金葉 (已結業)

平日午餐，三個人叫左炒貴刁、 馬來咖喱牛腩飯同青咖喱雞飯。 貴刁係同河粉一样咁濶， 味道係星洲炒米味。 牛腩飯味道正常， 有d 牛腩偏硬。青咖喱雞飯，青咖喱顏色奇怪，個汁味道可以， 但係啲雞嘅雪味非常嚴重， 啲肉又鞋。 奶茶、熱檸水同凍檸茶還可以， 但係熱飲隻杯似係用咗10年,白色杯都刮到花晒，見到一達達黑色，睇見都唔係好想飲。基本上佢唔係一間泰國餐廳， 係一間比較差嘅茶餐廳，荔枝角附近任何一間茶餐廳都好食過佢。唯一優點係喺荔枝角算係平少少。