金葉 (已結業)

平時收工我都好鐘意去荔枝角個邊貪2間戲院都鬼死咁平,鐘意睇戲既我一定係荔枝角睇戲加食飯今日因為想睇既戲開場時間都好晏所以想搵個地方好好地慢慢嘆食個飯先😂周圍行搵到呢昌餐廳,佢個位置都好低調下🫣不過門口都好光猛靚仔綠色主題都好醒目醒神下晚餐選擇都算幾多下😉今日點左個豬手餐食上菜既速度到算正常樓面都好nice講番食物先,豬手都好大隻下份量夠哂大,外皮整得好脆口好香好正好耐冇食好食既豬手啦,肉都好滑唔會煮到過哂火喉薯條份量足味道正常,點豬手既醬汁好味唔會太咸👍🏻🧄而且環境都好舒服空間感夠下次黎開睇戲再食先😛😛

餐廳夠晒癮世，如果唔係咁岩行過，都唔知呢頭開左間餐廳。入到去，餐廳環境都幾大，樓底仲幾高，我仲揀左沙發位，所以坐得都幾舒服!黑森林野菌汁肉眼牛排飯做完運動晏就就快餓死，即刻叫返個肉眼牛排飯補充體力! 擺盤係呢類餐廳來講都幾有心機，個飯上面仲有幾條香草，有D誠意…肉眼牛排煎至7-8成熟，肉質好稔，完全無鞋口同過熟;而且仲保留到肉汁，唔會話好乾，食落都幾驚喜!再加上野菌汁，有少少黑椒味加上菇菌餡，非常易送飯;配菜仲加埋時菜，食落都新鮮又解決左食完牛排怕膩滯既感覺。午餐仲有送埋飲品或者湯，我就叫左個羅宋湯試下。湯入面都有好多餡料同菜，個湯有好濃郁既蕃茄味，又帶有一點點黑椒辣味，微微香辣令成件事飲落幾提神，如果冬天飲應該會超暖胃! 

今日收工唔知食咩好就係公司左近周圍行,行到有d肚餓想搵野食比我見到呢間睇落都幾骨緻既餐廳🤩可能係新開既?!見佢d 晚餐出奇地平咁講真依家出去食個晚餐要坐得好少少既話冇百幾蚊都唔得啦但咁靚既環境又坐得舒服最平個幾款餐只係60幾蚊完全係岩哂我呢啲窮L既荷包啦😜服務生都好有禮貌,唔知係咪見我一個人呢都同我傾多2句話最近佢地開始做埋晚餐,有任食薯條牛扒餐重話叫呢個餐會送紅酒,好似幾正咁但可惜我今日既心情真係好想食飯啊sorry T^T所以最後都只係叫左一個海鮮炒飯食物上菜都好快,黎到重係熱辣辣炒飯都夠獲氣,而且雖然係幾十蚊個炒飯,但用料一D都唔馬虎食過有D好痴線加個蟹柳就話自己海鮮炒飯=.=呢間都幾好,睇相就知,好食又好坐!!👍🏻

係荔枝角番左咁耐工其實食黎食去都係個幾間餐廳今日心cc收工想搵間新野試一試😛一條友懶得煮食埋飯先番屋企就最好啦哈哈呢間金葉係一個小小唔起眼既位置我覺得佢d裝修都幾新淨幾靘下第日脫單的話帶另一半黎都唔會覺得失禮侍應都好有禮貌服務正正常常我今次就點左一個比較普通既牛腩飯~試下D基本野得唔得啦晚餐以呢個價錢黎講都真係非常之實惠啊味道都好好啊,咖啡館夠香又夠濃郁!真係估佢唔到wor,重要有埋餐湯同野飲~$68 晚餐呢個價真係冇得輸啦係咪如果同另一半稷會想再試下d扒餐啊見格離枱食好似好正咁!真係格離扒香啊XDDDDD

啱啱喺荔枝角間戲院睇完戲, (睇咗thor覺得麻麻)，又啱啱好係食飯時間,所以就喺附近搵嘢食。平時都成日係荔枝角食飯，啲嘢都差唔多食過晒，咁啱又攞咗張宣傳單話呢間野做緊任食薯條同美國Prime牛扒得嗰$160。我都唔怕同你講我係勁鍾意食薯條嘅，見到佢加$15就可以轉成任食黑松露薯條咁鬼平，為咗個黑松露薯條我都想去試吓。同女朋友兩個都嗌左嗰個美國安格斯平鐵牛扒嚟試吓，係蠟燭鐵板上嘅都幾浪漫。嘢食到咗啲賣相都唔錯，薯條炸到脆卜卜，牛扒肉質都真係正，知道唔係啲平嘅茶記牛扒。其實佢餐廳環境都唔錯，樓底好高啲裝飾都幾有特色，就係個位真係差咗啲，不過佢嘅嘢都算抵食嘅，下次去嗰度睇戲會再幫襯過！

呢間野位置比較偏僻啲嘅,所以冇乜人流,但係因為我喺樓上做嘢,所以時不時都會落嚟食下晏晝. 晏晝佢就多泰國野食，好似嗰啲青咖喱啊叻沙啊，炒粉麵嗰啲嘢都多嘅，不過不失，勝在樓底高坐得有幾舒服，所以晏晝會成日嚟。不過佢之前夜晚就唔開嘅，聽經理講話佢呢排開始做晚市，而且又出緊一啲平靚正嘅晚餐，所以就同同事過嚟試咗。今次我就點左個洋蔥豬扒配芝士焗蘑菇，同事就點左個三文魚忌廉意粉同埋一個西冷牛扒（不過同事嗰啲就冇影到相）嚟到我都有啲驚喜，佢個焗蘑菇原來係嗰啲大隻嘅（好似叫大啡菇？）食落去都多汁，啲豬扒都剪得唔錯，飯又香口。價錢唔貴，會推介！

喺附近做嘢嘅，平時晏晝下午茶就見佢都係出西式冰室嘅嘢多，時不時都會過去食下，啲嘢食都唔錯。呢排見到佢開埋晚市，又推緊一啲蠟燭鐵板牛扒餐見都幾平，淨係$160就有平鐵牛扒同埋任食薯條，就決定入去試吓。見佢哋為咗晚餐特登po左啲靚嘅台布，成個感覺即刻唔同晒。個扒出到嚟真係用蠟燭鐵板保溫！都算大件，經理話有八至10安士。啲平鐵牛扒食落去都真係唔錯，任食薯條又唔會太油，炸得都幾脆. 薯條我都添左三次，侍應態度都好好即刻攞出嚟。除咗薯條之外佢都俾咗好多嘅西式伴菜俾我，有啲菜食都可以呃到自己話食咗健康咗。之後見到有甜品心太軟，佢做得都幾平，焗得啲溫度啱啱好，朱古力真係會流出嚟嘅，都幾滿足。下次會再嚟食過!

小妹叫左一客青咖哩雞飯（$51）外賣。青咖哩隻色 綠到唔合理，但係青咖哩本身味道欠奉，辣味出奇地近乎冇，連譚仔十小都辣過佢。咖哩汁只有淡淡既 椰奶味 同 胡椒味。而配菜係得青紅椒 洋蔥 同薯仔一舊（？）總之你諗到既泰國茄子 檸檬葉 都唔會有。不過勝在雞份量多，同都煮得幾滑下，飯量目測超過兩碗，用黎果腹一定好夠。值得一讚既係送既例湯，幾足料，飲完唔會太口乾。另外之前食過佢既冬蔭功湯粉，相對起黎正常好多。總括而言，當泰式茶記咁食。想追求泰國菜口味既朋友，同區有更多更加適合既選擇。

平日午餐，三個人叫左炒貴刁、 馬來咖喱牛腩飯同青咖喱雞飯。 貴刁係同河粉一样咁濶， 味道係星洲炒米味。 牛腩飯味道正常， 有d 牛腩偏硬。青咖喱雞飯，青咖喱顏色奇怪，個汁味道可以， 但係啲雞嘅雪味非常嚴重， 啲肉又鞋。 奶茶、熱檸水同凍檸茶還可以， 但係熱飲隻杯似係用咗10年,白色杯都刮到花晒，見到一達達黑色，睇見都唔係好想飲。基本上佢唔係一間泰國餐廳， 係一間比較差嘅茶餐廳，荔枝角附近任何一間茶餐廳都好食過佢。唯一優點係喺荔枝角算係平少少。

金葉 知道荔枝角美孚中間開咗一間新嘅 泰國餐廳 因為位置比較隔涉 所以今次特登嚟試下星期六下晝 試下佢嘅下午茶 呢度星期日係唔開 星期六冇晚市 因為係泰國餐廳所以我哋叫咗一碟濕炒牛河同埋焗鮮茄魚柳飯 豉椒牛肉河好快就送到 嚟呢度嘅奶茶比較淡 檸檬味道濃烈 唔知點樣形容 同出麵食開嘅有啲唔同味道怪怪的 豉椒牛河水準還可以不過間唔中會有河粉係未熟硬 無法吞落去 需要吐出來 差不多食完 我們還是等這個焗鮮茄魚柳飯 因為知道需要等候 但是已經差不多半小時 於是我們聯絡侍應生 他就唔好意思說因為忘記了所以焗燶了 由於我們趕時間所以便取消了 總括嚟講呢間餐廳 樓底高空間大不過食客唔多 當時入去只有兩枱客 由於位置比較隔涉 相信目標客群是荔枝角一帶工商人可能才會光顧 不過就我哋所見 當日只有兩枱客 但是竟然犯了這樣的錯誤 實在有點不能接受 而且亦都睇到佢哋夥記之間傾計比較多 當然傾計唔係問題但係如果搞到客人嘅餸菜出品有問題這樣就需要注意了

同兩個朋友行過見呢間野新開，就試下咩料入到去比定例湯你，算幾好。每日午餐寫左喺塊豆鼓咁細既黑版度，仲要無價錢，算，叫普通午餐。青咖哩牛腩: 個汁ok, 唔太咸，不過牛好少，牛筋成條上，長過腸粉。印尼炒飯: 得半碟，剩返果半碟放左隔離枱，你懂的。我個海鮮金邊粉等左四個字都未有，催左兩次都無反應，等到半個鐘朋友食晒我就起身叫cut單，個士頭婆先知咩事走入厨房攞碟粉出黎...食落口又出事，淡到咩咁，趕住出菜唔記得落鹽？ 好似食緊麵粉咁,我食原片麥皮都仲有啲麥味吖...奶茶既茶味太濃，有啲燶味，三流。如果打算試新野既話，呢間可以skip, 食野無要求既話，去億利樓下仲多選擇，平十幾廿蚊添。