金滿堂甜品

营业中

休息中

現在才發現原來這間甜品店是有特價時段的，由1200-1800，有些糖水都頗抵的呢。男友試了咖啡果凍伴炭燒雪芭(特價$10)。這個咖啡味的甜品正合男友心意，因為他是無咖啡不歡的。咖啡果凍已細心地切成小塊，方便客人食用，很好。男友說咖啡果凍的咖啡味濃郁，不錯。不過他就覺得雪芭太硬，好像冰塊，不過雪芭內有一些jelly，增加口感。我點了雪糕西米露($15)，雖然是簡單的糖水，不過想不到竟可選擇兩球雪糕。我選了曲奇味和朱古力味。不知怎的，一碗西米露竟有兩種口感，一種西米爽口，一種煙韌，是此店的特色嗎？好在兩種口感我都喜歡。不知為何覺得西米露不夠甜，是和此店標榜少甜、低糖有關嗎？這樣也好，起碼感覺上會健康一些。侍應有禮，糖水款式多，下次要再來試特別的口味喔。

一直都有幫襯開此店既甜品...吸引既地方係佢地既甜品真係整得唔錯加上有d$10既特價甜品選擇, 所以第一次為著$10已經有d特色甜品食而入去試...一試之後每次星期六去淘大食lunch如果有胃口都會走入去食吓甜品先再回公司工作既...不過上星期六真係令人有點俾屈既感覺.同老闆食完車仔麵, 2條大胃王又再去此店食甜品..老闆叫左個紅豆刨冰特價$10既...我就叫原價既唔知咩鬼甜品有豆腐花+涼粉再有一個雪糕球($18)...味道方面依舊好味啦..不過出去俾錢時佢竟然話要$33..查問之下佢話個特價刨冰係俾個大既我地所以收多我地$5...真係覺得有屈人既感覺, 以前我地食開特價就係特價無分咩大同小架啦..唔通標明係特價就俾細d就唔係特價甜品啦....不過我地都無同佢爭論, 俾佢賺盡都係$5..不過對此店就有個非常壞既印象啦.

平: 10元就已經有甜品靚: 外型好吸引正: 少糖少甜!食物的味道十分天然!

在板長特定留了肚，來這裡試甜品。甜品選擇很多，都考慮良久才決定點了一個Q版紅豆刨冰，一個雪中花。Q版紅豆刨冰︰這是男友點的，份量足夠一人的了。紅豆都蠻多的，這個不止是刨冰，而且是有雪糕裹在冰內的，而且還可以選擇雪糕的味道呢﹗我倆都覺得很好吃。雪中花︰這個有雪糕(選了曲奇味)，涼粉、紅豆蓉、豆腐花。雪糕和松記的應該是一樣的，涼粉是條狀的，我覺得比方形的好吃。不過我認為豆腐花不好吃，好像很淡的味道，又有點像杏仁味，總之就不喜歡了。下次還是避免要豆腐花的了。這甜品店的選擇很多，有好幾樣我都想試，下次到九龍灣就不怕沒有好吃的甜品店了。

今日同媽咪去食，我就例牌order左個<紅粉佳人>，因為真係好好味...清得黎唔甜，而且賣相好吸引!!而媽咪就叫左個<椰汁芒果黑糯米>，佢話ok好味...然後我地再叫左個<芒果糯米滋>，結果比我想像中好食好多...凍凍地咁，又幾好咬口...而且個心，真係芒果肉~good。最後我覺得佢地既服務態度，真係一流...真係愈來愈好，會叫多d朋友去幫襯^^。

食完別府，得一肚氣，唔夠飽，決定黎食糖水，黎舊同學屋企人開既呢間糖水鋪。咁耐都冇試過，決定黎試下。望下menu，價錢唔太貴，而且款色幾多，好有創意。叫左個Q版果雪糕刨冰。其他人食Q版芒果雪糕刨冰、Q版紅豆雪糕刨冰、椰汁紫米露、南瓜西米露。Q版果雪糕刨冰，一d都唔Q版。透心涼，好好食，芒果十汁分甜，而且冰入面有雪糕，底部仲有西米同椰果，簡直係口感既享受。佢地西米有口感，唔似得其他糖水鋪好淋。媽子話椰汁比較淡，其他都ok!

q版炭燒雪芭伴果凍是我的最愛!炭燒雪芭含有果但和果凍碎，口感豐富，果凍甜度適中，整體咖啡味幾香。麥提莎糯米糍亦不錯，糯米糍軟，中間的麥提莎脆，同樣口感豐富。常常來吃甜品，還試了很多呢...其他都很不錯。

跟方媽道別後,由honhon方小姐帶我從下村走到淘大花園吃甜品,在商場轉了幾轉後到達目的地。店內外都坐滿客人,幸運地還有店內位置較寬的座位容納我這個月巴人,開心!!在琳瑯滿目的誘人甜品照片中挑了三款。Q版芒果刨冰:像個小冰山造型的甜品,冰山上澆了芒果汁,旁邊零星放著數粒芒果粒,看似簡單原來下面還藏著像椰果的粒粒。海藻甜蜜水晶花:外型晶瑩剔透很漂亮,用海藻石花提煉的甜品,店方說有清熱的作用,是否能清熱真的不知道,卻像有點杞子的味道,口感像吃軟版大菜糕,甜味是靠澆上的蜂蜜才有,真符合店方低糖少甜的口號。咖啡果凍伴炭燒雪芭:數年前曾在九龍城店吃過的甜品,當時覺得非常好吃,今次再試多一次。味道仍是非常好吃,果凍滑脫脫的感覺很有趣,面層的點點咖啡粉增加不少香氣,雪芭真的超濃咖啡味,愛咖啡如我的食客定會滿足,冰凍的雪芭中好像有些合桃在內的感覺,吃下去時有點咬口,真的很對自己胃口,推介!!同場加映榴槤飄香,不知那位食客點了榴槤甜品,店員拿著經過也聞得到濃濃榴槤香,只可惜不是自己的茶。店員態度相當有禮,門口帶位那位小妹妹青春可愛,離開時笑著跟我們byebye;出菜兼收銀那位年青男孩,對同事和客人都同樣

今日同朋友經過!就揀左入去食甜品!開頭見到佢餐牌係芒果刨冰果度寫左Q版仲以為個size會好細!!點知黎到果陣份量比預期大!!!而且味道好好!刨冰下仲有雪糕,西米,and少少椰果!好好食!!!價錢又只係$15!!好抵!而且服務員都有禮貌的!!值得推界!

每次經過呢間甜店，都發覺好多人...今日比意料中少，所以就決定去試下...到底係唔係真係咁好味!!首先就食左個情迷朱古力+紅豆雪糕刨冰，覺得唔太甜...好岩我，不過略縑個刨冰d奶(好"蘇")!!之後就再order個金枝玉葉...唔錯呢，不過本人唔太鐘意食西米-口-"!!晚上就同個FD再去食過...食左個紅粉佳人~真係唔錯，感覺好清涼...連個FD都話正>v<滿意，不過個Cappuccino就...不太好味~好怪!!總括黎講...good丫，岩晒唔鐘意食甜野既我...會再襯親...嘿嘿!!

新開張特價只需$10~但風靈想試的香橙金鉤翅就沒有了...Q版咖啡果凍伴雪芭風靈一向不喜歡咖啡,,近來更喜歡上茶的說~Q版茉莉果凍伴綠茶雪芭茉莉果凍大概給我識穿了... 上面是淡忌廉~灑上茶葉~綠茶雪芭很有濃味...(個人不喜歡太濃...)不過還吃到少少冰塊~但加上紅豆...味道不俗~之後來的是Q版椰汁芒果黑糯米~好像有黑糯米,,黑珍珠,,芒果肉,,淡奶~風靈不喜歡黑糯米XP仲有鴛鴦雙冰~是藍精靈+芒果雪糕刨冰~藍精靈果邊d汁酸酸甜甜,,仲有提子乾添~而芒果果邊比較甜,,有新鮮芒果肉~兩面都加上淡奶~下面有雲尼拿雪糕,,好似仲有清心丸...最後登場的係麥提莎糯米"慈"~因為創新所以支持下~試左都OK啦~不可以說是好吃...只可以說是口感奇特~但沒有想像中差~

每次食都忍唔住食完再叫.真係一d都唔誇張佢既新開張10蚊甜品比我想像中份量多,真是說得上很抵食!我差唔多大部份佢既甜品都試過一次.全部都好好味又唔太甜同漏喉我又試過佢九龍城o個間但係覺得淘大呢間好食d但九龍城款式較多.有個什麼士多啤梨益力多叫'多多'都幾好味.但店面舊少許.平又唔漏最啱食飽口痕時食!超值之選好似我咁勁食幾樣都係30蚊倒=)下次一定再去

今次又來食甜品先試左個野莓雪糕刨冰...不過我個冰就味道一般啦唔算特別好味, 旁邊既莓真係幾鬼酸下好似果醬入面既果肉唔算岩我口味..下次都係食回芒果刨冰算

麥提莎糯米糍很特別,口感跟味道都好~炭燒雪糕+果凍亦是亦一好味既甜品~!!

食完buddha hut既素午餐, 老闆拉左我去對面新開張既甜品店話食甜品...初時我都唔係好願意既...之不過俾我見到新店開張部份甜品$10碗...當然我這個死慳鬼都會願意花$10食碗甜品既....睇左一陣我地係$10區選左我既芒果雪糕冰; 老闆就要左個茉莉茶雪糕配果凍..來到個樣都好靚又唔會話$10份量就會變細...真係好抵食味道都好正特別係我個冰呀配埋d雪糕仲有底部有d似椰果同西米既粒粒好爽口十分美味.至於老闆既雪糕就相比有點苦啦反而果凍就好正.總之$10碗認真抵食