金羅寶韓國料理

营业中

休息中

今晚食完催淚彈非常氣憤，簡直想爆炸，所以要食一食辣野！金百利大廈出名多食肆，這間韓國菜餐廳都幾多好評，就進去試吓。地方寬敞，海上有電池爐供燒烤用。未點好餐已經先送上8碟配菜。薯仔和蓮藕都是甜的，味道開胃；菠菜和大豆芽亦是清新之選。另外有辣泡菜和燒紫菜。兩樣都是大大碟，食完都飽飽地。辣炒鮮魷麵份量超大份絕對夠吃飽兩個人，辣度是可以接受，加上鐵板燒，非常惹味，鮮魷亦很多，很新鮮，質感一流。配料的洋蔥和椰菜都炒得幾淋，而麵條加了醬汁真是好吃開胃！辣拌麵又是大大份，我就不太接受到這個酸味，男朋友反而超喜歡，而且這個是冷麵，我較喜歡熱麵條。還有甜品附送，是香濃的芝麻雪糕，很香芝麻味道。另外可選擇紅棗茶，適合女士。所有食物都大大份，特別喜歡辣炒鮮魷麵！

很久未吃韓國菜，看到銅鑼灣這家金羅寶食物質素好像不錯，就來嘗一下。位置挺大，坐得舒服。它還附送前菜，有我愛的醃泡菜，美味而且很開胃。菜肉抄年糕 $148年糕頗煙韌，韓式辣醬味道帶甜，不太辣易入口，很合香港人的口味。如果更入味就更好。海鮮煎蔥餅 $148蔥餅煎得很香脆，但不是太油膩，加上海鮮更惹味，口感也很豐富。海鮮石頭鍋飯 $148一捧出來熱辣辣的，聞到飯的香氣。飯焦脆脆的很好吃。海鮮也足料新鮮，魷魚彈牙口感。

今天難得放假，就約了好朋友去銅鑼灣SOGO Shipping👏和聚餐。朋友提議在對面金百利廣場6/F「金羅寶」餐廳食韓國料理。進入店裡，每張枱面都設置烤爐，座位寬敞舒適，很舒服😌點餐時，店員送上了8碟韓式前菜😍，分別有泡菜、魚仔、豆乾、芽菜、薯仔、菠蘿紅椒甜酸骨、等等......岩晒我眼闊肚窄嘅人😋《烤牛肋骨肉》＄188急不及待品嚐，吃落口中有股牛香味，燒烤牛肉都能夠保持肉汁豐富，不太肥😋😋《辣泡菜餅》＄148店員送來放在枱上細心地安排切件👍。很香焦香味，咬落外脆內軟，配合酸辣汁一起吃，味道酸酸辣辣，惹味又開胃😋😋《牛肉石鍋雜錦飯》＄138很好的服務👍，如須要店員即埸把石頭鍋飯勞起給客人食用。食材豐富，飯粒軟硬度剛剛好，有少許飯焦，吃落很有口感😋😋用餐完畢，還有甜點雪糕🍦或紅棗茶👍今晚很開心啊！和朋友一起聊天，又品嚐美味的韓式料理😍😍

同朋友來呢度食午餐，很快可以入坐，餐廳好大，好舒服。 一坐低就送咗10碟泡菜，有魚片有薯仔有泡菜矮瓜西蘭花等，本人覺得最好味皂山是有細魚仔等等。我最鍾意就係魚片，另外泡菜都好好。炆牛肋骨 - 分量好大，肥瘦適中，脂肪比例均勻，連個紅蘿蔔同埋白蘿蔔都好淋好入味。仲叫左個鰻魚石頭飯 - 侍應先幫你將飯和鰻魚伴勻，加上醬汁，友人最鍾意飯焦，所以石頭飯等左一會兒先食飯，勁多飯焦。我同朋友就各自要雪糕和紅棗水，紅棗水好入味，應該煲左好耐，甜度適中，建議大家下次可以試下。

「肉中驕子」你聽過沒有? 答案就是蛋白質含量高，而脂肪含量又低 我最愛的 不期然吞了口水，快要在口角流出呵呵，不要失禮啊! 果然味道非常甜美，用燒烤的方法烹調，更提升了那股肉香! 伴着小麥香濃的韓國啤酒， 充斥了我的口腔，Wowww 熱氣全消!另叫上地道的 ~ 海鮮石頭鍋飯， 確實與別不同，粒粒甘香，令我不其然一匙又一匙地放進口裡，感恩給我一個愉快的周日晚餐喔!

位於銅鑼灣葛金羅寶韓國料理自從上次帶上男票一試就已經難以忘懷，終於抽到時間再黎食，今次決意再試多d野！入韓國餐廳一定一坐落就會俸上一碟一碟的泡菜前菜，味道十分高質,泡菜唔太辣,味道剛好,款色又多；平日食韓國菜，吃的喝的都係辣的，如果想食滴無感辣葛嘢，可試試銀鱈魚湯，鍋內加入了銀鱈魚、蜆肉、豆付、蘿蔔、芽菜等，湯奶白色，有清甜的海鮮味，有魚有蔬菜，而且銀鱈魚只去骨又方便，食得有型又好味。好值得一試！

今早黃雨打算留家中不外出食飯，但老公見下午已停雨便建議出去逛逛，老公揸車到大坑見有車位便泊了，2人便拍拖拖逛一下銅鑼灣，途徑的地方都被外傭佔據了！哈哈😄！不知不覺逛到金百利廣場，看見很多食店招牌，雖然時開還早18:00，感覺有點肚餓便決定食飯先，在衆多間的不同餐館，我們選了6樓的金羅寶韓國料理，很久沒有食韓國菜了，老公最愛牛的，當然點了烤牛肉拼盆及蛋伴生牛肉什錦飯﹐韓燒一定會有多款的前菜﹐先上枱的是蛋伴生牛肉﹐地道韓式生牛肉伴滑滑生雞蛋﹐加上特制的醬料﹐嫩滑味美啖啖好滋味﹐之後當然是重點烤牛肉併盆﹐併盆有韓牛肉、牛肋骨, 牛肉味濃郁油脂均勻﹐調味也不錯﹐再配上生菜簡值絕配﹐不會有油膩的口感﹐而最欣賞的是採用無煙烤爐﹐不怕油煙上身的味道！

話咁快又黎到Happy Friday 啦！星期五梗係要食好d，好耐冇食韓國野🇰🇷，同幾個同事去左sogo出面既金百利食金羅寶😋😋其實每次食韓國野最期待嘅就係八小碟，五顏六色，見到都好開心呀！最好食嘅係甜嘅薯仔，食落仲暖暖地，Kimchi 好fresh ，辣得黎好爽脆，麻油芽菜都好好食，紫菜酸酸地又幾special 喎！另外主食叫左豆腐鍋，湯底鮮味，入面有蝦同蜆肉，當然唔少得嫩滑嘅豆腐😋 清清地配埋飯好好食❤️

在銅鑼灣混的日子都不算少，還是第一次來金羅寶，一試可不得了，它會成為飯堂之一 😁😁環境舒適，座位寬落，餐廳面積不少，目測可容納上百客人。韓菜特色，前菜八小碟，款款味道不同，但款款都甚得我心。點了白切豬肉包心菜 $150，是個韓式生菜包，同樣是用生菜，將白切豬肉、醬料及配菜包起，一拼進食。鐵板烤牛肋骨肉 $110，慣常的吃到韓式帶甜的醃料味道，已起骨的牛肋肉軟腍無筋，烤過後香氣四溢，伴飯一流，很喜歡的味道。韓式例湯，牛肋骨清湯，高質素例湯。辣泡菜煲$80，泡菜味濃，酸度適中，雖有少許辣，屬可接受辣度。豆腐軟滑中心帶咬口，跟泡菜湯味道很夾，好味道。紅棗茶 $12，冷熱各一杯。是柚子茶的好朋友 😄😄甜品也是紅棗茶，但此茶不同彼茶。這是紅棗打蓉做出來的甜品，超級超級喜愛它。從此，午餐又多了一個好去處 👍😍😍

上星期一星期內就食了兩餐韓國菜，灣仔188嗰隔離嗰間就麻麻哋，但銅鑼灣金百利樓上嗰間又幾好喎！不但地方大，而且座位舒適，侍應的服務也很好，最重要的是食物味道整體吾錯，價錢吾算貴，星期六也有午市套餐供應，份量也很足。不過金百利午飯時間就有D煩，排隊上樓都要起碼5至10分鐘！

莫負好光陰，今朝晨雞咁早就起身工作，只係忙左個朝早g ma, 頭頂就有光環加冕，餓到滿天星斗, 喺呢刻我不停loop住"食燒肉" ……"我要食燒肉" ……未到12點衝左去金百利間金羅寶， 好彩即刻有位畀我哋，次次黎必點烤肉, 人蔘雞湯，同埋紅棗茶。呢到個午市套餐無論價錢，食物質素喺銅鑼灣黎講，CP值都係高企。好似今餐嘅鐵板烤牛肋骨，鐵板烤肉套餐（牛肉，雞肉，豬肉），2份鐵板由廚房端出黎都係出哂煙即烤ga, 熱呼呼又啖啖肉，肉汁豐富煙韌又彈牙；人蔘雞湯好正宗味道同飛去韓國食嘅一樣；至於紅棗茶我每次加錢都要叫gei, 紅棗打成蓉味道濃郁，就如濃縮左嘅美顏補品，今餐完勝！！！

銅鑼灣金百利中心樓上有很多食肆，今天選擇了一間從未食過的韓國餐館「金羅寶韓國料理」。這餐館位於大厦六樓全層，一踏入餐館感覺吾錯，地方闊落之餘，座位的排列一啲都唔擠迫，而且卡座非常大，十分舒適！食物種類琳琅滿目，有烤肉、鐵板、燒魚、煎炸物、蓋飯、石頭鍋飯、年糕、冷麵......但價錢不算貴，所以我們有很多食物都想叫，只是揀選食物都花了不少時間。食韓國料理當然少不了種類繁多的前菜，除了常有的薯仔、芽菜西洋菜、泡菜、茄子、海藻等等，還有少見的牛舌添！先嚐鐵板牛肋骨肉伴以日本米酒，好正！牛肋骨肉大大塊，肉質鬆軟，以韓式醬料醃漬再燒，非常美味。只可惜只叫一碟，有啲唔夠喉。 日本米酒則酒味香淳。高麗人蔘雞湯有成隻春雞和幾粗吓的人蔘，可為材料十足。燒鰻魚石頭鍋飯，飯底微焦香脆可口，鰻魚肥美厚肉。第一次食冷湯麵。原來是醋湯底，酸酸哋非常開胃。除了麵外，伴菜用上蘋果片、醃蘿蔔片和青瓜絲、車厘茄和蛋，配搭夠晒特別。燒銀雪魚，魚身燒得色澤均勻，魚皮燒得香脆。

There are over 40 choices of lunch set. Our favourites are always no. 12 beef short rib stew and no. 17 Korean ginseng chicken soup. The staff gave us 8 appetisers including kimchi, potato, cucumber, eggplant, etc. All of them tasted good! The beef short rib stew was delicious. The beef was very tender and juicy. The carrot and potato were soft. This set included soup and rice.The Korean ginseng chicken soup tasted mild and healthy. It was not oily at all. The chicken was still very tender and t

銅鑼灣金羅寶韓國料理用餐區非常舒適，卡坐大大張，瘦的可坐上六至八人，而且卞座間有一定的距離，私隱度頗高。 翻看餐牌，食物種類之多，令人眼花，特別是週末也有lunch Menu，價錢也很吸引。食韓國料理最喜歡就係一小碟一小碟嘅前莱，泡菜、芽菜、西洋菜、薯仔、牛舌、茄子、紫菜.....一次過擺係你面前，未食主菜已經令你心花怒放，韓風滿瀉。牛肋骨湯 $85牛肋骨湯不俗, 以為午餐只是一人份量，原來份量也不少。四大嚿牛肋骨，肉質不講得是「淋」，而是「彈」，而且啖啖肉，還有蘿蔔、大蒜、蛋花等做配料，湯底清甜，可伴飯食。韓式上湯烏冬 $75用料豐富，除了彈牙烏冬外，還有大蝦、珍珠蜆、尤魚圈等海鮮，配料則有雞蛋、腐皮、鳳鳴卷、和數種蔬菜，70幾蚊一碗真係幾抵食，味道也不錯呀！鐵板牛肋骨肉 $110韓式醃料偏甜，但醃肉後再燒非常之惹味，伴飯一流。燒銀雪魚 $258平時去街市買一塊銀雪魚都要百幾蚊，而家兩大塊都是二百幾，可謂抵食。魚皮脆卜卜，魚肉又白又滑。燒鰻魚石頭鍋飯 $120鰻魚又大嚿又肥美，一咬下就知是即燒，熱到出晒煙，好美味。咁多好味嘅食物，當然要叫番瓶日本米酒，原來都只係$80 一瓶咋！整體的

有不少食店，因近年的韓潮去轉型去賣韓式的食物，但食韓國食品，最重要夠正宗.食店離mtr 1min, 十分方便易找，適合朋友的聚會，環境又十分之舒服，可預先訂座.小碟夠特色，夠正宗，我本人就最愛薯仔同泡菜了.牛骨鍋，份量十足，加上有蘿白等，十分開胃好味道.一粒粒分明的白飯，水準十分之高，價錢又十分之經濟.餃子湯用料十足.鱈魚鍋加上新鮮的蔬菜，這一啖湯十分之香濃，好味道.薯仔加上豬骨也是韓食必點之選.大快朵頤.