金牌

营业中

休息中

以前成日去淘大，原來而家好多餐廳，今次食咗間茶餐廳，地方好大，晚餐好多選擇，有鐵板、晚飯套餐、常餐等🥢三眼仔蔥油雞扒飯 $76先生好鐘意，三眼仔即三隻大陽蛋，蔥油好香，同豬扒、蛋汁、飯一齊食好夾🥄餐湯可要紅湯或白湯，紅湯微酸，開胃好飲，好多菜，仲配蒜蓉方包，食晒都好飽🍴西冷配帶子 $178上枱時熱辣辣，西冷好大塊，肉質唔韌，配黑椒汁好食，有2隻帶子，好豐富薯條都好脆幾粗，所以薯仔肉都多，未食晒都好飽已經🥢金牌炒飯 $70見呢款係推介菜，的確炒得好靚，米飯粒粒分明，有櫻花蝦🥢四川麻辣XO醬豬扒炒公仔麵 $75一樣炒得好好，豬扒超稔，襯公仔麵邪惡但好食，好夠味🚩金牌 (九龍灣) 📍九龍灣牛頭角道77號淘大商場3期地下G266-270號舖

最近成日都食好多唔同菜式嘅餐廳，有時都會覺得好特別，但係有時都會想食返啲本地啲嘅晚餐。今日就嚟到淘大新開嘅金牌港式茶記。大概7:00左右嚟到，門口已經大排長龍，但係等咗大概15分鐘都可以入座。晚市有套餐可以選擇，套餐入邊包咗蒜蓉多士、餐湯、煙三文魚沙律、主菜同飲品。我今次就叫咗佢嘅鐵板西冷牛扒配帶子，其實食佢哋嘅前菜同沙律都已經飽咗三成，因為真係好大份。煙三文魚沙律唔知點解係我感覺有少少怪，好似變咗西餐咁，但係味道係好食嘅。而最驚喜係佢個蒜蓉多士，烤得好趣之餘佢嘅蒜蓉醬亦都好入味。而西冷牛扒帶子方面，佢嘅牛扒非常之厚，而且因為加咗蒜嘅關係，每一啖都食到濃郁嘅香味。帶子就不過不失，整體嚟講都非常之飽。而我朋友就叫咗雞扒司華力腸鐵板餐，份量都真係相當之唔細，雞扒嘅味道都好入味道，但係對於司華力腸得半條就有少少失望🥹。味道嚟講絕對係過關，好食嘅港式茶餐廳已經越來越少，希望佢哋可以越做越好😛。

淘大商場有間茶餐廳新開張，行經見有多人排隊應該不錯。我們點左加拿大龍蝦尾拼紐西蘭肉眼扒鐵板餐$248有餐湯&蒜蓉方包、餐飲。紐西蘭肉眼扒七成熟，牛肉味香濃嫩滑多肉汁，龍蝦尾肉厚鮮嫩滑配蒜蓉汁&意粉 羅宋餐湯：酸酸甜甜味香濃。蒜蓉方包：外脆內軟蒜味香。餐飲：好立克味正常。（晚市套餐）咖喱牛魔王飯$118，有餐湯&蒜蓉方包、沙律、餐飲。牛魔王飯有（牛舌、牛肉、牛扒）肉質腍夠入味，咖喱味香不辣好惹味。煙三文魚沙律：煙三文魚片肉質柔軟，有煙燻濃郁香味，沙律菜、車厘茄、洋蔥，新鮮嫩綠爽脆又健康。忌廉粟米湯：味香濃很滑。餐飲：阿華田，都好飲。小食：孜然炸雞髀$35，炸得香脆可口有脆邊很好吃👍雞肉嫩有肉汁很美味😋總結：選擇多份量足，味道好價錢親民。

🌖肉眼配鵝肝 $224肉眼扒餐$168起跳，跟飯/意粉或薯條，套餐配有餐湯、蒜蓉包同飲品，另可加配虎蝦、帶子或鵝肝。見到人哋嘅扒餐係鐵板上，所以特登叫五成熟以免食到well done 牛扒，肉眼扒肉質唔錯無乜渣，幾厚身同多汁，就算係到最後啲肉都唔會嚡熠熠，而且份量好多，就算唔食飯或者意粉都夠飽；鵝肝表面有層焦香糖面，油潤中又帶一絲香甜，內裏軟滑唔會有腥味，可以一試；附送嘅蒜蓉包係蒜蓉多士，蒜蓉份量都落得幾重手，焗多一陣令多士更香脆會更好。.🌗鐵板金牌羊架（特選晚餐） $180是日特選晚餐同扒餐嘅內容物類似，更多左一份頭盤-煙三文魚沙律，食咁大份肉梗係要食返啲蔬菜平衡下～羊架有三件，羊肉嘅比例都幾多，羊羶味較輕。-

🐱九龍灣淘大新開港式餐廳，食港式牛扒餐又可以多個選擇😍餐廳坐位好多而且枱夠闊落👍🏻牛肉眼扒餐（可配虎蝦1隻或帶子2隻）：$198套餐有薯條/飯/意粉 + 蒜蓉包 + 餐湯+餐飲🌕🌕🌕🌕/5 餐湯揀左白湯，濃郁既忌廉粟米湯🌽蒜蓉包好有蒜喜😍係烘底，而且鋪滿咗牛油同蒜蓉，非常香脆🥳睇相都知冇偷工減料🤭肉眼超大舊🥩😱加埋飯真係一個女仔未必食得哂🫣肉眼揀左5成熟，個人覺得岩岩好😛個鐵板上枱時仲超級熱，可以整熟中間少少🤏肉眼肉質鮮嫩，好夠淋，而且好juicy😋配埋個黑椒汁真係perfect match🤩虎蝦都算大隻而且新鮮，啲肉係爽口🦐備注：冇加一💰

去咗淘大揾lunch 食咩好，發現這間茶記裝修新㯋，幾多人排隊，於是我又去試試。點了一份加拿大龍蝦尾拼紐西蘭肉眼扒餐，有蒜蓉包，羅宋湯，飲品跟熱辣辣的鐵板上，滋滋渣的聲音，香氣四溢！龍蝦尾鮮嫩多汁，搭配蒜蓉汁，味道絕佳；紐西蘭肉眼扒七分熟，肉質柔軟，肉汁四溢。羅宋餐湯酸甜清爽，蒜蓉包外脆內軟，沾湯汁特別好吃😋 我再加了大量蒜，跟蒜茸汁一起沾牛扒吃！蒜香十足！另再加了一隻半熟太陽蛋，跟意粉撈埋一齊食口感實在太好了😋

金牌 Gold Label Cafe & Restaurant (九龍灣)新店開張去探店，裝修裝潢，有卡位寬敞，不用等位去試下午茶焗飯系列，淘大花園最近有多間新餐廳，先分享呢間，點了下午茶餐焗豬扒飯，凍咖啡，53元正，味道不錯，合乎水準之上，食物上枱快，餐牌還有很多食物款式選擇，可八達通，支付寶，微訊，信用咭電子支付或現金。😋👍

鐵板西冷牛扒配司華力腸🐮$168佢哋嘅鐵板餐非常豐富，首先會有一個煙三文魚沙律🥗，呢一個附送嘅煙三文魚沙律竟然有三大塊煙三文魚，非常大方！再嚟就係餐湯🥣 同埋 蒜蓉包🍞，餐湯我揀咗忌廉湯，佢哋嘅忌廉湯係細個食扒房非常Classic嘅嗰一種，質地偏向杰身，而家唔多地方有呢一種忌廉湯，我自己就好鍾意！😍😍至於西冷牛扒，我就揀咗黑椒汁 同 薯菜🥔，因為我唔係好食生嘢，所以揀咗七成熟，就算咁熟都唔會太韌，而且有肉味，百零蚊真係非常對得住價錢！飲品方面，我就揀咗凍檸茶～鐵板金牌肉眼🥩$168呢一個鐵板餐都包咗餐湯同蒜蓉包，醬汁同主食就揀咗黑椒汁同埋飯，至於主角金牌肉眼扒，欣賞餐廳冇用鬆肉粉處理，所以肉質唔錯～另外嘅驚喜嘅係餐廳嘅牛扒有得揀三成熟，重點係佢真係做到三成熟嘅效果，呢一點有驚喜喎！飲品就要左凍奶茶～牛肝菌汁香煎雞扒飯🐔 $64除咗鐵板餐之外，呢度都有好多碟頭飯選擇，朋友就揀咗呢一個牛肝菌汁雞扒飯試吓，雞扒嘅總面積大過我朋友塊面，係真正嘅大件夾抵食！牛肝菌汁亦都非常好送飯，朋友大讚！

11:21落單，到12:05先有得拎， 明白星期日係比較多人晏食早餐，但係個系統叫人哋11:41分落去等， 就係唔想等先用apps嚟落外賣咋嘛，奶茶係暖嘅，火腿無比， 要求通粉就比咗米粉

餐廳位於淘大商場三期, 環境帶港式地道風味,主打豪華鐵板餐、金牌焗飯及常餐✨自行掃ǫʀ下單、非常方便, 有系統完全沒有漏單情況, 值得一讃👍🏻我們點了加拿大龍蝦尾拼西冷牛扒🥩🦞 充滿視覺味覺的享受, 店內人氣鐵板牛扒, 肉質非常柔軟、帶少少油脂, 配上黑椒汁牛肉鮮味特別濃郁, 口感軟嫩帶有嚼勁, 龍蝦尾啖啖肉、肉質彈牙, 有驚喜😍套餐包蒜蓉包及餐湯🥣蒜蓉包🍞方包塗上滿滿的蒜蓉牛油, 非常綿密鬆軟羅宋湯不同蔬菜熬製而成, 酸中帶甜黑椒汁薄牛扒配煎蛋飯🍳 薄牛扒表面焦香, 黑胡椒帶辛香刺激口感, 醬汁濃郁, 煎蛋帶脆邊, 拌蛋液送飯一流👍🏻小食瑞士雞中翼（5隻）雞翼色澤通透、味道入味, 肉質軟腍飲品黑牛（可樂＋雪糕） 白牛（雪碧＋雪糕）懷舊港式特飲, 絕對是童年回憶全部即叫即製作熱辣辣, 非常足料, 環境寬敞舒適、整潔企理, 設有卡座, 上菜速度快、服務態度不錯, 整體ᴄᴘ值高, 晚市時段坐無虛席

外賣早餐要等半小時以上，查詢職員期間服務態度差。未攞到餐就已經在平台完成了訂單，真係好失望。呢間餐廳既效率同服務態度真係令人失望。大家千祈不要幫襯，避免遇到同樣既情況，浪費時間同心情。更加令人無奈既係，訂單完成之後，職員竟然無任何道歉或解釋，只係冷漠地表示再等一等。早上時間寶貴，大家都係匆匆忙忙，如果要面對咁樣既情況，真係會影響一日既心情。其他餐廳嘅外賣服務態度仲係幾好，希望呢間餐廳可以向佢哋學習，提高服務質素，咁樣先至可以獲得顧客既認同同支持。總結嚟講，呢次既經歷真係非常失望，大家千祈唔好幫襯呢間餐廳，免得自己亦會有同樣不愉快既經歷。如果真係迫不得已要訂外賣，建議選擇其他評價好既餐廳，保證自己能夠準時攞到早餐，迎接美好嘅一日。對於這次的經歷，真係難以忘懷。希望餐廳可以正視顧客的聲音，努力改善服務態度和提升效率，咁樣顧客先會願意再次光顧。畢竟，在現今競爭激烈的市場環境中，只有不斷提升服務質素，才能夠贏得顧客的信任和支持。

今日行街食飯睇戲，一班朋友近近地係睇戲附近食啲野先，揀左金牌。啲朋友都唔係好鐘意食飯，好在呢度選擇多。我叫左個肉眼鵝肝配薯條，再加埋隻橙汪汪嘅太陽蛋，再加啲下午茶同小食一齊食。肉眼厚身，牛味香濃，點蒜蓉汁食，正。 估唔到茶餐廳都食到鵝肝，塊鵝肝都唔遜色。個扒餐仲有塊蒜蓉包，香噴噴。粒粒金磚西多士配孜然炸雞髀，有孜然香既炸雞脾特別好食。公司三文治，厚雞蛋、蕃茄、生菜、火腿午、餐肉，餡料超豐富。多款小食，試左吉列炸蝦，熱辣辣，裏面既蝦好彈牙 & 瑞士雞中翼，肉質嫩。呢度啲奶茶幾好飲，茶香奶滑。 偷飲咗幾口啖，朋友嘅咸檸七，正。

這間新開的冰室位於九龍灣的淘大商場，主打港式茶餐廳食物。店內環境寬敞舒適，設有多張卡位，充滿香港特色。晚市時段設有多款特選晚餐，亦有金牌焗飯、港式咖喱、港式主食、意式主食、豪華鐵扒、牛扒套餐等。蒜蓉包外脆內軟的麵包塗滿香濃的蒜蓉醬，可蘸餐湯更濕潤。餐湯紅通通的羅宋湯以多款蔬菜熬煮而成，味道酸酸甜甜好開胃。加拿大龍蝦尾拼香煎豬扒(兩塊) - $198肥美飽滿的龍蝦尾開邊去腸，龍蝦肉爽滑彈牙，香草牛油帶起本身的鮮甜味；兩塊厚度適中的豬扒軟腍多汁，有少許骨的肉味更香濃；淡雅的蒜蓉汁不會喧賓奪主，還有香甜多汁的蕃茄扒、粟米及洋蔥平衡肉膩感。薯條金黃酥脆的炸薯條毫不油膩，咬開軟糯的薯肉好有口感，或可轉飯、意粉。凍阿華田阿華田獨特的配方，濃厚的朱古力帶有經典麥芽味，奶味厚重順滑。

2/1/2025（星期四），因需要到淘大工作，便在附近食番個早餐，這餐廳門面闊落，近門口位個服務員好有禮貌招呼入座，裡面有好多座位，座位都好寬闊，坐得舒服。早餐款式都有好多，有4頁可慢慢選，當中酸辣台式米線都好吸引，最後點了我既例牌早餐~沙爹牛肉通粉（餐牌寫秘製特濃沙爹牛肉），再配上丹麥多士 煎雙蛋及好立克，沙爹牛肉唔覺有特濃，同普通食開差唔多味道，丹麥多士無得輸，熱辣辣，配上滴住既牛油，好食。張餐巾好特別，好有色彩。

九龍灣人氣新寵兒，菜式豐富份量足料，味道一流～好適合朋友及家庭聚餐☺️煙三文魚沙律新鮮的煙三文魚片，肉質柔軟而帶有濃郁的煙燻香氣，配料混合生菜、番茄和洋蔥絲新鮮爽脆，帶來不錯的層次感，是一道開胃健康的菜式。日式鰻魚炒飯鰻魚香濃甘甜，完全滲透到每一粒炒飯中，炒飯粒粒分明且油而不膩，口感非常優秀。搭配的鰻魚醬汁不會過於濃重，恰到好處地提升了整體風味。三眼仔蔥油雞扒飯雞扒煎得外皮微微焦香，內裡卻保持了嫩滑的質感，食材火候掌握得很好。蔥油醬汁鹹中帶香，與白飯的結合無疑是上佳選擇。再加上精緻的太陽蛋，令整個飯色香味提升了不少。餐湯（白）與蒜蓉包白湯味道濃郁，呈現了食材的鮮香。蒜蓉包烤得酥脆，內層略有點柔軟，蒜香十足且不過膩，是一道簡單卻不可或缺的配菜，成為餐湯的好拍檔。鹹牛肉牛乳炒蛋潛艇包鹹牛肉鹹香突出，雞蛋炒得嫩滑帶有奶香，兩者搭配在一起，口感層次豐富，鹹香與香滑平衡得非常好。潛艇包的麵包部分烘烤得外脆內軟，提升了整道菜的品質。熱檸水熱檸水清新酸甜，有助解膩並清理味蕾。適合搭配以上幾個稍微濃味的主食，更顯輕盈舒適。