金裝燉奶佬餐廳 (大圍道) (已結業)

果日食完飯，諗住去食個甜品.......見到大圍新開左間甜品店，又幾多人等位，我諗咁多人都唔會差既，所以就入左去食........叫左個楊枝金露，我諗係楊枝金露水黎架.....味道同一杯清水冇咩分別，芒果超酸，西柚肉數埋都唔夠廿粒........都唔知係咪張D 材料放係個碗度，跟住開D 清水搞暈就拎比客食，咁就十幾廿蚊啦......發誓以後唔會去食.....最嬲既就係要等左好耐.....食物質素咁鬼差......

入到去..都係想食個豆付花o者...係為一間甜品店...有幾高難度呀....咁都可以無晒....最緊要係d 職員態度又差....又無common sense ....明明2人個入去...比張六人枱我地.....我地就2 個人坐住張六人枱....然後門口就排左勁多人等位....總括而言....排咁耐隊完全唔知為乜....個裝修幾好都完全比d 咁劣o既食物累死......

路經此店，見新開於是想試試。等了一會便可以進去，安排在一個很窄的位置。一望後面，成堆服務員堆哂係後面，好似大塞車咁。你爭我奪咁既奇景，但無一個人肯比水我地飲。我們欲點菜，揮手示意，有一男子聲言ok，但沒有過來。有一女子拿著兩杯水過來，以為她拿過來順便落單。點知過了我們把水放在隔一行的臺上，他們才剛剛坐下。我們是透明。最後她終於要替我們落單，但她貌似不爽。我們點了兩個晚餐，她無黎聲氣咁就走左。跟住見隔黎又叫左好耐先有人過黎落單。不過成間店充滿著服務員。有個男人唔停咁點人做野但自己唔會幫手，就算站在你身旁。食物來了，蟹子沙律，本人唔好不予置評。紫菜豆腐湯偏咸，飲兩啖已經好口渴。主菜白酒文也汁伴石斑千層，味道一般，不過薯蓉好甜。伴碟意粉完全無味，好似只係過左過水就算，仲差過大快活。另一個主菜豬排煙鴨胸因未有細嘗故不予置評。最後叫了糖水椰汁黑糯米，普普通通，不過不失。裝修算不錯，但地方淺小狹窄，兼具地面很不清潔，所以各方面仍有待改善。(個收銀唔小心將個夾住張單果塊野飛左落隔黎位個食客到，好搞笑。)

唉~諗住佢新開, 果晚同老公打算落去食甜品+宵夜...可惜大失所望...芝麻糊一舊舊粉, 叫左個豬扒包..果塊豬扒得果半塊, 但個味道都可以。d伙計正如之前的食評...個個後生仔, 呆呆下咁...冇精神又失暈。果時平日零晨12:00幾...唔係好多人, 一半人都冇.....都要等左差不多15分鐘先黎....仲要係唔追佢都唔黎。不過我都會再去試多次, 試下佢會會有其他好味野。但係希望d伙計就改善一下服務態度。

去完男友屋企食飯, 諗完食下糖水sweet下,回見到哩間野新開, 又好似長期有人圍住個餐牌,諗住會好ok啦, 點知錯晒!!!!!!!見到有個甜品叫黑森林撈撈系列,下面仲有d細字"配焦糖黑朱古力,芒果汁底",咪試下新野囉, 出晒事!!!我等左勁耐, 因為個時已經成夜晚12點幾,d 侍應開始無咁忙,大部份侍應都係中學生咁既樣,問親佢地d問題,例如:呢個甜品入面有咩呀? 黑森林即係咩?佢就唔出聲,又唔俾下反應,之後就即刻捉住行過既同事問, 不過被捉嗰個都係唔職...我地叫左個黑森林紅豆撈撈,一上枱, 個賣相好唔得,食第一啖, 仲唔得!!!!!!!!!!!黑森林原來指涼粉...紅豆我以為係煲到好杰甜甜地,好似食刨冰時個d紅豆泥咁,原來係無味既紅豆水...(紅豆沙都不如...仲有少量生果粒,包括好敷衍既罐頭菠蘿(擁有菠蘿形態but 0%菠蘿味),酸到入肉既芒果,極極極少量唔新鮮既西瓜,成件事係水浸涼粉, 無甜味!!!食完第一啖,即刻諗起好似人地茶餐廳侍應收碗時會將d餸頭餸尾倒入紅A膠桶,我就覺得我似食梗個d餸頭餸尾咁...諗哩個甜品出黎個人一定無試過味,佢竟然將完全唔match既甜品match埋

11.18 (Sun) lunch中午12pm，我地成為佢地落第一張單既客人唔想食附近既大x活，見到遠少少有燉奶佬喎。黎呢度當然想食甜品，但踩單車前不宜過飽…新開，佢話一半既野都可能未有…要左個牛筋米線($19)。牛筋好多，幾入味亦幾"林"，米線我覺得ok但友人話過"林"。唔知係咪新開張關係碗野好多，好似食極都唔完。另一友人既葡國雞set好似唔錯，但雞太少。有人話個跟set既椰汁紫米露係"worse than"超市買倒既。decor唔錯，踩完單車黎食個甜品都係個好選擇(如果quality係好既話)p.s.(1)個廁所好恐怖（於店外）(2)落單超唔熟

新開張，好多花牌圍住出面，又好多人圍住外面研究佢個meun，但唔好諗住咁就好，重喺大錯特錯。今日下午四點幾，幫媽咪送D嘢比住喺附近嘅阿姨，太耐無食甜品嘅我想食甜嘢，見以上形容嘅情況，就拿拿淋泊好架車，入去想食燉奶。當時是tea time，成間嘢得七成客，但坐落無人招呼，但D侍應(好多人架，個個好似中學生咁嘅年紀)就好似好忙，周圍衝，但唔知忙乜。乜呢到唔喺食甜品嘅咩? 點解枱枱客都食茶餐而唔食燉奶，連甜品都少人叫?唔理，我好快叫侍應埋黎落order：「一個熱鮮奶燉蛋白。」待應：「無得買喎，起碼要等三個字，要燉0麻，食其他甜品啦，其他會好快黎。」燉奶佬無燉奶買?? 吓，人地其他甜品舖都唔會用呢個藉口話無燉奶啦，何況你以此作主打??唔怪得個個只都食茶餐。算，我求其响meun上點咗個鮮果雪糕涼粉。不過叫完後，一路都見有剛坐落嘅客叫燉奶不果，大家都嘖嘖稱奇。我等呀等，等呀等，差D訓着……15 mins 過去，涼粉仲未到。我追咗幾次單，終於黎la……咦?? 乜黎架? 呢個甜品喺涼粉加西米露再加一個Vanilla雪糕球，D鮮果呢?? 我叫鮮果雪糕涼粉喎。再睇番佢落單個牌，佢寫「糕粉，$20」，但睇勻

午市，好多人排隊．．最好就早小小去啦．．因為上班族一放飯就好多人架喇．．！野食就幾好啦．．３．５／５我個次同女朋友食個咖哩牛腩．．同海鮮炒烏冬．．最尾仲送一個甜品．．=]70蚊有找..=]