金西南米線

营业中

休息中

金獎腩肉展現了店家對辣度掌控的精準。微辣的金獎腩肉肥瘦相間，滷得入味卻不膩口，醇厚的肉香。特別值得一提的是那藤椒魚皮，酥脆輕盈，浸入湯中三秒後半脆半軟的絕妙口感，搭配藤椒特有的麻香，為這碗米線增添了令人驚豔的層次感。 麻辣手撕雞雞肉撕得粗細得宜，麻而不燥，辣中帶香。特別欣賞店家在麻辣中甜味，平衡了整體味覺， 金黃酥脆的外殼包裹著鬆軟的內裡，煉乳與巧克力醬的組合經典特別喜歡將饅頭撕開蘸醬的吃法，看著醬料緩緩滲入饅頭的孔隙中自選的酸辣小鍋米線辣的湯底酸得開胃，辣得溫潤，完美襯托出滷水豬大腸的濃郁與肥牛的鮮嫩。滷水雞翼入味至骨，蟹柳增添了一絲海鮮的甜味，而煮得透亮的蘿蔔則像海綿般吸飽了湯汁精華，每一口都爆出鮮美的滋味。米線本身煮得恰到好處，既保留了彈性，又能完美裹附湯汁。最後以一杯冰涼的豆漿作結，濃郁的豆香與恰到好處的甜度

應該係我食過最高質米線，首先我一定係會試試個湯底先，香濃而不鹹，湯底味道非常有層次。我哋叫咗兩碗酸辣小鍋米線，有魚肉春卷、竹笙、貢丸、魚皮餃、蘿蔔，另一碗都係酸辣小窩米線，有金獎腩肉、滷水豬大腸、豬膶、竹笙、鯊魚丸。佢每樣食材俾我哋嘅感覺都係高質，睇得出每樣食材都係好用心處理，另外在仲有三個小食，有炸皮蛋豆卜配甜酸醬、椒鹽炸燒賣、炸海鮮卷。首先炸皮蛋豆卜真係聽到未聽過，一口咬落去外層豆卜脆卜卜配合香濃嘅皮蛋味，真係好好味，另外嗰炸海鮮卷外脆內軟，勁好味，椒鹽炸燒賣都係熱辣辣，感覺全部小食都係即叫即做。整體嚟講金西南米線俾我哋嘅感覺係所有食材都係好用心處理，而且都係高質食物。

位於旺角的金西南米線，主打招牌米線、各款小食，仲有新推出既限定產品~金牌飯。我同朋友都餐廳既酸辣小鍋米線，湯底酸辣平衡，香氣撲鼻，令人食指大動，配料分別點左肉質鮮嫩既金獎腩肉（微辣）、滷味香濃既滷水豬大腸、鹽香手撕雞；另一碗就點左惹味墨魚頭、肥瘦均稱既肥牛、爽滑魚腐，口感層次豐富。除左米線，小食都非常出色，藤椒魚皮爽脆微麻；椒鹽炸魚蛋香口彈牙；炸皮蛋豆卜配甜酸醬，創意十足；炸海鮮卷配沙律醬，外脆內鮮；鴛鴦炸饅頭配煉奶同朱古力醬，甜品級享受，令人回味無窮。飲品方面，椰汁馬蹄爽清甜解膩；西柚汽水酸甜醒神，完美配搭各款主食。總結，餐廳不但係米線界嘅佼佼者，小食和新產品都展現出用心與創意，味道出眾，值得一再回訪。

最近我同朋友去咗一間旺角一間主打米線嘅小店，佢哋主打一人餐，選擇好豐富，特別吸引我嘅係酸辣小鍋米線。酸辣小鍋米線呢碗米線真係一絕！湯底酸酸辣辣，口感十足，唔會太過刺激，但又有一種讓人食得停唔到的感覺。米線吸收咗湯汁，滑滑嘅，配合入面嘅配料，真係一流。朋友叫佐牛筋丸彈牙，咬下去有肉汁噴出，貢丸就更加香口，肉質緊實，唔會有鬆散嘅感覺。我自己就叫佐我叫咗滷水豬肚，豬紅，香腸，豬皮，蟹籽丸，熱氣騰騰嘅鍋端上嚟，鍋底嘅湯色紅紅的，散發住酸辣嘅香味，真係引人入勝。藤椒魚皮（細）呢個小食都幾特別，魚皮炸得香脆，食落去有啲微微麻麻嘅感覺，配合藤椒，味道好有層次，唔會單調，呢個配搭真係幾夠味！椒鹽炸燒賣炸燒賣外表金黃脆口，入面嘅肉餡好鮮嫩，咬落去有肉汁流出，搭配椒鹽，每一口都令人滿足。佢哋用嘅肉質選得好，唔會有腥味，真係食得過癮。麻辣手撕雞呢個菜色真係好惹味，雞肉撕得細細條，麻辣味十足，辣得剛好，唔會過火。雞肉鮮嫩，加埋佢嘅香料，口感好豐富，食完之後令人心情愉快。@kamsainam.noodle地址：旺角花園街3-5號鴻威大廈9號舖

金西南米線旺角花園街3-5號鴻威大廈2座地下9號舖呢個位置係幾方便，而且容易搵家樂坊一出嚟廣華醫院附近而且裏面簡單裝修設計 下午茶時間都幾多人自選|酸辣小鍋米線結合了酸、辣、鮮、香的美味料理 米線最緊要夠滑喜歡挑戰味蕾的人士 建議你哋食辣啲我食小辣已經夠晒了竹笙 魚蛋 蟹子丸 黑木耳 叫左好幾款 肚餓要食多啲野鴛鴦炸饅頭 煉乳＋朱古力醬 簡單 好食 鹽香手撕雞手撕雞連帶芝麻同雞皮一齊撈 幾好幾惹味唔係淨係雞胸肉 所以食落去唔會好柴

以前係銅鑼灣食過呢間米線，最近知係旺角開咗，方便左自己，所以約朋友行街再食。覺得分店非常乾淨，唔會好油膩。一坐低見到餐牌都多左新款小食，有鴛鴦炸饅頭、炸皮蛋豆卜等。我地二人各叫左一人餐的小鍋米線，包一碗兩餸米線、一款小食及一杯飲品，套餐都只需$76，係非常抵食我叫左金獎腩肉、墨魚頭中辣小鍋米線（少米），一開頭見到店員送上台時嚇了一嚇，好大碗腩肉好淋身，而且好入味；墨魚頭就切到有啲細粒，但都冇阻到佢爽彈嘅口感。其實最中意係佢既湯底，唔會太咸，夠酸夠辣。而朋友則叫左小辣的鱈魚豆腐及墨魚頭。對於佢黎講，小辣就岩岩好。另外：一人小食我地係叫左麻辣手撕雞同滕椒魚皮。我地都超級中意個魚皮因為味道岩岩好，不會太辣，而且食到魚皮非常爽脆，勁有口感；手撕雞雞肉唔會太鞋。最後每人仲叫左野飲，罐裝凍檸茶同豆漿，食到最後真係棒住個肚走。下次會再試其他小食

## 食評：金西南米線今日去咗金西南米線，地點幾方便，入到去店員嘅態度好好，令我哋感覺被受重視，亦都聽到佢同隔籬枱噓寒問暖。### 食物評價1. **米線**： - 今次我哋嗌咗兩碗米線，每一碗都加咗好多餸，份量真係好多！有我哋最鍾意嘅豬紅、大腸，仲有雞翼同埋一啲丸，味道非常豐富，食得好滿足。2. **小食**： - 小食方面，椒鹽燒賣同埋魚蛋啱啱整起，熱辣辣好香口，特別推薦！海鮮卷就普通啲，味道一般般。3. **豆漿**： - 豆漿味道順滑，飲落去感覺好舒服。### 總體評價整體嚟講，米線一上嚟就覺得好豐盛，米線嘅份量多，餸亦都好多，性價比高。下次再來試其他新菜式！

趁住老公瞓晏覺之際，落街食個下午茶先🤭屋企樓下選擇實在太多，小妹偏向食啲新餐廳，今次揀咗一間門面好型格好年輕的米線店—「金西南」！呢度有位小妹覺得好時尚的男經理，如果你哋有嚟就會明白🤭店內風格係有港式麵店特色、再加橙色金屬元素，因為以往粉麵店喺大家嘅印象都係木圓枱配綠色筷子🥢呢一度係主打不鏽鋼顏色配橙色筷子，幾young 的設計🧡🩶環境舒適，感到清涼😁剛好係下午茶時間，金西南連假日都有下午茶供應，真係太好了❣️小妹選擇了《招牌酸辣小鍋米線》但係走辣肉碎走酸菜😂😂，配料揀墨魚丸，再加多$12要椒鹽燒賣，飲凍豆漿😍小窩米線的湯底有酸菜味，味道係幾特別，雖然小妹唔鍾意食酸菜但係可以接受呢個湯底😊；每一粒墨丸都有墨魚粒，非一般墨魚丸，非常滿意👍🏻；重點椒鹽炸燒賣好抵食，街口有間小食店賣緊廿蚊九粒，呢度可以一舉兩得，又食到米線又食到椒鹽燒賣，正正子🥰在旺角的米線暫時最喜歡農米莊雞湯米線，而呢間金西南都可以接受嘅，下次放假有可能會再嚟幫襯😋😋可能帶埋老公亦唔出奇㗎，等待下次再分享俾大家！

米線愛好者既我今日終於食到金西南米線啦，呢到專做酸辣湯底!米線配料有好多，丸類都好多，連比較特別既墨魚頭都有! 本身湯底係有辣肉碎，唔太食得辣既人都可以好似我咁簡BB辣，咁就可以試到佢既肉碎粒! 米線大大碗，湯底酸度岩岩好，易入口，本身既酸菜都好好食。辣肉碎好惹味，呢個辣度對我黎講岩岩好，好開胃! 米線口感彈牙，而且好掛湯。見到腩肉係寫住金獎，即刻叫左黎試下。腩肉肥瘦分明，原先有醃過，所以好夠味。紅腸仲係煎香過，唔係就係碌熟就算，好有誠意! 墨魚頭口感Q彈，配米線食都幾夾。滷水豬大腸都唔錯! 另外要提既係佢既小食，都幾有驚喜! 炸皮蛋豆腐係必食! 豆腐炸得好酥脆，一咬落去就feel到，皮蛋就包住係中間入面，做到外脆內軟既口感。再配埋甜酸醬，係一個好好食既炸物。麻辣手撕雞份量多，雞肉嫩滑而且夠麻!

米線薯粉都好好食薯粉又好，就算每日食都唔會厭由銅鑼灣去到旺角店，對我嚟講方便好多可以更常食店內都好多位，坐得都舒服店員都超好勁nice餸有超多選擇1人餐酸辣小鍋米線包兩個餸(其他每項收費)，有優惠價加飲品同小食薯粉唔洗額外加錢其中一樣好正嘅係咩都可以自選唔止手撕雞，主食都可以揀要唔要韭菜、芽菜、芫荽、蔥、花生如果有想要嘅仲可以揀多啲花生好香口好脆﹗當然必試金獎腩肉(微辣)小小辣調味夠晒入味，肥瘦部分都有，好有咬口魚肉春卷、豬紅都好食揀咗BB辣，辣度比較溫和，酸味比較出酸菜好入味另外一碗係掠拌，都揀咗薯粉男朋友唔好辣但陪勁中意食米線嘅我食好彩可以揀走辣肉碎幼薯粉好有咬口彈牙又夠掛汁，好正本來睇menu果陣已經決定好要食手撕雞見到小食有細嘅就加咗，只係$8其實都唔細份，手撕雞充滿麻香味椒鹽炸燒賣好有驚喜﹗大推﹗熱焫焫上枱，椒鹽好惹味居然仲有鴛鴦炸饅頭，有煉乳加朱古力醬即叫即炸，外皮夠脆夠熱豆漿同茶超滿足嘅一餐

今日就去左旺角新開既金西南米線。金西南本身就係銅鑼灣起家，早排重新rebrand ，亦到衝出港島係旺角開分店，當然要再試吓啦！餐廳主打自選熱拌同酸辣小鍋麵。自選配料夠多，有豬肚、豬潤、肥牛、鹽香手撕雞、丸等等，非常豐富！辣度、醬汁以至配菜（酸菜、花生等）都可以可加可減，自由組合想食既口味！兩款自選麵都包份量好足既辣肉同配菜，抵食！🔶熱拌薯粉：醬汁夠哂惹味，撈薯粉一流，食完又唔會好口渴，唔錯。蘿蔔鮮甜無渣，星星鱈魚丸亦都好少搵到，加埋夠哂juicy既醬爆丸，好食！🔶小窩米線：湯底酸酸辣辣夠哂開胃，米線軟硬適中又吸湯。手撕雞同豬紅夠哂入味，豬潤亦都爽口！🔶麻辣手撕雞：雞肉幾嫩滑，亦都好入味，值得一試！

琴日路經旺角，比一間叫「金西南米線」嘅餐廳吸引咗目光，事關佢嘅裝修係80年代嘅茶餐廳裝修，非常復古，放是我就同朋友入咗去試吓，叫咗兩款米線同兩款小食。首先係肉燕餃腩肉小鍋米線🍲。湯底濃郁，配料都幾豐富，肉燕餃同腩肉份量都足夠。重點係碗米線超級大碗！！！！另一款係牛肝菌炸醬豬大腸熱拌薯粉🍝。牛肝菌酸酸辣辣幾開胃，炸醬正常發揮，豬大腸處理得乾淨，冇異味，而且有咬口，撈埋一齊食幾惹味，同樣地係超級大碗小食方面，叫咗藤椒魚皮🐟同麻辣手撕雞🐔。藤椒魚皮麻麻辣辣，幾開胃。麻辣手撕雞辣度適中，雞肉嫩滑。整體嚟講，呢餐都幾好，份量爆燈，味道都唔錯，而且價錢唔貴，十分抵食，下次可以再試吓其他款式。

今天我和老婆前往旺角的金西南米線享用晚餐，這家店位於花園街3-5號的鴻威大廈9號地舖，環境簡約卻充滿了熱鬧的氣氛，讓我們感受到溫馨的用餐體驗。我們點了一人餐的酸辣小鍋米線，湯底酸辣適中，米線吸收了湯汁的精華，口感滑順。搭配的滷水雞翼肉質鮮嫩，帶有香料的味道，讓人一試成主顧。豬紅則是豐富的配料，吸收了湯頭的味道，讓整體風味更加層次分明。飲品方面，我們選擇了(凍)豆漿，豆漿香濃自然，喝下去非常清爽，為這一餐增添了不少清新感。除了米線，我們還點了一人餐的酸辣小鍋薯粉，搭配了BB辣、酸菜和花生，這些配料的加入讓口味更加豐富。金獎腩肉微辣，肉質滑嫩，十分美味。鹽香手撕雞和魚肉春卷也都很受歡迎，春卷外脆內嫩，口感極佳。我們還叫了幾道小食，包括藤椒魚皮和椒鹽炸燒賣，炸燒賣的口感酥脆，搭配生菜一起吃，更加清爽。之後，我們品嘗了鴛鴦炸饅頭，裡面有煉乳和朱古力醬，讓人回味無窮。日式棒餃則配上紅醋，味道獨特。炸皮蛋豆卜搭配甜酸醬更是讓人驚喜，五件的份量剛好夠分享。整體來說，金西南米線不僅提供了美味的米線，還有多樣的小食選擇，是一家值得再訪的好地方！

小暑 未到已經咁鬼熱，見到呢間 金西南 光猛嘅門面，清雅嘅裝修，木紋米白色主調，仲有涼拌米線。入去試吓。一定要試吓佢哋嘅炸皮蛋豆卜，都幾搞嘢，好似啲 鬼馬乜乜 咁。手搓糖心皮蛋 塞入粒豆卜裏便，心機手工嘢。佢哋嘅加送好抵。我加咗滷水大腸$9，好多件。if過隔離企街嘅龍津$9一定買唔到咁嘅份量。金牌腩肉，果然名不虛傳。甘香嘅肥膏黐住圓滑嘅腩肉。藤椒魚皮 好出色。魚皮夠厚 好爽口 又彈牙。唔係好辣，但係好香口。哥哥仔好好相與，見我哋坐喺窗邊位置食到滿頭大汗，私伙扇出埋，主動咁重新安排我哋坐喺舖頭入邊冷氣勁啲嘅位置。

之前聽住銅鑼灣嘅朋友介紹過呢間原來依家旺角都有 方便我呢啲少過海嘅人🤣舖頭喺花園街雲雲食肆中 好易搵裝修都靚靚仔仔 望到入面幾闊落你知啦 大熱天時食米線都想同隔離有啲距離🤪食得湯麵多 所以如果間嘢有撈米線嘅話我都會揀食撈米線🍜咁啱坐低嘅時候開始左下午茶 幾抵食今日有大胃仔陪我包底 可以任叫🤣滷水豬肚/魚蛋/牛肝菌/蘿蔔/竹笙/冬菇魚蛋係炸皮魚蛋 大粒又彈牙牛肝菌比較少見 幾有心機基本配備蘿蔔炆得好腍又冇渣滷水醬汁/ 撈米線個汁偏濃味 所以跟餐嗌烏龍茶好Perfect麻辣手撕雞（小食）小食嚟講都好足夠2 個人share食落唔算太油 但又好夠麻辣啖啖肉 鍾意食肉嘅唔好錯過整體食物質素唔錯～環境舒適～價錢親民QR code 好在咩都可以自己揀～～地址：旺角花園街3-5號鴻威大廈9號舖#kamsainam.noodle