜甜，非常開胃！另外值得一讚時連飯底也絕不馬虎，混合蛋醬炒作而成，是最完美的焗豬扒飯！.🍢炸魚肉燒賣 $15即叫即炸！外層皮薄，經過油炸後非常脆口，而且魚肉彈牙，是少見的岀色小食！.員工態度親切殷勤，每位客人吃畢均免費送上呍呢嗱雪糕一客，還體貼的說若果吃不夠，可以再送上多一客雪糕，這樣的人情味實屬難能可貴！

之前幫襯過牛頭角嗰間炒飯專門店「金飯館」，食物做得非常出色，由用料以至做法都較一般茶餐廳講究。最近店舖喺旺角開咗間「金飯館2.0」，當然要去捧下場。新店主打生煎肉餅飯，另外亦有一系列焗飯、炒飯、特色刈包及飲品等供應。蜜桃鮮茄焗豬扒飯 ($78)  豬扒非常厚身，肉質鬆軟又有肉汁，芝士份量好足，叉起有拉絲效果。飯底炒得好香，夠乾身，而且落咗唔少蛋，好有誠意，撈埋啲蕃茄同蜜桃一齊食，好豐富。蓮藕梅香咸魚肉餅 ($62)  肉餅有成隻掌心咁大，即叫即煎，內有蓮藕、菇粒同梅香咸魚。食落鬆化又唔油膩，蓮藕好爽口，咸魚鹹香味足，加埋隻燶邊蘭王蛋，絕對冇得輸。吃時店員更建議我哋加少許秘製豉油及豬油嚟撈飯，會更加香口。古法鹵扣肉刈包 ($58)  刈包由饅頭製成，餡料有台式香腸、五花滷肉、酸菜和花生碎等。包身好有彈性，食落非常軟熟；扣肉肥瘦相間，油脂甘香，入口即溶。估唔到連餐飲都好有驚喜，聯乘「浩茶」供應一系列特色茶飲。 呢杯花生醬芝士奶蓋茉莉綠茶 ($37)  好正，奶蓋好厚，質感香滑，芝士鹹香十足，花生醬份量都幾多，綠茶茶底好清香，同芝士奶蓋非常匹配。 另外呢杯紅豆豆乳豆腐凍 ($34)  口感亦

自從試過牛頭角總店既金飯館之後，我地都愛上呢間超有鑊氣既炒飯😍，間唔時就會去幫襯。知道佢地新開左間2.0係旺角，同牛頭角唔同，呢間主要做肉餅飯同焗飯🍚，想試佢地最出名既椒鹽豬扒，就要去返牛頭角個間喇～推薦指數：🐷🐷🐷（5分滿分）（原因：兩間差不多定價，炒飯會更吸引😂）🧀️芝士焗沙嗲牛肉飯 𝐇𝐊𝐃 85呢個屬於「第一啖驚艷，後面越食越heavy」系列🙈。濃郁沙嗲醬配上厚厚的芝士🧀️，蘭王蛋既蛋汁🥚同裹滿沙嗲醬既牛肉，焗飯既每一樣食材都好濃味，味道超豐富，又邪惡又滿足🈵️！但食到一半已經投降🏳️，太膩喇🥴，你會覺得唔洗食晒成個，就已經鈉超標😂😂😂 叫炒飯會冇咁膩（而牛肉唔知係咪好難焗熟，入面至少有3，4塊牛肉仲係紅色未熟😕，另外仲有d係咬唔爛，牛肉都幾失望）🍅蜜桃鮮茄焗豬扒飯 𝐇𝐊𝐃 78焗豬就好味得多👍🏻！蕃茄好新鮮，酸酸甜甜，對比焗沙嗲牛肉飯，簡直變左輕食咁😂，茄汁好多，炒飯底keep到粒粒分明又爽口，豬扒都夠嫩，蜜桃俾茄汁味蓋過左，感覺食落同蕃茄冇乜分別。價錢焗豬黎講偏貴炸魚肉燒賣 𝐇𝐊𝐃 15/6粒堅魚肉整成既燒賣，咬落口感偏煙韌，點埋沙嗲醬食，不過不失-同場加映-🦐招牌蝦頭油炒飯 𝐇𝐊𝐃