金銘潮州粉麵

营业中

休息中

因我很喜歡食牛腩及牛肚，見到下面有人post的comment，有好有唔好，咁都即管去試一試，，加上在屯門區，有好食的牛腩便更好了。唔駛去到中環大埔等地方咁遠。 上星期等埋老公收工，便揸車落去食，我叫左碗腩肚河，老公就叫左牛腩麵，再加一碟通菜，當時客人唔算多，但都要等一陣才來了碟通菜，碟通菜普通正常，再等多一陣來了碗牛腩麵，賣相一般，牛腩偏瘦，食落唔”鞋”，但麵唔彈牙，湯唔清甜，亦唔重腩味，喝一口……夠了！等了很久，我的腩肚河還未到，環顧四週，遲過我來的客人的粉麵都來了，我便叫阿姐跟跟，她答就來了，原來張單放在最底，唉…算了，終於等到我的腩肚河到了，一看之下，老公說牛腩似叉燒，牛肚得三片，牛腩亂七八糟，都是頭頭尾尾切剩而放在一齊，而部位更不是腩位，而是邊位來的，心想這間鋪頭咁小家，牛肚咁少，牛腩更不知所謂，已經遲了我的單，還比碗咁嘅腩肚河給我，牛肚食落有"壓" 味，牛腩冇腩味很"鞋" ，簡直一D都唔好食，普通一間牛什粉麵都好過佢，絕對係網友話齋"呢間好野黎架"！食牛腩都係中環，灣仔、大埔等地方好好多！

以前食過，係幾好食o家，不過唔就腳就唔會成日黎琴晚o岩o岩想食宵夜，出左去食叫左碗肥腩……佢黎錯碗牛什求其就話叫我要左佢，牛什仲貴d...(係咪劉華個服務態度個廣告呀)之後我話我唔食牛什，佢先加返d牛腩落碗麵度仲類似話益左我之類...大佬呀，乞衣咩黎錯左仲要咁o既態度結果佢黎d腩都好靭，唉……我諗我盡量都唔會再食呢度

見K兄對這間位於屯門的潮式粉麵店推崇備至,誇張到在Facebook內開個"金銘牛腩fan club"群組,小弟就不惜山長水遠專程一試.對我這個十年也不入屯門一次,坐飛機次數多過坐輕鐵的人來講,地點也不算難找.如果坐輕鐵在景峰站下車,橫過青山公路再向前行一會便可.既然講到牛腩比九記更好的話,就不要其他,只要個腩米多青.同九記不同在,前者是清湯系,潮式的話,當然是鹵水系.沒有特別要求之下,奉上的是瘦腩,不過質感並不齦.連邊位的筋膜也夠爽口.鹵的很入味,本身鹵水味如迷魂丹,香甜得要命.下次來,就要吃牛什了.

22-4-2007 1519當然與全港頭幾位比較，就變為普通。這裡並不是主區內，在輕鐵景峰站落，再行5分鐘便到達，自己由屯巿行來都要15-20分鐘，差點兒也迷途。起初以為係好殘舊，原來環境比想像中好，牌面都「金碧輝煌」。我叫了坑腩麵(盡量) 多青，侍應仲加多杯凍檸茶(係要俾錢)，我都冇話要，好絕喎，算，今日心情好，唔同你計。上到檯，又幾對辦，有部份的確係坑腩，最緊要多青，第1步已合格，牛腩肥瘦度適中，冇渣，有牛味，湯係有牛味的清湯，當然同九記或群記差一大截，不過第2步亦合格，食野唔需要食咁濃味一樣有其味道。這裡附近都幾靜，唯觸呢個時候不斷的有5成滿，有一定除味道以外的實力。笑臉仍會比，服務亦因凍檸茶而只得1分。

呢間牛腩檔都開左好耐下架啦,可以算係我出世到而家由無乜人幫襯做到而家晚晚都爆場..相信唔容易有時夜媽媽肚餓想食宵夜都會走落去買碗牛什河佢d牛腩好淋好入味,d雲吞都幾好食架,不過呢間野都幾貴下..一個雙拚面都要$22蚊又無野飲送!但係佢d辣椒油好鬼死辣,好鬼正架呢!不得不介紹既係筋肚河!點好食?你試過就知架啦

夜麻麻同朋友去搵食,揸架車落左紅橋,仲見這裏燈火通明,基於我要細食而朋友要當晚飯的原則下走左入去.基本上是一間標準的港式粉麵舖,朋友叫左一碗牛雜麵加支忌廉,而我叫左碗牛孖筋麵....兩碗麵一齊送到,熱辣辣而且份量十足,先飲第一啖湯,牛腩味湯底幾好,再食牛孖筋,煮得好軟好淋,d麵又彈牙,連朋友都有d唔抵得偷左半舊牛孖筋去食..(牛雜麵唔係有牛孖筋喺裏面嫁咩?仲偷??)此食肆比我想像中好味...埋單50蚊唔駛,非常抵食~~~~~~