金裝燉奶佬餐廳 (已結業)

同朋友食午餐，叫了咖喱牛坑腩飯同忌廉大蝦意粉，超級難食！咖哩牛坑腩飯，飯係散的，牛腩冇味，咖喱稀到似水，意粉重衰、大蝦，海鮮什至意粉全部都係水煮，冇味只係加個汁上去，極難食，唯一係野飲好飲，檸茶同凍啡一流

今晚叫左個鐵板美式雜扒餐，幾好食，豬扒入面仲有種特別香味，$66值得一試！特飲水晶綠茶賣相一般，個人覺得太甜。服務態度一般，給我的感覺不太友善，整體上扣左少少分。

早收工~ 又飛去荃灣搵食~ 好耐冇黎啦, 因為自上兩次黎過都覺得唔係咁好食就冇再黎, 突然又醒起佢, 比個機會佢啦~今日黎到, 發現餐牌都轉埋lu, 多左好多野食咁, 有啲驚佢唔知會唔會樣樣都唔精......???????冇啦, 入左黎坐都要食架啦, 最終我叫左個炸魚羅宋湯扭扭粉再加左好似$8蚊加個忌廉涼粉西米露。老公跟風law, 叫左個豬扒羅宋湯意粉, 加$8蚊要凍OT!~野飲甜品一落完單幾分鐘就到, 野食就等左都十幾分鐘竟然都係黎得個豬扒意!!!!! 我心諗我個炸魚係唔係真係即炸咁好死呢, 點知等多5分鐘就到左, 我即時試一試個炸魚............正! 真係剛剛炸起架, 配沙律醬好好味, 即時回復反小小信心!!  試埋個湯, 就比較淡左小小, 希望佢可以再濃D會好味好多囉!!!!可能我對凍檸茶o既要求高啦, 我覺得佢個檸茶好難飲......好澀呀.......>_<"另外個涼粉西米, 涼粉多過西米, 西米小得滯囉.....不過佢個椰子底真係依舊好香好正呀, 希望佢唔好咁慳, 比反多小小西米人地食啦!!!!

今日喺呢區做社會服務令,因為自己初到貴境~唔係好熟附近有野食的地方~行下望到呢間,感覺話晒都係連鎖店,相信應該信得過,所以入左去先醫肚子~入到去左望右望,見到几個服務員行黎行去,佢地望左我兩眼,但冇主動招呼,令我心中覺得可能時間太早所以未開始辦工,有少少唔好意思地問其中一個服務員係咪未開工,佢居然回應:唔係~你想坐邊就坐邊LA…吓~~咁都得..OKOK坐下~D枱櫈唔係太舒服~卡位有少少迫~但又唔想坐圓枱,所以屈就下~睇過餐牌~一般茶餐廳的選擇~基本餐可以加錢加配料,每樣都有價講~!我就點左個吉列魚炒蛋感覺唔夠飽,所以加左錢買餐肉…黎到仲係覺得份量太少~再加錢加左個雪菜米線…吉列魚 – 感覺都算大件~放喺雪到變黃的菜上~有點冷清~入口夠熱~但係一D都唔吉列~魚肉好薄,外層很厚又硬~唔係太好味炒蛋 – 好細件~唔似係即炒~入口感覺就好似炒起好耐先拎出黎的貨色,兩片餐肉 – 不得不話廚師好刀功好火候,餐肉切得一蚊咁薄~而且仲鬼咁好火~煎得鬼咁燶~咬落去變得卜卜脆~一D肉感都冇雪菜肉絲米線 –雪菜同肉絲都大大條~加埋D清湯米線唔會太重咸味~簡單到冇得彈~價錢只係加$6,絕對抵食個兩片薄切餐肉~

談起燉奶佬就會勾起兒時回憶，記得以前有一陣子好像有好多燉奶佬，就如曾經風行的扒王之王般。年初二的下午，經過荃灣大壩街的燉奶佬，突然想吃個下午茶！去到差不多三點，不過仍沒有下午茶的餐牌，一問才知三點才開始，等了一陣子侍應才逐一換上餐牌。細閱餐牌，選擇頗多，但款式卻過於「特別」，煎炸物偏多，有點難選擇。如果有點輕盈選擇會較好。最後點了紅豆西多士餐。之前經過時看到門外的餐牌已經覺得很特別，但因為適逢新年時難免多吃油膩的食物，所以本來不想選這個，最後還是因其他不太對胃口而選了。來到時很驚訝，麵包皮十分厚實，不知炸的時候沾了什麼呈粒粒狀，有點想起台灣有名的炸雞扒！夾心餡料當然沒有用上傳統的花生醬，而是用了紅豆，意外地不算很甜。都算幾特別，可以一試，不過我還是喜歡傳統的西多士。而且吃完真的覺得很熱氣。餐飲加＄８配雪耳木瓜糖水。非常失望，因為真的好甜好甜，以為自己在喝「糖水」，所以罕有地沒有吃完。baka同樣點了炸物，香菇炸雞配薯條。真的非常非常酥炸，我看到賣相已經很飽，baka都說難得有點吃不消，太炸而且很重口味。香菇是最好味。baka當然不夠飽，加配榨菜肉絲米粉。下午茶來說不過不失，不用跟別人擠

記得大約有20年前開始光顧荃灣大霸街燉奶佬，以前無論食物質量服務態度都很良好。最近半夜到上述店面叫餐，一個女侍應居然戴著擦臺藍色手套，拿碗筷還說是干凈手套。結果發現碗中居然還有留下飯粒。和灰色衣服主任說，他基本沒有反應，然后拿著和那個短頭髮女侍應說了一下當若無其事。

尋晚收工諗住去泰國人海南雞度食飯...點知執左咁就唯有四圍行下搵個地方醫肚啦~行前多幾步就見到呢間燉奶佬...見到門口有張海報~『正宗巴基斯坦咖哩牛腩飯』張相真係幾吸引架，上面仲寫話呢個咖哩拎過獎添~我走入去坐低...打開餐牌...好多都好吸引...價錢都合理~以前既燉奶佬真係無咁多選擇~見到門口勁大張海報介紹『正宗巴基斯坦咖哩牛腩飯』咁就當然叫呢個『正宗巴基斯坦咖哩牛腩飯』再叫多杯即磨咖啡 (凍飲 + $3，即磨咖啡 + $5，要凍即磨咖啡就要再加多 $3)~好快就黎左個飯...一見到個飯就知「奶野」~咖哩好似水咁...所謂既牛腩就好似煲完湯既瘦肉咁...最正常就係好大舊既薯仔...因為太肚餓既關係...都要食架啦~~~ 肚餓既時候食都咁難食...我朋友就揀左喇沙牛肉河~我唔敢評論太多(因為我無食)，但佢就同我講...無味...

難食到嚇親！鮑醬蘭花炒海鮮，海鮮腥不再話,成兜野實在太頹。喇沙茄子滑雞煲，成煲野大雜匯咁，蕃茄、金菇、洋蔥、西蘭花，乜都有，但茄子得兩條。成餐飯最正常係味精湯。仕應10叫9不應，真係火都尼！成餐飯仲要有烏蠅陪住你食！！真係不再一，不可再。

晚上會合起碼3年無見的友人約食甜品，期間友人盡「主場」之誼帶大家行荃興徑和荃灣西，最後往金裝燉奶佬食忌廉西米露走涼粉，期間見到小弟order的食物侍應寫的簡稱是「走西」，呆了! 碗忌廉西米露d忌廉好香，西米露甜味剛剛好，不過不知是否晚上11時30分就關門關係，所有員工見我們慢慢食好似不太友善而已!

2:30pm開始有下午茶，不過未到這個時間都已經全店滿座。雙拼三文治餐+餐飲=$24麵包鬆軟，配上無敵午餐肉，炒蛋又香又滑，如果可以再厚一點，一定更加滿足。菠蘿炸雞脾+餐飲=$29地們菠蘿本來普通，輕輕煎過後味道其實無變，不過擺盤時卻變得好看一點。雞脾size比較瘦弱和細小，不過味道還可以。招牌燉奶($18)奶味非常重，十分出色。不過質感普通，未算很滑。如果沒時間，只能飛快吃一個下午茶的話，這兒也是一個不錯的選擇。

Off for a night snack. The pudding arrived hot (as ordered). The consistency was a solidly gelatinous acceptable; but a slight scum had formed over the top -- suggesting that it might not have been freshly made. The taste was light and refreshing with a slight hint of sweetness in every bite balancing the tartness of egg white.

平時大壩街一列食肆在午飯時間都是人頭湧湧,甚至有人龍等候,某天午飯前一場大大雨令不少辦公室食客不外出午膳,反而讓我可以有個位置吃飯,真好!連續兩間舖位的燉奶佬座位任選,有點像阿活的座位設計也不會太迫狹,還有大玻璃窗引進陽光,感覺是較開揚沒那麼焗促, 最重要是那天人少空調足夠,太舒適了!!幾張圖文並茂的餐牌都很吸引,從其材料搭配也看出這位燉奶佬是主打少肉多菜的健康路線,跟一般多肉少菜的茶記有點不同。沒有如一般茶記般有杯開水或熱茶供應,看到餐具都是洗得像銀器般發亮,拿上手都清爽的,基本有熱水也用不著來浸泡餐具,省回一點水更環保。即磨熱咖啡表面有層咖啡脂,不可直接看到咖啡真身,散出的咖啡香也蠻不錯,加了牛奶後感覺不太豐厚,烘焙香也只是淡淡的透出,加上黃砂糖後也可以一飲。肉燥雞扒大碗飯是期間限定,那就把握時間好了。有蛋有肉有菜的大碗飯配搭也算豐富,半粒鹵水蛋有點鹵水香,全熟蛋黃有點蛋香,最重鹵水味的蛋白也算夠滑,當作前菜真好; 豆腐以炸豆腐來鹵,只是鹵得還不太入味,豆腐外層還有點兒脆,白色豆腐也不很滑溜,這款食材只是多個餸菜選擇而已。肉燥汁是大碗飯的味道來源,肉燥汁用上全瘦豬肉完全沒肥肉在內,

依間燉奶佬間中會去幫襯~但無影過相(雖然佢門外話"不准攝影")其實依家略為靚D既茶餐廳~價錢都大不如前..唔止食"食物"~仲食埋"裝修費"但食物係咪真係咁好食又另外話囉~我覺得最緊要坐得c服..燉奶佬真係算好OK舒服+食物價錢中肯..食物質素都OK~服務黎講呢..唔去開既會覺得佢地好似唔多理d客但我地1-2星期會去一次~知道佢地係咁..但其實係有用心去service客人不過唔會有笑容=做野就真係做野果隻+快手快腳呢"火腿蛋番茄通粉"佢地個番茄湯底都ok架~不過以前既仲正d..依家比較淡火腿+蛋比足料..通粉唔會過腍~有咬口"餐肉蛋公仔麵"好多茶餐廳既餐肉真係超薄又細片~所以我覺得依間算足料而麵底煮得剛好上碗~爽口彈牙唔會腍身..因為我好怕食腍麵的餐飲.."凍檸茶"茶底都幾靚~唔濁無太苦澀味..有茶香餐飲.."熱咖啡"咖啡都香濃~我通常要少奶整體食物唔錯~又坐得舒服..服務都ok

今日去開荃灣，係附近吾知食咩好，見燉奶佬好似吾錯，咪走入去試下，叫左個下午茶餐，羅宋湯豬扒米線+凍檸茶，先嚟杯凍檸茶，都夠味，不過就覺得冰太多，至於羅宋湯豬扒米線，都吾錯，羅宋湯夠味，不過就覺太油，而豬扒就失色一些，冇咩味，煎得太燶，至於米線，就好似吾係好夾個湯，完全兩種吾夾的東西放在一起。基本上整體都可以接受，而且見佢餐牌都好多款式選擇，我想應該都吾會太差。至於服務方面，真係吾得喎，可能下午茶時段，所以得一男一女兩位待應於樓面，我一入舖裡，就開始聽到那位女侍應同街外兩個男仔不停傾計，仲要傾到入舖裡面，而且係好大聲，由我ORDER食物到食完，都只係不停聽到那個女侍應不停同周邊同事及街上行人大聲傾計，內容都是一些無謂事。其實都不太關我事，但我覺得我入到餐廳食野，都希望有好的環境，但佢搞到好似大排檔一樣，老實說，真係都幾影響。。。可能果段時間冇咩人，所以佢先可會咁大聲講野，希望人多時吾會啦。。。。

昨晚來這裡吃,見到餐牌很多款食物選擇,眼多撩亂,最後我選了南瓜肉排煲($44),老公選了鮮菌帶子雞扒飯($39),凍奶茶(加$8),我們都有例湯,但很明顯有味精,所以飲兩啖就無飲,而鮮菌帶子雞扒飯一上枱有些失望,因為和圖片差很遠,貨不對版尤其是帶子,超細粒,味道一般,而南瓜肉排煲的肉排似豬扒多些,但勝在熱辣辣,味道都好味另加$7有生菜,都算多,總括嚟講,普普通通,不過不失