金滿堂甜品

营业中

休息中

因為太開心,所以食完DINNER就去食甜品,BF唔太中意食甜品,但佢都有陪我食叫左一個芒果刨冰SHARE,以為唔係好大個,點知係好似座山咁成個山都係黃色既,山腳有好多耶果同芒果,我勁中意XDDD座山出面全部都係汁,所以一d都唔DRY食到最後,個底中間會有芒果雪糕,好SURPRISE但個甜品太大,所以食唔曬

29/07/09 驟雨今天終於交了我份功課, 可以鬆一口氣了!!下課後, 不知為何好想食些甜的食物, 其實我都知道我稍後要回家食飯, 所以我都不敢食得太多, 之後我去了淘大商場, 走了兩個圈, 天氣都好熱也想吃個刨冰,之後去了"金滿堂甜品"歇一會, 店內都不是太多人,可能都時間仲早, 現大約都是6:45PM, 後來order了一個$26"宇治金時", "宇治"是指高級茶產地宇治產的抹茶,至於"金時"在日語其實是紅豆的別稱,是以黑糖煮調過的紅豆宇治金時抹茶雪糕味道淡雅不澀不苦,品嚐紅豆和抹茶雪糕搭配出來的口味好相襯, 內裡還有一些珍珠, 椰果片, 西米的食材, 不過我就覺得甜了一點, 所以食番少少刨冰沖淡點甜味就ok, 啖啖碎冰都充滿清新抺茶味, 美中不足的是抺茶的味偏淡, 濃郁一點會較好個賣相都好視覺上的效果, 暗紅紅的金時豆配上翠綠的抺茶雪糕好鮮明的感覺, 如果再配上"白玉"就真是絕色了!!店內的甜品款式都好多, 甜品的名字都好特別, 例如"金玉滿堂", "楚留香之戀","黑馬王子"等..., 地方inside 有少量的枱,冷氣好充足,也可以選擇outside 坐, 感覺好free,

今日一時興起, 去左食甜品...同埋因為近~~~叫左個朱古力綿花冰...冇咩驚喜, 個樣係幾可愛既...不過同普通雪糕冇咩分別…偷邊D配料又冇咩味咁…仲叫左個麥提莎糯米糍我覺得好食過朱古力綿花冰..雖然好似好易整好唔抵咁..不過食落口感幾特別幾好食

與朋友打完波之後食糖水原本想叫上次o個個紫米清心丸. 但佢冇晒清心丸, 我又唔想轉其他所以揀左第二樣. 要左個朱古力燉奶朱古力味非常濃. 我覺得如果可以淡d 多d 奶味會好d燉奶夠結實同滑.唔知點解要加d 紅色藥水糖漿落去. 有點兒破壞左個味道.燉奶始終都不能解渴. 點錯了下次叫返紫米算. 頂多屈服轉其他丸嗻.

食過午飯 少不了到對面的金滿堂吃甜品我要了芝麻蛋白燉奶$18叫的時候也有點擔心芝麻的份量真的如海報般少幸好 芝麻的份量還不少芝麻的苦味中和了燉蛋的甜 燉蛋很滑溜 整體味道配搭很好媽媽還是要她的最愛 椰汁紫米清心丸$13她說 不會太甜 又平又好吃 她很喜歡我想 有金滿堂甜品 應該有好一段日子不會到許留山了

最近知道這裡推出了新產品，所以今天就和家人一起來了一試，我所說的就是天使棉花冰，我的是朱古力味，賣相不錯，而且還很特別，全部都是一片一片的，冰味不重，朱古力味也不是太重，不會太甜，剛剛好，而且還有配料配合實在太好了，不過我較喜歡濃味一點的朱古力味。

今次我點了宇治金時,友人點了鴦雙鴛冰宇治金時綠茶雪糕+綠茶冰+珍珠+椰果+紅豆多重口感,食完透心涼!鴦雙鴛冰芒果+紅桑子刨冰,中間仲有個雲呢拿雪糕旁邊有一些椰果, 西米,好味!

前兩日同朋友打完波, 好口渴.其實想買野飲, 咁岩醒起金滿堂就o係對面, 不如食糖水. 下晝哩個時間冇乜人哩度都有下午茶. 不過唔係平好多, 平2-3蚊嗻.我叫左紫米露清心丸, 哩個原本$18, 減到$13, 算係減得最多. 而且聽落都幾清涼我冇加花奶, 朋友加左, d 奶蓋過晒個面紫米露好杰, 好多料, 勁多豆, 不過我想飲野, 多d 液體會好d味道唔錯, 好解渴呀都. 清心丸唔夠煙韌, 不過還可以.坐左差唔多一個鐘, 用埋張$15 既印仔coupon, 哩碗野最後價值$6.5 伙計幫我換左張舊咭做新咭, 新咭食夠30蚊就有個印, 但要儲多d, 同埋係得amoy哩間店先用得.

六月五日 (星期五)台灣的蓮花冰在香港很流行,走在前線的滿堂當然亦有提供今晚我們就試了其中的兩款榴槤冰又是老公仔最愛的榴槤!配上爽甜的茘枝果凍,紅豆和小丸子榴槤味不是太重,比大埔的Les Dessert略差一點不過都已很不錯了...尤其是在夏天吃,簡直是涼透心芒果冰我亦點了最喜愛的和榴槤冰一樣,芒果味不是太濃若再吃紅豆和茘枝果凍,差不多沒有味...論刨冰,都是糖百府的牛奶冰最令人懷念!

今日特然間好想食甜品~~~~~黎到金滿堂~~~~~~嘩~~佢都有綿綿冰呀~~~仲賣28蚊咋~~~~唔洗去mk排長龍啦~~~~下次試下先。。今次叫左3樣野~~~一個宇治金時、鮮奶燉蛋、同麥提沙糯米滋宇治金時~~~green tea雪糕+綠茶冰~~d紅豆好林、好甜~~~~再加d珍珠、椰果。幾好。。。鮮奶燉蛋~~~我唔記得左影相啊~~朋友覺得~~好滑 , 個皮又香我就覺得都ok啦。。個味好香好濃~~~xd15蚊算唔錯啦。。麥提沙糯米滋~細細粒甘~一啖一粒。。好好味呀又唔係貴喎。。埋單54~~不過呢......我地轉左2次位囉~~可能d待應新啦。。唔多識分配個位呀。。。同埋成間野有陣留連味~~><"""

近來的天氣真是很熱啊，今天跟朋友相聚時就去了金滿堂吃甜品，我間中也會來這裡吃甜品的，因為喜歡這裡的款式多，而且又特別。因為天氣太熱的關係，所以我們都一同點了芒果雪糕刨冰，在這種天氣下，吃著刨冰真是透心涼之選，刨冰都幾大份，下午茶時價錢$18，都幾抵！食完刨冰唔夠喉，還叫了麥提莎糯米糍，這個是我最喜歡這裡的甜品，因為真是很特別，很少可以有機會吃到有朱古力夾心的糯米糍，糯米糍入面加上麥提莎，真是很有口感，軟中帶脆啊

在牛下逛得累了 便到我最喜愛的甜品店金滿堂坐下竭竭下午茶時價 有特價甜品選擇想了一會 選擇了以前吃過 印象中味道很是不錯的雪中花$18材料有我很喜歡的紅豆 豆腐花紅豆很大很甜 豆腐花亦很滑溜但亦我不太喜歡的涼粉 幸好涼茶味不重但若果可以把涼粉換成紅豆就更為佳雪糕則選了曲奇味 甜了點 但絕對可以接受媽媽則選擇了椰汁紫米清心丸$13這是媽媽的 她說不太甜 味道很不錯價錢比許留山便宜 味道亦好 難怪搶了許留山這麼多的客人

去完牛頭角下村食完何興記吃飽飽後便到很出名的金滿堂吃甜品點了咖啡果凍伴雪芭,是這店的鎮店之寶,愛吃咖啡的我當然不會錯過,很香濃的咖啡味內有果仁和咖啡喱者配合冰凍雪芭不太甜,很適合夏天吃透心涼味道很夾。其它甜品款式口碑也不錯下次可試其它不同款式,這裏每款甜品的名字也花心思改些特別名字,食物也很用心和誠意店員有禮親切一定會再幫襯,吃了這些美味的食物,內心很滿足。

鴛鴦雙冰- 幾好味的 - 2者(芒果+紅桑子)都幾match黑馬王子- 多芒果，唔酸，但冇咩芒果味- 黑珍珠都幾彈牙，但我覺得d西米就唔夠彈牙果凍 (荔枝, 芒果,椰子,奇異果)- 只有荔枝味好味，其他都好難食- 感覺同出面買個d jelly冇分別，但就食得出冇加左好多糖整體都好似冇其他食家寪得咁好味，唯有下次試其他...

見到食評唔錯，食完 lunch 過黎試下。咖啡果凍雪芭，夠咖啡味，加入walnut ，出奇地配合，仲有少少咖啡凍粒混入果凍，口感好好，味覺又有層次，good one！不過 on side 既咖啡果凍就相形見拙啦。麥提莎糯米糍無難度但有創意，糯米皮唔會太厚，幾特別一款小食。