金西南米線

营业中

休息中

近排老婆迷上左食米線，今日特別出旺角帶佢黎食呢間「金西南」😁入面裝修好傳統風格，地方大都坐得幾舒服呢到出名招牌腩肉，我地叫左熱拌米線，腩肉半肥瘦勁軟身，超香濃肉味！😍拌米線最中意呢到唔會睇到碗底全部都係油，醬汁落得岩岩好勁抵讚，米線全部索晒機味，撈埋少少辣既炸醬食真係無得彈！豆漿亦係每次黎我都必叫，係勁傳統麵檔啲即磨豆漿味，豆味濃郁唔係合成既味道🤞小食同樣好特別，最推薦呢個皮蛋炸豆卜，先唔講豆卜炸到勁脆身，咬落直頭有聲，入面仲包左皮蛋係到勁有心機，好特別係呢到先有得食😆其他炸物如炸燒賣、春卷都係即叫即炸熱辣辣好新鮮麻辣手絲雞就第一次食，老婆勁想食一於就試下，估唔到都ok雞肉軟身，少少麻唔會太辣幾過癲😀

有次喺旺角搵晚飯，經過「金西南米線」，係以前係銅鑼灣成日食，原來開咗旺角分店，就入去試下。主打雲貴風味嘅小鍋米線，即叫即煮，啱晒鍾意食辣嘢嘅人！我叫咗鯊魚丸、鹵水豬肚酸辣小鍋米線，湯底香辣惹味，酸味開胃，辣度唔會死辣，幾順口。鯊魚丸彈牙，豬肚夠爽，份量唔少，最後飽到食唔晒。不過最驚喜一定係佢哋招牌「金獎腩肉」！我叫咗做涼拌米線，拼埋豬大腸同牛肝菌，涼拌麻香味好正，但重點係個腩肉，炆得夠腍又入味，脂肪位唔膩，瘦肉位又唔鞋，入口即溶，完全唔會覺得heavy，真係明白點解係鎮店之寶，推介！小食方面叫咗幾款：麻辣手撕雞啖啖肉又唔乾，麻味十足；椒鹽炸魚蛋外脆內彈，有少少九層塔香，幾有特色；炸皮蛋豆卜配甜酸醬，酸酸甜甜中和晒炸物嘅油膩感；而白烚菜心就中規中矩，解一解膩啱啱好。飲品方面就叫咗豆漿同罐裝椰汁馬蹄爽，豆漿唔太甜，有豆味；椰汁馬蹄爽就清涼解辣，一啖飲落去好爽！總括嚟講，「金西南米線」真係CP值高，味道夠地道，選擇多，服務都算快，特別係招牌腩肉，真係要encore。下次一定會再嚟幫襯，可能試埋佢哋其他辣鍋口味！

今晚晚餐黎左呢間價錢親民的餐廳食米線，佢的米線有湯，有熱撈凍撈選擇，如果唔想食米線，仲可以轉薯粉。酸辣小窩米線（入邊已經有辣肉碎，韭菜，酸菜，芽菜，花生，芫荽同蔥），湯底揀BB辣，唔算太辣。揀左金奬腩肉、鹽香手撕雞、墨魚丸。腩肉係有少少辣，份量都幾多，入口好淋同入味，肥瘦適中；手撕雞咸香味夠；墨魚丸，有三粒，都幾彈牙。一人酸辣小窩米線套餐包咗兩樣餸，揀左滷水雞翼同魚肉春卷。雞翼好入味，魚肉春卷有兩大條。跟餐小食揀左椒鹽燒賣，有六粒。飲品加$3要罐裝凍檸茶，原來係文華冰室出品，茶味比一般罐裝檸檬茶濃，同埋唔會太甜。鴛鴦炸饅頭（煉奶+朱古力醬）饅頭有三件，就算我哋食晒成碗米線先食都keep到脆卜卜👍👍

好耐之前喺銅鑼灣食過呢間米線，而家旺角都開咗分店，唔使特登過海都可以食到好味米線！餐廳環境闊落又乾淨，店員嘅服務都好親切～✨豬膶炸醬魚肉春卷酸辣小鍋米線朋友呢碗簡咗中辣！豬膶爽口！炸醬微微辣，撈米線一流！魚肉春卷彈牙，魚肉味特別香濃！米線軟腍而且掛汁能力高～✨金獎腩肉牛肝菌滷水豬大腸酸辣小鍋米線而呢碗就簡咗小辣！金獎腩肉肥瘦均勻！滷水豬大腸滷得好入味！牛肝菌酸酸辣辣，口感軟腍略帶有彈性！湯底酸酸辣辣好開胃～✨麻辣手撕雞肉質嫩滑，微辣惹味～✨椒鹽炸魚蛋炸完嘅魚蛋保持爽口彈牙～✨椒鹽炸燒賣燒賣經炸完之後變得香脆可口，加咗椒鹽更惹味～✨凍豆漿入口順滑，豆香四溢～餐廳而家已經有2間分店啦:📍 旺角花園街3-5號鴻威大廈9號舖📍 銅鑼灣登龍街41-51號金龍大廈D號舖

由銅鑼灣店未裝修之前已經支持，覺得樣樣野都好好食，所以經過旺角即刻入去，今日冇牛肝菌，叫左雞翼腩肉米線，一入口就搞唔掂，湯底好咸好咸，咸到要加水先食到，腩肉好小味道幾好，雞翼2隻，都係好咸，成個味道已經唔同以前，好失望😞

今日同朋友去咗旺角食晚餐，朋友提議去金西南米線食雲南米線，這間餐廳位於花園街3-5號鴻威大廈二座地下9號舖，旺角站E2出口行幾分鐘就到，非常方便，入到餐廳都有很多顧客，餐廳地方寬敞整潔，裝修得溫馨，枱凳擺放整齊，令人坐得舒服。餐廳餐牌菜式不少，主食是招牌小窩米線及涼拌米線，都包含秘製辣肉碎、酸菜、芽菜、韭菜、花生、芫茜、香蔥，仲可加自選配料來食，令口感非常豐富。金西南食物質素好，價錢又唔貴，又冇加一，店員服務態度都好，值得推薦俾大家來食。酸辣小窩米線（BB辣）酸辣小窩米線湯底酸辣平衡，配料多樣且各司其職，滷水豬大腸外皮微彈，內層軟嫩，滷得入味且無腥味，味道滷水香濃，帶五香和輕微甜味，搭配酸辣湯底更解膩。滷水雞翼肉質滑嫩，皮層吸附滷汁後不爛，咬下易脫骨，味道滷香溫和，鹹甜平衡，與酸辣湯融合後層次更豐富。墨魚頭爽脆彈牙，新鮮無腥，切片厚度適中，味道海鮮鮮甜，沾附酸辣湯汁後更開胃，秘製辣肉碎只是微辣，細碎帶微顆粒感，乾香不油膩，酸菜脆嫩無渣，酸爽帶微甜，解辣神器，芽菜生脆多汁，清淡豆香，中和濃郁湯底，韭菜嫩葉軟滑，根部微脆，辛香突出，花生油炸後酥脆，顆粒完整，增添油脂香氣，芫荽葉片細嫩，清新

新開人氣米線專門店可選清湯及酸辣湯底，還提供兩款米線，分別是酸辣小鍋米線和涼拌米線。必試這𥚃的招牌金獎腩肉米線，還加上秘製辣肉碎、韭菜、酸菜，米線口感彈牙，腩肉入味酸酸辣辣，十分開胃。牛肉飯好大碗，香噴噴肉味香濃，牛肉油脂豐富，口感軟嫩，淋上秘製醬汁，份外惹味。藤椒魚皮薄薄地切成片，香辣Q彈，充滿麻香味，冰涼爽脆。手撕雞經過冰鎮處理後，口感更嫩滑，再拌入香濃的花椒油，味道多層次。炸燒賣炸到金黃色，外脆內軟，好有酥脆口感。炸魚蛋香口煙韌，帶有淡淡的魚鮮味，美味可口。

之前係銅鑼灣經過見到呢間金西南米線🍜，聽講係銅鑼灣開咗好多年，最近重新裝修，而且係旺角開左分店！🆕我哋叫左1人餐酸辣小鍋米線，再加小食😎你哋會唔會share餸食😂我哋每人叫3餸share食一次過食到6款餸🤣🔸1人餐 | 酸辣小鍋米線 BB辣👶🏼🌶️湯底真係唔錯，我呢個BB辣都接受到，夠惹味酸酸地又唔會太鹹，食完冇口渴。滷水豬大腸 🐷 好入味無臭味👍🏻滷水雞翼都ok夠入味 🍗 墨魚頭 🦑 爽口彈牙，推薦💯加左小食椒鹽炸燒賣，好香口炸到外脆內軟，好彩跟餐細細份唔係太熱氣。加左杯凍豆漿🥤 🔸1人餐 | 酸辣小鍋米線 中辣🔥金獎腩肉肥瘦適中🐷滷水豬肚 🐖 份量好多！好有咬口😋 蘿蔔清甜無根🈴小食要左麻辣手撕雞🍗 唔係好辣不過雞肉幾滑。

今日我約朋友，嚟叫酸辣小鍋米線首先講下湯底，呢碗米線用嘅係素湯，雖然係素嘅，但味道一點都唔淡，酸酸辣辣，夠刺激！我覺得酸味同辣味平衡得好好，唔會太過火，啖啖都好有味。米線本身都吸咗湯汁，食落特別滑，口感非常好。底下仲有啲BB辣，辣味逐漸升起。至於配料方面，我加咗多樣嘢，首先係豬紅，口感嫩滑，配合湯底真係一絕。牛筋丸就更加正，彈牙，吃落好有咬勁。另外，蟹子丸同日本鱈魚豆腐都唔可以錯過，尤其係豆腐，形狀似星星，食落滑嫩。我仲試咗麻辣手撕雞（細），雞肉好嫩，麻辣味十足，香氣撲鼻另外，藤椒魚皮（細）好脆

米線店，門面簡樸但香氣超勾人！湯底絕對靈魂！金紅色湯頭酸辣度剛剛好，飲落完全唔膩，連平時唔飲湯嘅朋友都飲到見底🤤​必試薯粉代替米線！粗身 Q 彈兼超吸湯，咬落卜卜聲軟韌有勁，每一啖都夾雜湯汁精華～金獎腩肉肥瘦均勻，肥膏軟腍瘦肉入味，表面掛滿濃湯，鹹香帶辣超過癮🥩！麻辣手撕雞都係必點，雞肉撕成細條拌麻辣醬，辣度適中麻味回甘，配蔥絲芝麻香到飛起，開胃一流🐔～​雞翼煮得夠稔，雞皮吸滿湯汁帶微辣，肉質嫩滑，作為配菜夠稱職～​服務仲要加分！門口服務員笑臉迎人，店員落單會細心問口味，上菜提醒湯熱，主動添水換碟，態度親切有禮，完全唔覺忙亂💯​！

呢間主打地道酸辣風味的小鍋米線同涼拌米線。米線配料豐富，辣肉碎、酸菜、韭菜、芽菜、花生、芫荽及蔥的搭配，帶來層次豐富口感及味覺刺激，好入味！招牌推介🔸酸辣小鍋米線 1人餐💰68起 套餐包含2款小菜、1款小食及1杯優惠飲品，人氣配搭包括金獎腩肉同滷水豬大腸，味道醇厚，腩肉肥瘦相間，豬大腸入味彈牙。仲可以自由加配多花生和多酸菜，讓湯底更加濃郁層次分明。🔸涼拌米線（熱撈/凍撈）💰38起 涼拌米線亦是店內熱門選擇，可以選擇熱撈或凍撈，配料豐富，滷水豬肚、滷水雞翼及鮮嫩墨魚頭齊上陣，辣肉碎多到滿足味蕾，吃得過癮。招牌小食推介🔸炸皮蛋豆腐配甜酸醬（5件）💰22 外層炸至金黃酥脆的皮蛋豆腐，內裡細膩柔軟，搭配酸甜開胃的甜酸醬，口感豐富，令人回味無窮。必點！！🔸鴛鴦炸饅頭（3件）💰25 創意十足嘅炸饅頭，配搭煉乳同濃郁朱古力醬，外脆內鬆軟，甜而不膩，可以當甜品～🔸黃金炸咖喱角💰25 咖喱餡料香濃，炸至金黃酥脆的餅皮包裹著濃郁咖喱，香氣撲鼻。🔸黃金炸迷你春卷-素食（5條）💰25 外層酥脆的素食春卷，內裡餡料新鮮，素食者也能大快朵頤。

被安排到一個近門口完全感受唔到冷氣既角落，但見店內已坐滿所以未有同店職員講要轉到其他位置，叫完野食一陣發現有幾張枱走左，就同男職員講位置太焗可否轉一轉，男職員用一個貌似有禮但感受唔到真心想協助既語氣同我講「叫左野食未先，叫左野食就真係冇得轉嫁喇，廚房d單會亂」，廚房d單因為轉枱而亂我係體諒既，但其實d野食出齊的話，都應該可以安排顧客轉枱啦，男職員完全冇咁既打算！！！最攪笑係見到男職員要求另一枱客人為佢轉枱，而呢位客人都係已經叫左野食，呢個又係咩玩法？ 問題真係你間餐廳太熱，仲要食辣，叫人點享受你地既食物，食到我同我朋友件衫都全濕可以扭得出水，我本身好肚餓正常食到全碗，但太熱攪到完全冇胃口食剩大半碗就走，真係食到一肚氣，就算幾好食都好，都唔會再幫襯！

一直喺銅鑼灣好鍾意呢間米線店❤️今次開左黎旺角黎試下😛座位比較闊落而且裝潢比較有設計感🎨可算是一種MK風格🤣米線果然冇令我失望無論酸辣同麻辣味道都好出色🌶️⭐️ 自選小鍋米線 🍜米線本身包含肉碎酸菜韭菜芽菜等配料🥬 酸辣得黎好有層次充滿鮮味🐷 配料選擇咗肥牛芝心丸同魚肉春卷等嘅經典配料🍥索曬湯汁好入味呢⭐️ 熱撈涼拌小鍋米線 🥘麻辣口味配上熱撈特別惹味🤪值得一讚真係滿滿麻感❤️‍🔥 秘製金獎腩肉果然名不虛傳🥇 肥瘦分明充滿油香好邪惡🥓另外叫咗大腸豬肚同雞翼蘿蔔都好入味🥩⭐️ 椒鹽炸魚蛋 🐟⭐️ 麻辣手撕雞 🍗小食同樣好有水準❤️ 手撕雞啖啖肉配上麻辣味道好正🐔 炸魚蛋就好香口彈牙🌊⭐️ 炸皮蛋豆卜 🍳釀豆卜包住皮蛋酥脆得來又有好得意既口感🥹 配上酸甜醬好有街頭小食既風味呢🍊⭐️ 油菜 🥦食完辣配返碟蔬菜就啱啱好🤪生菜十分新鮮💚

最近成日都好想食米線 今次同朋友嚟食裝修環境幾乾淨舒適 坐低係用qr code落單我叫咗一人餐酸辣小鍋米線🍜本身包酸菜 芽菜 韭菜 辣肉碎 花生 芫茜 蔥湯底揀咗小辣 酸酸辣辣 幾惹味🌶️而配料就揀咗秘製金獎腩肉 滷水雞翼 肥牛 一上枱見到碗米線就覺得好足料 份量都幾大腩肉肥瘦適中 食落幾腍 微辣幾香口而雞翼係幾入味 肥牛就正常發揮跟餐飲品就要杯凍豆漿 用嚟解辣就啱啱好👍🏻跟餐小食就揀咗椒鹽炸燒賣上枱係熱辣辣 外脆內軟 唔會太油膩 朋友叫咗碗涼拌熱撈薯粉 辣度就要BB辣 配料揀咗墨魚頭 滷水豬大腸 豬潤 蘿蔔 豬紅朋友share咗啲墨魚頭俾我試 口感食落幾爽脆👍🏻佢覺得其他配料都唔錯 食得滿足😋😋藤椒魚皮魚皮食落幾爽口 辣辣地 又麻又香 正🤤🤤炸皮蛋豆卜炸豆卜入面包住皮蛋 口感幾得意面頭有啲甜醬 食落就冇咁寡油菜啲菜心幾新鮮🥬食咁多邪惡嘢 要食啲菜平衡番😙

ෆ⃛ 金西南米線ෆ⃛終於係旺角開左分店嘅米線，店員非常有禮貌，想食米線嘅話又多個好選擇呢🍜♡︎.*▶︎▪︎◀︎.* .*・゜ ♡︎.*▶︎▪︎◀︎.* .:*・゜ ♡︎.*▶︎▪︎◀︎.* .*・゜♡ 1人餐｜酸辣小鍋米線$68起 ♪今次叫分別叫左2個一人餐，米線餸菜點選左蘿蔔，滷水雞翼，滷水豬肚，腐竹，鹽香手撕雞，墨魚頭🐙酸辣湯底會跟上肉碎，味道口感豐富，米線滑身爽口份量多，非常滿足。滷水豬肚滷到已經深啡色，爽口彈牙入味有驚喜！手撕雞雞味濃郁，感覺係由原隻雞撕出嚟，而唔係單單雞胸雞髀肉嘅味道，超讚(⁎⁍̴̛ᴗ⁍̴̛⁎)而蘿蔔都係超巨型的，清甜冇乜渣🥢 ᗦ↞︎◃︎ 值quota指數: ✿✿✿✿ / 5 小食-麻辣手撕雞38$♪ -椒鹽燒賣12$♪ -日式棒餃（配紅醋）25$♪ -菜心20$♪ ᗦ↞︎◃︎ 值quota指數: ✿✿✿.✿ / 5✎ 總括：店員有禮，環境乾淨，米線無論份量同埋味道都表現出色，想食米線不妨一試✐✼ 加一服務費✘ෆ̈金西南米線（旺角）✇ 地址：旺角花園街3-5號鴻威大廈2座地下9號舖