金銘潮州粉麵

营业中

休息中

首先, 我想聲明我係住在附近的老街坊...以前呢間野真係唔錯的...而家簡直不知所謂!!!我今次真係忍唔住特登開個ac黎評論的.講左服務態度先, 果個戴眼鏡既女人服務態度真係不予置評.差到我都唔知可以講咩, 平時都唔多想理人咁以前晏晝明明有個比較粗聲粗氣既女人係到...而家唔知係咪調左更果個服務態度好過呢個女人多多聲!!!!好啦講返今次, 我叫左碗魚蛋河, 講到明要加腩汁同冬菜我叫果陣講左一次, 拎果陣再講多次, 問佢有冇加到, 因為有哂前科...佢仲大大聲話加左啦, 有架喇, 好不屑咁.返到家一睇, 冇加腩汁同冬菜之餘連汁都冇乜d魚片同魚蛋係幾彈牙既!!!但個湯清到不能再清, 完全無味!!!先唔理d汁唔係個女人負責, 但冬菜係要經佢手加的.咁點解佢要話加左呢我今次連落去叫佢地加返都廢事了..因為我唔會再去幫襯呢間野!!!! 講大話+服務態度差!!!!!

好日也不會來屯門，見是日要入來有點事要辦，就當然在這兒吃午餐，才出回市區，是日想試的兩間店子都在這附近，決定先來這一所腩店。幸而那時天氣仍冷，店內基本上沒什麼冷氣，數張圓枱也如一般的粉麵店，永遠是不會坐得很舒服，都是快吃快走好了。本人貪吃，又想吃牛雜又想吃牛腩，所以通常也會點牛腩牛雜河，此店既然以潮州粉麵自居，那其湯底一定有很濃重的鹵水香了吧，可惜的是湯頭已不見得深色，喝起來這湯底腩汁的滷水味真的不太強，真的有點叫人失望。牛雜也是來來去去那幾位成員吧，牛腸挺為彈牙又帶點脂肪香；牛肺軟滑彈牙而不血腥；金錢肚也如是，有嚼勁真不錯；牛膀好像不太夠粉膶，不過至少不會有血腥感，但那個鹵水味也許真的太薄。是日的牛腩有爽腩供應，爽腩個筋肉位真的吃得人很爽，非常之有嚼勁，這當然一定會比大利的好，個人認為更是要比上環生記的還要好，但個人心目中的第一爽腩仍是華姐的。河粉軟身帶點點米香，如果能再滑身一點，再加個濃味一點的湯，那就更棒了。唔太那碗是雙丸米，吩咐了加色，不過吃起來仍是淡茂茂的，米粉只能說是不粉爛，入口不順不滑。雙丸其實是普寧肉丸加魚蛋，普寧肉丸即是豬肉丸吧，吃起來又是沒什麼味，腍腍的一粒肉球，沒

以前細個我住呢頭成日幫襯佢以前真係好好味, 個湯底又正事隔數年再返來食, 嘩完全唔同左, 個湯底超多味精完全唔掂!!都唔知點解會變成咁, 以前間野真係出名好食, 但而家同外邊12蚊一碗o既冇分別.........我以後我都唔會再幫襯

次次經過金銘未到門口都嗅到香嘖嘖既牛腩香味我食過好多次,佢d牛腩都炆得好香好淋,湯底清香,牛什都ok仲有d牛根炆得好林又好重膠質,正仲有我好鐘意食佢d魚餃,好好食

間店開左好耐...我都途經多次虹橋..前二日我經過虹橋時好肚餓就點左牛什米,食店環境一般.店員有禮的,牛什米合格的,腸太肥....都ok...肥先香....牛旁好硬.有的似台灣豬血榚.....湯...係飲到口乾...証明味精湯啦

黎呢間野食野都好一排啦~~都試過唔少粉麵~~絕對讚好!尤其中意佢d粉麵唔會偷工減料~~一個牛雜米都夠塞飽你~~唔似出面果d半個米份都唔知有冇~!1) 牛雜米牛雜炆得夠淋又入味~~絕唔會咬到牙軟~~最中意佢個腸~~有咬口又多汁~~!如果中意濃味d o既米粉, 就要叫佢 "重色" 啦~~因為碗米大~~一般份量的腩汁可能唔夠濃的~~ 2) 淨水餃水餃大大隻~! 差不多小妹一隻手指咁長, 而且塞得很飽滿的~~入面無蝦但豬肉很香~~皮薄唔易穿~~很有水準3) 牛腩牛筋河牛腩夠淋~~!! 都係大大舊~~但一碗裏面都會遇著一至兩舊是硬的~牛筋味道就不過不失啦~~入味黎講都合格~~但就唔會淋到好軟身果隻, 比較算係有咬口果種, 唔會食到好漏~~咁個人比較中意好淋同膠住的牛筋, 呢款都可以俾合格分數的~!唔包野飲, 款款都係21-24蚊左右大碗又好食抵到爛呀~!! 會經常再去的~~!

行到果頭試下金銘都成左好幾年為何一直光顧原因得一個咪好味lo今日食左個魚蛋河15試食價但我認為唔係試食係抵食魚蛋非常正又滑又爽唔知係唔人手打魚肉呢?上次來試左個牛雜河我最為喜歡佢個牛肚好軟仲好食到我嘴軟軟正爆了粉麵好去處

自從齋妹畢業回香港, 跟了她去佛堂已經有3年之久. 從來都沒有對附近的食肆問津. 直至某日接到"金銘牛腩粉絲會"邀請的一個飯局. 上幾星期, 係紅橋落車, 加上早到. 原來馳名的金銘牛腩就近在咫尺, 自己一直都沒有留意到.是日, 其實不應該在參拜之前, 食葷, 而且仲要係比較神聖的牛肉. 回想起實在有點不應該. 不過, 為了早一點知道金銘牛腩有幾頂瓜瓜, 就一試吧. 反正通常都會在外面食了野才入屯門, 而且在附近, 被道親發現係度食牛腩麵, 實在有點兒不敬. $21一碗牛腩麵, 感覺上其實幾貴下, 粗豪的大姐同我落了單. 不一會, 一碗貌似好靚既牛腩麵出現在我面前. 牛腩呢, 爽淋. 不知是否自己口味不同, 或是期望過高. 定係自己腦海裡只有大利, 及中環水記的牛腩牛什. 感覺比上不足. 食靚牛腩, 不需要山長水遠入黎屯門食吧. 不是說不好味, 只是覺得比上不足而已.

直至現在終於食到會長推介的金銘牛腩，枉費我是會員呢!樓面只得一位阿姐，雖然是粗聲粗氣，不過手腳快速、招呼周到又細心，值得給她5分服務分。馳名牛腩及其他牛製品，當然牛是首選。我要了牛膀牛腩撈粗，我第一口不是食牛腩，是我最愛的牛膀，入口粉嫩，盡吸鹵水精華；牛腩肥瘦分明，入口不算腍，要花一點牙力。坑腩河-坑腩果然不同，肉味香濃、肉質軟綿不帶點根。兩碗粉麵附帶的菜不少，早知不再要一碟油菜，$14不算平，原來大大碟，貴得算有理。值得一讚是它的辣椒油，在撈麵上加了辣椒油，簡直是將味道提升。水準不錯，期間有不少客人堂食外賣穿插，果然是會長推介。

個日我同DFD打波後去左食野次前冇去過呢間野because個到好多間今次我個fd話想食下呢間佢開頭話好食我都唔信我入到去叫左個牛什面食真係好正呀d牛什又入味又「林」so我個人仲2叫牛什面咩都有呀嘛@@但係比較貴左d囉大家都去試下啦now仲開左間野叫呀金係隔離都好好食but係食米線

難得這個屯門元朗掃街團成行~也事先聲明過其實屯門沒有extremely 值得一試的餐廳~但數位友人都說唔去金銘就等於無去過屯門~就如去北京唔去長城一樣~於是就來了這間有屯門九記之稱的金銘食牛腩去小比在這一帶成長~金銘佔盡地利~所以閒時都會吃碗再上路~但要我數有甚麼出色~又數不出~每當友人問起”最特別係d乜”~小比的答案都是”汽水樽的菊花茶”才是我的回憶~大夥兒在開團都戰鬥力十足~就先來一人一碗~再來個大兜亂為之~牛腩爽腩竹腸粉腸牛肚沙瓜缺一不可~想要淨食~但呀姨都好好人話唔抵吃~就吃多幾碗粉吧~平常在外邊的名麵家~想求碗沙瓜爽腩等都要受受氣~但這裡也一叫即到~盡量盡量~沙瓜的獨特咬勁令其顯得出色~棄草肚要金錢肚~沒有選擇錯誤~皆因牛肚炆得夠入味也不會成韌皮柴~是個不錯的配搭~對牛的部份都是一知半解~但幸好有友人解畫~粉腸裡而應為充滿滿粉粒因而叫為粉腸~但金銘出品的粉腸就好像洗得太乾淨~別說甚麼粉粒~失去了靈魂的粉腸~實為空虛之作~再來的有瘦腩竹腸~瘦腩是真的百份百的瘦~所以咀嚼起上來都帶點嚡口且乾~而且沒有肥肉部份的引導之下~密排排的瘦肉明顯不夠入味~二來就應該是炆的時間還未夠火喉~小

最近在交友網站 Facebook 發現了一個名為 <金銘牛腩粉絲會> 的群組，大讚位於屯門市的金銘牛腩味道出色，水準直迫中環九記，適逢小弟屯門一日遊，當然要慕名拜訪。說起牛腩，九記牛腩聞名港九，原因不但牛腩腍滑，出色清湯底也是不可或缺的部份，不可不提的還有天后華姐清湯腩，爽腩好吃得沒話說。這次來到金銘，點了招牌的牛腩魚蛋麵 ($24)，其湯底走的不是清湯系路線，是味道較濃較香的鹵水湯底，故實不應以前兩者作直接比較；牛腩是半肥瘦的，口感雖帶點韌，幸散發出的肉味甚為吸引，質素不俗；魚蛋是此店另一招牌，形狀偏細，一口吃的 size，說不上爽口彈牙，新鮮手打的質感卻誠意可嘉。這一間水準蠻不錯的金銘粉麵，水準不算頂級，但如果順路經過，也不妨一試呢!

晚上吃得不飽在家中沒有乾糧可吃唯有勞煩家人開車到此吃個宵夜凌晨2時客人也不少二話不說要了一碗魚片牛筋米不想吃牛腩因為怕吃得太heavy晚上胃子會不舒服...魚片牛筋米很快就上檯!有冷冷的日子來碗熱熱的麵食實在感到溫曖魚片是自製的不是太彈牙但吃到鮮魚味牛筋煮得太過....太淋...~米粉份量多~湯底是清湯...~味道不錯雖然說是清湯....回家不久就開始口渴....「師傅」作怪!$24可以治飢餓~~^^

因為住附近, 呢間野我都幾常食, 其實我覺得牛腩真係好一般, 因為我次次叫我好"UN"(可能我唔識叫~.~), 反而我喜歡叫牛肚/金錢肚, 又腍又入味, 另外水餃都唔錯, 大大隻夠爽口!不過佢價錢都偏貴, 單料都十九元了, 雙拼廿三, 係屯門區都叫貴了!不過午餐+3元有汽水, +5元有凍飲, 都OK既~

二十蚊，湯粉肉都幾好，水準之上，牛味重，大利既湯药材味多Ｄ