金牌老香港茶餐廳 (已結業)

翻新好一段時間的山頂廣場重開，令我興奮不已！ 當日，走到懷舊冰室 <金牌老香港茶餐廳>！堂食設有室內外，室外美景盡收眼底！播放舊歌，包括：梅艷芳、陳百強、徐小鳳、許冠傑、張德蘭...等！餐牌有不少選擇，蒸飯、炒飯、炒粉麵、焗飯、粥、小菜、出前一丁、撈丁、流心西多士、菠蘿包、湯、煲仔菜、湯麵、咖哩、飲品...等，選擇多元化！紅豆冰都有幾個配搭呀！我飲嘅係麥精奶紅豆冰！紅豆麥精維他奶 (凍) $42紅豆麥精維他奶各佔一半比例，紅白色層次分明！混合甜美的紅豆！ 麥精奶跟紅豆冰也夾得來！店方用上的冰是一大磚碎冰！黃金咸牛肉西多士 $78輕輕切開西多士，咸牛肉下面是鹹蛋黃，雙重鹹香滋味！被炸至金黃的西多士牢牢的包圍住，不讓其原汁原味流失，邪惡到極點呢！上山頂食邪惡懷舊冰室美食，就算 Double 價都值回票價！

今日突然想去山頂，就打俾阿妹有冇興趣一齊去下，都好耐冇去，咁啱佢男朋友又想去咁就join 埋撘巴士上山頂。一落車就見到成個商場都裝修左，好靚好舒服😌。阿妹話肚餓不如食d野先，搵左間懷舊餐廳食野，我叫咗個瑞士雞翼撈丁😋，同阿妹share，阿妹男朋友就叫咗個老香港楊州炒飯，另外再叫咗個脆致甜味西多士🤪🤪。老香港楊州炒飯，飯都查得幾好每粒分明。脆致甜味西多士，呢個極之推介，外脆內軟嘅西多士超級好食😋😋瑞士雞翼撈丁，呢個瑞士汁偏苦，而且面質比較乾所以一般😌

今日8:00pm未到前往此餐廳晚餐，中年女侍應以8:30關門理由趕人客走，明明周圍都係枱，明顯倒老闆米，基本工作及服務態度都未有，很難相信食物及產品有質素保証！！

昨日見疫情穩定了，就帶小朋友上了山頂一遊，下午茶時間在山頂廣場發現這間「金牌老香港茶餐廳」，走懷舊香港風，已經3點，但依然需要等位，看來不錯，決定進去試試魚香茄子飯微辣，但好惹味，幾有鑊氣，像酒家出品！粟米肉粒飯賣相很好，豬肉尺寸粒粒均勻，肉質軟，小朋友很喜歡吃，而且份量大，兩個小朋友都吃不完！最後，另加了瑞士雞翼，可惜忘了拍照，有2隻或4隻選擇，味道和太平館出品相似，甜甜地，亦夠入味，不錯！服務態度普通，但可以接受。

香港人成日話，找一個願意陪你吃麥記的女人好難，我就話搵到個願意經常陪你吃茶餐廳的都絕對不容易。事關香港好多茶餐廳都是走低檔路線，座位狹窄，食物沒營養，很多女士都望而止步。本人就一直對茶餐廳都有著無法解析的情意結，打風都打唔甩嗰隻。所以成日逼住女朋友陪我一起吃（當然簡中都會食番D好嘢），非常感激她從來都沒有怨言。講番山頂廣場呢間茶餐廳，算是高級的 - 以風景和價錢來說！進去之前都預咗會唔抵食，畢竟是遊客區嘛。但好在都有驚喜，個西多士同埋火腩豆腐飯都是上佳之作！加上疫情影響沒有遊客，大家都可以在戶外坐得舒舒服服的享受陽光同風景。

假日上山頂揾食，第一時間想起這間主打懷舊食品的茶餐廳，可惜結果是一肚氣，一男一女的侍應，帶住口罩啫，我當你吝嗇笑容，但是卻連最基本的禮貌都沒有，應該再培訓……再培訓。說回食物 : 味道絕對是美味的，但即使食物再好，但第一步接觸的侍應禮貌欠奉，態度欠佳，客人是絕對沒有可能再回頭。

The food was really average, the service was terrible, we asked for a plate to split a portion of rice and they gave us a saucer. The waitress walked over when we waved our hand for service with a “做咩?!” (What?!). This kind of attitude is absolutely unacceptable. Wouldn’t come here again nor would i recommend to anyone.

今日天氣麻麻，不過都無阻我哋上山頂吹吹風嘅興致。重建後嘅 #纜車站，搬到 #花園道 嘅另一邊，遊客少咗，車廂都變得特別寬躺。大概十分鐘嘅車程，我哋終於到達目的地。裝修過嘅 Peak Galleria 山頂廣場，開咗好多新餐廳，不過我始終比較鍾意飲 #港式奶茶，見 金牌老香港茶餐廳 山頂 生意都唔錯，就跟大隊去試試。#餐廳設計 得好懷舊，#大門裝飾 似 #舊式影院，#卡位 就以 #纜車 為主題，裡面仲有 Souvenir shop，啱哂喜歡 #相機食見 嘅 #小秘書❤️ #下午茶餐 只有四款😅 我就揀咗 #豬扒菠蘿包配 #鴦走☕️ #菠蘿包 個皮唔夠脆，#豬扒 同 #菠蘿包 搽咗一層厚厚嘅 #沙律醬，口味太甜😝 不過件 #豬扒 又真係整得幾鬆化，調味都好拈呀... 加分👍🏻 而最令我滿意嘅保留傳統口味嘅 #鴦走☕️ 飲完真係成個人都醒哂👍🏻👍🏻不過臨走嘅時侯，居然見到廚房有個 #無帶口罩嘅男員工 走出咗，將碟 #炒米 傳遞比另一個 #無帶口罩嘅女員工，當時佢哋仲拉拉扯扯咁玩... 我份 #茶餐 無受到呢個待遇吖嘛😅

天氣晴朗真係要找噠地方放下口罩😷Hea下。。一至五幾乎屈係屋企真係好容易有抑鬱😔😔。。。星期日同老公上山頂行吓啦。。好過去坪洲長洲同人搶廁紙🤣🤣🤣其實想去峰景餐廳🍴。。但可惜已經執咗。。再行多一陣就發現呢間懷舊餐廳好似幾好喎。。而且唔算多人好快就有位安排入座。。入座時餐廳又唔錯喎😬送兩個紙袋✉️我裝口罩😷下午茶梗係叫番set 西多士 加錢配黑牛 (黑牛係朱古力雪糕加可樂)。。另外就散叫一個瑞士汁雞翼撈公仔麵 🍜。。首先瑞士汁雞翼撈公仔麵。。呢個賣相就好OK但係食落就冇乜感覺冇乜味道。。個瑞士汁完全都唔係甜甜地嘅瑞士汁。。雞翼都唔入味。。。真係睇得唔食得咁嘅價錢真係冇下次🙅🏻‍♀️🙅🏻‍♀️反而下午茶嘅西多士又好OK喎。。西多士中間嘅花生醬餡竟然係用上粗粒花生醬🥜。。呢個真係市面好少會用粗粒花生醬口感特別豐富。。值得一讚。。另外加錢點了黑牛。。就特別咁都懷舊的味道。。整體服務員態度很好。。。工作也很爽快

金牌老香港茶餐廳主打舊香港的情懷，一進餐廳，有濃厚的六七十年代氣氛。值得欣賞的是露天的座位，有昔日雍雅山房的感覺，能夠遠眺維多利亞港，近看太平山，給人一種清新自然的感覺。今天來這裏享受一個悠閒早餐，叫了一個雪菜肉絲麵配炒蛋及多士，麵質不錯，上菜的時候還配了一包小的麻油，吃進去每一口都有濃濃的麻油香味。此外，餐配的是蒜蓉包，麵包鬆軟，並配有蒜香的味道， 十分美味。最後，奶茶香滑，配上美景，身心都滿足了。餐後，還可以看看餐廳外的商品店，很多既懷舊又有創意的小禮物，值得欣賞。我朋友也馬上買了一個「雞蛋仔」型態的便條貼。

金牌老香港茶餐廳主打舊香港的情懷，一進餐廳，有濃厚的六七十年代氣氛。值得欣賞的是露天的座位，有昔日雍雅山房的感覺，能夠遠眺維多利亞港，近看太平山，給人一種清新自然的感覺。今天來這裏享受一個悠閒早餐，叫了一個雪菜肉絲麵配炒蛋及多士，麵質不錯，上菜的時候還配了一包小的麻油，吃進去每一口都有濃濃的麻油香味。此外，餐配的是蒜蓉包，麵包鬆軟，並配有蒜香的味道， 十分美味。最後，奶茶香滑，配上美景，身心都滿足了。餐後，還可以看看餐廳外的商品店，很多既懷舊又有創意的小禮物，值得欣賞。我朋友也馬上買了一個「雞蛋仔」型態的便條貼。

假日想出外走走呼吸新鮮空氣，黎到太平山山頂，特別想坐室外曬住太陽食個lunch！食西餐食到悶絕對要黎金牌老香港茶餐廳！天氣好風景靚，港式風味食物價錢合理！店員態度好！完美的午飯！🍅🥩🥘鮮茄焗牛扒飯 $108 –  牛扒有牛肉鮮味而且好林，加埋炒飯底配鮮茄超好味！炒飯粒好平均唔會太生太硬，成個飯重點嘅汁都夠多！讚！ 🍆🍜魚香茄子五香肉丁炆伊麵 $78 – 上菜時同menu張相有小小出入，肉丁唔太覺眼，茄子份量還可以，不過炆伊麵over cook左小小麵太林有待改進！ 🍳🍚窩蛋免治牛肉飯 $68 – 細心地將個蛋收埋驚唔夠熟，讚！牛肉份量都足！係食回憶嘅！黑牛 $38 個雪糕耐得唔夠凍，太快溶哂！ 紅豆冰 $38 紅豆甜！用北海道奶！讚！整體上菜速道Ok！食物都可以，靚境＋靚價錢最重要！

今日我哋去咗山頂行下， 因為本身食咗晏， 所以想搵間餐廳坐下飲杯嘢。 行過見到呢間以老香港為主題的茶餐廳幾特別，又有戶外位可以欣賞到好靚嘅太平山風景，見今日天氣咁好， 就入去嘆杯嘢飲啦。呢度嘢食嘢飲都係遊客價。我哋嗌咗紅豆冰同埋凍檸茶。凍檸茶正常味道，紅豆冰都落咗幾多奶 ，攪勻成杯嘢都係比較淺色，奶味較重，如果紅豆比例多啲就好啦。 呢度最正嘅係佢嘅位置。室外位真係好正，坐喺度嘆住杯飲品，有啲陽光，真係好舒服， 好似坐咗喺個花園咁。 可能今日係閒日 啦，唔太多人，我地坐咗成兩個鐘都冇畀人趕走，仲有好多位㖭，覺得幾抵。

今日山頂一遊午餐選址係呢間, 因為見佢環境裝修得幾特別, 食物方面其實都唔算太有特色, 都係香港茶餐廳會食到既嘢, 但遊客嚟到香港就一定要試下, 加上呢到地方好大, 冇巿區既茶餐廳咁逼, 今次我都只係叫咗啲好普通既嘢試食西多士 - 茶餐廳必有既食物, 西多士都好軟熟, 裡面既花生醬唔算太多, 但整體味道唔錯炸魚配薯條 - 一般揚州炒飯 - 炒飯好乾身, 有蝦有叉燒有蛋有菜, 都好足料雪菜火鴨絲炆鴛鴦米 - 鴛鴦米有驚喜, 因為係粉絲加米粉, 味道我覺得偏咸, 但整體係好好食

去得茶餐廳食野就係貪快，叫一個魚蛋河同一碗粥居然等成20分鐘！客又唔係多，樓面人手多到係度行行企企，追單既就例牌應你就到架啦，但又唔叫佢地真係入廚房幫你睇睇。粥就解釋話即叫即滾姐，咁碗魚蛋粉唔係即叫至即差麵粉去整掛！一碗魚蛋等成20分鐘，真係好過份！最過癮係佢不停出外賣既單，堂食就個個你眼望我望咁癡癡的等，咁不如做哂外賣唔好接堂食啦！都離哂大譜！侍應又無笑容，講真收到服務費麻煩比番少少賣笑樣係咪都唔過份啊！一係就唔好收我服務費囉！絕對係貼錢買氣受！