金越牛肉粉專門店 (已結業)

I love all kind of noodles. Korean, Chinese, Japanese and Vietnamese also. I tried to find Korean style pho restaurant because pho in Korea is very rich and good. This shop pho is good like Korean one. Soup is very good and noodles also good. The toppings are not that good but acceptable.

星期5晚尖沙咀食飯， 周圍都難揾位，見呢間唔使等位就入左去試下， 兩個人叫左兩碗粉加一個小食， 仲有兩杯野飲送。 可惜嘅係兩碗粉黎到， 除左咸味之外， 係食唔到有其他味。。。冇話好似其他啲越南河咁有啲甜味， 或者個湯底有啲牛肉味。 個小食亦都一樣， 都係得個咸字。 依為係自己味覺有問題啦， 咪問下我老婆囉， 點知佢都話係咁，得個咸字。 咁嘅價錢係尖咀黎講算係低， 但啲質數就直係差啲啦

夜晚十點左右兩個人起isquare睇完戲.....周圍睇下有咩食，聽到街邊有人講呢間野好食，望下望下決定入去試試....我們叫左火車頭湯河，串燒(2雞2牛)同炸魷魚穌撈檬火車頭湯河好足料而且份量都多，串燒岩岩炸起超級好味但最想不到係魷魚穌撈檬，好少見越南餐廳會有得叫酥炸魷魚穌，所以決定試試!!呢個撈檬非常值得推介，魷魚穌炸得很鬆脆，很鮮嫰，而且一D都唔UN，份量亦不少，正還送兩杯熱/冷飲, 晚市來講算是比較抵食

平時係尖沙咀行行下想食越南菜都係The One，今次見到呢間新開嘅越南菜就即管去試下！去完越南之後番黎香港都會盡量避免食越南野，因為係越南食最最最正宗嘅Pho都係十幾蚊，次次番黎香港食個個價都一定係幾倍！先唔講味道，呢間嘅價錢都算平！兩人嗌左一香茅豬扒湯粉($55)，蟹膏鮮蝦番茄湯粉($62)同埋牛油蒜蓉雞亦($55)。除此以外仲嗌左杯鹹檸七。粉嘅分量對女仔黎講會有啲多嘅，男仔就啱啱好！即得讚嘅係因為自己喜歡食牙菜，碗粉牙菜都好多下！

今日得自己一個人，諗住趁放lunch 時間，快快食完野, 之後去shopping, 所以就去食碗越南粉由於一個人關係，要同人搭枱~餐廳地方算係新淨整潔，簡簡單單嘅裝修~我叫左碗生牛肉湯河($52) + 凍檸茶 (凍飲加$3)落完order 等左唔駛5分鐘，野食野飲都已經到齊晒，果然快手!整體味道ok, 中規中矩，d生牛肉唔錯，絕對唔會韌同鞋，而且都有幾多塊生牛肉，而碗河粉，麵質可以，但我覺得太多芽菜洋蒽啦~食落去啖啖都係芽菜而跟餐叫嘅凍檸茶夠大杯，加分

Wanna to have lunch in a new restaurant, we selected this restaurant as they have some noodles with soup.We ordered a chicken rice. chicken was soft and enough oil, good texture but not much taste of chicken. Rice with chicken oil, tasted good. Beef noodles was so-so. Beef not taste very good. Soup was not strong taste enough.

一個人喺尖沙咀，tea time 時間食咩好呢？又唔想食茶餐廳，重點係唔想太貴⋯最終行到金越，見到裝修簡潔，枱與枱之間唔會太密，於是就入咗去喇！Tea set選擇都算多,有麵包、多士、越南湯粉、橯撈檬同飯類⋯而且全部都係$28至$59😍，同區來講算非常之平! (講真連屋村茶餐廳都要呢個價錢) 實在係太多選擇，諗左一陣我終於叫咗個，香茅豬頸肉撈檬同凍檸檬菜蜜，（夏天出面街成30幾度，食個酸酸甜甜嘅撈檬加埋杯凍飲就真係一流，可以消一消暑）先來左杯凍飲，望到都覺得好開心，平時啲嘢，凍飲都細細杯勁多冰，估唔到金越嘅凍飲成杯珍珠奶茶咁大杯，檸檬都有成三丶四片，冰嘅比例唔算好多大約三份一，而且成杯飲品甜度適中，屬於消暑佳品香茅頸肉終於都黎到喇！大大碗，配料多（花生丶蘿蔔絲同蒜片)豬頸肉都算多有8片！最估唔到嘅係,豬頸肉係外脆內軟，本身嘅醬汁都非常野味，好好食！整個Tea set只係需要＄46簡直係超值！下次會再嚟encore

2人，晚餐，不用等位。兩星期共光顧了兩次。第一次比較冷清。單點。蟹膏鮮蝦蕃茄湯檬$62，有2隻蝦，蟹膏肉餅。無乜蟹膏鮮味，只有蕃茄味。比預期差。當蕃茄檬吃就無問題。招牌火車頭牛肉湯河$79。有牛肉、牛丸和牛柏葉。牛肉不錯，入湯即熟。河粉夠滑，湯底好味，加了 檸檬汁更好。香茅牛肉米紙卷$49。有六件，多菜。中間牛肉少少脆，頗特別。味道正常。第二次點了2人餐$185（特飲另計），包一小食，兩主食，兩飲品。豬肉串燒，燒得不錯，有肉汁。配沙嗲汁。好味。牛腩片湯河。牛腩片不易咬，湯底和河粉依舊好味。下次不會再點。香茅雞翼飯。雞翼外皮很脆，雖然內裡不算juicy，但也不錯。椰汁珍多冰，一般。沒有加一，只收再金。價錢合理，食物有好的地方。會再光顧。

我對海南雞飯情有獨鍾, 每次去到新餐廳一見到menu有海南雞飯都會一定試, 今次亦沒有例外；今晚一大班朋友飯聚, 由於有成6人, 要在尖沙咀沒有訂枱,又唔想排隊並不容易, 剛好見這間新開越南餐廳又有6人枱, 大家就同意一試；我們各自叫了粉、飯、檬然後再加一個小食拼盤；先講海南雞飯，油飯味道係夠，但飯身較軟(唔知是否越式關係😮),雞味道較咸而肉質都滑；我同朋友們都有互相試大家既食物, 大家都覺得小食拼盤既雞棒最為出色。

一大班人想簡簡單單食一餐，行過金馬倫道，多咗一啲新餐廳，就食呢間越南嘢。入到都算大嘅，我地十幾個好彩有個角落集埋。每張枱都有櫃桶放咗餐具同紙巾，自己可以拎。款式都算多，應該想食都齊哂。職員可能仍然新，不過好盡力幫忙。呢個係海南雞飯 （$58），飯同雞都多，味道就麻麻，個飯得油味，唔夠黏，味道偏淡，雞都偏淡，但個湯幾咸。到我自己嗰個啦，牛肉撈檬（$55），本人基本上去越南餐廳就用撈檬試佢到底咩質素。份量，係多嘅；牛肉，好咸太靱。。。加左魚露都救唔到，咸到一個點係要狂飲水，返到屋企亦都係。(￣◇￣;)小食嚟講（$128），太油啦又係，拎起舊扎肉，係兩茶匙油係塊菜上。。。唔特別好味，油味太重啦整體麻麻，希望會改善啦。可能佢其他好味呢。。(/ω＼)

之前lunch都幫襯過食湯粉，檬粉都正正常常無問題！今日諗住試下個蟹膏鮮蝦蕃茄湯粉，諗住口味同芽莊既蟹肉蕃茄湯檬差不多，估吾到甘就出左事！同枱朋友既order都到齊晒，我個碗仲要等多10-15分鐘，搞到我滿心期待呢碗製成品！平時食飯都會有影相習慣記錄下，但呢碗野食左一啖之後，相都吾想影了！碗粉只有幾粒（開半）豆卜，幾粒切碎既蕃茄同肉碎，仲有2粒蝦肉，成個湯底無蟹膏，無鮮味，無蕃茄味，成碗野只得甜味！仲要吾自然果隻，我真系懷疑過佢將鹽同糖掉轉左落！真系頂吾到每啖都系甜味，唯有加辣醬去食埋落去！！食完真系成口都系吾自然既甜味架！希望如果想order呢碗蟹膏鮮蝦蕃茄湯粉既人真系要「停一停，諗一諗」！

最近天氣陰晴不定，剛剛出猛太陽轉過頭又傾盆大雨，人的心情也都受到影響，食野的胃口也下降了不少，只想選擇鹹鹹酸酸比較濕潤的食物，來刺激食慾。經過尖沙咀金馬倫道看見這間新開的「金越牛肉粉專門店」看看餐牌，完全乎合我的要求不用細想入來一試。炸春捲撈檬 - 炸春捲撈檬大大碗份量十足，而且春捲是即叫即炸非常香脆，食撈檬最緊要個汁，呢到個汁真的一流夠酸不會加太多水香芧雞翼湯粉 - 雞翼和湯粉是分開上的，食雞翼的時候還十分香脆而且雞翼充滿肉汁十分嫩滑，湯粉雖然比較普通，味道較淡但是河粉的質量還可以十分香滑加上鹹魚露，胃口立即大開扎肉粉包 - 跟餐加二十元的扎肉粉包也交足功課，尤其是粉包的外皮十分煙韌，加上他們的醬汁一起來食，很想再添食青檸七喜 - 簡簡單單的青檸七喜味道清新十分適合現在的天氣飲用

新開諗住試下，見倒menu上嘅蟹膏鮮蝦蕃茄湯粉賣相相當吸引，鄰座食客嘅order都看似ok, 於是就照order, 等左一陣，同事嘅生牛肉湯河就來了，賣相ok, 同一般越南粉麵差不多，再等多一陣我碗蟹膏鮮蝦蕃茄湯檬就了，亞姐放低後，我相當懷疑係咪上錯左，一碗近乎水嘅淺淺淺橙色湯，兩舊仔蕃茄，幾粒豆腐卜，幾舊仔肉碎，蝦呢？蝦係邊？同埋佢俾錯左河粉我，於是問清楚亞姐係咪俾錯亞姐話無錯應該有蝦，問我摷左底未，我話堅係無蝦同埋我要檬粉，亞姐幫我換完之後仍然係無蝦，連嗰幾舊肉碎都無埋，我再問亞姐你menu 寫住'鮮蝦'，個圖都係有蝦，亞姐再幫我追蝦，結果來了兩隻霉蝦仁

日前試了間金越餐廳的食品，覺得海南雞好味又抵食。今日特地拉男友陪我一齊再來食。雞肉：份量夠，皮爽肉滑，唔會油膩。真的好出色！醬汁：酸甜辣，雞肉點上了醬汁更美味，連雞皮點汁吃更惹味油飯：呈現黃色，軟硬適中，好香口，但香而不油膩!湯：普普通通 總結：海南雞水準很高，價格亦很有良心。服務也在合格之上。誠意推介必吃之選

是日跟尖子看完mummy, 時間不早, 又非常肚餓, 隨意地來到新開的越南菜館---金越. 店內裝修挺有誠意, 帶點西式的感覺, 柔和的燈光, 坐得也算舒適. 可是, 原來一切只有外表. 看看menu, 點選了招牌火車頭牛肉湯粉(HK$78), 越式紅燒牛腩飯(HK$58), 大叻沙爹串燒(雞+豬)(HK$55). 不消一會, 侍應送上招牌火車頭牛肉湯粉, 看到湯底的顏色, 筆者開始心感不妙. 這麼深沉的顏色, 清甜極有限. 試一口湯底, 跟預期的一樣, 味精味實在太重, 令人失望. 配料生牛肉片, 牛腩片, 牛丸, 牛栢葉, 全是普通的街外貨色, 牛味不夠濃, 口感也韌. 越式紅燒牛腩飯, 正所謂低處未算低, 這客紅燒牛腩飯才是全晚的高潮所在. 從它的賣相, 水汪汪的, 又帶點咖喱的色彩, 真的很嚇人. 筆者一再詢問尖子, 這客是咖哩牛腩嗎? Ok, 當它是分子料理吧. 試一口牛腩, 天啊, 這根本就是煲湯的湯渣, 很”鞋”口啊! 筆者決定投降. 大叻沙爹串燒(雞+豬), 侍應告知雞肉串燒賣光, 原本轉了牛肉串燒, 但最終漏單. 經過招牌火車頭牛肉湯粉和越式紅燒牛腩飯的洗禮, 取消是