金祥排骨麵

营业中

休息中

周六一早回黃克競開會, 大家議題都離不開李生訪港事件, 真的要命....開了3個鐘都沒有入正題, 各人肚子餓了, 於是離開會議室走到水街找食, 大隊長說想食排骨面, 於是一行4人走到金祥 ...上一次在金祥食飯已是年多前, 那慢四拍的老闆娘和油淋淋的檯面, 還是記憶猶新....不過今次一走到金祥, 看到店內清潔左, 檯面那層油不見了, 坐得舒服, 4人點了: 排骨面 x 3 雪菜雲吞面 x 1 油菜 x 1 煎餃子 x 1 豆漿 x 2 菊花茶 x 2排骨面的排骨真的很酥食脆, 排骨食juicy..good good..友人的雪菜雲吞都不錯, 皮薄, 而肉沒有太多味精...除了排骨, 值得一讚是菊花茶, 店員說是自己店煲的..真的很清甜, 不是即沖劑的那樣..overall, 以simple dinning 來說, 價錢同質量是成正比的..走的時候, 才知道慢四拍老闆娘已退休, 店轉了新老闆, 怪不得清潔了...

一向幫襯開北角的金祥，可惜結業了，來到西環便一試這間分店，重溫舊夢。誰不知地方污糟到好似"張"住咁，都算！一心諗住黎食呢個好味排骨，但對比北角店，相距甚遠，炸完直接放湯麵，外面的炸粉淋曬，好難食，排骨無味。再加上無招呼，一間細到一眼睇曬的舖，得果幾個食客，舉極手都無人應，一個行去收銀唔知做乜，一個去同師傳打牙交，開口話要嗌野都慢4拍。走時企係收銀櫃枱，個侍應去到門口見到有客，即係入返去抹我張枱俾人坐，仲要等落單，完全唔理我，另一枱客都等埋單，咁細間舖都要等幾分鐘，怪不得平日午飯時間都坐唔爆啦！

自從德輔道西的金祥舊舖摺埋左，金祥肥嬸嬸過檔的春秋坊又執埋，這區就只剩下這間金祥太子女幾年前開的新舖。呢度食品種類係多d，又有特價下午茶餐，剛開張時確有點聲勢，但味道和份量都不及當年舊舖，所以多年沒有幫襯啦。這天下午四圍搵食，再來這裏試下。叫了個菜膽雲吞排骨麵，$25，加杯熱奶茶，$6，不算便宜。奶茶淡而無味，不提也罷。麵的份量也不算多，雲吞皮薄，味道尚可。但湯底明顯感到有味精。一早預計他們的排骨是預先炸起的，沒有太大期望，但最太問題是炸得太乾，加上切得太薄，完全失去肉汁，只剩下厚厚的炸粉。我也同意之前有網友所言，這裏的枱椅和餐具都鋪了一層油蹟，一坐下便感到「立黐黐」，連插在枱上筷子筒的筷子也不例外，感覺實在很差。以前舊舖的圓木枱和圓摺櫈也不會這樣啦…唉，真係新不如舊，唔怪得平時行過見到咁少人幫襯啦。

在附近辦完事，又係搵食既時候。對西環一帶並不熟悉，盲摸摸的找到了這間排骨麵店，名字似曾相識，卻又記不起詳情，食左先算。自稱排骨麵店，館子又貼滿雜誌讚好的排骨麵，沒有吃其他東西的道理吧。有個套餐，一碗排骨榨菜麵，加杯飲品，廿五大洋，幾實惠。上海麵是硬，不爽口也不彈牙，未如理想；再吃一口榨菜，質地軟硬適中，酸度柔和，用來送麵是不錯的。至於招牌的豬扒，切開一粒粒的，頗奇怪。豬扒不夠香口，好在肉質尚算鬆軟，不過不失。飲品選擇不少，甚至菊花茶和酸梅湯都有，但我還只是要了杯凍啡。咖啡不香濃，但在這些地方喝咖啡，也不會有什麼期望。

裝修十分古色古香，招呼算勤快最大的缺點是餐具（筷子、杯子、碗什麽的）感覺又油膩又污糟，多年未換，桌子也好像鋪了一層油似地，吃起來不免覺得噁心，即使食物還算ok菜式算豐富，墻上貼滿了不怎么經過修飾的菜式照片，大多是米線、上海粗麵配一些素食或者雲吞，感覺蠻樸實，童叟不欺。平均花費大概20幾蚊，上料足，上菜也快。不過就是實在是太*污糟*了……！如果你可成功用“不幹不凈，吃了沒病”來安慰自己的話，還是蠻划算的

難得有個長lunch break，即刻急不及待走到金祥試下聞名以久的排骨麵！一去到已經見到門口貼滿報章雜誌的採訪，果然係有麝自然香，估唔到一間位處西環電車路的小舖都可以吸引咁多人的青睞～點了菜膽排骨米線．炸至金黃的排骨有一半浸在湯中，一半浮在湯上，令豬排食落唔會太乾身．最重要的是排骨釀得好入味，肉質鬆軟又能夠突出豬肉的鮮味．相信店主在炸排骨的時候亦都下過一定功夫，絕對唔係普通快餐廳既麵粉吉列豬排，亦都唔會炸到皮肉分離．湯亦唔係太多味精，食完唔會太口乾．上菜同收銀都算快，價錢合理，是西環午市的不二之選！

幾年前因工作關係經常光顧北角店的排骨面，早陣子才發現西環原來也有金祥，便趁午飯時間去試一試。和同事各點了菜膽排骨魚卷面和菜膽排骨豆腐面。份量非常夠大，配料都十分新鮮。這裏的排骨比北角店做的還要新鮮，炸得剛好，外皮香脆，內裏肉質鬆軟。不過跟同行的同事都覺得這裏的上海面底稍遜了一點，就像粗面的幼版本，硬了一點。所以下次再來的時候會捨棄上海面，轉點粉絲或米粉。

我食過好多次,炸豆腐同排骨都超正!你可以炸野叫佢另上.雞球都好好味, 雲吞就麻麻! 菜膽好林, 炸腐皮卷都好脆, 柑桔檸蜜好正!.................

我0係附近返學, 幫襯試過佢0既竹笙雲吞排骨麵.雲吞幾大粒, 餡係豬肉+ 菜. Ok 啦, 雲吞皮稍嫌overcooked 0左少少, "林bad bad" 的.炸排骨令我幾失望, d 炸皮俾d 湯浸"林" 晒, 咬落一pat 糊咁0既口感; 肉質又乾又硬, 唔ok.上海幼麵口感比較"林bad bad", 又易索水, 搞到碗0野好滯.發覺全碗0野最好食的, 係d 竹笙... 真係灰.不過, 飲品都算幾多choices, 有菊花茶, 酸梅湯, 又有凍豆漿, 值得一讚.