金蘋果餐廳 (已結業)

媽咪一向唔鍾意我亂花錢，情願我儲多個錢投資買樓，所以今個母親節，我特別揀左一間在娘家附近的平民扒房，食餐勁的！母親節晚飯，理論上間間食肆都排長龍逼滿人，唯獨呢間在地牢的金蘋果，成五千呎咁大都只係得幾圍枱，唔嘈、唔逼、亦唔趕，仲連加一都唔收，價錢同平時一模一樣！一人一個鐵板大餐︰老公叫左個最“貴”的西冷牛扒，蒸氣騰騰，呢個幾好食，塊扒勁大塊，抵食！我就叫牛扒配龍脷柳，牛扒幾好，龍脷柳就鹹得滯，我亦嫌佢太燶，個日式燒汁幾特別，有薑味，如果唔鍾意薑就唔好叫呢款汁啦！媽咪同阿爸都係揀左牛扒配漢堡扒，配芝士汁好吸引！下次我都要試芝士汁～漢堡扒比較適合老人家，類似牛肉餅咁稔稔地易入口～細佬仲叫左個牛扒＋蜜汁豬頸肉配日式燒汁，試過佢D豬頸肉，原來幾好食！好過龍脷柳好多，下次我都會試呢款～六十幾蚊一個鐵板，有湯、厚切西多、跟飯／意粉／薯菜(份量幾多架)、包埋熱飲同啫喱，真係好抵好抵！咁當然，將貨就價，食物質素好難話要求好好味，但如果你想平平地食餐豐富晚飯，仲要傾到偈，呢度唔駛訂枱都必定滿足到你呢D要求囉！

同朋友仔拎條姊妹裙出佐敦改, 之後去試呢間係彌敦酒店後面, 太平館隔離既金蘋果餐廳, 見到openrice話佢個芝士汁鐵板燒好正, 就黎試下啦間餐廳好大間, 一入去好似茶餐廳, 再入d似西餐廳, 我地坐入邊, 連埋我地都係得三枱人 好似包場咁我地一人一個鐵板餐 (好大食喔) 餐包係厚切多士, 烘底加牛油, 好味! 估唔到鐵板餐份量好大, 好足料!!! 係芝士汁唔夠濃, 冇乜芝士味....呢個係薄牛扒配漢堡扒, 薄牛扒仲有成一塊半tim ar呢個係薄牛扒配吉列豬扒仲有餐飲同甜品, 甜品係提子味jelly有餐包, 餐湯, 大大份鐵板, 餐飲同甜品, 價錢卻非常經濟, 先係$60一個, 仲要唔使加一呀!!!! 咁抵食真係邊到搵呀!!! 下次一定會再黎!!!

朋友心血來潮突然話要黎食芝士鑼鐵板~~~未試過~決定跟佢黎一試~~金蘋果位於佐敦o既志和街~~~o係佐敦地鐵站大約行5分鐘度就到...鋪頭係地鋪~唔顯眼...可能今日係閒日~一入到去...好大~但係無咩人~服務員態度幾殷勤~我地揀左張角頭o既一張sofa位坐~~~打開menu~好多選擇~除左朋友誠意推介o既芝士鐵板之外~重有好多焗飯選擇~原本一心一意黎食芝士鑼板~但係愛焗飯的我~決定捨棄鐵板選擇雙拼焗飯再加芝士汁~~~每一個set dinner都會有餐包~餐湯~餐飲~同甜品~價錢大約係around 50-60蚊~真係好抵~~~隨餐奉送的厚多士~!!!!無諗過餐包會係厚多士~一見到~非常喜愛~!!!佢重要做到外脆內軟~而且微溫~急不及待就拎左黎食~餐湯我揀左紅湯~見到牆上貼有"朱古力奶茶"o既poster...覺得好特別~叫左黎試~飲落的確係有朱古力同奶茶o既味道~但係略嫌唔夠熱~只係微溫~~~如果熱d應該會更加好飲~主菜我朋友揀左..肉眼扒(5成熟)配意粉+芝士汁(鐵板上)扒好厚切~~芝士汁亦夠多~mix埋味道唔錯~~~~連配菜o既西蘭花亦都好夠淋~~呢個真係絕對值得加許~~~我自己就

去佐敦一間唔多覺眼嘅餐廳食晚飯, 行落一條好長嘅樓梯後入到餐廳, 都幾大間重幾多位, 不過絕對唔使等位.餐牌食品都算多選擇, 揀咗漢堡扒 另一個揀牛扒拼豬頸肉.單拼五十幾蚊, 雙拼六十幾蚊, 有餐湯, 餐包係厚多士, 飲品, 一d都唔貴.食品質數同味度都ok, 芝士汁又多又濃.當然唔可以同高級扒房比, 但係同d連鎖扒店比絕對唔會輸.幾十蚊個餐坐得舒舒服服, 唔似茶餐廳咁嘈, 又唔怕多人等位趕你走.真係一個值得推薦的地方 .

環境舒適服務好今晚跟朋友吃鐵扒餐~味道不錯~最好吃是漢堡扒最重要是價錢合理鐵扒 + 餐湯 + 多士 + 意粉/薯菜 + 餐飲 + 甜品jelly都只是56蚊一位 (不用加一)值得再去

今天早了出門口，有很多時間，想食一個又不趕人走又靜靜地的早餐。食物：-沙嗲牛肉麵：麵：軟硬度適中；牛肉：有咬口，不會太軟身，很入味；沙嗲汁：很香，有少少辣，可惜湯太多，沖淡了沙嗲汁餐肉雞蛋（熟蛋）：普通，無特別牛油方飽：只有一塊有牛油，麵飽不夠軟鬆茶走：叫了少甜，無苦澀味，夠滑服務：-普通，無特別

星期四晚七點收工去左食, 原來佢響大平館對面, 落到去無咩客，地方真係好大,打開餐牌，好多肉呀，仲好鬼平 tim，幾十蚊有扒食 (當然係港式 cheap野)我地都要左雙拚扒餐，六十幾蚊一份，我既漢堡扒牛仔骨，好大塊既牛仔骨呀! 好朋友既牛扒拚豬頸肉，豬頸肉係原片一塊過架！有餐湯同餐包，餐包係厚多士d 扒都算合格,咁既價錢,都無咩要求,起碼無太多味精,食完唔會口渴

是日去到佐敦辦事. 同合作公司交收文件. 係逸東旁邊, 不想老是吃茶餐廳, 亦冇錢入酒店食大餐. 就左聖地牙歌酒店地下, 就有一間港式西餐廳. 正宗美式西餐廳Applegreen食過了, 港式既Applegold 又係點呢. 我呢個飲食敢死隊, 當然黎試個足夠. Applegreen走健康路線, 少油, 少脂, 多菜, 而Applegold就保持傳統的港式, 罐頭菜, 肥肉, 用梳打粉"拿", 多飯多意粉. 是日為了少吃一點同健康一點, 係傳統港式西餐廳, 係耍叫薯菜既, 如果唔係, 舊飯, 基本上是碗半份量. 呢餐, 我是看圖點菜的, 打開 Menu, 看到扒餐中, 漢堡扒既"相中"賣相不錯, 就決定order一個漢堡扒配薯菜吧. 漢堡扒, 我果然沒有叫錯, 因為是新鮮肉扒, 不是那些空運到港的麥當式扁扒. 厚厚的一塊漢堡扒肉, 加多一隻太陽蛋, 漢堡扒不做包, 這樣鋸黎食也是不錯的, 扒表層, 煎得香脆香口, 裡面亦能夠保持到肉汁. 金加利集團旗下既餐廳雖然不太出名同顯眼, 但感覺上, 佢地係食物質素上, 比起其他港式西餐廳高. 金蘋果個場其實好大, 用上多名中年以上的阿哥阿姐,

今次約左兩個朋友去食...餐廳的顧客比以前多，但都是不用等位...今次叫左芝士汁焗豬肋骨及豬頸肉通粉...份量超多...每人叫左一個餐...大家都食唔晒...芝士汁好食...豬頸肉都ok...豬肋骨就頗咸...但個甜品好食，是火龍果凍...今次食左$150以上仲有瑞士雞翼送...兩個餐三個人食就應該差不多...

間吾中，都會黎呢道，因為好抵食，又好坐，又靜，都算乾淨。想靜靜地傾計，老友聚舊，只在乎有得食，有得坐，呢道都幾好。鐵板餐﹑雙拼扒餐等等，只係$50-70，有豬﹑牛﹑羊﹑雞扒，仲有豬脾﹑鴨脾﹑豬頸肉﹑漢寶扒......十幾款，仲有成10種汁可選，芝士汁﹑沙哆汁都有。幾十蚊，有湯﹑有飽﹑一餐兩扒﹑有飲品﹑有甜品，大件夾抵食，坐兩三個鐘，呢度都好多丫~~~~

男友諗唔到食咩, 行過見到太平館, 點跳排長龍...天氣鬼咁熱.. 唯有轉去對面蘋果餐廳..都試下啦..餐牌其實都吸食唔到我架喇.不過都試下啦..男友叫左個焗飯, OK LA.. 大家樂會好味D囉..我叫左個石頭牛肉窩飯, 黎果陣好昇心, 個樣幾靚仔,點知... 怪味食左一半都唔夠.. 放棄.. 一句, 冇下次....

本想嘗試翠華奶油豬,上次經過時有不少空桌,今次卻坐無虛席,轉個彎到了這間說有五千尺面積的蘋果餐廳,五千尺應該不會坐滿人吧?!拾級而下,餐廳面積果然不少,捨棄裡面梳化位位置,坐在全店最角落的桌子更合要求;餐牌選擇琳瑯滿目,還有瑞士汁雞翼,想跟對面太平館爭長短乎?!突然看到有福麵餐吃,二話不說就點了。煙肉炒蛋配牛油方包,不太像炒蛋的蛋皮煎得熟,失去炒蛋應有那種嫩滑,當作奄列吃好像較恰當;煙肉份量不少,五花腩煙肉的油香彌補蛋皮不滑的不足。牛油包不夠柔軟,可以再軟一點更妙。炸菜/雪菜肉絲福麵選了前者,炸菜切粗絲口感爽脆,味道有點點辣味,當作開胃前菜來吃也很好;肉絲也是同樣切粗條,用調味料醃過不會淡而無味;福麵軟硬度剛好,只是沒有了福麵那種特有辣味湯粉味道,感覺上還是欠缺了一點。凍檸賓(+$4)是超值啦!!平時凍飲已+$2,特飲才+$4,那有不飲之理??深玫瑰紅的飲品可見水吧師傅相當重手,不會吝嗇!利賓納味道濃郁,只是檸檬不夠酸,以至味道不夠清香。有兩位年紀稍長的女收銀和女侍應服務態度很好,落單、送餐和收銀時都面露笑容,令到本來情緒有點不平衡的月巴人也變得愉快起來,笑臉因你們而起。看到鄰桌的厚厚

時光倒流...以為自己响到食緊十幾二十年前係學生飯堂嘅什扒飯...除咗夠大份外，完全一無是處。絕對可以用難食嚟形容..梳打牛、"乾爭爭"豬扒、稀如開水嘅蒜蓉汁....救命ar...

同友人於此食午餐，三人同時點了牛扒餐~~本來以為是鐵板上的那種，點知原來是一般西餐的那種~~送餐湯，試她的羅宋湯，味道比較重薯仔味，蕃茄味少了點。到主菜上來，牛扒有點硬，不過就是兩塊大大的薄牛扒，真的不可以少看他們，三個男仔食得都比較吃力，因為份量非常多，可以兩個餐三個人分都得。水準一般，不過就非常多，吃得好滿足。

係一條咁偏僻既街道入面，原來都有兩間餐廳! 全港皆知既太平館都係呢條街，蘋果餐廳似乎係樓上某賓館既指定西餐廳，估唔到咁夜都仲有人會入黎食!全場得兩2枱客，但係間餐廳就有好多staff serve我地幾個客人。成個餐牌有好多款餐，有咩英式、意式、法式什扒，其實都係將唔同既肉扒搭來搭去，我地叫左個英式什扒，除左一般既雞、牛扒、豬扒，竟然有塊鰻魚係度，騎呢。仲有佢乜野扒餐都會加隻太陽蛋，驚死你唔飽。另外叫左個咩鬼佬紅白飯，其實只不過係蕃茄飯+白汁飯，有d似喜宴臨尾上個d鴛鴦飯。兩份餐都包餐湯飲品，由湯、主菜、麵包都係Super size，一個餐夠3個女仔食! 味道只可以話係一般，如果d要體力勞動既人黎食我諗都要捧住個肚走。