金莎餐廳 (已結業)

食午餐入到茶餐廳，當然係諗住食快餐啦🤣🤣睇完ABCDE餐之後無咩想食，心諗死啦又要諗食咩，竟然比我睇到有鴨腿湯飯，呢個咁古老既菜式真係愈見愈少了。比個見到咁一定要食返餐啦。除左鴨腿之外，仲有冬瓜、陳皮、西洋菜。鴨腿燉到出晒味，又淋。鴨肉配上辣椒豉油一絕，個種鮮味呀！就係要靠呢個豉油啦😆咁湯好味，無味精，如果個湯配返粒冬菇，個湯又可以提鮮得更多了😋😋

每星期返完教會都要覓食，通常都係呢個商場嗰幾間是旦一間，金莎都幫襯左好多年，作為一間街坊小店，好有人情味。食物選擇都是一般茶記咁，每日不同快餐之選，今日呢個洋蔥雞肶飯幾好架，真係成隻肶，汁都Ok. 快餐真係好快上到，不過份量偏少，有埋熱飲$37正常價錢。另外叫左午市特價的乾炒牛河，$48比快餐貴d但份量都多d, 即叫即炒好有鑊氣！牛肉份量都多！另外散叫了阿女最愛的「福建炒飯」（$68），份量夠料多，食材新鮮，幾好呀！

今日放annual leave, 做個廢中，當然食lunch 就求求其其，最緊要方便快捷，求飽肚，所以會揀樓下茶記。一起身，打個電話，落去食都廢時，盡顯廢中之廢，就係叫外賣。諗好耐吾知食咩好，就叫左個咖哩雞脾雞。一黎到，都吾錯架，咖哩汁幾香，分開上，幾夠汁，就甘撈飯都可以食兩，三碗飯。之後，就係重點，雞。d雞脾叫有炸過，都夠香口夠朝身，不過，如果份量再多d就好啦。當然少不了，要叫杯凍茶，要少奶少甜，甘就perfect池!!!

原本一般茶餐廳，冇乜好寫。但食完味道又唔錯，就即管寫一寫。沙田秦石邨金莎餐廳，份量大碟，勁多配料，鮮魷好新鮮。我叫左味菜鮮魷飯同埋良爪牛肉飯，兩碟都好好味，超難得食到細個食開既味道。但鮮魷可以玩下花”腎”，雕下花就口感應該會好d。出面食過d酸菜如果整得唔好會有d “壓” 味。但呢度整得好好，個針又適中，唔會太 “傑” 。各位要留意一下每日只做到下午4點，唔做晚市，如果揸車🚘黎朋友，有一小時免費泊車，可以揸車黎搵食。

沙田市中心的河對岸，向來都是我對沙田區的一個盲點，頂多只會因為看醫生而在第一城及河畔/麗豪的一帶出沒。有時候，預早一點時間出門，有時候沙田會成為我轉車的中途站，而我就選中了沙田市中心河對岸的絃條屋邨為轉車熱點，下了第一程車之後，找家店，食個早餐再搭車。經常坐182的我，早就在秦石邨的車站發現這《金莎餐廳》，方便就在巴士站的不遠處，食飽就可以上巴士，這正正合乎我的早餐要求。簡單的屆邨茶餐廳，地方不用太多說，而我在早餐的餐牌上，看中了一個叉燒豬扒麵，感覺既簡單，又夠飽。早上的叉燒，當然是隔夜的叉燒，但入口依然是腍，亦帶有甜香的味道，但麵底是大光麵，湯底是無味湯，不過，有美味的叉燒搭救，不要緊。而豬扒，味道也不過不失，夠肉夠味道便可。奶茶是好的，雖未至於好到不得了，但既香又滑的奶茶，是茶餐廳取分的重要一員。簡陋的公仔麵早餐，服務又快又爽，早上時間趕，他們也樂意為你而趕，不錯。

第一次幫襯哩間茶餐廳.其實我望menu時覺得都有點吸引雖然都係普通茶餐廳會有既野.我叫左炸魚柳配薯條春卷加熱豬古力都會覺得可能有少少豐富　因為都$27之後發覺是這個賣相我就覺得超級不值得.感覺好hea同埋賣相好亂薯條幼到呢...係咪可以多返少少呢??最離譜係炸魚柳 以為係一大塊有得切個d第一眼望到以為係炸雞皮沒有下次的下午茶!!!

若非住在這裡附近的人，也不會知道此它的存在。餐廳位於與沙田市中心只有一條城門河之隔的屋邨內，隔鄰只有一個小型屋邨商場，滿足住客的基本需要。雖然跟市中心只是咫尺之隔，但小社區的氣氛截然不同。這裡的人都是附近幾個屋邨的老街坊，以基層家庭或老年人為主，甚少外來客。一天之中最熱鬧的時間，要數附近中小學生上課的時候，年輕的學生，為小社區帶來一點活力。為什麼這裡是隱世餐廳呢？除了本身其身處的小社區自成一國之外，餐廳位處街市最入的一個舖位，而最當眼的地方，就只有在屋邨後門一個上落貨區的門口！進入邨內停車場閘口還要拐幾個彎才到達。雖然如此，這間茶餐廳最少在這裡經營了最少二十年，當中經歷過幾次經濟危機仍屹立不倒，必有箇中原因吧。週日下午十二時多，店內食客已坐滿7成。自己一個人來，惟有搭枱。已正值午餐時般，大多數客人都點了午市套餐或碟頭飯，由於我前來的目的是港式BRUNCH，二話不說要了假日常餐，雙拼＄23配熱飲。可選擇的雙拼配料比一般茶餐廳多，比較特別的有雞絲、時菜和煙肉。是日選了沙嗲牛配腸仔，還有來茶餐廳不得不點的熱奶茶。先上的是奶茶。或許你不相信用肉眼也可看得出奶茶的香滑，但今天我在攪拌奶茶的時候，

已前係附近讀書，對依間野都算摸熟哂...如果大家岩岩拜完車公，路經此地除非大家目標係大家樂，如果唔係勸告大家行遠少少返新城市食...最記得係d雞扒飯同埋茹汁牛肉飯雞扒大部份炸到成舊粉，牛肉就多數未熟反而野飲ok,推薦華田因為就近學校關系，人地就係做唔切幾年黎都一樣，質素就在所難免...

補課的食飯時間,今次下走到另一邊食。自從大家樂進駐,周邊食肆變得冷清,期後進駐的波仔也搶不到人客,唯獨這裡不受影響,更勝過大家樂。十二點幾到來,人客多得近乎滿座,伙記忘過不停,但當有人客來,也會即時幫手搵位。不過也因人多,比較嘈雜。點了快餐,選了黑椒雞扒飯,加杯凍檸賓。先來凍檸賓,利賓納味淡如水,只喝到檸檬味,但不算難飲,飲落味似凍檸水。反則黑椒雞扒飯,黑椒汁味濃,辣辣地,只是嫌汁不夠多,雞扒皮脆,肉質也算滑,有肉味,也吸收了黑椒汁的味。三位靚姐搭檯,見她們點的梅菜蒸鯇魚飯,大舊魚腩同飯分開上,聽到她們話幾好食,亦見她們的瓜粒湯飯用大湯碗裝著,料也算足。約一時,例湯沽清。這裡的例湯,粉麵碗份量,見很多人客都會點,下次試試。食畢,回到山上。