金牌

营业中

休息中

今日去左九龍灣行街，行到攰攰搵間餐廳坐低唞吓。見呢到都幾多選擇，鋸扒、意粉、三文治、粉麵粉飯都有。蒜香櫻花蝦大蝦意粉：大蝦食落爽口彈牙，意粉軟硬適中，食落帶點鹹香味。日式照燒雞扒套餐：雞扒肉質嫩滑，套餐仲包埋田園沙律同雜果沙律，越食越開胃吖。蒜蓉包：上面鋪滿牛油同蒜蓉，邪惡得黎好食。瑞士雞中翼：甜甜地好開胃，肉質軟嫩可口。日式炸雞球：雞球金黃鬆脆，外脆內軟，沾埋沙律醬一齊最正。加拿大龍蝦尾拼紐西蘭肉眼扒：肉眼扒厚身大件，沾上黑椒汁，味道好夾；薯條粗身有口感。白牛：雪碧加上雲呢拿雪糕兩者完美配合，味道好夾。龍鳳檸樂：清涼解渴夠晒涷，好fresh。兒時紅豆冰：甜度適中，紅豆味好出。

🔥【淘大OL暴動神級冰室！五支羊骨鐵板餐$168仲送蒜蓉包+湯+飲品！白牛黃牛撞出天堂級邪惡】🍴‼️ 呢間冰室係咪落咗魔咒？ 每日午市門口OL同打工仔排到轉彎 原來秘密係👉🏻 鐵板餐平過茶記但大份到嚇親人‼️ 💥今日挑戰傳說中嘅「五支骨鐵板羊架」 上枱果刻真係尖叫🤯 成塊砧板咁大嘅鐵板 五支巨型羊架煎到焦香脆邊 刀一鋸開肉汁噴泉咁湧出嚟‼️ 重點係$168包埋蒜蓉包+羅宋湯+飲品 仲可以揀薯菜意粉飯 食羊超過癮😈 🍖鴛鴦扒餐更癲 雞豬腸三料法蘭克福腸脆到"啪啪"聲 鐵板熱辣辣淋黑椒汁嗰陣白煙衝天 視覺聽覺嗅覺三重高潮🤤 🍛隱藏Boss係咖喱雞扒飯 椰香爆炸嘅黃咖喱 + 炸到金黃嘅巨無霸雞髀扒兩塊撈飯食到一滴汁都唔放過！ 🥤飲品部先係彩蛋 「白牛」雪糕x七喜爽到打冷震 「黃牛」忌廉溝雲呢拿雪糕甜過初戀 仲有懷舊熱好立克 飲完成個童年返晒嚟☕️ 💰OL們瘋狂原因： 鐵板餐$68起跳‼️ 加$22有炸雞/雞翼 打工仔飯堂天花板無誤 📣溫馨提示： 1點前/2點後避開人潮 但為咗個鐵板羊架 排隊都值回票價！ 📍 金牌冰室 地址：九龍灣牛頭角道77號淘大商場3期地下G266-270號舖. ⏰ 爆場時段：12

最近淘大新開咗一間茶餐廳，餐廳嘅裝修融合咗現代同傳統元素，營造出一種舒服又時尚嘅用餐氛圍。餐牌上嘅選擇好豐富，由經典嘅西式料理到地道嘅港式風味，應有盡有，真係令人花多眼亂。加拿大龍蝦尾拼T字骨牛扒 $258龍蝦尾肉質鮮嫩，口感彈牙，配埋濃郁嘅牛油蒜蓉醬，味道層次好豐富。T字骨牛扒煎得啱啱好，外焦內嫩，肉汁飽滿，每一啖都充滿咗牛肉嘅香氣。兩者嘅配搭相得益彰，令人食過返尋味。跟餐可選擇飯、薯條或意粉，亦會包餐湯、蒜蓉包同飲品。瑞士汁乾炒牛河 $48 (下午茶)河粉炒得乾爽唔油膩，牛肉嫩滑多汁，瑞士汁嘅甜鹹味道啱啱好，鑊氣十足，令人忍唔住一啖接一啖。迷你番茄湯通粉配孜然炸雞脾 $46番茄湯通粉酸甜開胃，通粉煮得軟硬適中。孜然炸雞脾外皮酥脆，內裡肉質鮮嫩，孜然嘅香氣撲鼻而來，令人食慾大增。吉列大蝦4隻 $35大蝦新鮮彈牙，外層嘅麵包糠炸得金黃酥脆，食落香脆可口，點埋特製嘅醬汁，味道更加豐富。黑牛 跟餐+$9茶走 跟餐凍檸茶 跟餐

今晚出咗九龍灣行街hea吓到醫肚嘅時候見到呢間茶記有扒鋸 仲要鐵板上 即刻搵位坐低開餐🐥瑞士雞中翼5隻上晒色夠入味 甜甜哋埋枱嘅時候熱辣辣🦐吉列大蝦4隻配埋沙律醬炸粉唔厚 金黃脆皮食到啖啖蝦肉彈牙再叫咗2個晚市套餐有蒜蓉包 湯同嘢飲蒜蓉包其實係蒜蓉多士 香濃蒜味 烘得夠脆忌廉湯夠杰身creamy 仲有粒粒粟米羅宋湯菜量可以多番少少 🐷焗鮮茄豬扒飯有2大塊豬扒加多件細細哋嘅茄汁帶啲酸酸哋 超多汁🥗鐵扒餐再多一個煙三文魚沙律一大塊煙三魚鋪喺面 沙律菜加咗柚子醋 fresh~🐮鐵板帶子西冷牛扒(黑椒汁配薯菜)西冷扒好大塊 又夠厚身切出嚟肉仲係pink pink食落唔韌 鎖住肉汁🫘兒時紅豆冰好耐無飲過 超多紅豆喺底 飲完仲可以慢慢食🍫熱朱古力

情人節流流梗係要佢据扒啦🥰😍呢間餐廳平時都會回訪，環境寬敞座位舒服，出餐快，食物熱辣辣送上，好有效率☺️我地嗌左西冷配帶子套餐，鐵板熱辣辣令食物保持住溫度同質素，西冷扒7成熱都岩岩好，鎖住肉汁非常嫩口🤤配上帶子再淋上蒜蓉汁，香味十足。另外仲有酸酸甜甜的紅湯，湯料十足，每口都非常豐富。仲有香脆的蒜蓉包，同熱檸水餐飲，非常大滿足😌加拿大龍蝦尾拼香煎雞扒套餐，都係熱辣辣鐵板保溫，雞扒鮮嫩十分juicy ，加上黑椒汁惹味無窮！加上香脆的薯條，真係食唔停口🤤

週末和好友來到九龍灣看電影，散場後需要醫一醫肚。於是來到淘大商場地下的這一間「金牌」餐廳來個下午茶。用料超多的公司三文治！總共有2層，分別夾有餐肉、火腿、滑蛋，以及蕃茄、生菜和芝士。口感豐富，其中餐肉煎得很香，入口幾惹味，滑蛋也充滿了濃濃的蛋香味。瑞士汁雞翼有3隻。雞翼十分入味，每口都感受到瑞士汁的甜香，雞肉仍能保持到滑嫩，未會煮至太老。伴有炸至脆卜卜的薯條，薯香味下再蘸上茄汁，有誰能抗拒？茶記必食之一的炒公仔麵！公仔麵炒至爽身，不會黏作一團，乾爽帶少許彈牙感，而且有豉油香味。配上豬扒作餸，豬扒煎香，肉質軟腍juicy。邪惡又美味！

情人節午餐想同老婆据下扒浪漫下，去淘大金牌試下(因為樓上花園餐廳執咗)，叫咗個午餐鴛鴦扒餐$88同金牌鐵板西冷牛扒$148，午餐正常無乜嘢算正正常常，豬扒雞扒都無問題，但係個湯係凍凍地嘅，扒餐個蒜蓉包與圖片完全不符係一塊多士上面搽咗啲蒜蓉醬，西冷叫5咗成熟出到呢幾乎全熟，我問侍應佢話個扒應該有8成熟，可能係廚師睇錯單，淨係講咗句唔好意思就算，最終太奀食唔到。快餐店大家樂同大快活都好過佢。埋單又唔收信用卡。絕對無下次。

住喺附近，好開心開多一間茶餐廳，環境乾淨唔錯！裝修有特色！坐位都寬闊，幫襯過3次，本來質素都唔太穩定，豬扒一時好食，一時太咸又乾薄! 份量亦有時多有時好少，今次經過食下午茶，諗住食件多士嘆返杯咖啡，點知佢地竟然話飲咖啡改左係用紙杯！唔係啩！茶餐廳堂食用紙杯！冇哂feel！咁我不如去麥記！咖啡亦淡左好多，淨係飲倒奶味！真係好失望！好失望！唔怪之得之前排哂隊，而家一入去就有位！如果唔改善！生意肯定會下滑！

今日收工就近近地約左朋友去淘大食飯，見到有間新開無耐既餐廳有鐵板餐食，剛好好耐無食鐵板餐就一於鋸個扒食(´▽｀).我哋叫左兩個特選晚餐，有餐湯、蒜蓉包、煙三文魚沙律，勁豐富！.餐湯有紅白湯可以揀，我哋就揀左紅湯，紅湯酸酸地好開胃，煙三文魚沙律加左柚子醋好清新，蒜蓉包好鬆軟，啖啖都食到蒜蓉牛油嘅味道，淨係呢度食完已經飽咗😂😂😂.鐵板帶子西冷牛扒配薯菜 $188 加蒜+$3西冷好大塊，叫左七成熟，肉質仲好粉嫩，完全無overcook 配蒜蓉汁再加蒜，真係蒜味十足.鐵板金牌羊架配薯菜 $171 加蒜+$3羊架有三塊肥瘦均勻，啖啖都食到肉！唔會好羶，怕羶嘅朋友都岩食，食完肉可以食下粟米🌽無咁濟😆.呢餐真係食到超飽~~

問侍應攞多一份餐牌 比老人家家睇侍應姐姐回應可以用QR code 睇餐牌同佢講 老人家唔夠眼呀侍應姐姐黑口黑面 攞左個餐牌黎Boom 一聲pat 個餐牌落我地四個人面前黎食個飯 唔係受氣

新開茶餐廳，門面幾靚幾乾淨，成日行過見到幾多人，午市或者晚市都要排隊，今次行過見到有位就入去試吓。叫咗一個午市套餐 日式西冷牛扒$64 可以自選兩款沙律，揀咗兩款都係沙律菜，送餐湯+熱飲另外再叫咗個 金牌肉眼 $168 跟薯條 ，有蒜蓉包+餐湯+熱飲叫咗兩款牛扒想睇吓有咩分別，首先嚟咗金牌肉眼$168三成熟鐵板上有薯條，粟米蕃茄，大大塊蒜蓉包。做到三成熟嘅效果👍🏻但係比較韌，有少少牛嘅味道。跟住到午餐嘅牛扒$64，第一時間試件牛扒，竟然牛味濃啲，仲要好腍👍🏻 價錢爭成一倍幾😂真係貴嘢未必係好嘢😂 價錢應該貴在鐵板同薯條🙈另外有小插曲，我哋一邊食嘢侍應姐姐喺度執餐具，勁大聲喺度掉啲餐具🤣我哋望住佢，佢擺個款出嚟係茶餐廳係咁㗎啦😂

**午餐M 日式照燒雞扒**，呢道菜配有田園沙律、粟米雞蛋沙律同餐湯（紅）。雞扒煮得非常嫩滑，照燒醬汁香甜可口，再配上清新嘅沙律，真係非常滿足。熱檸水亦為整體嘅餐點增添咗一份清新。另外點咗 **櫻花蝦雪菜肉絲米粉**，呢碗米粉嘅味道非常鮮美，雪菜嘅鹹香同櫻花蝦嘅獨特味道完美結合，令人一試難忘。配餐仲有3.6牛乳火腿奄列同丹麥多士，非常豐富。熱檸水亦非常清爽，仲有助於解油膩。最特別嘅就係 **酸辣豬扒台灣腸米線**，酸辣嘅湯底非常開胃，豬扒煮得嫩滑，台灣腸嘅口感亦非常好，再配上3.6牛乳火腿奄列同丹麥多士，真係一個非常滿足嘅餐點。熱檸蜜（濃d）嘅搭配亦非常完美，酸甜適中，非常解渴。

叫咗茄湯通粉常餐茄湯完全冇味個湯底唔知係羅宋湯定係咩但係連羅宋湯味都冇成碟嘢都好難食通粉太硬完全唔知食緊咩可以唔使食排隊簡直係荒謬奄列太油得丹麥酥好食少少餐肉得好少懷疑切完半塊餐肉都冇

這次用餐體驗簡直是一場災難，從食物到服務都讓人極度失望。首先，牛肉的質素非常差，肉質粗糙且充滿筋絡，每一口都像是在咀嚼橡皮，根本無法下嚥。無論是口感還是味道，都完全不符合這個價位的期待，甚至讓人懷疑食材的新鮮度。整道菜的味道平淡無奇，調味也顯得敷衍了事，完全沒有層次感。更讓人無法接受的是服務態度。埋單時，服務員顯得極不耐煩，態度冷淡且毫無禮貌，甚至在我提出對食物的不滿時，只是敷衍地點頭，完全沒有解決問題的意願。這種冷漠的服務態度讓人感到非常不愉快，完全破壞了整個用餐體驗。總的來說，這家餐廳無論是食物品質還是服務水準都令人大失所望，絕對不會推薦給任何人，也不會再次光顧。希望餐廳能夠正視這些問題，否則很難在競爭激烈的市場中生存下去。這次用餐體驗極差，牛肉質素低劣，肉質粗糙且充滿筋絡，幾乎無法下嚥。食物整體味道令人失望，完全不符合預期。更糟的是，埋單時服務員態度冷淡，毫無耐心，讓人感到不被尊重。絕對不會再光顧這家餐廳。

「有一種港式情懷叫鋸扒」小編今次就帶大家黎到九龍灣，同大家介紹一間啱啱開業無幾耐既港式茶記 一 金牌Gold Label Cafe &Restaurant @goldlabelrestaurant🌟加拿大龍蝦尾拼紐西蘭肉眼扒 $248吾知大家有冇諗過，茶記居然食到龍蝦尾之餘，仲可以鋸埋扒😳龍蝦尾肉質爽彈，肉眼扒牛味濃之餘油脂十足，依個價真系好扺食🤤👍🏻👍🏻🌟必食焗鮮茄豬扒飯 $62炒飯底炒得幾乾身，豬扒軟腍入味啖啖肉🤤👍🏻🌟金牌熱狗皇 $28熱狗有微微烘過，都算大隻🤤👍🏻🌟瑞士雞髀 $35瑞士汁醃得非常入味🤤👍🏻📍金牌九龍灣淘大商場3期地下G266-270號舖#九龍灣 #金牌 #牛扒 #茶記 #龍蝦尾 #肉眼扒 #留港消費 #支持小店 #瑞士雞髀 #焗豬扒飯 #為食關注組 #覓食九龍灣 #食在九龍灣 #金牌熱狗皇 #九龍灣食乜好 #香港美食地圖 #必食焗鮮茄豬扒飯 #九十後行到邊食到邊 #加拿大龍蝦尾拼紐西蘭肉眼扒#HKIG #HKIGER #HONGKONGFOODIE