金牌

营业中

休息中

淘大呢排開咗好幾間食肆，金牌喺其中一間。元旦日瞓醒差唔多食晏晝嘅時間，今日好想去鋸扒，就揀咗呢間食下。一點左右，唔算太多人，攞飛等咗5分鐘好快有位，座位舒適，高級茶記格局。午市點咗個煎豬扒套餐，冇諗過$62嘅套餐咁高質，有西湯（可以揀紅湯或者白湯）、兩款沙律（今次揀咗田園沙律同埋日式蟹籽沙律）及熱飲。沙律菜幾新鮮，唔係好多汁，啱晒我啲口味。係個羅宋湯略嫌鹹咗啲。豬扒冇雪味，醃得入味，豬扒幾厚身肉嫩，肥瘦適中，唔鞋口，喜出望外。熱奶茶，港式style，正正常常～希望餐廳keep住呢個質素下次想食吓個金牌牛扒餐～除咗扒餐之外，都有其他茶餐廳有嘅嘢食，例如常餐、豬扒焗飯等等。

金牌地址: 九龍灣牛頭角道77號淘大商場3期地下G266-270號舖電話: =====================約了返出來年尾wrap up 一下大家近況同生活，近近地就返大家佢係觀塘返工，我返住九龍，去了九龍灣食飯。雖然是茶餐廳但好多選擇，價格都好親民。我ordered $148 雜扒，是有雞扒豬扒同太陽蛋，爆多蛋白質（飲食越來越健身運動友） 又可以lchf肉眼扒配帶子是另一個鐵板餐，7成熟很嫩富牛味。包括湯同蒜蓉包，紅白湯各點了來試。#keto#lchf #生酮 #好去處 #igable #假日好去處 #life #foodie #dining #cuisine #traveller #restaurant #吃貨 #手機食先 #foodpic #foodig #美食 #dinner #香港必食 #香港旅行

“鐵板帶子西冷牛扒晚餐”($188)“必食焗鮮茄豬扒飯”($62)有一排冇去淘大今次過去先發現啲餐廳唔同哂揀咗呢間裝修同門面都好吸引嘅冰室呢道食物選擇超級多,晚市仲有特選晚餐包咗蒜蓉包,餐湯,煙三文魚沙律,凍/熱飲我地就點咗鐵板帶子西冷牛扒特選晚餐🥩再加$8要咗隻太陽蛋🍳牛扒點咗5成熟,食落有咬口得嚟又唔韌😋帶子煎香之後幾香口☺️配上意粉食完之後好飽肚😆另外單點咗個焗鮮茄豬扒飯🍅🐷個飯賣相好靚仔,面頭嘅芝士焗到微焦豬扒大大塊又腍滑,下面嘅炒飯都夠乾身👍🏻食完發現餐廳出面已經好多人等位睇嚟都幾受附近街坊歡迎😙

新開扒房·金牌 天氣咁凍去鋸扒就岩🫶🏼有唔同的扒餐同西餐 另外仲有常餐呢個價錢有片蒜蓉包·餐湯·餐包同凍熱飲 餐湯有紅湯同白湯 鐵板咋咋聲咁上枱 熱辣辣即刻流哂口水.🫧加拿大龍蝦尾拼T字骨牛扒 $258鮮嫩龍蝦尾上鋪滿香蒜 肉質彈牙 味道層次更豐富T字骨牛扒🥩我地揀左三成熟 牛肉味道濃郁👌.🫧必食焗鮮茄豬扒飯 $78香氣四溢的鮮茄醬汁🍅鋪滿豬扒上面仲有層拉絲芝士🧀經過焗烤後豬扒外焦內嫩炒底飯粒吸收了濃郁的茄汁 每一啖都好有滿足感

淘大花園近排新開咗間餐廳，佢除咗有一般茶餐廳可以食到嘅食物之外，佢仲有唔同嘅牛扒、羊鞍之類同埋鐵板餐，今日嘅晚餐就一於食呢間。肉眼塊叫左5成熟，煎得剛剛好，肉質十分鮮嫩而且肉汁豐富，配合塊熱辣辣嘅鐵板，令到牛肉可以保持溫度之餘，同時更加香口。而鴨肝亦都十分甘香，配合牛扒食好夾。另外叫左件西冷，我敢講呢件西冷絕對唔係一般茶記嘅貨色，肉厚鮮嫩，即使叫咗7成熟都唔會過火，保持肉汁。值得一提嘅係佢跟餐嘅意粉，質素媲美五星級酒店嘅餐廳，唔會過腍，十分之爽口，食得出用鹽煮過然後再撈咗油，所以十分之香。加上隨鐵板同墊底嘅洋蔥一齊上碟，吸收咗洋蔥香更加好味。隨咗鐵板餐仲有鮮番茄湯餐肉粒通粉同3.6牛乳火腿竜列・丹麥多士，竜列十分之滑唔會過熟，而鮮番茄湯嘅味十分濃，而且仲有啖啖嘅蕃茄，真係十分滿足。

行完街等睇戲，戲院附近就有呢間Gold Label Cafe & Restaurant，入到去個感覺真係好cafe feel，未入去之前，見到咁多人，本來諗住唔等，但係朋友話人多即係好食，咁就等咗10幾分鐘，又唔算好耐就入到去。都佈置得幾聖誕嘅feel，全場爆滿。黃牛同白牛即係忌廉雪糕同雪碧雪糕，個味道又幾夾，同幾有新意。羊架勁香，肉質柔軟，可以配薯菜、意粉或者飯，份量十足。又可以跟紅湯或者白湯。仲有塊牛油蒜蓉包添，真係兩個人都夠食。

今日朋友帶我去淘大商場新開嘅茶餐廳Gold Label食嘢，估唔到都超級多人。餐廳有多款唔同嘅美食，可以滿足唔同人嘅口味。入到去地方寬敞，環境舒服，用QR code下單，十分方便。我哋叫咗加拿大龍蝦尾拼紐西蘭肉眼扒配意粉（鐵板）包餐湯+蒜蓉包+飲品鐵板真係熱辣辣，一上枱就聞到香味，龍蝦肉啲肉好鮮甜，好彈牙。肉眼扒好大塊，肉汁鮮嫩，仲保留到好多汁好juicy。配菜有半個蕃茄和半條粟米，還有一碟蒜蓉汁，為牛扒和意粉增添風味。餐湯我哋叫咗羅宋湯，調味有層次，用料豐富，營養價值高。蒜蓉包，加上大蒜和牛油烤焗，外脆內軟陣陣蒜蓉焦香。凍鴛鴦，咖啡和奶茶混合，結合咗咖啡的香醇和奶茶的濃滑，口感層次豐富。黑椒牛脷焗飯牛脷軟淋易咬，入口即化，上面鋪滿芝士，炒飯底，份量足夠，黑椒汁好味，的確唔錯。兒時紅豆冰紅豆粒粒飽滿，綿密香甜有咬口，奶和紅豆比例幾好，唔會太甜。小食吉列大蝦4隻炸粉薄，十分鬆脆，鮮味十足，惹味又好食。

#20241218 📝📍 #金牌 @goldlabelrestaurant 九龍灣牛頭角道77號淘大商場3期地下G266-270號舖➖➖➖➖➖➖➖➖➖➖➖➖➖➖➖➖➖#加拿大龍蝦尾拼T字骨牛扒 #黑椒汁 #薯條 $258💭 見臨近聖誕佳節不如食好啲獎勵下自己，估唔到呢度lunch都有得食咁高級既据扒，T bone比想像中要大塊好多，五成熟好淋好易切開，塊鐵板應該本身用牛油搽過🧈所以塊牛食落口勁香牛味，切晒啲可以切既肉之後拎住舊骨吮真係好爽🐮龍蝦尾啲肉質非常爽口又結實🦞食完好慶幸無揀飯或者意粉，因為薯條都已經飽到食唔晒🍟. 🥢 #蒜蓉包 #羅宋湯 💭 湯有紅湯或者白湯揀，今次揀左紅湯，好濃好足料，入面有好多雜菜粒同薯仔粒🥔特別鐘意佢個蒜蓉包係用厚多士烘成而唔係用法包，所以食落又香蒜頭味又軟熟🧄.#酸辣台灣腸鮮牛肉米粉 $50💭 唔好以為佢樣樣野都係貴野，呢度都好多窮人恩物，無論月頭定月尾尼都食得飽，茶餐廳好少可有埋酸辣米線食，試試佢又唔差喎，有好多辣酸菜，令到個湯好惹味，而且台灣腸同鮮牛肉都唔係常見既酸辣米線餸，但食落又幾夾bor 🍜. 🥢 #3點6牛乳火腿奄列 #丹麥多士 💭 雖然佢啲

經常喺九龍灣出沒嘅我哋終於試到新開嘅金牌！Lunch set同常餐都好抵食，兩點就有下午茶再約埋附近朋友過嚟一齊share，食咗款款都好食，一定要寫食評讚吓午餐H 瑞士汁牛肉炒河 $69色水靚，瑞士汁鹹甜適中，牛肉份量多，河粉炒得乾身條條分明，但食晒個底完全冇油，食得乾乾淨淨好正！常餐G 酸辣台灣腸鮮牛肉米線 $50酸辣平衡唔會太搶，一啖想緊接一啖咁好食，鮮牛肉好索湯，配上甜甜地台灣腸幾夾。套餐配3.6牛乳火腿奄列＋丹麥多士，係常餐嘅大滿足單點鹹牛肉牛乳炒蛋潛艇 $36 鹹牛肉唔算好多，但滑蛋炒得好好，個包又夠脆，入面好軟熟必食焗鮮茄豬扒飯 $62 鮮茄汁酸酸甜甜，面頭好多芝士，豬扒薄身肉質好淋下午茶A5 粒粒西多士配孜然炸雞脾 $46 三件黃金西多士加一大塊牛油好邪惡，雞髀炸得好好，孜然好香但唔會太鹹下午茶R 白汁菠菜焗魚柳飯 $49 菠菜白汁好香甜，唔會太杰身漿住個口，炸魚柳厚身，配上炒底飯好正

餐廳店面好大裝修靚，座位主要係卡位，乾淨企理食物種類除左常餐、港式快餐飯，西式扒餐、焗飯、全日早餐都有供應🎈芝士3.6牛乳炒蛋潛艇潛艇烘得脆身，中間炒滑蛋加上半熔芝士🧀做到外脆內軟效果，好味😋🎈拿破崙大蝦意粉呢個意粉幾有驚喜，醬汁夠多條條意粉都掛汁🍝仲有粒粒蕃茄肉🍅味道酸酸哋好開胃🎈金牌西冷西冷可以自選生熟度，我地揀咗7分熟，內裡肉質粉嫩，套餐配有蒜蓉包、餐湯，飯/意粉/薯條，一個價錢食得飽飽🥩🎈歐陸全日餐有齊炒蛋 火腿 茄汁豆 法蘭克福腸 香煎雞扒 香脆奶油豬，感覺好豐富，仲送埋餐飲，$60有找其實都幾抵食

前排去咗九龍灣果邊行街，見淘大商場有唔少新開餐廳，搵到呢間係淘大商場嘅---🌟Gold Label Cafe & Restaurant🌟餐廳環境光猛，環境整潔乾淨，夜晚都好full下，可以QR code落單好方便👍🏻._.🐂鐵板帶子配西冷牛扒配薯菜（黑椒汁）【配煙三文魚沙律+餐湯+餐飲】鐵板熱辣辣上枱，西冷牛扒唔會太厚難砌，肉質嫩滑，牛味重，面頭配上帶子，牛扒配海鮮好特別，可以轉換下口感，黑椒汁味香濃唔會太辣，同牛扒好配。仲會有三文魚沙律，味道好fresh。.🐂肉眼配鵝肝配薯條（蒜蓉汁）【配煙三文魚沙律+餐湯+餐飲】肉眼肉質腍身，配上蒜蓉汁味道好夾，薯條炸到好香脆，配鵝肝呢個配撘好香濃，為各自增添彼此濃味。·🐥瑞士雞中翼🐥雞中翼一隻有五隻，炸到外層好香脆，裏面嘅肉質腍身又好juicy✨️._.

在淘大DONKI樓下，開了家新茶記，平日下午仍人頭湧湧，看來挺受歡迎決定一試😎。店環境雖然不大，但坐位舒服感覺可以的。食物選擇多價格不貴，下午茶時間有套餐，由輕食到主吃也有多款欵。-飲品大部分飲品也有跟餐附送熱飲，凍飲只是加 +$3就可以，點熱奶茶、凍朱古力和凍鴛鴦。飲品味道香濃，奶茶甘香濃厚，凍鴛鴦濃郁比例剛好。朱古力味道香甜，是甜而不膩的味道。-三文治｜多士吃茶餐廳當然要點三文治和多士，點了金牌公司三文治 ($46)、鮮油包多士 ($14)和粒粒金磚西多士 ($30)。現點現做熱辣辣的味道挺香欵。公司三文治用料豐富，所以吃得挺飽肚的。鮮油多士的牛油是厚切，酥脆口感味道較香口。西多士是四方磚造型，吸收了糖漿和牛油，吃起來味道可以的。-小吃這裡有挺多選擇，而且價格不貴，點了吉列大蝦4隻 ($35) 和孜然炸雞脾 ($35)，現點熱炸吃起來是酥脆的口感。吉列大蝦外脆內軟，蝦肉爽口鮮味。炸雞脾用孜然做，味道較平常的香，調味不會太重，吃得到皮脆肉嫰的質感。-英式雜扒 HKD$148鐵板美食也有多款選擇，還有3款主食選擇配著吃。我們點了雜扒，有豬扒、雞扒及太陽蛋。跟餐的是香濃黑椒汁，吃起來挺惹

九龍灣淘大商場 , 近排開咗一間好大間嘅茶餐廳 GOLD LABEL,每日都好多人等位, 今日專誠早啲去食晚飯， 去試下呢一間茶餐廳。入到餐廳環境舒適光猛，大部分都係卡位寬敞舒適。 侍應服務好好， 我叫咗個扒餐，送到嘅時候侍應都會提我哋小心唔好辣親❤️。 餐牌食物種類繁多 ，多款套餐選擇好抵食。香煎雞扒撈丁套餐：除咗 雞扒撈丁之外套餐仲有丹麥多士， 3.6牛乳火腿奄列及飲品， 雞扒 黃金色澤， 表面煎得焦脆， 撈丁調教味道剛好， 麵質亦唔會太淋。加拿大龍蝦尾拼紐西蘭肉眼扒套：套餐仲有蒜蓉包，餐湯，飲品。加拿大龍蝦尾 肉質緊實多汁，加上特制醬汁更能突出龍蝦嘅鮮甜美味， 紐西蘭肉眼扒肉質柔嫩， 肉味濃郁， 肥瘦均等。瑞士雞翼：雞翼肉汁鮮嫩多汁， 醬汁調教得相當唔錯 ,濃郁香甜好味。

上月初開時，去了不少次食早餐，出餐快，食物和飲品都可以。今早去，叫了芝士旦治，熱檸茶到了，三文治很久都未到，想催促，但見全場只出餐飲，冇乜食物出，想落催都無謂！芝士旦治終於來了，旦是凍的，但饀擺到天一半地一半，拿起份三文治，即跌了一半出來，還痴住兩條乾米粉！埋單時向收銀提及，除了話換了少少厨師，一點歉意也沒有，真係差到爆！

朝早見無人等位，咪入去食個早餐。原來伏咗。食物質素真係好一般。最極品係啲員工質素。食物等咗好耐都未到，咪催吓囉，點知員工話外賣優先。好啦，再催，點知個員工又俾咗極不滿嘅眼神對我， 仲要對其他員工私私細語表達對我嘅不滿。難道呢啲就係香港嘅典型服務態度。總之無下次。