金銀島餐廳小廚 (已結業)

當日晚上七點多到, 三大一細, 即時入座。顧客唔多, 店內有幾個伙記, 但全部魂不守舍, 行唻行去但永遠唔知做乜咁, 舉左五分鐘手都冇人理。OK !! 有一個阿叔唻落單, 我地叫左個2人套餐, 之後加多個鹵水鵝片及一碗粥...個阿叔寫完單就自己走左, 但我發現佢只係寫左個2人套餐, 想再叫佢, 但佢已經失蹤。2人套餐 - 海南雞 半隻 (size 還可以但冇乜雞味)生炒排骨 (排骨粉多過肉, 汁唔夠多但算夠味)楊州炒飯 (味道太淡, 冇乜肉冇乜菜, 唯一可以接受係D蝦還可以)後加 鹵水鵝片 (味道/份量一般) 及凍O茶盛惠$175全程冇服務可言, 落單/攞餐具 差唔多要發老脾先理你, 地方大但唔算乾淨... 我絕對唔會再去 !!

叫左個非常普通的常餐 沙爹牛肉麵 + 大腿omlet + 凍檸茶少甜沙爹牛肉麵的牛肉 竟然像豬肉咁白 牛肉?非常腍 一食就知落左大量鬆肉粉沙爹冇沙爹味...色水也沒有杯凍檸茶一d都冇少甜...一個字差!下次點都唔會再幫襯

尋日(28-4-2011 Thur)朝同男友起身後食早餐,o係唔知食乜下就走o黎呢o度.男友要$18.00o既鹹牛肉蕃茄三文治,飲熱奶茶.我就要$27.00o既特價餐,要鮑片通粉,火腿庵列,飲熱奶菜.奶茶先到,落一茶匙糖,味道淡淡地,但可接受.之後我o既食物全部到o黎,男友食啲通粉先,我就食火腿庵列先,庵列都幾大份,蛋都炒得OK,仍有蛋汁,冇乜問題.而鮑片通粉呢,鮑片有5件,鮑十足,就連湯都有鮮鮑味.男友o既鹹牛肉蕃茄三文治到o黎,餡料都幾多.我又試吓,鹹牛肉味道蓋過蕃茄味,不過感覺唔太肥膩,都唔太差o既.

今(15-3-2011 Tue)朝起身後同男友食個豐富早餐先,因為今日因公事要付出體力嘛.我o地搭車到荃灣,求祈o黎呢間食.我要$22.00o既雞扒通粉,加$2.00要凍鴛鴦.男友要$22.00o既歐陸早餐,有牛油方包/多士,要豬扒,餐肉同煎蛋,加$2.00要凍檸茶少甜.兩杯飲品到o黎,鴛鴦味道係咖啡味重啲,似淡咖啡多啲.而男友飲一啖檸茶覺得好甜,已經叫o左少甜o架啦.之後我o既雞扒通粉好快到,煎的夠香o既雞扒已分成三件,真方便,上面都有啲粟米粒,通粉味道正常.男友o既就等o左幾耐吓至有,睇見都砌得好靚,但o黎到o既唔係餐肉變o左腸仔.煎蛋,腸仔呢啲冇乜問題,而茄汁豬扒原來都幾大件,我食o左一啲,夠腍,OK而牛油多士(亞姐落單時冇問要方包定多士),係扁晒,牛油都塗得夠,幾甘香.我o地食晒所有o野都覺得好飽,唔錯.

今(21-2-2011 Mon)朝賴床,所以攪到遲o左起身去食早餐返工,同男友o黎呢o度,心中已經盤算住叫三文治就最穩陣.入到o黎,睇完餐牌我就即叫$18.00o既腿蛋治同熱奶茶,男友叫個我冇為意幾錢o既三餸公仔麵餐,佢要鮑片,腸仔同好似午餐肉,飲凍檸茶少甜.一陣後,兩杯o野飲到o黎,我只加1.5茶匙砂糖,茶味唔太夠而奶味重啲.之後三文治到喇,蛋炒得嫩,男友見到有蛋汁,佢話好吸引,呢個OK呢.我好快食完就走先喇,男友對佢自己o既食物都冇乜評價.服務:今次入o黎,侍應主動講聲早晨,可能佢o地要提升服務質素啦.

今日(22-11-2010 Mon)男友放假,但仍有啲感冒未清,我提議我放工後去公司附近o既樂生園買感冒茶同藥畀佢食,佢就話同我食早餐順便自己買返我屋企飲,啊,咁好啦.咁去食咩o野呢?食粥啦,佢又唔肯,話要o黎呢間.啊,好啦.去到都冇乜位喇,佢話叫個三文治餐,我話不如要$20.00o既牛奶麥皮,吞拿魚麥方包,要杯熱檸水(不過原來o野飲要加$5.00).佢話好啦,咁我就要$18.00o既熱狗餐,將杯o野飲畀男友.等o左一陣,我o既熱狗到o黎,普通到就只有一條炸o左o既腸仔,兩片蕃茄同沙律醬,算啦,照食啦.所有呢啲現成o野其實都冇乜問題,之後熱檸水到o黎,男友話唔飲,好啦,我飲啦,好熱,而味道有啲怪o既?我食完我o既熱狗,男友o既一樣o野都未到,我o地就催亞姐,亞姐離遠已經問係咪催牛奶麥皮?我o地答係,佢就問廚房.我諗係廚房漏單,原因可能係唔知呢個餐有乜o野,但唔知就要問啦,要客人係咁等,係咪唔出聲就一路都唔整?我o地繼續等,見佢出o既都係後面o既單,真係等到火都o黎埋,有乜理由知道o左係咩o野,都唔整個吞拿魚麥方包先?吞拿魚麥方包有幾難整呀?我再問另一個亞姐整好未?未整o既我o地唔要.呢

尋日(20-10-2010 Wed)睇返自己食評o既相,見到年頭o係油麻地金銀島o既咕嚕咕嚕肉好靚同好味,於是諗,不如我放工經過荃灣o既金銀島買啦.o黎到,買一盒淨咕嚕肉拎走,收$43.00.咁貴o既?等o左一陣就有喇.返到屋企,大哥都o係o度,未開餐我就打開睇睇,重係暖o既,但顏色唔靚,份量亦唔係多.我試吓先.唔……肉質又肥又腍,一啲都唔脆口L,但酸甜度o岩o岩好.我問爸爸,咕嚕肉唔係要炸o既咩?呢個腍o既?佢話應該擺o左好耐啦.唉!差差差呀!!!!!!!!!

今日(17-9-2010 Fri)同男友起身後又諗去邊o度食早餐,由於尋晚爸爸烚o左兩個蕃薯,我決定我o地一人帶一個返公司做lunch,但又驚唔夠飽,所以今朝食得豐富啲.記得呢間平靚正,就話o黎呢間啦,我揀o左$20.00o既雞扒通粉,要凍檸水拎走.男友就揀o左$20.00o既自選雪菜,火腿,紅腸,加$3.00要出前一丁,飲熱檸水.好快飲品到齊,我o個杯檸檬味清清地,終於唔係飲到澀o既檸水喇.而食身都到o黎,雞扒煎到啲皮好脆,通粉都冇乜o野.男友o既都到o黎,佢都冇乜評價,冇問題吖.我睇到張單寫兩個’23’,男友o個個冇錯,但我o個杯o野要加$3.00嗎?

今日(31-8-2010 Tue)起身後,同男友去食早餐,巴士站企滿人,即係好耐都冇車搭,我就同男友講,有咩車就搭咩車,點知即刻到o黎o既係巴士,我o地就搭喇.落o左車,記起轉彎有未食過o既呢間,於是同男友入內,o岩o岩有個坐卡位o既顧客走,我o地就坐埋去lu.睇睇餐牌,男友要$20.00o既餐,有羅宋湯鑼絲粉同牛油麥方包,加$2.00要凍奶茶.我要$20.00o既2號餐,有牛油多士,豬柳漢堡,薯餅同煙肉,飲熱檸水.好快,男友o既到齊,佢杯凍奶茶都幾大杯,感覺唔錯,羅宋湯鑼絲粉o黎到時,男友即刻好開心,話就係佢想要o既o野,因為湯係濃,而且都有唔少配料,冇偷工減料.而我o既呢,薯餅大大件,但豬柳漢堡同樣細件,不過加o左啲汁,同埋都畀o左啲沙律醬,食落全部正常味道,冇問題.雖然食物唔算得好有驚喜,但佢o地唔似外面o個啲咁,吓吓$2X.00一個早餐,重唔係求祈畀兩對叉同匙就算,因為呢排食親間間都唔識畀刀人用,真奇怪.

今日同幾個老友去揾食,點知比個大門口煲仔飯檔吸引著,就唔理三七二十一就坐低下,首先叫左煲仔飯先,鳳爪排骨飯,北菇鱔煲仔飯,北菇雞煲仔飯,又叫碟蠔餅,油菜,滷水餓,豬紅等等,等D野食到其間就鼠出門ロ食下煙同睇下D師夫點煲煲仔飯呀,睇緊其間我就問下個師夫可唔可以加餸呀,佢話可以就加臘長呀緊你,個師夫都好建談呀,佢一邊煲飯我就一邊同佢吹下水,見佢煲得好專業下,ka ka 差唔多就入去開飯呀,我煲臘長鳳爪排骨飯到了,一打開個蓋,馬上倒D豉油落去先呀再焗下先,其它野都到齊呀,前前後後等左大約20分鐘到,正所唯食好野唔洗等咩 個煲仔飯好正呀 餅D又夠大隻一啖咬落去仲脆口不油呀 滷水餓都好食 ,豬紅蘿白豬皮都幾好呀,,,,,,,,,,,,,,最正係D煲仔飯同餅超水準,,,,,,,食完埋單都係2佰零蚊到,,,4個人食平均都40~50到呀 勁低食

　　天氣轉涼，即刻想起對上一次嚟呢度幫襯嘅羊腩煲。　　今次同阿媽、老婆、細佬同弟婦一行五人開餐。八點鐘成間餐廳已經坐無虛席。　　可能由於天氣寒冷關係，羊腩煲同煲仔飯都非常美味，其實係有一定水準先會再次光顧。　　而最喜出望外嘅係生滾滑雞粥！除咗［綿］之外，亦非常鮮甜同埋多料。　　價錢方面亦十分大眾化。五人總共點菜如下：　　(1) HKD88.00 羊腩煲　　(2) HKD32.00 煲仔飯（2 個 = HKD64.00）　　(3) HKD38.00 豉汁蒸桂花魚客飯　　(4) HKD 7.00 油菜（2 碟 = HKD14.00）　　(5) HKD20.00 生滾滑雞粥　　(6) HKD35.00 煎蠔餅　　(7) HKD15.00 羊腩煲加料（額外多加支竹）　　總數＝HKD274.00　　係成枱都係兼夾食唔晒。如果當呢餐係做冬的話，仲抵！

十二月上旬寫了半天的文，有點頭暈，心癮起想吃煲仔飯，就穿起外套走在寒冷街頭，看看有沒有街頭煲仔飯吃。不知是否政府取締路邊煲仔飯，荃灣河背街這舊區，有賣煲仔飯的茶記都是在廚房處理，走近半小時，仍不見有路邊擺著大檯賣煲仔飯，最為近磅有煲仔檔口的茶記，是在寶石樓附近的金銀島，師傅企在路邊全程睇火煲飯。是日不想吃油膩的臘味飯，要了窩蛋牛飯，吩咐了加孖蛋。等約十分鐘有得吃，過程未見師傅「拋煲」，而這麼快又有得吃，心已涼了一截，打開蓋，先不談原片牛肉的味道，用羹翻著瓦鍋，是一鍋未煮熟的濕飯，今年煲仔飯吃不少，以這回的最離譜，連基本的乾身都做不到，也不談是否夠鬆、是否夠米香了，$36（蛋加$5）不貴，但偶只能勉強吃上小半口，是一鍋喊面的味道。是後會無期的餐廳。

氣溫驟降，身在荃灣，找個地方吃煲仔飯。金銀島的水準唔算出色，未知為何，每次想吃煲仔飯，總會諗起呢度。食物選擇繁多，由碟頭飯到中西式套餐，由潮州鹵水到煲仔飯，一應俱全。是晚天氣冷，吃一個煲仔飯，揀好了腊腸排骨煲仔飯。煲仔飯送上，下點甜豉油再焗多陣，正式開餐。打開煲蓋，感覺濕氣有點重，吃落，米是一邊硬身，另一邊太濕，大概是火力並不均勻所致。米飯不行，幸好餸還不是太差，腊腸煙韌好味，排骨不會死實實。執筆時天氣已回暖，待天氣冷一點，真的要走過西環那邊吃水準煲仔飯。

經朋友介紹，到此茶餐廳食ｌｕｎｃｈ環境都唔會好ｄｉｒｔｙ，而且坐得唔會好迫，坐位又好多，完全有香港茶餐廳的特色所在我點選了ｌｕｎｃｈ　ｓｅｔ　＜蒜茸汁雞扒飯＞，其實無乜特別期望＝〕＄２６　，送埋埋中／西湯，我選了中湯＜冬瓜豬骨湯＞無乜味精又唔見有油～感覺很不錯　不過係唔夠熱．．．．．．ｄ飯唔算太多，汁的份量適中～塊雞扒又幾好味，軟硬度適中，很不錯比其他茶餐廳做的雞扒較好而且服務態度都ｏｋ，不過係落單果位女ｗａｉｔｅｒ較為唔太醒目要講左幾次飲什麼飲品才明白．．．．坐耐ｄ，同ｆｄ吹下水，真係１個不錯的地方～又唔算話太嘈！！

"焗石斑飯"($34)。內有4塊煎石斑魚柳，洋蔥蕃茄汁和雞蛋炒飯。魚肉少許乾嚡，魚味濃，沒雪味。洋蔥蕃茄汁味道濃郁，鹹甜酸比例剛好。