金華冰廳

营业中

休息中

金華是光顧了多年的餐廳，也是多年已不再光顧的餐廳……曾光顧多年，是因為老公中學時期在附近求學，金華是當年的飯堂，對這餐廳有特別的情意……雖然我較愛尖沙咀華龍的菠蘿包和人情味，但每月總會數次陪老公在此早餐或午饍。不再光顧多年，是因為最後一次店員令我實太生氣，當日到店是非繁忙時間，店内吉位甚多，某店員指示我和老公坐靠近門口第二張圓枱，我見卡位甚多，便没有跟她指示而坐向近水吧卡位……該店員即時黑面，但又苦于無理由要求我起身（因店内當時真系好多吉位），便於落單時十級黑我面，都算，我進食時，她就站我位置旁邊，一直向其他店員單打，話啲客好麻乜煩，吾知咩咁巴閉等等……（當然以上系簡化文雅版，佢系冗長粗口版）我食咁耐，佢系隔離講足咁耐……當時我真系嬲到好想拍枱閙佢㗎！事隔多年，雖然無咁火滚，但，咁樣的餐廳，不會再去！！！

茶餐廳是香港的獨有飲食文化，出名程度甚至可以登上世界性的權威旅遊雜誌以及世界各地介紹香港的旅遊指南，很多遊客來到香港都一定要去光顧著名的茶餐廳。這些外地旅遊指南中的所謂「著名」的茶餐廳，一定位於旺區如油尖旺、銅鑼灣或重點遊客區，因為住宅區並不是遊客會去流連的地方，外地的旅遊指南自然也不太適合去介紹；即使這些位處住宅區的茶餐廳可能比遊客區的茶餐廳更好吃。但無論如何，香港的茶餐廳一定不能登上任何一本外國美食指南如【米芝蓮】及【zagat】。食物太過草根還是其次；但環境擠逼嘈吵、地方不太乾淨衛生、基本上沒有任何服務、洗手間非常污糟邋遢，各項皆會在這些美食指南內被評為不合格，甚至不予評級。當然，近年一些新派茶餐廳已經有所改善，但對於一些屹立在區內幾十年的茶餐廳，則不要寄予任何希望。「金華」正是其中一員舊式茶餐廳，所以幫襯這裡，只能聚焦在食物質素及價錢兩方面，什麼環境、服務、衛生，根本不能理會。已經不是第一次幫襯，但一直沒有執筆撰寫食評，因為每次都是光速進餐，兼且是繁忙時段，很難慢慢拍照。今天由於在午市繁忙時段之前光顧，終於有空間及機會拍一些照片。門口張貼了一張彩色精印海報，介紹了「金華」的四大

之前響網上見到有人話響金華冰室識食墨西哥包就係內行人、先係識食人士，唔怪之得你咁識食啦！星期六下午，約咗人，又早咗出嚟未夠鐘，見金華唔多人，即刻入去搵個位坐，點了菠蘿油($9)，凍檸茶($18)，菠蘿包是暖的，根據內行人食法(其實我只係扮內行人)，首先將包用义㩒扁啲先食，外皮尚算酥脆，包也算軟身，喜歡牛油的我略嫌牛油不夠大塊，食到一半已沒有牛油，還是喜歡西貢的。為咗要更似一個內行人同識食人士，就算死都要叫番個墨西哥包扮下嘢先啦！墨西哥包($6)，我識嘅內行人食法又是用义先㩒扁包身，薄薄的外皮勉強脆，包是微暖的，少少甜，跟其他麵包店沒太大分別，誰說內行人才懂得點？飲品當然繼續點較早前從網上得知「甜飲全球每年殺18萬人，凍檸茶是兇手之一」成日害人不淺嘅兇手凍「檸茶」，我當然唔怕死，呢杯飲料算夠凍，但茶味不夠。金華冰廳地址 : 太子弼街47號地下電話 : 2392 6830

心血來潮想食這裡馳名的菠蘿油，所以特地和男朋友來到這裡lunch。我們均叫了是日快餐，每個餐均奉送中式湯和熱飲金華豬排配黑椒汁意粉$38豬排醃得入味，有小小鹹香味，但肉質偏韌；意粉煮得好淋，沒有口感；黑椒汁完全無黑椒味。栗米龍脷柳配意粉$38龍脷柳炸到好香脆，肉質好嫩滑，栗米汁好足料，有好多栗米粒，整體唔錯。菠蘿油外層只是一般鬆化，微甜，麵包只是微暖，太厚麵粉，口感一般，食完好膩。 

茶餐廳/冰室，是香港獨有的飲食文化，好多遊客拿著旅遊書來到香港，各區的馳名茶餐廳介紹，一定佔了不少的篇幅。是次，兩度來訪各國內外旅遊書都推介的名氣茶餐廳，為的，不是潮文，為的，第一次，是泊了車在附近後快快趣食個飯；為的，第二次，是想一嚐他們的菠蘿油風味，就這樣，我就來了《金華冰廳》Twice。裡面是怎麼樣，服務點點點，呢D不說了，我只知道，兩次來都發現國內外遊客都是拿著旅遊會，旅遊書說應該黠什麼食什麼，就叫什麼食什麼。而我們這一樣本地薑，就吃不一樣的，有時候，遊客們看見我們點不是旅遊會推介的，也會十分好奇地看看我們食的是什麼。我來了兩次，第一次是午餐，所以我先說午餐。我點了是日午餐的咖哩雞飯，咖喱，是南洋版本的咖喱，辣味不重，而且充滿了椰汁香，這一種香味，會直接令人覺得，這是一個美味的食品。完美地，完全地把咖喱淋上飯，這就是最爽的食法，飯沾滿了咖喱汁，沾滿了椰香，再加上雞肉嫩滑，這樣吃下去是絕頂的香口，令人回味無窮。咖喱雜菜炒飯，辣度比起有汁的咖喱稍勝少許，同樣地是很香口，咖喱的粉末完全地沾上每一粒飯之上，嗜辣的人，絕對會喜歡，而且這炒飯，因為伴有咖喱，所以份外的香口，以我這一個食慣了

今天難得休假，寶貝回學校上課，跟寶貝的爸爸來個半天的約會吧。一大早來到旺角，電影還沒開場，就帶他來吃個港式早餐吧。然後，想到了金華。金華，以前不像現在那麼有名氣時，曾是每天買麵包或者偶爾吃個快餐的地方，只是因為某次無意中看到一隻一呎長的米奇在店中走出來以後，被我列為拒絕往來戶。所以如不是因為寶貝爸爸算是半個遊客，我才不要帶他來......我也要克服我的心理障礙啊。聽說現在名氣大了以後還有了新店，但是我們還是在舊店用餐。店面狹小，兩人擠在卡位一邊是常識，最低消費為一杯飲品。沒有叫早餐，只是每人叫了一個菠蘿油，冷熱咖啡各一，另叫了一個西多士。店面清潔，侍應態度尚可接受。很快的，食物陸續上桌。菠蘿油：麵包微暖，包皮香甜鬆化，如果牛油大塊一點，麵包熱一點就更完美西多士：賣相不錯，但牛油份量太少，內裡的花生醬 / 果占份量也太少兩杯飲品：不值一提埋單$71，雖不難吃，但也不算突出，沒有再來誘因。

忽然好想增加下啲膽固醇，衝呀！進擊的菠蘿油! 慕名而來，菠蘿油你好!菠蘿油係真係名不虛傳，皮酥內香，個包熱辣辣，塊牛油就凍冰冰，咬包嘅時候，牛油會喺個口…溶化，正! 不過我係重口味人士，如果牛油可以再厚啲或大塊啲就重正! 至於得獎西多士就一般啦～ 冇想像中咁震撼，可能唔夠新鮮炸起，不過厚度適中都被一般茶仔好食嘅~ 但最吸引我嘅竟然係年雞扒撈丁，好香好濃芝士味，啲雞扒仲好嫰添！可惜飲品方面可能唔係賣點，個水吧一般咋喎~ 奶茶未夠香滑，谷古仲略嫌有啲淡口(唔甜都冇朱古力味= =)但為咗菠蘿油同芝士撈丁我會再返嚟架!

不少人說金華冰廳的菠蘿油是全港最好，艾琳熊特意去試一試。新鮮出爐的菠蘿包，烤至金黃色的外皮很酥脆，包身又鬆軟，中間夾著的凍牛油慢慢地融入麵包中，冰火口感一流。不過，我覺得牛油不夠大塊，部份包身完全沾不上牛油，有點失色。西多士也是茶餐廳必食之物，炸到金黃色的多士，中間是花生醬，外層是鬆化的蛋漿，上面放有一大片半融的牛油，再淋上糖漿，簡直比菠蘿油更加「邪惡」。金華的西多士味道不錯，但比較油，也不見得比其他茶餐廳突出。另外，還食了芝士咖喱豬扒撈丁，份量很多，芝士醬十分濃郁，但多吃幾口就會開始感到膩，而且豬扒肉質較「實」。飲品方面，我沒有試這裡出名的奶茶，只是喝熱華田，並不特別。由於出名的關係，本地人和遊客都會光顧，金華冰廳經常人頭湧湧，坐位又狹窄，所以要有心理準備用餐時會不太自在。

had the cheesy curry chicken shop 公仔面. the curry was good and with the cheese it was just superb! had 菠萝油which was crispy and soft all at the same time! awesome place!

話說同friend開完會就近近地走左去金華，諗住食佢個馳名菠蘿油，點知太晏賣哂 又咁啱睇到隔離枱嘅中年夫婦食緊個特大豬扒包，仲叫埋個酥皮蛋撻，嘆住杯奶茶咁寫意。我又try try佢個特大豬扒包加杯茶走先~~一上個特大豬扒包，心諗都唔係好特大姐, 只是變左長身嘅豬扒包，而包面不太脆，食落豬扒較乾身，無咩肉汁，但食完後豬扒嘅肉絲不會太痴牙，不會令你尷尬要用牙籤係咁清理。食豬扒包都係去澳門好 奶茶同普通茶餐廳差不多，但金華用黑白淡奶拉，質感都頗香滑，但茶味不太濃，可能茶走加入左煉奶嘅甜味完全蓋過左茶香。總結: 去金華都係始終都係菠蘿油最好!! 大大個，外脆內軟，又仲要夾住個牛油好掛住佢地啊!!!

之前一路都有幫襯開金華，但都只係外賣菠蘿包，今次終於去左佢到食晚餐。首先佢都同一般茶餐廳嘅裝潢差唔多，地方都算乾淨，不過服務態度都同預期中一樣麻麻。我叫左個芝士咖喱豬扒撈丁，呢個撈丁都算係幾重口味，不過一d都唔難食，其實係真係唔錯，喺其他茶餐廳都比較少見到，佢咖喱味幾香，撈埋芝士都唔會太膩，反而係幾香，豬扒都幾鬆化，個麵都仲係彈牙，唔會煮到散哂。另外朋友就叫佢個晚市套餐，就係有個燴汁豬扒飯，有個湯，同有杯野飲。我買左少少，個豬扒飯冇咩特別，只可以話幾抵食，而個湯就係d例湯黎，但都飲得出唔係味精湯，都幾好飲。整體黎講，價錢都算幾平每人40-50蚊到，味道都唔差，可惜係食唔到個菠蘿油，因為已經賣哂，有d唔滿足，如果大家想食嘅話真係要早d去。

This place is iconic and has been on my list for a long time.  Finally, I got to try what so many have raved about.We ordered two bo lo yau, singapore noodles, french toast and two dong lai cha.At our cramped, shared table, we waited in anticipation.  First - the tea.  It was good.  Nothing exceptional, but strong and sweet and refreshing.  The singapore noodles were mediocre at best.  A little too underdone for my liking, they are better in other places.The french toast - have seen better.  The

今日去哩間喺OPEN RICE 算出名的冰室，打算食個下午茶，D 伙記好快叫左我吔坐低，真係有茶記風格，爽快。我一心諗住食佢個菠蘿油，見佢無個餐跟，就單叫左個包，而另一位就單點咗個西多士(咩芝士咁類似GE 西多士，見佢無跟餐，就話唔叫嘢飲啦(成接近20蚊一杯，覺得唔抵)，打算食完出去買其他嘢飲~~之後就黎了，個男伙計話至低消費係一杯嘢飲，叫我地各自叫多一杯嘢飲，西多士同菠蘿油係外賣食的==我心諗咩料，個西多一份24蚊，多過佢一杯唔抵嘢飲，仲叫好意思要求嘢飲? 唔通我要係街到拎住塊西多，當方包咁包?!?! 你話菠蘿油就話可以接受JA~~ 如果我一份西多士加嘢飲，要成4X蚊，不如去連鎖店食算啦~~~!!!最後我拎起袋，頭也不如走左，然後回家打哩篇食評~~~至低消費係一杯嘢飲，大家以後去哩間冰室，記得叫嘢飲了~~

去到太子，必來到金華冰廳食菠蘿油，中午時間幸好餐廳內都不算太多人，仍然是食飯時間，有卡位坐但是都要與其他搭枱，這方面我會體諒，先點了一個菠蘿油($9)及熱奶茶($16)，菠蘿包都是大大個，冰凍厚身的鮮牛油放入烤至金黃色的菠蘿包內，可是菠蘿包晤夠熱，令牛油沒有一點溶化，有點美中不足，菠蘿皮餡仍然香甜脆口，包身仍新鮮鬆軟，再加上滑溜的牛油， 咬下一口時散發啖啖的牛油香，菠蘿包加上鮮牛油真是絕配的組合。希望下次可以食到熱辣辣招牌的菠蘿包。 另外熱奶茶上枱時香辣辣，茶味甘醇香滑，花奶份量剛好，入口細膩幼滑，奶茶水準果然有板有眼。

這間茶餐廳真係好出名，因為真係好多人黎食。滿坐。。是日星期日，下午11點半，可惜order唔到早餐。唯有叫常餐啦。。1)雞扒公仔麵$34 包一杯熱飲。普通貨。雞扒煎到乾哂。not good。。公仔麵煮得剛好，仲有少少硬，不會太腍。2)菠蘿豬扒包$20，豬扒入味又腍身，正，但菠蘿包仲好食，菠蘿包面係脆脆的（好少食到脆面)，又甜甜的。難怪最出名係菠蘿包。