金玉滿堂

营业中

休息中

今日去又無其他人講得咁爆，可能閒日（星期二）！？大家記住用翻Openrice呢度訂位，佢有甜品送，如宵夜有9折！（啱啱我今日用消費卷，所以都有9折）講翻的菜式，本身無諗住食太貴，所以都係叫左的普通餸。。辣酒東風螺欖角冰梅骨七味豆腐蝦乾蒸勝瓜豉椒鵝腸啤酒雖然幾樣嘢都係普通料，但食落真係好味，而且位處旺角，一定好過個的唔大集團，茶記，扮大排檔個的。其中七味豆腐，未食過呢個真係唔好話你自己知咩叫外脆內軟！冰梅骨，見到以為好大舊會好韌，好“鞋”，但食落好滑，好正，個味都特別！蝦乾勝瓜，係普通，但佢地用嘅係好嘅大蝦乾，不是蝦米，正！埋單七百零蚊！抵食！好正！有下次！

今次係第三次去食，都係值得幫手寫個食評嘅！好味道！菜式特別！有心做！而且比第一次有改進！有聽民意🤣👍先彈左先再讚：頭兩次去都係爆場，坐入面。第一次最衰！冷氣唔夠！🥵第二次去有新冷氣！👍但兩次都真係好嘈！好多人！好熱鬧！有小朋友或不接受咁嘈嘅，最好訂位時同佢講唔坐入面，或同佢講聲安排下位置。講翻食，好多樣嘢都要讚！🤩👍比較深刻係有幾樣砵酒桶蠔，真係要食過至明白有幾好食，唔係隔夜蠔唔在講，仲要汁係超好味得嚟無蓋過的蠔咕嚕肉，脆口得嚟好肉，唔係用下欄肉，味道好好七味脆豆腐，外脆內軟滑，必試！好好正！之前都食過海鮮，好正！新鮮！而且有我鍾意嘅黑松露，中菜都好少有，新鮮感十足！會再幫襯希望佢keep到質素！如果想試又真係介意嘈同逼，就真係預早講聲，有個女仔都幾好傾嘅，話可以安排！

訂完位，好快有個女仔打嚟confirm訂位，亦問我洗唔洗留餸，溝通後，就決定交俾大廚寫私房菜。因為好忙，同埋都係預$350/人，所以都無乜理張菜單，就確定左。去到坐低，睇得出的朋友都有小小突一突，因為的隔板令到有的逼逼地。叫上菜大概15分鐘，第一味蛋白龍蝦球，好正！龍蝦彈牙，味道好，蛋白有蝦味，仲超滑！第二味炒元貝，元貝用超大隻個的，好甜，整得啱啱好，唔會老第三味，黃金鮮魷後尾佢同我講係咩魷，我忘記左，非常好味，食落同出面好大分別好正第四樣係燉湯，我想講又好清，但又好濃味😍👍第五樣蒸龍躉，唔係清蒸，蒸得有小小過火，但出去食一般都係咁，但個處理真係好好！第六樣燒雞，味道係好味但最特別係佢滑到好似我個仔的皮膚咁，未食過咁滑嘅燒雞，有個南乳醬，我個人就麻麻，但有朋友話ok第七樣上湯菜苗，都好味架！但已經好飽！最後，原來佢用翻個龍蝦轂整個龍蝦湯泡飯，入面仲有的脆脆，好甜好好味，但真係已經好飽！呢間認真好正！餸都唔洗叫！可惜私房菜都一定要訂，如果衝落去都有就好！仲有埋單真係加嘢飲，仲有沙冰請我食！

睇左兩位師兄師姐嘅食評，食完我都有一句好認同，好彩佢係喺呢個位，如果唔係，一係就爆塲，一係就會貴到飛天。其實我都係睇到9點後有9折，呢個時間無咩鋪頭開，所以就禁訂位！👍🏻都係普通叫左五個小菜，欖角冰梅骨，油浸荀殼魚，啫啫通菜，砵酒蠔，蝦仁炒蛋，飲下啤酒咁，點知佢每個菜都同出面唔同😍冰梅骨，開胃，唔膩，肉唔會鞋，正！荀殼，已經小有，又大條，$188咋！外脆內滑！一定好食過上網search$1680/條個間🤣🤣🤣啫啫通菜，真係好惹味，好有鑊氣！（唔好睇少一個普通嘅菜，可以話係必試）砵酒蠔，隻隻都肥大，真係靚個啲，個汁襯埋的肥蠔，又係正既！蝦仁炒蛋，我見佢$148蚊我又試下！估唔到隻海蝦大到不得了！！😆，都未試過用咁大隻海蝦炒蛋！😂😂😂我見到忍唔住同侍應講，應該好小人會叫$148一個蝦仁炒蛋囉！但食過先知正！👍👍👍兩大兩小，白飯啤酒王老吉，8百蚊埋單。咁既質素，抵食又好味！正！希望佢維持到（但又唔想佢咁爆）🤣😂

本身喺附近返工,見到社交平台呢度開咗間新嘅私房菜, 即管落嚟試下,落咗兩次都爆場,唔忿氣一定要去一次,前日終於畀我訂到位!入去我都去,我叫咗幾個招牌菜,都係嗰個姐姐介紹, 值得一提姐姐都幾好相遇, 見到有鮑魚又有龍蝦,我心諗大鑊, 但都唔理啦!個黑松露龍蝦好特別亦都好match 反而好後悔冇跟伊麵底! 另外叫咗幾個普通小菜有個比較特別嘅奇脆元貝皇，非常脆卜卜 喺側邊，個口感好特別!呢家嘅菜牌嘅上面嘅菜式,係出面見唔到嘅,食物味道亦都好出色,擺盤都ok啦!唔怪得知晚晚爆場!

都係第一次係街，被派傳單跟住入去一間餐廳食！亦都係第一次幫人寫食評。。。入門口個下我都有小小驚，無咩人，但門面又靚靚仔仔。。心諗算啦。。。最差都係一次啫。。。點知叫左幾個餸，又幾好食，食得出個鑊氣。。。同樓面個女仔傾下計，原來佢話呢個星期勁熱所以好靜，平時爆場，都唔得閒出去派傳單。。。我認我係俾佢吸引左入去🤣。。。佢仲同我飲左兩杯🤣🤣🤣坐下食下，嘢食真係得嘅，材料食得出係好嘢！忽然靚女問我食唔食魷魚，我同的朋友都👌，問到咪要囉！睇相。。。金沙火箭魷一見到，不得了！的膽固醇瀉出嚟.！食落去，外面金沙濃郁得嚟又脆！最緊要入面隻鮮魷（靚女話一定要講火箭魷🤣）。。。滑嘟嘟，又鮮，生熟度啱啱好！再睇下餐牌幾錢。。。甘翅pok 街了。。餐牌無嘅！原來係咁啱熟客留多左，我地先有得吃。。。所以我都唔知幾錢。。。總之六個人。。十幾碟餸。。又可樂又啤酒咁。。。一人二百七八。。。平到我驚。。。最後去廁所，原來佢後面爆場嘅，內有乾坤。。。呢篇應承左靚女要幫post佢送多左支啤酒俾我😅以事論事，係好味，有鑊氣，又抵食嘅！下次都會去。。。係冷氣唔太夠。。。佢俾左風扇同啤酒補飛。。。同埋話會加。。。叫我下星期去就有

大廚低調唔開名啦！本身佢係×菜（高級粵菜）做過，功架不得了不在話下，仲負責過的上流私人飯局主廚添！無咁上下，都唔洗指意人地會揾你啦！呢位兄弟好多創意，一打開餐牌，除左的大路餸外，其他你都真係唔會係其他地方揾到！而且佢出名勤轉菜牌，三四個月就轉一次，的海鮮佬/行家個個都俾面佢，攞貨一流質素！咁話得食評，我都評一評兩個餸啦！生炆龍躉班翅---一個心機，功夫菜！好蝦人做，最簡單要你啱啱好，唔“鞋”，夠味已經難過登天！最最最重要，佢呢個味道炆到夠得呢！仲有魚嘅鮮嫩味道！絕！脆皮一品燒雞---皮脆，肉嫩！以為好普通！？咁你就錯！可以上到台，咬落去的皮脆到隔離台都聽到，肉汁彈到出門口，邊到有！？出面其他醃過夜，咸到阿媽都唔認得就有，皮上到台都冧曬。。。我本人就無問佢用咩雞啦！但食落去真心好食！好！唔講太多！大家自己去試啦！極力推薦！！

今晚補祝母親節飯，約左一家人響旺角鬧市剛開業嘅新派私房菜，名叫“金玉滿堂”， 唔好睇佢係喺街市裏面，唔講咁多住，去相。。。去得金玉滿堂梗係叫返個金玉滿堂啦，黑松露味非常濃厚水晶汁掛在鮑魚上，細節在於西蘭花都有用心調味炒過，唔會好似其他食肆咁白灼完就伴碟這道白雪藏龍，不但用上鮮味彈牙的龍蝦球，而且蛋白像燉蛋一樣超級滑溜，味道清新，簡直一試難忘。鹽水鴨口味清淡而略帶鹹味，肥而不膩、鮮嫩味美。豉汁白鱔小炒王七味豆腐酸菜魚 花雕泡椒豬手 啫啫蝦乾通菜

啱啱食完，唔幫佢地寫個食評，好似過唔到自己，但寫完又驚好快爆場其實諗住行去廣華街揾食，行過見到應該開左無耐，光光猛猛，食下嗌餸食飯咪入去囉！一坐低好快有個女仔問飲唔飲啤酒梗係嚟啦！整翻三枝大啤！亦叫左4/5個餸坦白講真係叫的普通嘢，但個魚香茄子煲好食到！鑊氣加上味道，我可以撈幾碗飯坐下又多個朋友嚟，咪叫阿女介紹幾樣囉！一嚟就叫我食海鮮！？心諗，下次先啦！話佐酒，就叫左個椒鹽鮮尤，小炒王，辣子雞，個鮮尤好食到，脆，鮮，又夠惹味，尤魚個熟度掌握得非常啱啱好😍小炒王，一般嘢，但淨係都要讚個鑊氣！辣子雞，辣度適中（我食譚仔食中辣，呢個就唔夠辣嘅），但香料足，惹味程度一流！跟住都唔知飲左幾多輪啤酒，又坐得幾舒服，唔經唔覺都要走。。。埋單6個人千四蚊多的千五唔找啦！今時今日係旺角，有咁👏嘅味道，好嘅服務，又坐得舒服！真係讚！講得衰的，希望佢keep住個品質同服務啦！真係抵食。。。如果扣翻十幾支酒，百零蚊個人，茶記都要啦！😆😆😆所以真係要俾個like呢間！👍👍👍

話說有個樓面以前識落，而家嚟咗呢間金玉滿堂介紹我哋嚟，又話可以寫菜私房菜咁，話得捧場咁就寫咗個四百蚊一位啦！ 咁去到坐低環境都唔錯，旺角都方面朋友嚟到都要算易搵。本身都唔抱好太大期望，話曬叫捧場未試過！第一味，就即刻上個兩小蝶，一個麻辣燻蹄一個爽滑魚皮；但呢個魚皮都真係香港比較難搵又爽又滑又好味，唔錯；麻辣燻蹄，嗰醬就不得了啦！真係好啱口胃口又開胃！第一回合合格！！！ 第二回合嚟咗個勁嘢，白雪藏龍就擺盤一流！龍蝦肉呢食得出好新鮮有處理過，亦都好好味，蛋白滑捋捋，令到個口感好舒服，值得推介！第二回合合格有突！！！ 第三樣上個金稻穗香一口牛，顧名思義係一口牛啦！牛肉都係幾靚嘅，唔嚡嘅牛肉，亦唔係用梳打粉拿到淋滋滋嗰啲，最特別係佢有啲脆米，喺附近係一齊令到個口感，又脆卜卜，又有牛肉，非常唔錯！味道就偏濃，但係都算係咁，非常唔錯！第三回合合格！！！ 跟住第四回合呢個酸菜魚不得之了啦！問咗佢係用鱸魚，好滑亦都唔會散曬，做法非常之好；而且個湯味道一流我哋幾條友喺度搶曬啲酸菜；芽菜；又搶曬個湯；成盤清曬！第四回合都係合格有突！！！ 第五回合呢個秘製鹽水鵝；我都夠膽講香港你都未必搵到；雖然睇落平平凡凡

早2日，同我家胖虎出旺角行街，攰攰地餓餓地，胖虎想食小炒，咁我就有機會啤啤佢（機會嚟喇！飛雲！）即撳『噢賓拉C』有間新開，胆粗粗試下。。。入到去有長髮姐姐熱情招呼，胖虎在身旁，望多眼都唔敢。坐低佢問我飲咩，唔通飲可樂咩，梗係藍妹啦😂😂，佢話試唔試醇滑，都好飲，見佢sell得咁痕，幾大就幾，之後睇餐牌。再問啲土耳其國家隊隊員（覺得佢件制服似波衫😂😂😂）有咩好介紹，佢話酸菜魚，鹽水鵝，我就試一試，再加多2個送酒小吃，魚皮同豬手。小菜魚皮，一個字『爽脆』😂豬手，用花雕腌製，入哂味，正（不過有一舊仲有一條毛😅）主菜酸菜魚，我叫左中辣，一食唔錯，同出面嗰啲有啲唔同，用芋絲芽菜做底，最好飲係過湯，飲落唔口渴，聽長髮姐姐講用魚⻣淆，幾好幾好。鹽水鵝，令我知道原來鵝係可以咁食，又食到鵝香又唔會肥膩，好嘢👍🏻埋單600唔駛，值得番焯

粵菜認真出色！一行六人，同事聚會想揾間坐得耐的，又吹到水，唔怕嘈！朋友介紹呢間，即管試下！入到去，小廚格局，靚靚仔仔，光猛，企理！後場更別有洞天！坐低左，即時感覺到，好少食粵菜張凳咁舒服，因為都會坐幾粒鐘吖嘛！😜跟手聽樓面介紹，叫左兩個小食，啤酒飲住先個爽滑魚皮，真係不得之了！之後有個麻辣分蹄，又係正！嗜辣嘅朋友可能差的辣，但我嘅口味真係啱曬！睇睇下餐牌，樣樣都想食，啱啱見到好似廚師出嚟打招呼，我又唔怕醜，問佢有咩介紹！佢話幫我安排，（心裡驚一驚）局住答，好吖！等緊嘅時候驚，食嘅時候仲驚有咩食呢！？上湯西澳龍蝦金玉滿堂（鮑魚）酸菜魚鹽水鵝七味炸豆腐菜一路食，唔誇張，味道蓋過我嘅驚，心諗，貴都值！的海鮮新鮮唔在講！個煮法係未食過嘅！酸菜魚，連湯都清埋！鹽水鵝，肉嫩，味道好，有鵝味！普通嘅炸豆腐，真係好小有，真真真真係，外脆內軟架！！！！！！後尾，個廚有出嚟打招呼，問下我地啱唔啱吃，又話驚太多，叫我地再去試其他招牌菜！我地飲多陣就到最緊張環節啦！！！！埋單！！！亦都係誘發我寫呢編食評嘅原因！$25×× 埋單食咁嘅👍質素同級數嘅嘢食，竟然400唔洗！今時今日仲有！？真心希望佢味道，服務，價錢

早2日同老婆，旺角行街街，7點半，嗰肚餓到打鼓，本身好愛食米線，但旺角食嚟食去都係雲x風，食到悶。咁就上網shearch下，烟廠街有間小炒，就試囉（因為本人鍾意飲2杯，但平時老婆會炸型，機會嚟喇，飛雲😂😂😂）。原來啱啱新開張，嘩!!! 胆搏胆，怕你有牙，最緊要有得啤啤佢😂😂😂一入去，有位長髮姐姐帶位，但唔敢望多眼，老婆大人在身旁😂😂😂。環境裝修唔錯，夠光猛，有枱布，有洗手位，衛生👌🏻 。入正題，問服務員有咩好介紹，姐姐就話酸菜魚，個個讚，鹽水鵝無得彈，老婆大人無意見，就試一試。有咩啤？介紹醇滑，話同正裝唔同，就試佢2碌，加魚皮，虎皮尖椒送下酒。醇滑估唔到又幾易入口，老婆大人都話飲，佢都入到口，魚皮正，一個字『爽、硊』😂，尖椒夠辣（本人食得辣），食到出汗，飲一口，露一手😂😂😂主菜上，酸菜魚，要左大辣（問你知驚無？），好食，嗰湯飲落唔想停，索下咩料先，原來係用魚⻣淆制，得，你贏。鹽水鵝，平時食開燒鵝，鹽水鵝第一次，樣就麻麻，因為顏色灰灰的，咁咪咬啖囉，頂你嗰肺！咁乸好食嘅😂😂😂真係未試過鵝原來可以咁整，係別有一番風味，你贏。想試多幾味，但2個人，費事3高啦，年紀大，😂😂😂。下次帶埋3，5知

早啲食飯健康啲六點幾已去到啦～因為我遲咗少少所以朋友已經嗌左一碟菜脯煎蛋食住先、我嚟到就即刻有得食❤️厚厚嘅煎蛋加埋惹品嘅菜譜真係好啱送酒啊～我哋仲叫咗鹹水鵝同三層肉三層肉香脆肉嫩咸鮮美味😋鹹水鵝鵝亦位超級嫩滑又鮮味鵝肉厚切又入味不知不覺就俾我清晒啦～*食到咁上下係時候食主菜叫咗上湯龍蝦伊麵底隻龍蝦超新鮮見着佢係水缸流出來好生猛肉質爽彈～超級香連伊麵我都青晒❤️❤️❤️實在太好味啦忍唔住叫多個荷葉飯同埋通菜🥬飽到攬住個肚走～見到隔離枱嘅黃金大蝦同埋酸菜魚都好吸引下次一定要黎再試

今日同屋企人食飯，去咗旺角百老匯附近一間新開食府，發覺食府無論裝修、食物、服務都真係幾好！值得一讚！👍🏻👍🏻👍🏻特別係食物方面，佢哋個招牌菜*金玉滿堂*真係一絕！一試難忘💕而其他菜式亦都不遑多讓值得一試再試，而店內亦有不同酒水供應，適合同一大班朋友傾偈聚餐，而今日可能係星期六關係，有好多人幫襯，好彩今日一早去到，唔使等位，我諗下次一定要訂位先得喇！🧐而埋單亦都分超值！等下次同朋友聚餐時，一定會再去試埋其他菜式😘