金葉 (已結業)

呢間野位置比較偏僻啲嘅,所以冇乜人流,但係因為我喺樓上做嘢,所以時不時都會落嚟食下晏晝. 晏晝佢就多泰國野食，好似嗰啲青咖喱啊叻沙啊，炒粉麵嗰啲嘢都多嘅，不過不失，勝在樓底高坐得有幾舒服，所以晏晝會成日嚟。不過佢之前夜晚就唔開嘅，聽經理講話佢呢排開始做晚市，而且又出緊一啲平靚正嘅晚餐，所以就同同事過嚟試咗。今次我就點左個洋蔥豬扒配芝士焗蘑菇，同事就點左個三文魚忌廉意粉同埋一個西冷牛扒（不過同事嗰啲就冇影到相）嚟到我都有啲驚喜，佢個焗蘑菇原來係嗰啲大隻嘅（好似叫大啡菇？）食落去都多汁，啲豬扒都剪得唔錯，飯又香口。價錢唔貴，會推介！