影片
更多
2021-05-04
178 浏览
話說有個樓面以前識落，而家嚟咗呢間金玉滿堂介紹我哋嚟，又話可以寫菜私房菜咁，話得捧場咁就寫咗個四百蚊一位啦！ 咁去到坐低環境都唔錯，旺角都方面朋友嚟到都要算易搵。本身都唔抱好太大期望，話曬叫捧場未試過！第一味，就即刻上個兩小蝶，一個麻辣燻蹄一個爽滑魚皮；但呢個魚皮都真係香港比較難搵又爽又滑又好味，唔錯；麻辣燻蹄，嗰醬就不得了啦！真係好啱口胃口又開胃！第一回合合格！！！ 第二回合嚟咗個勁嘢，白雪藏龍就擺盤一流！龍蝦肉呢食得出好新鮮有處理過，亦都好好味，蛋白滑捋捋，令到個口感好舒服，值得推介！第二回合合格有突！！！ 第三樣上個金稻穗香一口牛，顧名思義係一口牛啦！牛肉都係幾靚嘅，唔嚡嘅牛肉，亦唔係用梳打粉拿到淋滋滋嗰啲，最特別係佢有啲脆米，喺附近係一齊令到個口感，又脆卜卜，又有牛肉，非常唔錯！味道就偏濃，但係都算係咁，非常唔錯！第三回合合格！！！ 跟住第四回合呢個酸菜魚不得之了啦！問咗佢係用鱸魚，好滑亦都唔會散曬，做法非常之好；而且個湯味道一流我哋幾條友喺度搶曬啲酸菜；芽菜；又搶曬個湯；成盤清曬！第四回合都係合格有突！！！ 第五回合呢個秘製鹽水鵝；我都夠膽講香港你都未必搵到；雖然睇落平平凡凡
咁去到坐低環境都唔錯，旺角都方面朋友嚟到都要算易搵。
本身都唔抱好太大期望，話曬叫捧場未試過！
第一味，就即刻上個兩小蝶，一個麻辣燻蹄一個爽滑魚皮；但呢個魚皮都真係香港比較難搵又爽又滑又好味，唔錯；麻辣燻蹄，嗰醬就不得了啦！真係好啱口胃口又開胃！
第一回合合格！！！
第二回合嚟咗個勁嘢，白雪藏龍就擺盤一流！龍蝦肉呢食得出好新鮮有處理過，亦都好好味，蛋白滑捋捋，令到個口感好舒服，值得推介！
第二回合合格有突！！！
第三樣上個金稻穗香一口牛，顧名思義係一口牛啦！牛肉都係幾靚嘅，唔嚡嘅牛肉，亦唔係用梳打粉拿到淋滋滋嗰啲，最特別係佢有啲脆米，喺附近係一齊令到個口感，又脆卜卜，又有牛肉，非常唔錯！味道就偏濃，但係都算係咁，非常唔錯！
第三回合合格！！！
跟住第四回合呢個酸菜魚不得之了啦！問咗佢係用鱸魚，好滑亦都唔會散曬，做法非常之好；而且個湯味道一流我哋幾條友喺度搶曬啲酸菜；芽菜；又搶曬個湯；成盤清曬！
第四回合都係合格有突！！！
第五回合呢個秘製鹽水鵝；我都夠膽講香港你都未必搵到；雖然睇落平平凡凡，但食落去不單只係鵝有鵝味，亦不會係肥鵝，仲要係好香好爽好滑，正宗肉嫩爽滑！如果你真係好正鍾意食鵝嘅話，必不能錯過！
呢個回合鍾意食鵝嘅我俾100分
第6回合魚湯泡菜苗，魚湯泡菜苗就魚湯泡菜苗啦都正常嘅好味嘅！
正當大家好飽諗住飲埋兩支啤酒就埋單走嘅時候姐姐入嚟叫我地預備好電話！心諗仲有！？入到嚟，原來係白雪藏龍個龍蝦頭餚製嘅龍蝦湯，一拎入嚟已經聞到香噴噴嘅蝦味，姐姐就三二一將一大兜脆米到落去個龍蝦湯度，咋咋咋聲，非常療癒，都不特止；當你食嘅時候，香濃嘅龍蝦湯，帶甜又濃郁，而且有脆脆嘅口感非常好食，非常特別！
一試難忘，唔識俾分！
去到埋單一刻仲更加令我有驚喜，原來私房菜四百蚊位，真係四百蚊位，加一都冇，計埋我哋啲啤酒酒水，都係四百鬆啲蚊，呢一刻好慶幸呢間金玉滿堂係開喺煙廠街，如果開喺某大商場我諗都唔到我哋食，無成千蚊個頭都食唔到呢的功夫菜，有心做，又極之好味，值得推介！！！
總之，正！！！
张贴
