金雋江南菜館 (已結業)

朕聽隨從講長發商場開左間上海菜館，啲小籠包幾有水準，所以今日出巡黎到青衣，試一試佢地個招牌小籠包！朕望一望個餐牌，此行既目的係試小籠包，小籠包就一定叫架，而隨從就最鍾意食擔擔麵，最後就叫多兩個小菜（鎮江黑醋骨，瑤柱扒西蘭花）同埋一個甜品－豆沙鍋餅！先上枱既係招牌小籠包，聽隨從講，呢度既小籠包超讚，朕就咩都唔講，食左先講，即叫即蒸，熱辣辣是常識吧，再睇下個外皮，都幾薄身，仲睇到啲肉汁喺入面蕩蕩下，食落皮薄多汁，肉汁味濃，好有水準！跟住再黎就係隨從既發弗－擔擔麵，呢碗擔擔麵，佢地加左超多花生碎喺上面，麵身都仲幾爽彈，個湯就超濃花生味，對於係花生控既隨從黎講，真係無得輸！到小菜，鎮江黑醋骨，啲肉排本身偏鹹，同埋唔夠冧身，黑醋味本身己經唔夠濃，仲加埋菠蘿吊一吊，朕覺得自己似食生炒骨多啲！瑤柱扒西蘭花，一個字鹹，同埋個汁好（傑）。最後甜品－豆沙鍋餅，即叫即炸，塊皮好薄，咬落好脆口，啲豆沙蓉甜度適中，有驚喜！－－－－－完－－－－－

常常下午行過呢間餐廳都會看到入面都至少有七八成人客。。。晚上更加會堆滿好多人在店外等位今日終於一嘗這小店。。果然冇令我失望首先職員好有禮貌，仲有個傳菜既姐姐好有心 送上每一道餸都會面帶笑容講出餸既名 再溫柔地叫你慢慢用餐。。餐廳裝修都不錯 好舒服仲可以睇到師傅既精彩表現麵好爽口彈牙 果然手打麵團係一流可惜是次湯底有點過咸。。豬扒熱辣辣 如果可以再脆口多一點就perfect我覺得酒味太重了 完全蓋過雞的鮮味不過如果愛酒之人 可能都會覺得好岩口味有某大牌子既8成功力 皮薄 湯汁多 又熱辣辣。。仲要係抵食呀 所以呢個招牌小籠包真係要試 佢唯一同大牌子比就係佢d汁唔算太濃 但咁既價錢食到呢個超班既質素 已經攞滿分啦以價錢平 品質又唔差取勝皮好脆 肉又大粒 好香肉味 都可以的但如果包內可以更多肉汁就更perfect...是次用餐超級滿意 一定會再來而且又抵 沒有茶錢同加一小費

是日去嘗上海菜，一直認為上海菜應該是很濃郁的味，因為麵食本無味，要由湯底帶出美味，因此湯底是靈魂！然而這家，一點上海味也沒有，我吃湯年糕，整碗來說，料是蠻多的，但淡而無味，再餓也吃不下去，因為只吃無味粉團，那吃得久？意指我付款卻得到無味，無話可說整碗就如用滾水煮熱，然後放在一個不斷用水開稀的湯頭內，不好吃！不願意再去一次對方吃的雞肉燴麵，同一感想

樓下最近開左間新既上海餐館，晚飯時間一定排曬長龍。今晚放工唔想行咁遠就試試佢拎左飛仔等大約15分鐘就有枱，唔算等太耐。 招牌小籠包皮有dd厚，肉汁個人認為可再甜小小 。 口水雞味道唔錯，夠曬辣，要泥送飯一流 上海炒年糕年糕太淋身，港式上海菜味道。用泥填飽個肚就好，唔好太高要求。 最後點了母親大人既至愛，高力豆沙唔明而家d糖霜系咪好貴呢？唔夠糖既高力豆沙有d難食兩個人埋單190左右，茶樓食到厭厭地，有多個選擇都唔錯既又唔太貴，但就唔好太高要求了

晚市6點正就食飯啦，3個人每位茶介$6食左1小龍包$282招排擔擔麵$423瑤柱炒西蘭花$684紅燒黃花魚$128白飯一碗大大碗 $101算ok,2都正常，但3，4不知所謂個瑤柱西蘭花咸到喉嚨乾涸....真係好咸個紅燒魚一樣咸，但並唔係條魚咸，係啲紅燒汁咸，條魚就好似就咁烚熟左淋啲好咸既汁上去，完全失敗，不過就無個瑤柱西蘭花咁咸既食到火都泥，快快埋單走人，攑手叫個待應過來叫埋單，佢一行到過泥就講係唔nice既語氣(佢係後生仔泥)，我話埋單，俾張visa佢，佢話依到你未夠$300唔碌得，同埋你係要出去自己埋唔洗咁講野丫，個後生仔一啲禮貌客氣說話都無講..一句講晒絕對無下次，今餐4樣野總共 $294咁既價錢依幾樣野其實係青衣城果間xx飯莊都食到啦，可能貴少少少少姐，但人地果啲真係好食，服務都唔會好似依到咁囉....諗住泥試新野唉