金裝燉奶佬餐廳 (已結業)

有朋友介紹說金裝燉奶佬的西餐做得不錯，除了去一些連鎖快餐店，燉奶佬都可以不妨一試，就這樣，趁在今個晚上，開完了OT只有獨自一人吃晚餐，就決定來會一會燉奶佬。細閱了餐牌一遍後，原來選擇都幾多樣性。最終決定是這個軟心豬扒餐伴鴨胸，售價$43（除鴨胸，亦可選伴魚餅），而且，可配白飯或天使麵，選洋蔥汁或茄蓉汁，還有送即磨咖啡、奶茶或糖水。豬扒炸得有少少燶，軟心的芝士不夠多，但鴨胸幾酥軟，而天使麵煮得柔軟如絲，沒有過腍的毛病。糖水可從餐牌任擇，除了蛋白燉鮮奶不可以之外，既然別了些熱氣的東西，就來一碗蜜棗銀耳木瓜，冷熱均可，要凍的想當然是消消熱，雪耳和木瓜也頗多，感覺很清潤哩。

去TW探朋友與朋友兩個人黎佐呢到食我地一人叫了一個TEA SET再EXTRA加一個燉奶晌快黎既係燉奶都唔明點解佢要甘做所以係整好但正常都係甜品取後嫁MA燉奶都算滑而且13都抵都個人覺得都係最BUY澳牛我見個menu個餐蛋治甘靚所以叫了一份真係激死個人覺得我煎蛋同午餐肉都好過佢特別是午餐肉，一d都唔香我朋友見了魚餅豬扒薯條9唔搭8無啦啦加了黑椒變得有d怪而且塊扒超多油友人最嬲的是+$6叫了杯火山阿華田佢話一點都不特別真係得朱古力粉係面佢話早知叫紅豆冰好過

2010年6月26日 荃灣 ( 金裝燉奶佬餐廳 )剛於荃灣大會堂，跟太座一起欣賞過一年一度的(我和民歌有個約會)，入場前沒有吃東西，原因是中午時，在尖沙咀御廷閣嚐過自助午餐，飽到今晚，散場後，晚上約11時，又有點餓，我倆來到這裡晚餐連宵夜...。兩個人要了一碟咖哩豬軟飯，加多一個奶油豬及腐竹雞蛋糖水。咖哩豬軟骨飯，豬軟骨夠軟腍，味道是ok的，其它配料就有點過腍了。腐竹雞蛋糖水，腐竹煲得幾蓉，雞蛋正正常常，好味道...。奶油豬，雖然不太脆，練奶牛油加麵包，總是好味的。這夜人不太多，靜靜局，幾舒服，食物ok啦...。

今日收工(11點幾)又唔知食咩好,日日都係去眾安街果邊搵食野,食都食到厭呀...今日即本試吓行去荃灣廣場果邊睇吓有咩新口味,見到有間燉奶佬,就入去試吓啦叫咗兩個小菜~~咸魚雞粒豆腐煲&西芹花姿炒滑牛,豆腐煲嘅味道都唔錯,西芹果碟D牛肉就,整體都唔差嘅小菜仲有例湯配埋,飲野就要加錢,(我其實食野根本就唔會睇價錢)我向侍應order 1杯可樂,佢以好快速度(好似諗急口令咁,同時佢d廣東話又唔正)指住個餐牌講咗一大埋價錢,大概話可樂要加錢,又唔係好忙,唔使咁急架.....我示意ok,加錢冇問題,佢就喺我張唔上寫上$5,我都覺得$5合理,跟住佢只拿咗罐可樂比我,本人習慣飲可樂要加冰,就向侍應攞杯冰,點知第一個侍應應咗我但又唔去攞,咁我咪再叫第二個囉,佢好快就攞比我,我就張罐可樂加入冰杯內,加咗後佢就跑埋黎在我張單上寫上$2,佢話加冰要$2.....你地話有冇攪錯呀...冰要$2....果刻我幾想比返杯冰佢呀.....我就問個侍應：冰都要$2??佢直程費事睬我就走開...呢d係咩態度呀,$2真係好少事,係不合理&態度差....以後都唔會再去.....

曾己何時，我每天中午都在燉奶佬渡過。看見他好起來，又差了，然後起起落落... ...但這次一來，真的受不了，絕交吧。　　燉奶佬的食物，向來都是不錯的！有茶餐廳的炒粉麵，又有西式的配汁扒餐，其中較特別是有不少異國風情的食物：喇沙、咖哩、金邊粉、拉麵等。雖然我深信這全都不是正宗的當地風味，然而換個角度來看，這不是一份創意嗎？故多種類的食物，曾經是我再來又再來的原因。　　食物確是不錯！以豬扒、牛扒、雞扒為例，可以一概以論：「剛剛好」的生熟程度，不老較嫩、又香口，外層煎得較脆、更重要的是這些仍然有「本味」──不會只有化學醃料的味道，記得吃那些橡筋般的扒，是多重的醃料後的結果，使人害怕，這裡卻沒有。再加上不同的醬汁，如黑椒汁、洋蔥汁、茄茸汁，以及白飯或意份，就是滿足飽飽的一餐。再以炒粉麵為例，乾炒牛河、鰻魚叉燒炒烏冬都十分有「鑊氣」，一到桌上，就似是那大排檔特色的熱情──「鑊氣」。雖然已在碟子上桌子上，但那一條條的河粉烏冬，仍然是靜靜的沸滾著。放進口裡，不燙口卻又熱辣辣，就是所謂的「鑊氣」，尤其在嚴冬裡，是一份刺激的滿足。最後是以喇沙為例，沒有拍照，抱歉了。那喇沙，是否正宗，我也不知道，因為我未

成條街,最旺場係燉奶佬,食物多元化,所以過開黎,都試吓。奶茶,茶味好濃。但那隻茶葉味,好似香料味,唔好飲。加左糖好d,可以飲埋去。芝士咸牛肉豬仔包,豬仔包非常脆!!皮薄又脆,一D都唔韌。餡方面,雖然有我最愛的流心芝士,但原來配落咸牛肉度,係得個「咸」字,食唔出係芝士定牛肉味。如果改一改,芝士蛋脆豬,會好食好多!香茅豬扒飯,什麼雙豬扒、雙煎蛋、雙蔬菜、雙配汁,攪什麼?原來係兩塊好弱香茅味,兼唔係太熟的豬扒；雙煎蛋轉左好油,又淡味的紅蘿蔔絲,木耳春卷；雙蔬是脆肉瓜和西生菜；雙汁是蕃茄汁or豉油汁,可惜「汁」真係唔覺double份量,仲要好唔夠。飯只是暖,飯粒細又鬆散,無飯香!整碟唔好食!買走一碗布甸木槺軟心燉奶。Oh my God!布甸咁既?黃色粒粒狀,啫喱又唔係啫喱,布甸?唔好講笑啦!燉奶凹凸不平,有氣孔,質地實既!?好耐以前燉奶佬,淨係得甜品食時,都唔會咁質素啦!$24?吓…………!!!!!?

2月18日（星期四）晚，我和女友在荃灣廣場吃完烏冬後，就行過來此店吃甜品，但入到去坐低後才發覺此店其實是茶記，甜品類食物真的祇有數款，寥寥可數。在沒有太多的選擇下，我和女友分別點了原味鮮奶燉蛋白和木糠軟心燉蛋白。其實原味鮮奶燉蛋白和木糠軟心燉蛋白沒有太大分別，兩者的分別相信是那些疑似餅干碎的“木糠”；鮮奶燉蛋白口感軟綿，奶味亦很濃，當然混和了木糠的蛋白味道會更佳，不過可能我太飽了，吃了半碗就停手了，剩下的就靠女友吃掉。記得多年前也曾光顧過“燉奶佬”，當然主打還是甜品類食物，不知從何時開始轉型了做茶記呢？

十二月上旬雀仔胃就是吃得不多，所以只能樣樣淺嚐，當然也有「主動」及「被動」之分，前者菜式豐富美味，要主動的去巧吃多嚐，但是夜與老弟吃完失準的新派滬菜後，找些甜的彌補空虛感。結果呢一碗薑汁撞奶，沒有撞奶應有的滑、嫩質感，亦欠薑汁的辛香及奶的甜潤，質感如薑汁石膏奶粉，粉麋至此已難有動力再拔下另一半羹了，而老弟的喳喳，是水加豆，不甜不香，難吃頂透，兩款甜品加起來共吃了一羹，認真是極品，破了出生以來的紀錄。

知道佢係有營食餐廳 所以同友人黎試下d 待應態度好 係噤催我地落單呻左4個餐 得炒面好食 其他 可以話難食 tai式金邊粉同埋日式海鮮飯都勁甜=口=

嘩嘩嘩........lee間餐廳食物水準尚算中等.經濟實惠個隻.......大家都係有品ge客人,但原來無品ge大有人在...個日5點幾我同家人都去左食下午茶....見到兩個男服務員誤將一碗湯ge嘢倒左係個女人背脊到一句sorry都無就行左去......我見到都好不值其所謂都好想為個女客人抱不平...但好快就見到有個著便服ge女人上前又係甘say sorry,又攞晒布幫個客去清理...之後重同個女客人出埋去話賠番件衫...點知應該唔啱個客人心意la....再番黎就見到便服個女人賠左五百蚊出黎....個女客人ge面口就好似烘燶面包甘,,但她身邊男仕就堅持要埋埋單重同講唔好意思...lee個男人就比佢同行ge女友人有品得多...至所謂得堯人處且堯人...難道要人家陪你去置地買番件名牌俾你......lee d甘ge客計我話做多你一個唔多...做少你一個唔少la....便服女店員我同家人都橕你....同時都要叫d男服務員好好改善下d服務態度就真ge

＊本人食評夾著了大篇幅的廢話，請看粗體的重點。　　　　一改風格，不再長氣。　　記得中一時，我幾乎每天都到這裡用餐。因為當時的套餐，十分抵，一個飯加一杯特飲，３０元有找。這裡的飯，特色是汁料十分惹味及香，醒神兼開胃，白汁、葡汁、黑椒汁、洋蔥汁等，每一種汁料都十分令人滿意！當有汁料的時候，就不難把整碟飯吃光！而且這裡的各類排都煮得相當出色，每一次都是剛剛好，不會太熟，又不會太生，符合了普遍人喜歡吃嫩的口味。而且又出奇地沒有冰鮮的雪味，配上汁料餸飯，一絕！而更令人難忘的是那杯特飲，每天都有新意，每天都有花款！像是草莓紅茶、水蜜桃綠茶、藍莓冰汽等，又是另一絕。這杯特飲真是特別，喝後令人有種「終於唔洗飲奶茶」的感覺，又是有台式風格。近年ｈａｐｐｙ　ｌｅｍｏｎ等台式飲品公司掘起，相信是給了港人一種新鮮感。對我來說，燉奶的特飲相當清新，夾雜鮮果味，很討人喜歡，即是有時喝厭了，亦可轉西米露、「渣喳」等。　　我今年中四，最近再到頻繁到燉奶佬，卻已令人失望... ...　　我今年第一次到燉奶佬，看見餐牌已不同了，明顯已不再著眼於學生生意。雖然價格仍是３０元有找，但如果要配特飲，沒有３０恐怕難成事。我仍是抱

如果滿分係100分, 我會比 -200分!我只係去飲杯野, 坐左都唔夠5分鐘,點知比兩個男侍應從後倒左碗沙嗲湯落來,我左邊背脊, T恤, 底衫以至牛仔褲都濕哂!但果兩個男侍應一句sorry都無就走左去, 只係拎左几張紙巾來就算數囉!!!之後先有個似乎係高級D既女人走埋來用布幫我抺,仲話賠返件衫比我, 之後就好好心咁帶我行過轉角位,有兩間賣師奶衫既舖頭叫我揀!你倒到我一身都係, 想賠件師奶衫比我算數呀?我揀唔落手囉!!! 我唔肯買, 我要佢賠錢我自己買,佢就用對講機同人講話我唔肯買, 話比錢我走喎!!!嘩! 比錢我走? 而家係我有問題呀? 我要你倒湯落來之後屈你送件師奶衫比我呀?呢d服務態度真係差到離奇囉!我以後都唔會再係任何叫燉奶佬既餐廳食野!!!!!最後佢仲好意思收我地個餐錢喎, 你話呢d係乜野餐廳丫!!!

跟隔離富都一樣, 近排捨棄了美倫....它亦佔上晚飯的一席位, 全因它的下午茶餐可吃到 6:30, 又有羅宋湯底既意粉! 其他的...就再此跟大家分享分享吧!羅宋湯底粉麵….最愛港式羅宋湯, 足料, 湯濃, 除了可配西蘭花…還有豬扒, 牛扒, 雞中亦, 叉燒等…問過侍應, 此產品只供應下午茶時段及宵夜時段, $24 - $26, 早午晚便吃不到了! 咕嚕斑球套餐 (餐湯 + 白飯 + 飲品), $40, 下午叫碟頭飯….斑球較新鮮, 晚上上碟時…始終都好像無咁新鮮無咁吸引!雜菜水餃煲 (白飯 + 餐湯), $ 46, 水餃內…蝦肉唔彈牙, 雜菜一般分量, 放在木盒內, 保溫效能唔錯! 茄茸蕃茄豬扒飯連飲品, $33, 豬扒薄薄兩大塊, 有咬口, 但略油, 蕃茄味夠, 老公 prefer 大家樂一哥豬扒飯!鮮奶燉蛋白, $19, 味道夠, 合格, texture 唔夠滑, 但可以止渴!越式鮑片扎肉湯米 + 奶茶, $31 (午餐), 份量好像比中式粉麵的少, 扎肉兩塊, 無咩味, 假鮑片….有些鮑魚味, 是螺片嗎? 吃完剛好…唔浪費! 照燒雞骴米粉 + 鮮奶燉蛋白(下午茶餐), $22

這是老公的飯堂, 今天雖是星期天, 但也是工作天, 二, 三月沒有什麼假期, 連星期六/日也要用埋...無辦法, 今年是關鍵年, 加點油吧!接近下午時段...未到十二點, 已供應午餐, 但仍有早餐, 最愛叫叉燒米粉 + 熟蛋餐包 + 奶茶, $23, 有包有粉有茶....好抵, 不過, 佢換了以前既嘉頓餐包仔, , 無咁好食, 仲要叮過, 唔係咁新鮮, 熟蛋熟到略硬, 叉燒幾多, 夠腍, 奶茶...茶味偏濃! 老公吃下午咖哩雞套餐, $29, 至啱佢, 一隻匙夠掂, 另一隻手 free 出黎拎報紙! 呢度最麻煩既係....隻隻碟都好大, 二人卡位既枱, 唔夠放哂每人2 - 3 隻碟, 下次同我食....記住坐 4人卡位啦!

間野叫金裝 大名響噹噹兩個人尼食tea大家都係叫左 雞脾拼薯角不過我就要奶茶 didy 就要腐竹糖水雞脾係雪雞脾~油膩但味道咸香撲鼻...算不錯薯角大大舊....口感不錯...來料算係好香滑奶茶....奶同茶的比例較得幾出色唔會偏重一方....亦都要讚呢間野算係不錯~~行過可以一試