金銀島餐廳小廚 (已結業)

好多年前係附近番工, 都有幫襯過呢間, 果陣覺得都ok, 最近行過, 見佢有卡位就入去食, 但差左好多............我地2個人叫左2個快餐 :- 涼瓜排骨飯 -> 涼瓜得4條, 排骨有10舊8舊, 但un到咬唔開咁濟, 雖然明知佢唔會肉新鮮肉, 但都唔該煮好d, 補番佢唔係靚材料丫 雞扒意 -> 普通雞扒, 冇特別, 但d意粉就好濕好爛, 好難食 凍奶茶 -> 似捷榮奶茶, 即唔係用幾種茶葉自己沖果隻 熱杏霜 -> 淡過水, 飲水好過飲佢

近日天氣轉涼自不然會想起打邊爐/煲仔菜,而今晚突然好想食煲仔飯,行過見到呢間餐廳門外整緊煲仔飯,所以即刻衝入去試試,雖然係茶餐廳,不過乜都有得食,有打冷,有雞煲,有豬骨煲,生滾粥.....一坐低已叫定個臘腸排骨煲仔飯,因為個伙記話要等15mins,之後我地叫左個羊腩煲同(大)韭菜豬紅,個羊腩炆得好soft,易入口,仲包一籃生菜,而豬紅好夠熱又入味,唔錯唔錯~~~等左成20-30mins,個飯終於出現,不過個煲仔飯反而差左少少,可能加太多水,飯身太soft,有飯焦不過唔香得個黑:huffy整體來說,價錢合理,多款食物選擇,不過衛生環境較差,如果有人等位會吹你走~~~羊腩煲$88,豬紅$25,煲仔飯$36

昨日午餐，去了鹹田街找吃，見金銀島個名幾得意，就入了去，點了個（去骨海南雞飯），新鮮雞，拆骨乾淨，有番茄同青瓜，味道好，點雞的配料撈飯一流。環境就嘈了些，可能學校在附近，所以人流都幾多下。