金泰子泰國餐廳 (已結業)

失驚無神去左呢間金泰子泰國餐廳吃飯。餐廳內部空無一人，只有幾個目無表情的侍應，態度非常惡劣。甫坐下，發現枱面已經鋪上一層薄層，衛生環境實在欠佳。午市套餐供應多款泰菜，價錢約50至60元，在當區來講不算貴。點了個海南雞飯，雞肉好鞋，冇雞味，只嚐到一陣雪味。油飯很硬，沒有一點油香。調味醬汁也單調乏味，吃了兩啖完全沒有胃口再吃下去。餐飲選了椰汁冰，沒椰味之餘，且只有死甜味，冰太多，飲幾啖已經無了。完全中伏的餐廳，絕對冇下次。

係人都知我唔辣得不過就有個火辣辣嘅老婆大人，所以少不免要食吓辣嘢，咁多樣辣菜中我最受得係泰國嘢，因為辣得嚟好鬼香。 今次約咗幾個朋友去新開嘅銅鑼灣金泰子泰國餐廳，裝修幾有東南亞風味枱數唔多記得訂位呀！ 老婆大人飲椰青我偷咗一啖飲好鬼清甜。我梗係飲最鍾意嘅泰式奶茶啦，真係好鬼有茶香原來用泰國出名嗰隻茶底唔怪得之啦！有個精明嘅老婆大人呢餐勁抵食！因為佢喺Yahoo團購用7折買咗D現金卷勁抵啊，我哋揀咗個8人餐只係＄1188有好多嘢食，好似泰式大拼盤入面有蝦餅、魚餅、春卷、雞肉丸，魚餅就最啱食喇！   青芒果沙律和柚子蝦沙律唔係我至鍾意食，而且青芒果嗰個仲好刺激添！ 冬蔭公海鮮湯係我最like嘅泰國菜式，呢過冬蔭公海鮮湯好濃味又多料，飲到標晒汗都在所不辭。 跟住係小食豬脾但有冇攪錯呀似主菜多D噃，豬脾煮到軟淋得嚟又有趙頭味道仲好香。好喇真係到主菜我哋加30蚊由泰式海南雞轉咗燒雞，嘩同喺泰國食嘅樣同味道都一樣。食咗咁多肉整碟菜食吓先加10蚊轉咗有咬口嘅馬拉盞炒椰菜苗貪佢夠重口味嘛！魚有泰式明爐烏頭同泰式檸檬酸辣鰽魚揀，我餸哋揀咗檸檬酸辣鰽魚酸酸哋又幾鬼開胃喎！仲有香噴噴嘅蒜蓉包勁想叫個咖喱送嚟

咁岩去開灣仔呢頭做嘢 隨意走入黎食lunch醫肚 呢間餐廳位於內街中 走入餐廳尚算闊落 由於太肚餓關係我點了海南雞飯(白飯)之外 還點了半打串燒(雞肉/牛肉/豬肉)海南雞飯雞肉份量不錯約有5塊 咬落去雞肉肉質鮮嫩多汁 配搭埋酸酸甜甜嘅惹味醬汁 唔覺唔覺就成碟食哂白飯份量非常大碗 如果女士們的話強烈建議少飯串燒(雞肉/牛肉/豬肉)各2串由於係即叫即製嘅關係，等候時間較長大，約需要15分鐘 總括黎講，3種肉類水平不過不失！配搭醬汁令到成件事昇華左，成個lunch好滿足喔！

#金泰子泰國餐廳銅鑼灣開咗間新的泰國餐廳，係喺謝斐道，入面尚算寬躺...我去嘅時候見到門口擺咗好多花藍，好明顯係新開張啦！叫咗個冬陰公湯飯， 配上墨魚丸，味道唔錯，冬陰公湯底唔算太辣，配料十足！仲有好耐冇食過嘅芒果糯米飯🍚，我覺得芒果可以再冰凍啲！因為我記得我以前食嘅時候、個飯係熱、但係個芒果係凍，嗰種感覺幾特別！蒜蓉炒通菜：呢個炒得幾好，好友鑊氣，色香味俱全埋單都係$150有找，銅鑼灣食嘢都算係咁啦！

與同事游泳後在銅鑼灣覓食, 由於大家都屬意泰菜, 上網一看, 發現金泰子有抵食8人套餐, 於是不作他選, 立即進店. 八菜一湯兩甜品才$1188, 吃得很滿足! 套餐不包飲品, 額外點了清甜椰青, 朋友則來一杯青檸梳打, 好消暑.我們亦額外點了一客生蝦刺身, 不得了!! 非常鮮味兼彈牙, 一吃翻尋味的, 吃時我就喜歡添上蒜片, 有說具殺菌作用. 沙律任選兩款, 我就最喜歡柚子蝦沙律, 柚子沒有澀味, 清甜多汁, 蝦又彈牙, 混入炒香椰子絲(非白色的椰絲), 完全給了在泰國的感覺. 另一款是青芒絲沙律, 酸辣度頗高, 適合愛辣之士. 吃泰菜, 不可缺的是大拼盤, 一份有齊蝦餅、魚餅、春卷、雞肉丸, 香口小食, 有誰不愛呢? 重點是不油膩, 不錯不錯. 冬蔭功海鮮湯, 大約每人一碗, 料也足, 有蝦及菇等等, 這湯好渴與否, 一向很個人, 酸或辣度不足的話, 也成就不了冬蔭功, 金泰子的是相當夠味! 一定不要錯過泰式豬脾,  脂肪層不肥膩, 反而煙韌(感覺是骨膠原滿滿的), 豬脾肉咸香度夠, 送飯一流.泰式海南雞半隻, 無論是雞脾位抑或雞胸均是皮滑肉滑,  沾香辣汁更惹味.泰式檸檬酸辣鰽魚

銅鑼灣食個晚飯絕對不便宜，想不到這餐廳有晚飯套餐，雖然沒有飲品，但價錢和午餐差不多價，真心推薦。我點了豬頸肉飯，有我最喜愛的荽茜，豬頸肉烤到外脆內軟，肉燒得剛剛好呈粉紅色，配上酸辣的醬汁，令人胃口大開，好食到停唔到好，很快便掃光一碟飯。青咖哩雞的份量頗多，不是太辣，怕辣的朋友可以試試，咖哩偏甜，拌在飯裡吃流。咖哩內還有好多蔬菜，有茄子和四季豆，菜肉均衡，是健康的菜式。飲品我們都點了椰汁冰，大熱天走進來喝一杯很舒爽。

泰國菜應該係香港最受歡迎的外國菜系之一， 每個區域都好似便利店咁緊有一間喺左近。以前食泰國菜就一定會去九龍城，不過出名的都已經連鎖化，小店又不是間間好，隨時有踩地雷嘅危險。對我來說，有時踩得地雷多，連鎖店都比較穩陣。於是今天和一班朋友來銅鑼灣吃泰國菜的時候，本身想找另一間銅鑼灣的私房菜小店，但最後還是退堂鼓，選了一間連鎖店。金泰子有三間分店，之前喺佐敦同太子都見過，不過就係未入去試過。知道銅鑼灣也開了分店，今日找個機會過嚟試吓。連鎖店經營的餐廳，正常價錢也不會平到哪裏，但這裏的價廉物美令我有點驚奇，完全是大店一樣的格但走小路的價錢。最大嘅驚喜首推這個八人餐，$1188，平時就算係九龍城呢個價錢都唔知食到啲乜。食泰國嘢，無論食乜嘢之前叫一碟生蝦刺身係常識，吃完就知呢間餐廳對唔對路，當然合格。先來一個拼盤，有雞肉丸。春卷和蝦餅魚餅，個人當然最鍾意魚餅，泰菜首本名菜，不得不吃。另外前菜有兩款沙律俾我哋任揀我哋揀咗有青木瓜沙律和柚子蝦沙律，兩款都辣味四射而且十分開胃。係冬蔭公同椰汁海鮮湯之間，我當然會選擇冬蔭公海鮮湯，辣就普通，但係酸度非常強，大熱天時飲，特爽，我最鍾意飲到成身汗嗰種感覺，排毒

兩個人食泰國菜真係食唔到啲乜，一個冬陰公加條蒸魚加個菜已經非常飽，因此我常常喜歡一大班朋友就選擇泰國菜。特別係泰國菜好適合大眾，甜酸辣乜都有，各人可以選擇自己的愛好。以前爸爸成日帶我去九龍城食泰國嘢，不過而家九龍城嘅泰國菜好似冇以前咁出色，所以我去第二區都會食下泰國菜。今日就選了銅鑼灣的金泰子，之前喺太子經過這間的分店已經想試，可惜那次要等位，今次就特登訂了枱來這裏食飯。我們有九個人，大家都比較懶叫嘢食，看到有一個八人餐，不用多想，決定叫。這個餐首先有一個拼盤，有蝦餅魚餅春卷和雞肉丸， 雖然不是一人一件但也很大份。另外任選兩款沙律，當中柚子蝦沙律最正。冬陰公海鮮湯就最吸引我老公，我就覺得有點辣。炒菜是正常水準， 不會太過誇張。另外那個泰式檸檬酸辣魚，個人來說也是辣了一點，不過都算幾好食。最後最驚喜嘅係滑滑嘅海南雞加勁大煲嘅粉絲大蝦煲。食咁多野，每人都只係唔使$150，有冇搞錯，仲要間餐廳係喺銅鑼灣，你話係唔係真係平到笑先。加埋最後嘅芒果糯米飯做甜品，滿足又開心，就如同去了泰國當地餐廳一樣，平靚正。

這夜約了一衆好友到銅鑼灣這間金泰子泰國餐廳吃泰國菜 ，點解要去到銅鑼灣皆因為師拉的我見到Yahoo有個7折團購，而且銅鑼灣仲係新開不久的新分店，各樣誘因下就成了這頓驚喜的泰菜飯聚了！ 坦白講內心不算抱有太大的期望！怎知我真的有眼不識*泰*子，原來這間已是金泰子第三間分店了，泰籍大廚更煮得一手好味道的泰國菜，吃得嗜辣的我不嗜辣的好友也紛紛讚好呢！ 食泰國菜飲椰青是常識吧！＄25大大個童叟無欺仲印埋自家Logo好有心思耶！ 我們這夜剛好8人選了個8人套餐＄1188加上散點些菜式來一同分享，而套餐內包括有10道菜式好豐富呢！包括有大拼盤內有蝦餅、魚餅、春卷、雞肉丸全都炸得香口不油膩，我就最喜歡煙韌的炸魚餅十分可口呢！ 自選小食我們選了豬脾煙韌的口感最動人，加上滷得入味夾上鹹菜吃好滋味喔！ 沙律可四選一我們選了青芒果沙律和柚子蝦沙律，青芒果沙律軟滑的青芒果沾上汁醬辣勁十足很是我的菜耶。 另一客柚子蝦沙律辣度較溫和，或許酸甜的柚子應記一功！而內裡的大蝦新鮮又爽彈好味啊~ 接著是以小火爐熱辣辣奉上的冬蔭公海鮮湯和泰式檸檬酸辣鰽魚，兩味都很合我胃口而怕辣的朋友可選另一款椰汁海

今日放假出灣仔鵝頸橋街市買生果及食材， 順便搵食是常識吧， 費事同人迫 ，14:00才吃我的午餐，金泰子位於鵝頸橋對面的謝斐道， 食完再殺落銅鑼灣買、買、買。簡單雅緻的裝修午餐 Set lunch 供應到17:30， 海南雞飯$55 送例湯，+$5有凍飲，仲免加一，唔洗諗?例湯 ~ 紅蘿蔔、粟米、南北杏煲雞腳（送）好有阿媽FEEL的湯， 紅蘿蔔及粟米嘅甜味煲到出曬嚟，完全唔似例湯，湯頭好清甜，雞腳煲到諗曬。海南雞飯（$55包例湯）金黄色的海南雞及油鷄飯海南雞件份量十足，靚嘅海南雞一定要有一層透明啫喱凍，雞件己去骨，啖啖肉， 雞肉嫩滑， 連皮食非常香口，雞相信已經用鹽醃過才浸，唔拈海南雞那個薑蓉酸辣魚露汁都夠味， 當然點少少就甜甜酸酸、香香辣辣更惹味啦。油鷄黄薑飯用雞湯、椰子汁及黃薑等香料煮製，香而不喊口， 是乾身偏硬型，煙韌有咬口， 啱曬唔鍾意食軟飯嘅我，入口仲带淡淡的椰子清香， 我最鍾意用筷子拈幾滴魚露汁喺飯粒一齊入口， 令油鷄黄薑飯味道更豐富, 更好味。泰國凍奶茶 (加配$12）泰式奶茶有佢獨特嘅香味， 跟港式奶茶茶味折然不同，兩者各有特色, 個人都LIKE。

我心情煩悶的我今天相約了朋友去細數心事，我們在銅鑼灣找到這間泰國的隱世小店，它的隱世是因為他真的有一點偏僻，但經驗告訴我寶藏多數收藏的地方都是很隱密，所以我決定去一嘗它的味道。我點了一個香葉肉碎飯，一個芒果糯米飯，一個泰式冬陰公鮮蝦湯河。菜式琳瑯滿目，但是我們都不太餓，可能今天太熱了。這個香葉肉碎炒飯，香味十足，看到他不同的配料有豆角辣椒洋蔥等，色香味俱全，對喜歡辣的我，是極品中的美味。泰式冬陰公鮮蝦湯河也來了，色澤十分吸引，滿滿的蝦味和香濃的香料味，加上新鮮的鮮蝦，一口又一口的送到胃，讓人豁然開朗，沒多大食慾的我也吃光光了。最後的這個芒果糯米飯，香甜的椰漿加上黑糯米飯，這個配搭真的是一絕，我每次去到泰式餐廳也會點這個，每次都希望芒果會很甜很甜很甜，因為我真的很喜歡吃芒果。總結這一頓飯，價廉物美，性價比高，喜歡泰國菜和辣的人可以一試。

最近公司附近新開了一間泰國菜，便與同事們一起去嚐嚐。午市特價套餐價錢由$39-$60不等，還奉送例湯，而且午市不設加一服務費，以銅鑼灣區來說是價錢相當划算。例湯熱騰騰的，味道濃郁且不錯。青咖哩豬頸肉飯 ($52)豬頸肉份量多，肉質非常軟腍且帶有少許脂肪，但缺乏香口和爽彈的口感。青咖啡略嫌不夠椰香味，而且味道較為辣，欠缺了青咖哩應有的香甜味道。椰子冰 (午餐+$5)椰汁味很淡，沒有椰香味，而且缺乏甜味。

今日中午去銅鑼灣,  朋友話想食泰國菜, 上網看看 Open ice, 找到金泰子泰國餐廳,  看來適合.   門外餐單吸引. 餐廳內座位多, 多人可以選坐大圓檯, 泰式佈置很特別,  我看了又看.我們兩個人, 安排坐方桌.   桌上餐具齊, 重有三式調味品, 愛吃辣的, 好岩啊 !午市套餐好抵食,  選擇很多, 送例湯, 價錢由$60 ~ $39-,   飲品只加 $3~5, 免收加一. 朋友先點兩個午餐, 豬頸肉炒金邊粉 和 泰式湯河配豬扒, 每一份套餐可以加 $25 配個小食. 朋友點椰汁冰, 我點龍眼冰. 夏天飲品消暑解渴,  椰汁冰椰子味香,  龍眼冰, 龍眼肉滿滿有很多個, 甜甜的, 好好飲冇選錯 . 跟套餐每人一個 老火例湯, 真估不到除了青紅蘿蔔,  還有粟米, 雞腳,  此湯味道挺不錯, 值得一讚. 加 $25 配個小食, 我點 炸春卷.春卷炸得夠香脆, 每人一條,  沾些甜辣醬, 又配些菜絲一齊食, 口感好,  味道甜甜辣辣, 好滋味.另一個小食:  炸雞中翼, 一客三隻.  雞翼炸得皮香肉滑.  好食 !泰式豬頸肉炒金邊粉,賣相不錯, 炒成金黃色,  有鑊氣!  

在銅鑼灣想吃泰國菜又想平價，當然要上網做些搜集功夫。金泰子以前吃過午市，午市套餐價錢便宜，餡料雖然比較單一，但勝在味道佳，醬汁惹味開胃。今次看到選擇很多，照片也不錯，即選擇這餐廳。冬陰功海鮮湯冬蔭公香辣味濃，湯底比較濃稠香味重，味道辣而舒爽，湯內有海鮮蝦仁等。整體味道很不錯，不過蝦仁個頭要大，海鮮等也不算多。海南雞半隻半隻份量不少，整整一碟。雞肉皮簿爽口，雞肉嫩滑什少肥膏，鮮嫩多汁。雞香而味鮮，師傅烹煮時間火喉控制剛剛好，不會過生或過老。特製泰式豬髀豬脾以秘製配料醃後再炆至肉質軟腍，富豐富膠質，口感糯軟中帶彈牙。醬汁吸附在豬肉內，味道香濃入味。咖哩海鮮包上桌時咖喱已灌入法飽內，蛋黃質感柔順輕盈，咖哩入口綿綿香滑，咖哩香味重再配上蛋黃鮮味，讚！海鮮個頭適中，還算新鮮。黑白芒果糯米飯紫米及糯米各一，紫米更富米香，配上泰國芒果，甜而不膩。整體來說，餐廳用料不算高級，但味道確實很不錯，價錢也相對便宜，所以還是很值得去。