金華冰廳

营业中

休息中

下午茶時段身處太子，醒起有個好出名嘅菠蘿包！雖然我本身唔餓，但都要會一會佢！門口堆咗好多人，但都唔係買嘢嘅⋯⋯唔知係等位定趁熱鬧。目標明確嘅我，我行埋姐姐度就開聲買兩大個菠蘿油喇！（橫死掂死，肥就肥啦！）等咗非常短嘅時間，姐姐就俾咗兩個非常熱嘅菠蘿油我！菠蘿皮好靚，裂紋爆得平均，色水金黃，酥鬆香脆，但包身還是灣仔快樂餅店比較比色，但都算好食㗎喇！但十蚊個菠蘿油算抵食，因為佢都重手兼大個，淨買菠蘿包$6都係值得！提提大家，食前準備好紙巾，唔係就一手一面都係手油㗎喇～

好多人，好多遊客，如果唔係台灣朋友來到，最多都只係門口買個菠蘿包就算。叫左好地道既西多士，凍0茶，奶茶，豬扒炒公仔麵，蛋撻，菠蘿包西多士同一般茶餐廳差唔多，外面都好脆而入面都好軟熟，但花生醬既味唔夠濃郁，可能係因為唔夠多醬，有小小乾，再加多d醬或糖漿會好味d，普普通通，但就好地道。豬扒炒公仔麵，豬扒唔算多但夠送哂成碟公仔麵，公仔麵爽身唔會太硬未煮熟又唔會太糊，豉油味好足，有小小醬汁，唔會太乾，好味。最正係菠蘿包，我好彩岩岩出爐，相比平時既菠蘿包真係好脆個皮，仲有好大塊厚切牛油，一啖咬落去，個浸牛油味，而且唔會太甜，好正！！

週末到旺角逛街，就順道探一探久違的金華菠蘿油，然而街上人很多，很多人到金華買麵包。菠蘿油 $10到手，從前看得出的超厚牛油就沒有了，不過麵包皮很脆，整個麵包很軟熟鬆軟很不錯，而因為天氣太炎熱關係，牛油融化得很快，所以要趕快的吃完。

金華既菠蘿油絕對係香港數一數二出名 雖然當日去到並非新鮮出爐 但拎上手依然算熱菠蘿油真係好巨型 足足有我三個拳頭咁大 我食親菠蘿油都鍾意等中間既牛油稍稍放融然後先開始食 所以我食既時候已經無咁熱得獎菠蘿油 ($10)雖然唔係新鮮出爐 我又再放左陣先食 但係菠蘿酥皮依然超脆 係名乎其實既脆皮 脆到好似一個薄殻咁 咬落啖啖都咔咔聲牛油有成吋咁厚 唔知有無人同我一樣 我食到塊牛油有少少檸檬味不過雖然塊牛油夠厚 但因為包身巨大 令到塊牛油根本唔夠大塊能足以夾曬成個包 食到一半就已經無曬牛油 食曬牛油之後果半個包就咁食就有啲淡而無味而且頗為紥實 如果牛油大塊啲包身鬆軟啲就更完美喇

好多面包店嘅面包雖然好大個，但是輕飄飄，一啖咬下去似食風一樣無質感的。但金華冰廳嘅菠蘿包真係堅.好味！有質感，咬落好實在有質感但又不硬，嗰菠蘿面仲重要位，咬下去時㕶唔會成個面散開跌哂走，每啖都可以菠蘿面同面包同時吃到，不是“被分開”吃。好食！做菠蘿油肯定無得頂吖！

相信菠蘿包係好多人心目中至愛既麵包，但都有好味之分啦。現時好多都麵包鋪既菠蘿包都係好輕身的，可以飛得起果隻。此餐廳最出名的就是菠蘿包，皮夠厚而且又香甜鬆脆，麵包夠實淨好重身，食完真係好飽肚。

好多時夜收工，又要一個人食晚飯，就會諗起呢度嘅招牌豬扒飯，鍾意佢豬扒鬆軟入味，又大大塊，唔會乾爭爭，配埋個汁撈飯食十分開胃，我通常會特別要求多汁，確保夠汁撈飯嘛！晚餐38蚊有湯有飲品，呢個價錢好合理，加上佢晚晚必有豬扒飯揀，想幾時食都得 平日嚟食晚飯一般都唔會太多人，坐得冇咁迫又唔會趕你走，有時伙記哥哥仲會同你傾兩句添

今日行過太子特意到金華等他們的招牌菠蘿油等了15分鐘左右終於等到新鮮出爐菠蘿包新鮮熱辣辣,菠蘿皮外脆,面包香軟,牛油味非常香, 大大片的牛油牛油慢慢溶入包裡面雖然非常邪惡...但真的太好味..啖啖滿足~

已經不是第一次到來，每次來到太子都要心思思來索茶香，哈哈！冇錯！呢度的奶茶，絕對要用金香來形容又夠滑漏漏！！是呢度專屬的靚茶味，配埋個新鮮出爐大大個脆皮菠蘿包，不得之了！乾炒牛河，大碟、夠乾身不會油淋淋、炒得很有獲氣，河粉條條分明色水上得均暈也很靚，加埋辣椒醬，嘩！味道全昇華

已經不是第一來食了，時常心思思來吃下午茶的。下午茶餐的炸雞翼和出名的旦撻已是必吃之選，上枱的雞翼炸得卜卜脆，加上華鹽均衡適量實在野味。旦撻好吃在於旦心嫩滑配埋千層酥皮，內嫩外脆好過引。今日吃了一個第一次吃的咖喱雞扒芝士撈丁，聽落的確是重口味左啲，哈哈！說真的咖喱好香好重椰奶味，很有東南亞風情，撈埋芝士的濃奶味，簡直天作之合，一丁麵煮得剛剛好不會大淋和太乾，味道夾到不得之了！！！重點在於食在口中咖喱的香配埋芝士的肥沃的滋味道還是不停回味！加埋有兩大件煎得香香的雞扒，一碟小小的撈丁，哈哈又飽又漏到上心口！

今日黎到太子搵食，途經金華滿座就入去探個究竟。我和男友一進去就有一卡位空著，一個箭步就坐下去。心感幸運之際，侍應著我們坐進去一邊，要搭枱。點了個菠蘿油，火腿蛋一丁，芝士咖哩雞扒面，凍檸茶少甜，凍奶茶。 菠蘿油太出色了牛油香而不會太膩，包皮脆，內裡香軟，咬下去也不會散！另外的一丁和芝士面比下去就沒那麼出色。我的凍檸茶少甜亦非常甜下次還是吃包好了。

今次點的是一個大大份的豬扒菠蘿包呢！賣相已經非常吸引，一口咬下，吉士皮夠厚夠脆甜度適中，正！內裏的煎豬扒熱騰騰夠香口，再加上沙律醬、鮮茄和生菜真的是畫龍點睛的作用呀！剛好有旦撻新鮮出爐，外脆內滑，酥皮又香又脆，每層都是薄薄鬆化有千層酥皮的口感，燉旦當然是熱到辣咀滑滑的香香的，讚！除此之外，必點的還有炸雞亦，睇樣子平平無奇，其實一到來勁香呢！加上華鹽均衡的洒上實在是香口美味度全昇華！！最後茶餐廳之旅當然少不了凍檸茶啦！茶膽味道夠濃，小小的澀味洽到好處絕對不會苦，夠凍又不多冰，真是完美！

前幾日同事講起菠蘿油，就馬上讓我想到金華的得獎菠蘿油~適逢復活節假期，終於決定去食個下午茶下午四點去到，由於我覺得舊鋪座位太擁擠，所以選擇隔離的新鋪位。好彩呢個鐘數唔多人，入去就有位。不過之後陸陸續續人多起來，要等位~點咗我每次必食的下午茶餐A: 五香雞翅拼酥皮蛋撻，凍檸檬茶(落單話要少甜少冰，不過本人覺得都仲係好甜)，最後加多個菠蘿油埋單$47~個下午茶餐要$37，我覺得鬼貴咗d。不過上次見到d遊客拿住本tour guide貌似推薦呢度，就當係體驗體驗香港特色茶餐廳lor

每次經過，總是見到店外人山人海等著買新鮮出爐的菠蘿包，墨西哥包，蛋撻等...今次終於有機會試喇!菠蘿包外皮很脆，麵包很軟熟。再加埋牛油夾住，簡直是最好的配搭!另外，仲叫左咖喱牛腩飯。咖喱汁香濃好夠味，而且又唔辣!仲有，牛腩份量好足!好抵食

今早要輪候醫院的診症，醫病之前先醫醫個肚。今曰去左老牌茶餐室金華食個早餐。餐廳非常多人和擁擠，就是背對背，肩並肩似的。 本來一心來試人氣菠蘿油，但已賣囇，所以試試它們的早晨套餐：雪菜米，煎旦/火腿/腸仔同奶茶。雪菜肉絲米：是非常家庭風味，不論湯或餸都淡，肉絲非常少並有點乾，米粉有點鞋口粗糙。 煎旦腸仔： 煎旦煎得有點油味。但旦有旦香，而腸仔是那種由細食到大的咸味雞肉腸，煎到微燶，都收貨啦！ 整個早餐沒有得獎菠蘿包都叫人有點失望，幸好杯奶茶非常正！奶茶甘香醇厚沒苦澀味，奶滑沒益味，滑得嚟仲有少少掛杯，而厚杯保持奶茶的熱度，叫人再三回味，十分推介！ 下一次還是等菠蘿飽出爐和享受一下奶茶時光。