金潮小廚

营业中

休息中

今晚同埋屋企人去了葵芳呢間盛傳好掂既食市, 睇下身邊既朋友有無吹水講到咁好食; 六點半去到時門口已經有廿幾人等緊位, 欏飛仔後等到七點九先入得去, 坐位好似茶餐廳咁唔算太窄而衛生都係可以既, 於是點了幾道菜;南乳炸豬手: 炸得外脆內軟味道幾好,值得一試胡椒蜆湯: 實在好精彩, 隻隻蜆都好大隻, 無沙又好肥美, 讚!!白灼魚皮: 我唔食魚皮, 但見其他人都好似食得幾滋味黃金蝦: 炸得幾好食, 蝦縠幾軟身可以食埋, 但咸蛋味唔算突出可以改善薑葱魚腩煲: 試了少少, 個菜幾惹味馬拉盞炒通菜: 雖然無泰國舖頭咁正但都算合格有餘一品粥: 個粥太多料, 有雞有花膠有蠔豉等, 粥底OK的但村料太多了,反而下次會試其他無咁複雜既粥

再和家人去.今次lunch, 不用等, 又有平價lunch set.我叫雪菜肉絲炆鴛鴦米.原來即是米粉及粉絲.等了一會, 一大碟鴛鴦米上枱.很大很大.沒甚麼煙出, 但番滾一下, 立即很多煙.一口咬, 立即盪至眼水直流.卻鑊氣十足, 可說是近年來很久也沒吃過的鑊氣.以昔日在大排檔方才能找到的鑊氣.米粉粉絲, 互相揮影, 共襄盛舉, 齊心協力.金潮炒物實美味天天光顧不覺膩下次帶妳喇 乖豬兒>3<

很多人, 平日中午聞說早些冇乜人.但有天閒日晚上多人至排隊.叫了一個豬肺湯, 焗香茅豬扒, 生炒班腩, 及'王子炒飯'之類的飯.豬肺湯, 細細碟, 豬肺洗得乾乾淨淨.惟湯像水一樣, 沒味道可言焗香茅豬扒, 挺不錯, 滑滑的, 嫩嫩的, 香香的.生炒班腩, 亦未見其特別之處, 普普通通.及'王子炒飯'之類的飯 也沒有過人的地方.但每道菜都要$50-$60, 甚至更多.3人叫四樣好像都>$240...不太like, 可能試下lunch底d.

同朋友兩個食飯，叫咗黃金蝦、魚皮、胡椒蜆湯都一如以往咁好味。由以前街舖到入商場，隔一段時間都會再幫襯，水準KEEP到。舖頭生意好，要等齊人先入坐絕對明白。但佢攞籌制度真係好無系統，佢寫咗個no俾你，一有空枱就唔係叫no，而係問「有無二人枱等緊」，所以一不留神可能就會無咗張枱。而且最嬲嘅係嗰日明明齊人，喺舖頭外等緊，見到佢執緊枱，下一張枱輪到我哋，點知一對街坊打扮嘅夫婦嚟到，老板娘就招呼佢入去坐。我忍唔住衝入舖同老板娘投訴，佢先叫我等一陣話有另一張枱執緊俾我。我心諗咁佢又唔叫嗰對夫婦等一陣！！！最憎呢啲唔公平嘅舖頭！！！

本來開開心心去食飯, 去到BOOK咗枱都要等咗大半個鐘都算,入到去D人忙到唔理你.黃金蝦: 蝦唔新鮮又細, 太濕,唔入味.胡椒蛽湯: 好重味精, d胡椒完全蓋過晒D餸味.魚皮: 總算有樣似返樣, 同以前差唔多.帶子西蘭花: 基本嘢, 咁都唔得就冇得救, 不過少D油好D, 好似油浸菜咁.半打蒸聖子: 味唔錯, 不過咁GE$$$, 真係細緊D, 唔抵.連續兩次都失望, 仲要排咁耐,冇其他嘢食咩,所以唔會再黎.

見到0的食評唔錯, 又開到清晨就同家姐兩人去食宵夜兩個人叫了三個菜 -抄聖子很不錯的, 量多質佳, 個配汁亦好惹味黃金蝦炸得不錯, 蝦都OK大雜菌煲 = =好多菇,一0的豆付 這個不是太抵總括來說 幾好的 有機會會再去只是價錢如果可以再下調少少會更好

一心諗住請男朋友爸爸食飯, 佢地又住係葵芳附近, 我又唔想凍冰冰要個老人家坐街邊大排檔食小菜(雖然我好鐘意, 哈~)所以就索性同佢去食金潮.男朋友下午已經打電話去book 6點半檯,佢地6點20分已經去到, 剛好最後一張細檯!我放工飛到過去都6點50分, 已經好多人企係門口等緊.我地嗌左3個餸: 魚皮 - 無難度, 同以前一樣, 好味! 蝦醬炸五花腩 - 淡淡的蝦醬味, ok啦, 不過炸得有d乾, 有dd似咬柴既感覺! 倉魚兩味 - 倉魚起肉用豆豉炒, 呢個唔錯; 骨同魚鰭炸完之後淋雞醬, only食雞醬同舔d骨囉, 無乜特別! 一個白飯 - 摧3次先有人拎過黎.因為唔夠餸, 大家都食唔飽, 所以加餸叫多個蒜容炒菜心, 諗住夠簡單, 應該好快煮好! 點知....又係摧...摧......摧..., .............3年之後又3年, 3年之後又3年, 真係等左9年!!!佢地仲要同我地講..., 因為係加單, 所以一定一定會遲架!!!佢仲教我地以後要一次過落晒d單.... , 比佢地吹到啤一聲,真係多謝佢地指教噃!!!食完d餸, 佢地即刻九秒九走黎收碟,多人等位丫嘛~~~~~~~

金潮搬入商場已經一段時間, 搬了後也沒有到過... 名就好響, 但舊舖試過幾次都覺得冇咩特別... 昨晚 1 行 8 人, 於葵芳找不到位置食飯 (攪錯, 成街都係人), 諗無可諗之下, 唯有到金潮搏一搏... 9 點鐘到達, 大檯只等一張, 等了 15 分鐘有得坐, 算叫做好彩... 一共叫左 9 個菜1. 胡椒大蜆湯 = 蜆冇沙, 湯甜, 有好重胡椒味2. 馬拉盞芥蘭 = 一般, 好在唔死咸...3. 清炒菜心 = 好難整到難食呀 ???4. 黃金蝦 = 咁既價錢, 算做 ok... 但好油, 唔夠乾身. 蝦太細隻, 寧願佢收貴少少, 用 d 大 d既蝦...5. 生炒骨 = 粉太厚... 小炒皇既生炒骨冇理由係咁樣... 6. 豆腐煲 = 一般酒樓水準, 但份量唔夠...7. 金菇肥牛煲 = 又係好一般... 8. 薑蔥魚腩煲 = 好香, 好好食, 全晚最好食的小菜, 連我唔係好食淡水魚都食左 2 大件.9. 金潮一口牛 = 唔係好明點解用店名 ?? 老板覺得好好食 ?? 牛肉比鬆肉粉整到冇晒味, 係啤酒 20 蚊一支, 合理價錢啦, 但唔夠凍...就係好嫩,

晚上九時，到朋友高度評假的金潮用餐。 到步示議2位，即刻被安排到 18 号枱，但枱還未清理，故改去 36 号枱。坐下見到滿場賓客吃得開心，確定無來錯，誰知等了 10 分鐘也沒有人送茶來，我個 "蝦子餅"已經唔多高興，點知個員工話唔夠人手，唔高興去別處去！ 我 "蝦子餅"立刻叫走，但老闆娘及其他員工立刻道歉！在不太滿意下，姑且繼績留底，看他們怎補救！ Order 了半打蒜茸 steam 蟶子皇 ($108)， 瑤珤豬肺湯 ($40)，養生菌炒什菜 ($48)，白反 ($7)，食物質素 OK ，與價錢成正比。 到算 OK 啦！下次會再去，因為有醒目老闆為老莽員工補救！不過我都唔希望這位員工受罰，因為相信佢到好辛苦！但唔希望有下次，希望下次見到佢有改善的態度！

黎過幾次, 每次都要等成粒鐘以上, 等位方法有問題, 不多講了.小菜己經無以前咁好食, 今次點了幾道菜.黃金蝦 - 不夠乾身.豆豉雞煲 - 呢個好味啫啫通菜煲 - 有咸香味, 但通菜選擇幼身個隻會更好.炸南乳豬手 - 豬手都好味, 夠脆 胡椒蜆湯: 呢個以前無咁辣, 同鮮甜d

LUNCH選擇之一1黎佢店面乾淨而且D野食又唔LUNCH有LUNCH SET學生可減$2推介佢既椒鹽豬扒飯茄汁雞扒飯白汁雞扒飯其他都OK係該區LUNCH其中1個好地方

Excellent !!! Super value for money, super tasty. All dishes are good. 花膠蠔豉粥, 白灼魚皮, 黃金蝦, 南乳豬手, 胡椒浸花甲, 重有好多好多, 全部都勁好食, 超平. 連汽水都只係四蚊一支咋. 最欣賞係老闆一家人的工作態度, 雖然好忙, 佢地依然面上排住笑容, 同D街坊好close, 我唔係住果頭, 次次都係特登揸車入去食, 值得一試再試.

有個朋友帶左我黎哩間野都食我地４個人叫左３餸一湯蜆湯個湯真係好好味呀,,辣辣地4個人都唔夠飲咁黃金蝦好香咸蛋黃味! 又唔會覺得漏唔錯架,不過就有要連埋蝦殼食都有d唔慣滑豆腐d豆腐真係好滑呀,本身自己好鐘意食豆腐不過係出邊食好多豆腐,好多都唔滑架哩個豆腐就唔同喇...真係好滑,真係食唔停架椒絲腐乳通菜哩個都唔差...整體黎講真係好低食..值得一試

尋晚同班friend去葵芳行街,唸起呢度間金潮,搬左咁耐都未黎過,咪叫班friend一齊試下,點知....一黎到,多人到嘔,排到人到癲,不過唸住好食冇所謂啦(仲叫左.2個friend一齊等)點知d野食.............黃金蝦:放入口,完全唔知自己食緊咩,面個層以前好香,而家非常普通...唔係難食,但絕對唔好食!炸豆腐:上台時已經散,放入口,成口脆,咩味都食唔到啦.....胡椒蜆湯:講真,全部最好係呢個,不過都係以前好咪d炒聖旨: 爽口,但咸得滯,冇咩特別啫啫雞: 普通料,我平時o係大排檔仲好食過佢唔知係咪唔同左師父,同以前差好遠,排咁耐隊以為好食,點知真係好失望~~~d人唔知係咪又係見多人排又以為好食又排埋一份呢~~~~haha~~~搵笨

快樂星期五，放工又係時候跟老友去飲飲食食，今期既地點在葵芳。坦白說，對新都會廣場的食肆無甚興趣，想起一間以前經常幫襯，現已遷址的小廚，請老友馬上打電話訂座。現址在恆景花園地下，與舊鋪只差幾步路的距離，亦尚算方便。想當年不少明星光顧的食店，晚上七點左右，門口已有人輪侯，由於我們已預先訂位，等也不用等，直行宜入，多好。隨便翻閱餐牌，吃什麼大概心裡有數，對於細食的我們，三餸加一個荷葉飯，絕對夠食了，點太多只會浪費。$10三枝懷舊樽裝汽水，雖然是細樽裝，都算幾抵飲，先每人來一枝。蟶子是侍應推介的，半打要$98，不便宜，但以前吃過又真的是好味，頗懷念，所以也點了六隻，以豉椒炒。蟶子並不肥美，也稱不上彈牙，不過用上豉椒炒，夠鑊氣，十分惹味，可以收貨。另一味惹味小菜是美國桶蠔，砂鍋上的，「沙沙」聲，熱呼呼，香噴噴，而且隻隻蠔都好大件頭，看著聽著聞著已滿足。咬開桶蠔，肉汁豐盈，又香口，夾著蔥吃是相當不錯。蔬菜又是少不了，繼續是香口的，干煸四季豆。咸香度對辦，四季豆爽脆，若然可再弄乾身一點，會更美味。不過老友就話已經足夠了，太乾身會好熱氣，大槪是各人的喜好不一。最後是荷香鮑粒飯，打開荷葉，確實氾出荷香，