金翠餐廳 (已搬遷) 新店位置

今次食第三次，三次我都係食餐廳推薦，喺餐牌第一頁嘅金翠西冷。其實第一、二次黎，都知道呢間餐廳d湯唔係咁好飲 (我飲白湯)，不過今次第三次黎，直情溝左水，又稀又無味，好難飲餐包好牛油都係正常嘅。次次我叫西冷都叫5成，朋友叫7成，不過今次落單阿姐應該搞錯左，比左7成我，我朋友變左5成變左7成之後，唔係咁啱口味，之前兩次食5成，係好好味嘅最後，餐飲都好差，個水吧阿姐沖阿華田好淡，淡到好淺色，好飲水無咩分別。離遠睇，我以為佢沖錯左好立克。

女友同我都中意食牛扒,咁岩見到呢間d評價唔錯,價錢又ok,決定一試~我叫左 鐵版牛柳(6成黑汁),紅湯,凍檸茶(小甜).女友叫左 鐵版西冷(6成燒汁),白湯,凍檸水.再加意粉($8)評分(10分總分,n/a=無食)先講個包同湯包(5分):個包大大個同暖,普普通通 紅湯(6分):無想像中咁好飲,因為睇食評D人話OK,但都唔錯,正常茶記水準,算唔太重口味.白湯(N/A):女友話OK,無飲鐵版牛柳(6成黑汁)(9分):好正,本人中意佢口感 ,第1,雖然唔係好重,但有牛味,出面好多無依唔到牛味. 第2,叫6成,真係比到6成我,佢好在牛柳下面有薯條格住鐵版,唔會搞到更熟. 第3,黑汁唔會太濃,搞到依唔到牛味鐵版西冷(6成燒汁)(N/A):因女友比我少少我試,都OK,有咬口,因只試左小小,講唔到好多野,都有牛味. 凍檸茶(小甜)(6分):正常茶記水準凍檸水(N/A):女友話OK- -

唔知系唔系新開張原因，7點幾鋪頭都好少人，so上菜好快第一次幫襯，試咗一份7成熟肉眼扒，價格適中，味道ok，黑椒汁小小咸，但系d肉又林又多汁近排一個人食飯，所以會試多幾次其他扒d味道點。推薦！

舒適，不侷促，通風比金鳳好！地方整潔！羅宋湯娛餐包，個湯夠哂濃！鐵板上牛柳牛柳六成熟羊鞍入味又唔騷，好得！燒汁自已加甜品芒果布甸整體收貨，坐得舒適，價錢合理，味道又佳！

睇食評話金翠d廚師係由金鳳過檔去做，食評唔錯。於是揾日黎試吓午餐。午餐有四款，如唔鍾意食都可以叫鐵板扒餐。午餐有飯、麵、湯飯選擇。我地兩個人叫了兩個午餐share食。要咗肉絲炒麵同黑椒鑊仔牛柳飯，$30有餐湯、餐包同飲品。餐湯要咗紅湯，即羅宋湯，味道跟金鳳的一樣。肉絲炒麵，麵炸過好香脆，上面鋪滿肉絲、芽菜同韮黃。個汁剛剛好，唔會太杰，又足以撈勻d麵。黑椒鑊仔牛柳飯，黑椒汁頗辣，都惹味。牛柳原條上，略煎過，外層少少焦鎖住肉汁。肉質好過金鳳嗰d梳打牛，起碼仲有肉味又唔會過淋。

見到太子開左新扒房~個門面藍天白雲咁幾得意~就走入去食野~我叫左個羊扒餐(紅湯+餐包+鐵板羊扒+凍檸賓)紅湯:正常水準餐包:上到枱上是熱熱的~不錯喇~鐵板羊扒:熱辣辣上到枱~令人食指大動~小妹向來愛食羊~不過都好咀勺~怕騷味~可喜的是呢間餐廳真的弄得很不錯~燒汁香濃得黎不會蓋過羊的鮮味~雖則羊扒少不色有小小根~不過的確很野味~配上大大撮ge蒜泥真係好正!!!凍檸賓:消滯首選朋友叫了肉眼扒都說不錯啊~

尋日行完街,想食扒就同D FD去金翠食啦~不過都幾難搵 因為冇塊大招牌去到果陣冇位要等幾分鐘~之後好親切的服務生姐姐招待我地我同朋友都點左推介的 金翠牛柳 +2蚊 加蒜蓉 +5蚊 加飯 (另外可以+8蚊 加意粉)我叫左白湯 我朋友就叫紅湯白湯就普普通通都幾好味的紅湯就正啦 我試左淡~ 真係好味~ 加餐包食好好食~牛柳到啦~ 只係等左幾分鐘 有蛋 有好長的煙肉, 好大塊的牛柳, 牛柳底有薯條同紅蘿蔔等 正好用黎送飯~ XD (蛋下有蒜蓉)有2隻汁 黑椒同燒汁 我就選擇左黑椒汁底下的紅蘿蔔同薯條用黎送飯真係好好食~!!!係D 蒜蓉生左D 辣左D 食完之後好親切的服務生姐姐請我地食甜品 因為開心得濟 加上拍攝技術的問題 張相影得好鬼差 甜品是雜果啫喱姐姐幫我地倒埋花奶~ 餐飲就叫左杯凍檸茶同凍奶茶因為同茶餐廳的一樣~ 所以就唔影啦^^"

個餐有湯有餐包有飲品同埋甜品，它們的扒餐十分有睇頭份量十足，金翠牛柳，叫了5成熟，剛剛好! 牛柳底部有薯條，我至愛。最重要係好"林" ，其實同我原本想食等成粒鐘個間既金X大餐廳既味差不多。牛柳 - 我要五成熟, 真係好大塊, 又淋又冇筋, 加埋啲黑椒汁同生蒜, 真係冇得頂!冇加一另外雜扒餐份量也相當驚人，有牛扒、豬扒、雞扒，塊塊都大大塊，質素和味道也好味，這裡的扒味道及份量取勝!!最重要係雖然唔貴, 但d服務態度一流~~~侍應勁有禮貌,又收野收得快喎~~~簡直抵讚依度坐得闊落d~~又無油煙,坐得舒服d

星期六在太子打完波, 打算揾個地方食飯, 路經這間餐廳, 應該係新開張, 咁就入去試下啦......一入到去, 侍應就立即招呼我去卡位坐, 而由於係新開, 所以都好乾淨, 地方都尚算闊落, 坐得都幾舒服......我望一望周圍, 好多人都係食扒, 咁我都試下扒餐啦......我問咗個侍應有咩好介紹, 佢推介咗個金翠牛柳, 而我一向都只係喜歡食牛, 咁就一於食呢個啦......首先來一個紅湯, 個湯肯定唔係罐頭湯, 因為好足料, 味道都唔錯; 然後有一個大餐飽, 都真係幾大個;主菜到 - 金翠牛柳, 原來係一大塊牛柳, 加一條長煙肉, 仲有一隻煎蛋; 而除咗有得選黑椒汁同蒜蓉汁之外, 仲有得加生蒜(咁似曾相識?)牛柳 - 我要五成熟, 真係好大塊, 又淋又冇筋, 加埋啲黑椒汁同生蒜, 真係冇得頂!煙肉同煎蛋 - 煙肉係一大塊, 唔會太肥, 而煎蛋就不過不失, 都幾好味!餐飲 - 要咗杯熱檸茶由於樣樣都份量十足, 食完真係超飽, 跟手埋單, 一共係$82, 冇加一, 相對於大X樂食一個扒餐要$5X, 仲要冇餐飲同埋食完好似冇食過嘢咁, 呢度雖然係貴多少少, 但就真係物超所值, 絶對值得!

話說心血來潮，想去太子食個靚扒，點知有間要等成個鐘.....大熱天時，真係唔好玩啦! 條街咁熱，仲要等成粒鐘??? 之後我地行前少少，有人派傳單。我地見到張傳單話佢地係新開既扒房，又唔駛等那麼耐，於是我地就去左金翠餐廳喇!!跟住我地叫左個金翠牛柳雜扒!!個餐有湯有餐包有飲品同埋甜品，它們的扒餐十分有睇頭份量十足，金翠牛柳，叫了7成熟，剛剛好! 牛柳底部有薯條，我至愛。最重要係好"林" ，其實同我原本想食等成粒鐘個間既金X大餐廳既味差不多。另外雜扒餐份量也相當驚人，有牛扒、豬扒、雞扒，塊塊都大大塊，質素和味道也好味，這裡的扒味道及份量取勝!!果然食完之後好似張傳單所講令我食指大動!!

昨日行過荔枝角道見到有間新扒房,以我禁胃食既人,入去試下0拉~原來依間個老細係以前係金鳳 度做0架喎~~餐湯我叫左個羅宋湯,唔係罐頭湯黎0架,好好飲 ;而我個FD就叫左個忌廉湯,裡面有有雞肉, 幾滑我聽講佢地既柚子金沙骨沙律係佢地廚師推介~~~所以叫左個金沙骨沙律同西冷扒~~主菜西冷扒：D味道好好味又好林，唔多筋位，加埋蒜蓉簡介Perfect ..... ！金沙骨沙律：好特別, 招牌菜真係招牌菜~~~ 真係好好味~~個set仲跟餐茶同dessert ~~ $70幾蚊有禁多野真係抵最重要係雖然唔貴, 但d服務態度一流~~~侍應勁有禮貌,又收野收得快喎~~~簡直抵讚依度坐得闊落d~~又無油煙,坐得舒服d~~~我地會再黎架!!!