金滿庭京川滬菜館 (德福廣場2期) (已結業)

中秋正日跟同事打算食餐好慶下節，預早幾日打電話去訂檯已經 Full 左，唯有預早去walk-in 碰碰運氣。12點20分就去到，估唔到唔洗等就順利入閘。點左松子魚，小籠包，螞蟻上樹，海蜇，高力豆沙，雙面黃。通通都係等了又等，追了又追。食完正餐就叫上高力豆沙，等左二十分鐘，再追之後就叫埋單，埋單速度十分之高，唔洗三分鐘就計卡都碌完。再等十分鐘都未到。但其他檯既高力豆沙陸續送上。再追問下經理話要再等半個鐘！咩話？再等半個鐘？我係一坐低就叫，大大話話等左個半鐘，依家仲要等？而最後只有無奈咁取消。食物質素都免得再作評論，因為寫完大家都會覺得怒氣而變得不中肯。

前菜- 青瓜酸酸辣辣又開胃，好味的，不過唔知收幾銀。醉雞 ，鍾意佢夠醉，花雕好香好濃，用來飲真的一流架。不過件雞的肉質就一般般，亦唔算入味。紫薯浸莧菜，新鮮又大碟，紫薯幾甜的。可惜湯底咸左D，師傅重手了。一口小籠包 五隻皮算薄，饀料亦幾好味，有水準啦。生煎包 三隻都幾香，唔油膩，食得過。桂花丸子 一碗麻麻地，可以 skip . 裝修同服務都 ok 啦，不過不失。埋單四百幾，其實只係叫左幾款小食啫⋯⋯前菜茶水 mark 得高，感覺偏貴。

金滿庭的熏魚是我太久沒吃就會想念的東東，適逢要送保單給客戶朋友，而她要請我補吃生日飯，的確是有一段時間沒去了，想都不想就是她了。而最後我們決定試新嘢，並沒有叫熏魚🙈宮保蝦球是我每次去北京樓都必點的菜式，見這裡也有，一於試試。份量非常大方，總共有9大只，份量是北京樓的1.5倍，而價格只是北京樓的不足8成，熱辣辣，皮脆蝦肉彈牙，最重要的是調汁酸甜稠度適中，完美配搭。突然想吃酸菜魚，用的是桂花魚，賣相一般，但份量很足，魚塊入口滑溜，酸菜酸度適中，脆口，伴菜萵筍和筍塊很爽脆，還有粉條也很入味。我們都想來點香口的，廚師推薦有爆炒魷魚鬚，竟然炒出了大排檔的鑊味，魷魚鬚鮮甜爽脆，還有伴碟的萵筍和西芹絲相當入味，送飯一流。唯一不足的是偏鹹了一些。光顧金滿庭超過10年了，試過奧海城和荷李活的分店，最喜歡的還是德福二期的分店，高高的卡位很有私密度，非常適合三五好友相約共享美食，小聲說大聲笑而食物水平長期保持在線，在星期二的晚上也幾乎有8成滿，實力的見證。

好耐冇食過上海野，今日上左德福二期試下呢間，我地睇開飯都覺得佢高價，不過又好想食！一於試一下！唔駛等位，直入！我地坐底冇耐又選擇困難上身。睇左好耐，終於選到！小食可以叫孖寶，每人叫左一個，水晶肴肉同醋香蓮藕雲耳！我地鍾意個蓮藕雲耳，好入耳，醋令到大家都開胃左。個肴肉點醋都唔錯 👍🏻 個水晶既湯汁入口即溶！我既酸辣湯麵，個湯唔錯，酸辣適中，入面好多料！麵又唔會過淋，都算彈牙！我老婆叫左嫩雞煨麵，個湯底好濃雞味，都唔明點解佢咁鍾意食淋麵 😂 入面仲有一量菜，佢話好食！梗係要試埋佢既小籠包啦，入面湯汁好甜！皮薄都唔錯

作為酸同甜食愛好者，川菜同上海菜係大愛，而且食唔厭，今日家庭聚餐係呢度真係岩哂。1.擔擔麵加酸辣湯： 麵嘅湯底有微酸同微辣感，有花生醬嘅香滑，配上蔥花同肉碎，唔會太膩，麵質係爽口類。酸辣湯方面，材料有蛋花、木耳絲、冬菇絲等等，酸味突出，辣略為不足，家人另加豆板醬調味先夠。2.上海粗炒+醉雞翼粗炒就係黑黑地果碟，正常味道。醉雞翼酒味濃，而且切到細細件容易食。3.小籠包：皮夠薄但又qq,夾住個頂都唔會我個痴底，入面肉汁好多，點點醋後更好味。4.餃子+雞絲粉皮餃子皮薄，肉唔肥，粉皮配上青瓜絲，味道清新。5.呆佬炒飯：有蛋白、瑤柱、菜粒，飯幾香口，一粒粒有唔感，份量唔細，推介！6.豆沙鍋餅：睇開我食評應該見過我食過唔少豆沙鍋餅，呢間都係平均水準，優秀之處係豆沙夠多，邊位都唔太厚，食邊part都有饀。7.高力豆沙，呢個推介！炸起左嘅蛋白入面有豆沙係意料之外，但令佢更香嘅係入面有一細舊嘅香蕉，估唔到咁夾，口感又係幼滑，甜甜地又軟綿綿咁，第一次食高力豆沙，好味！員工細心有禮，主動收盤，臨走前會提醒帶齊野

今天會到九龍灣和朋友吃飯，談談小朋友仔經，分享一下照顧小朋友的心得，所以來到德福的金滿庭，一邊食飯，一邊談天。酸辣湯酸辣湯外觀和食材也是和普遍的酸辣湯沒有太大的分別，不過味道耳酸味為主，辣味比較清淡。炸銀絲卷銀絲卷上枱時，外層炸得香脆可口，熱度十足手。內裏一絲絲的麵包餡，沾一吓煉奶，味道甜而不膩。紫心蕃薯浸莧菜長方形的紫心番薯還繞著中間的莧菜，增加不少視覺效果，紫心番薯較為結實，味道清甜。 莧菜爽口。一口小籠包小籠包大細適中，可以一啖一隻。外皮煙韌，富彈性，內裏肉汁豐富。賽螃蟹有些餐廳會舖上蛋黃，但可能是雞蛋衛生問題，這裏的賽螃蟹主要以蛋白煮成。細滑順口是小孩子送飯的恩物。雪菜肉絲拉麵雪菜肉絲和拉麵豉分開上的。湯底是清雞湯。麵底爽滑順口，雪菜清新，肉絲味清淡。排骨蛋炒飯排骨外層炸得香脆可口，肉質嫰滑，只是帶一點乾身。雞蛋均勻地黏上每粒飯，飯粒乾身明顯。鮑魚花膠撈粗麵花膠濕潤細滑，但是味道清淡，沒有半點味道。 鮑魚煙韌，味道不見濃郁。撈麵煙韌河口，醬汁順滑。流金歲月其實是奶黃包，內裏餡料非常流心，蛋黃味道非常濃郁，實在與一般的非常不同。總體而言，價錢是比較昂貴的，菜式味道各有千秋，當然其

今晚去開德福就同朋友去搵野食,然後去金滿庭，叫左招牌招燻魚，花香玫瑰骨，嫩雞煨麵，一口小籠包，個燻魚好香口同有個秘製醬汁食落好特別，個玫瑰骨又唔胖味道適中，個麵質都幾好唔好太淋，小籠包皮薄多汁,好有肉汁味｡

難得的平日放假，要享受下平日的優惠 - 下午茶。下午時間三點三入座，安排到我們二人坐卡位。下午茶套餐包茶芥和加一服務費，可選主食和前菜各一。小辣担担面面食，是細碗的份量剛剛好沒有辣味濃濃的花生🥜味道，好膩的面幼細，沾滿花生味道，每一口都滿足小籠包是主食一籠四個肉餡比較粗糙，細滑一點會加分小籠包皮薄，而且夾上不會穿的小食餚肉有4件整體ok啫喱部分彈滑的小食五香牛肉展有4片可以照燈的，通透！整體食物，服務，環境都值得推介！性價比高！

金滿庭閒日比較鬆動，但到星期六日就勁墟冚。個人認為德福店無論環境同食物味道都比荷里活嗰間略勝一籌，不過呢啲見人見智啦，總之兩間分店門口通常都人山人海。以前叫開碧螺春，但近年推出咗玄米茶，陣陣米香，真係一試就愛上。砂窩雲吞雞 — 半隻雞盛惠二百幾蚊，有十幾粒雲吞。湯底好飲，唔係味精湯越飲越口渴。隻雞就老咗啲，連雞髀都嚡口無乜味。紅油抄手 — So far 金滿庭調嘅汁係我暫時食過最好食嘅一間，唔會辣到咩味都食唔到。京燒羊腩 — 一上枱就係咁嘅樣… 賣相核突咗啲，不過堅係羊腩，肉質鬆軟帶羶味，正！豆沙鍋餅 — 以前食過高力豆沙，個皮超厚但餡極少（某山莊整得好食好多）。所以轉點豆沙鍋餅，外皮鬆脆，紅豆綿滑。年初推出咗現金券，跟住就加咗價，加幅都幾勁 (粗略估計近 15-20%)。不過好食兼水準穩定嘅上海菜真係買少見少喇，所以都會繼續食

約咗朋友食午餐傾嘢，好多食肆都限時限刻要走，又多人又嘈，所以朋友揀咗金滿庭，唔駛等位，又唔會趕你走，仲有卡位坐得舒舒服服，慢慢傾都得!我哋兩個人，少少地叫咗幾樣嘢share!醉雞加燻魚雙拼，醉雞入味，有好香花雕酒味，雞肉嫩滑! 燻魚脆而香口，如果起埋骨會開心d!小籠包入面充滿湯，非常唔錯! 年糕有好多雪菜，所以都唔會話淡而無味，清清地係唔錯嘅選擇!

下午時間去食 幸好不用等位4個人叫左：一個擔擔麵 好食 有花生味 辣辣地小食併盤 不過不失 飯前小食 一個烤麩 味道不好 係食過既烤麩之中最不吸引一盤酸辣湯 覺得係八方雲集咁既口味 不是差但不值咁貴一盤小龍包 皮不好食 但肉既味道ok 趁熱食還可以仲有一個菜同一個肉 普普通通 價錢偏貴

喺九龍灣食咗呢度咁多間酒樓都係覺得最好食都係呢間所以我哋就訂咗枱為咗同一位同事farewell仲預訂咗我哋最鍾意食嘅片皮鴨添可惜去到酒樓，部長話要我地order幾點開始燒先至會做片皮鴨，咁所以佢話如果而家嗌就要我哋等九個字😱係咪好奇怪😪我哋12點半訂枱正常就梗係差唔多12點半有隻片皮鴨上啦最後我哋都係冇order，因為等唔到九個字雖然呢度啲嘢食係幾好味但係就覺得啲人嘅服務好奇怪諗嘢唔合邏輯😕成班同事都話好失望冇得食片皮鴨

#小秘書 每個星期日都好期待可以一家人齊齊整整圍埋一齊食飯。呢個星期媽媽揸主意揀咗。可能我哋預早訂座關係，餐廳安排咗間房比我哋，原意系好嘅，不過地方就細咗啲，坐十個人未免太焗束😅 既然細佬一家已經坐抵咗就無謂改🤭打開餐牌，食物價錢偏貴，媽媽講咗呢餐由佢請，所以我哋都唔想食得太豪，先叫咗啲小籠包、生煎包.. 之類先填嚇個肚🤣 不過似乎廚房控制食物溫度麻麻，啲包點只屬微溫，口感大打折扣😪之後我哋都有加幾個小菜，松子魚，鎮江排骨... 味道都唔錯，尤其個鎮江排骨，外胞內嫩，好juicy🥰咁啱呢日系細佬生日，我哋準備食完飯就切蛋糕，點知原來餐廳要收$100切餅費😅買咗嚟又無理由帶走😪 硬比$... 真肉赤😅

同屋企人食飯 西式中式菜未必岩佢地 就搵左呢間中菜館！夜晚7:30食等左成9個字先有位！好多人黎食飯！首先點左個水晶肴肉 我好中意食水晶肴肉 基本上我入得間餐廳見到有呢味菜我都一定會點！呢味水晶肴肉賣相好好 但食落 我覺得整得韌左少少 吾夠淋！但系抵食既呢味菜！跟住叫左個山東手撕雞！老實講賣相有d遜色 但味道系吾錯既！份量又多！手撕雞都整得入味 如果賣相好番少少錦就好喇😋😋哈哈 下次過黎試下其他菜式！🤣再同大家share !

好耐冇食過上海野 今晚嚟食次金滿庭餐廳幾多卡位 我地三個人坐得幾舒服😺一口小籠包 保持到一向嘅水準 一籠有八隻 細細隻咁 係幾抵食嘅👍🏻排骨蛋炒飯 好鍾意食呢個飯 排骨配咗兩個配料 一個係淮鹽 啱晒啲好鍾意食鹹野嘅人 但係我就鍾意食嗰個酸酸辣辣嘅醬多啲 炒飯又係炒得唔錯🤤回鍋肉炒粗麵 呢碟炒麵炒得幾均勻 撈埋回鍋肉都唔會好辣 不過如果啲回鍋肉再多多少少就更加好啦🙊薄餅 叫嘅時候係想配個香酥鴨半隻嚟食嘅 我知個配搭有少少奇怪 但同桌友人一向鍾意創新 咁就陪佢癲吓 可惜嘅係 薄餅一早就嚟咗 等到香酥鴨嚟嘅時候已經凍晒 侍應聽到我地咁講 好主動咁話幫我地拎入廚房再蒸過 服務幾好😂講返碟香酥鴨 好脆好好食 有淡淡嘅鴨香 學友人嘅食法 用薄餅包住嚟食又幾有特色😆整餐我最鍾意個香酥鴨 可能係因為夠脆口 配唔配薄餅就見仁見智啦