金蘭花泰國菜館

营业中

休息中

某日娘子的朋友仔突然向娘仔『吹雞』… 『自從你和Step結婚之後，一直各有各忙未能出來聚舊，不如今星期出來聚一聚吧!!』 老實說，自從和娘子結婚之後，生活好像真的忙過不停，不是Step晚晚工作OT，就是娘子要出Trip公幹； 正如娘子的朋友仔所講，難得這個星期大家都有空閒時間，正所謂『摘日不如撞日』，就來一個遲來的飯局!! 娘子朋友喜歡吃泰國菜，我們當然沒有問題，Step和娘子甚麼都吃沒有揀飲雜食的，結果娘子朋友約了Step和娘子還有另一住朋友到九龍城一間她常去的泰國菜餐廳共享晚餐，名叫金蘭花泰國菜館。 Step問朋友仔：『這家金蘭花泰國菜館有甚麼特別呢?』 朋友仔說：『這家泰國菜館，除了有不少泰國地道街頭小食和家鄉菜之外，其菜式不但味道頗為適合香港人口味，加上味道不俗價錢亦算大眾化，已經是我的最愛泰國菜餐廳之一!!』 朋友的評價不俗，開飯當日一定要試清楚先!! ------------------------------ 金蘭花泰國菜館位於九龍城龍崗道 (正正就是在麥當勞、清真牛肉館同一條街)，店舖位置在衙前圍道左近； 暫時來說前往九龍城的交通未算方便，可在旺角乘坐小巴，或經太子道

自己同圍內班Fd 一向都鍾意食泰國野，所以今晚飯聚都黎左九龍城食泰國野。鮮蝦冬陰功湯 $109食泰國野點可以唔點冬陰功湯，呢個冬陰功湯份量都幾大4 、5個人飲都一定夠，味道都幾濃，酸辣適中，另外佢料都幾多，而且份面既蝦都係大大隻同埋好爽口，幾新鮮！糯米雞翼 $58雞翼表面炸得香脆，而且皮薄冇肥膏，雞翼入面釀左好多糯米飯，糯米飯好煙韌，不過就有啲淡。泰式炒椰苗 $69呢個菜就夠晒鍋氣，而且有好香泰式醬汁同香蒜味，朋友都爭住食。 脆皮豬手 $158呢個脆皮豬手係廚師推介款，佢塊皮烘到真係到十足十燒臘鋪食到既燒肉皮咁香脆，而且一啲都唔油，真係超水準，另外佢既肉又唔會烘到太乾，Keep到係嫩滑既！大圓法包椰皇咖喱雞 $113呢個咖喱同平時食既唔同，佢椰香味比咖喱味濃同埋一啲都唔辣，幾岩唔係好食得辣既人食，另外佢既雞肉都幾嫩滑同埋入味。法包索晒啲汁黎食落比原本軟熟，係幾正既既。 香酥抓餅 $26我地仲多左個抓餅後點咖喱汁，抓餅酥化煙韌，我自己更愛用佢黎點咖喱！蝦醬炒飯 $62最後黎多個蝦醬炒飯，本身個飯炒得夠乾身，食多有香濃蝦醬味，而且辣辣地好惹味，將面層既肉鬆撈均食，味道更有層次咁，會令人食上

成日聽人講九龍城泰國野好出名, 所以今晚放工就同幾個朋友入左九龍城搵好野食既然開係合成糖水對面咁方便, 就試下呢間金蘭花餐廳啦食泰國野, 試生蝦係必需既! 好有創意佢地加埋炸蝦頭落去, 不過主角依然係又甜又爽口既生蝦, 加埋酸酸辣辣既汁, 超開胃老闆極力推薦, 果然! 個汁煮得超出色, 有香茅, 芝士, 蒜蓉, 好惹味龍蝦肉大大粒, 食落好有滿足感出面好多泰國菜都會有呢個包, 但就硬到成個碗咁切都切唔開.. 反而呢個烘得好脆咖哩偏甜, 雞肉好嫩, 最抵讚係入面真係有椰肉, 大愛!冬蔭公唔太辣, 岩曬我叫左個中size 五個人分, 每人兩碗岩岩好!呢個豬手真係好!好!食! 個皮好脆, 但肉質仲好嫩滑, 好食到出唔到聲拼盤有蝦餅, 自選串燒三串, 泰國菜必食!

一向鍾意食泰菜，不過泰菜份量大款式多，所以都係一大班朋友食岩，難得今日有FD Gathering， 緊係話去食泰菜啦，而且我地幾個都係海鮮迷，最後到成台都係海鮮～先黎個必食既生蝦刺身，碟底有鋪冰，而且中間有青瓜隔住，生蝦夠晒凍得黎乾爽，而鮮蝦本身都大大隻，肉質爽口，點埋酸辣汁真係一流。 想一次話食晒泰菜小食緊係要點拼盤啦，我想讚既係蝦餅同春卷真係炸得好香脆，特別係蝦餅入面香脆得黎好爽口彈牙，超級好味～另外串燒本身醃得好入味，啖啖都有沙爹香味，至於香葉包雞呢自己本身就唔太好，不過都聽朋友講雞既肉質唔錯，唔係梅既肉～呢款泰式青龍蝦餐能既獨家新菜，老闆係咁推介所以我地都點左，不過佢真係有介紹錯，龍蝦大大件，而且好肉質好厚同埋彈牙，聞同食都有陣陣香濃既椰香味，真係佢唔到～仲有底下既金邊粉索啲汁但又唔會過淋，不過就有點滯～食海鮮點少得蟹，今次我地就點左個爆炸辣蟹，果然不失望，面層鋪滿炸蒜，辣蟹炸完再爆香，連蟹殼都係脆，十分香口惹味～而且值得一提係好多餐廳食蟹都係市價，不過呢到有係Fixed Price，二百六到，都幾抵食！食左咁多肉都要食番下菜既，泰式炒椰苗夠晒獲氣，仲有蒜香味，唔錯唔錯～

九龍城一各出名食泰國菜~ 真心, 大大話話應該至少有10間或以上, 好多時食完下次都唔記得左自己食左邊間~今次朕就黎左一間叫做"金蘭花泰國菜館"~ 點解會發現到佢~因為佢就正正係合成糖水對面~我地一行5人~ 3女2男總共叫左11樣野食 LOL 都似一班前世未食過野既餓鬼一樣~最先黎到既係菜食得泰國菜就緊係會叫馬拉盞炒XXX啦~依個菜$69, 份量唔太多唔太少~ 5個人食唔會每人得1-2條~ $69價錢非常合理~ 味道方面都係馬拉盞炒味啦~之後係生蝦~ 佢比其他餐廳有D唔同~佢真係會炸埋個蝦頭俾你食~同時佢上面放左蒜片同辣椒~ 重申朕係唔食辣的~ 但拎走左辣椒佢都仲有小小辣味係到~ 但都接受得到既~ 蝦都唔錯~ 完全冇放左好耐梅梅地既感覺~食左2個前菜~再黎一個冬蔭公湯~係一個唔係辣既情況下, 朕都膽粗粗試左一啖, 點知一試就愛上~ 佢一D都唔辣, 係酸酸地~ 材料方面都好足~有大隻隻蝦同好多菇~飲完一碗真係仲肚餓~之後其他小菜就開始上喇~首先係拼盤~ 但佢既串燒只係每樣得一串, 蝦餅都係得2舊~ 如果鐘意食串燒或者蝦餅最好分開獨立叫~味道都不過不失~依個雞翼裡面係壤左糯米, 外面既皮唔

天寒地凍入到九龍城，就當然要食番餐泰國菜啦！金蘭花係朋友介紹，決定一行五人食餐勁既！糯米雞翼熱辣辣，雞皮烤得好香口，入面的糯米好軟身，口感好特別。沾上少許沙嗲醬味道非常好。咖哩偏甜，比較適合女生。雞肉好嫩身，而最特別的係包入面有一個椰蓋裝住醬汁，令到個烤得好脆的面包唔會林哂。咖哩入面有一塊塊香甜的椰子肉，好好味。泰式青龍蝦，好香嘅香芧、芝士同蒜味，龍蝦肉大大舊好爽口，味道好正底部有金邊粉，索哂上面的醬汁都幾好味，但個人偏好炒的金邊粉。泰國菜必食的生蝦，蝦肉夠爽身，又甜，配上辣辣的醬汁，永遠都係咁好食！拼盤入面大愛炸蝦餅，好香，蝦肉勁厚身，味道又好，超正！天氣一凍，整番碗冬蔭公湯真係冇得輸！湯頭望落好似好辣咁，其實飲落唔會太辣。酸酸的味道加丄辣椒的香味，飲左一啖落口已經驅走哂D寒氣。湯底材料主要有鮮蝦同菇，而鮮蝦嘅肉質好爽口，夠新鮮彈牙，相當唔錯份量又夠哂足，5個人飲都每人飲到兩碗，又暖又開胃，正呀！蝦醬炒飯，炒得有少少唔夠乾身，有點扣分。但係味道依然唔錯，配上少許肉鬆，都好味！炒肉蟹，少許辣味夠惹味，啖啖肉，唔會比辣味搶走蟹的鮮味，我自己一個搶左半碟黎食Cheerss~~~~~~脆皮豬

一行四人，點了四款菜，冬陰公海鮮炒飯，炒貴刁，青咖哩海鮮，脆豬手。另點了椰汁冰。呢間餐廳，上菜速度奇慢，啲嘢食仲好咸。。。味道亦好一般，如果問會唔會推介，就唔會囉。。。唯一較好嘅，只有個脆豬手。。真係脆，又唔會好膩。冬陰公海鮮炒飯， 唔冬陰公，有啲似辣味炒飯，無咩特別。炒貴刁，好細碟，味道無特別。青咖哩海鮮，咸到無其他味可言。。好嘅係，樓上姐姐嘅服務都幾好。整體感覺。。除了有泰王相之外，同泰國無關係的餐廳。

相信鐘意食泰國菜的都會愛上冬陰公湯但曾經有人跟我說過椰汁雞湯比冬陰公湯更好飲一問身邊朋友得知九龍城有間泰國食店有得飲, 一於帶兩位壽星朋友試一試每次同三幾位朋友一齊食泰國菜最開心, 因為每碟餸菜份量都不會很大, 可以叫得滿枱都是食物由於已經book位, 一到步就可以就位店員遞上透明熱水兜給我們洗一洗餐具 (老一輩還是認為要過一過水才乾淨), 此舉可令食客心安一點先來一碟生蝦, 九龍城是比較多泰國餐館, 但不是每間店都有牌出售生蝦還有很多時生蝦也是熱賣, 所以看到餐牌上有得點, 眼睛誇張得會發光生蝦刺身一碟八隻, 偏細隻小許, 但肉厚鮮甜, 配辣汁及生蒜辣椒一齊食, 刺激味蕾這個辣汁又不是很辣, 吃小辣的朋友也能吃另外有香脆蝦頭, 這也不是每間餐廳都能提供啊可以整個蝦頭放入口, 超級香, 好像蝦米的味道一向也是點木瓜沙律, 但今次朋友們想試新事物泰式柚子沙律啊.. 差點忘記了, 泰國的柚子也是很出名, 泰國隨處也會有賣柚子的檔, 並且已經去皮, 可以邊走邊食這份柚子沙律份量不多, 柚子入口鮮甜多汁, 還有一種突如其來的爽口和新鮮感覺, 原來內裏混入了青蘋果絲九層塔香茅泰汁炒花蛤九層塔非常

今晚無煮飯又想食泰菜就去九龍城搵下泰菜食絕對有驚喜！首先有生蝦刺身驚喜之作！炸埋個蝦頭比你食(雖然我唔食蝦頭不過屋企人話好食好乾淨)生蝦加辣椒加蒜片加辣汁正！之後紅豆冰同龍眼冰紅豆冰個椰奶勁香不過紅豆就實左少少但當椰汁冰飲都好正！然後有馬拉盞炒通菜味道唔會太濃啲菜都幾嫩泰式燒側魚又係驚喜之作！連平時唔多食魚既我都覺得好好食好滑又唔多骨泰式串燒（雞、豬、牛、雞腎、雞軟骨、魷魚鬚）各一串魷魚鬚好好食泰式燒牛仔骨呢個係新菜式好特別佢燒到個牛勁腍少少紅色應該大部分人都接受到絕對令你有驚喜！芒果鴛鴦糯米飯好好好好好好好食芒果好甜一啲都唔酸又夠哂多汁鴛鴦糯米好好食個人會鐘意溝埋食/淨係食白色（有得揀白/黑/鴛鴦）好貼心！

新年前忙於約朋友食團年飯, 今次一行四人去左位於九龍城既小泰國區食泰國菜此店店內比較舊式, 揭開餐牌原來此店已經是廿年老字號, 現在店鋪經營到廿年真不容易, 無加一服務費, 款式方面比其他泰國菜多首先泰國菜必點生蝦刺生, 一客8隻, 生蝦唔算大隻但勝在夠新鮮, 如果太辣下面有苦瓜解辣, 蝦頭都沒有浪費, 炸得好脆口柚子沙律配上青蘋果條/菠蘿粒/花生碎同蝦乾, 同出面食既有少許唔同, 整體上好清新, 友人都食不停口呢到菜一客有蝦餅同魚餅, 炸蝦餅夠彈牙, 內裡全是蝦膠, 炸魚餅都好大件, 香料再落重D就好美味, 每款兩件(切上), 岩晒兩人或四人分享馬拉盞自選蔬菜, 配通菜味道就最夾, 唔辣又帶點咸香, 一D都唔油膩, 好健康廚師推介既炒蜆, 九層塔好香配埋香茅泰汁好夾又唔辣, 份量好足不過蜆肉不算大粒, 最重要係無沙椰汁雞湯唔係周圍有得飲, 呢到既雞湯椰香味好重, 加蕃茄製作有少許酸, 味道夾到, 入面有大量雞肉同草菇, 湯類分大/中/小size, 非常周到脆皮豬手不得了, 豬手皮炸到脆卜卜非常香口, 每一啖都食到(索索聲), 肉質夠淋, 份量都好足, 仲要配埋兩支泰象啤, 真係非常抵

九龍灣收工，Happy Friday約埋幾個同事收工近近地一齊去九龍城食飯一講到九龍城就梗係知係食泰國菜既集中地，泰國菜餐館簡直係多到數都數唔晒！今次就試下呢間金蘭花泰國菜館先！泰式生蝦-鐘意食泰國菜既朋友一定必叫既！呢度既生蝦刺身食落好有膠質而且爽口鮮甜，色澤新鮮，配上生蒜片同辣椒絲一齊食，最緊要梗係個醬汁，醬汁酸辣程度岩岩好，絕對係呢個餸既靈魂，酸酸辣辣好開胃最特別既係生蝦旁邊會配答炸蝦頭，炸得脆卜卜，食到蝦頭部份既肉同蝦膏好甘香，去過咁多泰國餐廳，係呢度先食到咁有心思既造法！鮮蝦冬蔭功湯-見到做緊廚師推介就叫黎試下，因為同枱有啲朋友唔食得辣，所以我就叫左個細版冬蔭功湯試下！湯底都好足料，有幾隻大而爽口既蝦，而且仲有好多磨菇，每一啖湯除左飲仲有得食！幾十蚊既價錢真係好抵！而個湯真係用泰式既版本，辣度有返咁上下，鐘意食辣既朋友，呢個湯滿足到你甜品簡左芒果雙包糯米飯，黎呢間餐廳一定要食！係我暫時食過最好食既芒果糯米飯！老闆話呢度既糯米飯每日新鮮蒸既，火喉岩岩好先可以做到咁煙韌既口感，無論係食糯米飯定係紫米都係咁煙韌，配埋香滑椰漿，會令你食唔停口！仲有旁邊既芒果，唔好睇佢鮮黃色好似好生咁

黎得九龍城，十個有九個都係想黎食泰國菜，但條條街都有，閒閒地都幾十間，點揀好？我就唔識喇，搵fd 帶路啦行左幾條街，黎左呢間叫金蘭花既泰國菜館，一睇門口就已經覺得好泰國喇，入面都係啲四人枱、大枱。好啱成班朋友一齊黎，餸都可以叫多幾個呀坐定定就叫菜先，望到有個新推介，梗係要試下啦。叫左呢個脆皮豬手，佢會送兩支支裝啤酒或者兩罐汽水。我地揀左啤酒，不過我就唔飲既，所以唔知咩味喇。呢個脆皮豬手份量適中，唔會太細隻。佢真係幾好食，豬皮脆卜卜，一啲都唔會韌，一啖就可以咬開，香脆可口呀😋豬手肉咸咸地，咬落好腍，唔會“乾爭爭”，但又唔會好肥喎，剛剛好。點下佢個甜酸醬食，即刻減去啲肥膩既感覺，鍾意辣辣地既朋友一定唔可以錯過呀。用黎佐酒一定會好合適。食完肉就梗係要食菜啦，均衝飲食嘛。椰苗唔係度度都有得食，咁啱呢度見到梗係要叫啦。佢用蒜蓉炒，好香，椰苗食落又好嫩，好好食。椰汁西米糕係泰國菜館一定會見到，呢個真係好好食，入口好香椰奶味，中間包左芋頭肉，下面一層西米，又唔會太甜，做飯後甜品剛剛好。嘢飲我就叫左熱柚子蜜，雖然係啲普通飲品，但佢一啲都唔會偷工減料，成個底都係柚子醬。如果想同成班朋友黎傾計，食嘢，呢間

九龍城美食匯聚，特別係泰菜這間餐館十分老字號，抵食味美，用料十足先黎這個鮮椰青HKD32份量大，水清甜解渴解膩有別外面的，內外兼備，椰青大椰青水同樣多又清甜，不像外面的金玉其外......而椰肉易於刮出來吃，滑嘟嘟，好好吃另外必點明爐烏頭魚鍋SHKD158未來先來一碗湯底，可自行加入魚鍋，酸帶點辣，暖暖的加入魚鍋更正真的整個明爐端上，整條魚，面上鋪上香料，令魚本身的腥味僻去食落肚暖暖的，還有粒粒酸梅，令魚一嚐甜酸辣，而且好香整個湯完全滲入魚肉，令其更鮮，味道更出連盛載的爐都是魚形狀，剛好魚肉入口出奇地唔會'鞋'，相反來得嫩滑惹味，連帶本身不太愛魚的我都吃了半條，正正就是太美味另外這款鹹魚芥蘭炒飯ZHKD59更是令我吃完還在回味，而且差不多吃掉三分二看似平平無奇的炒飯，但味道及香氣卻突出鹹魚令整個飯變得更香，飯夠香口有口感雖然有鹹魚但卻鹹度適中唔會過鹹，加入芥蘭碎，令其帶有韌而爽的口感整頓晚餐都令人滿意十足，味道吸引，香氣洋溢，口感討好，仲有抵食，無加一的服務費，很值得的家常便飯!!!