金池上海京川滬料理

為賀好友鄧sir升職之喜，於這所在龍城新開不久的滬菜館擺下了一道小宴席.....只是"圍內"與幾位較close的同僚吃飯，也就不用那樣拘謹了。話雖如此，若只叫數個客飯來吃就未免有點寒酸於是就拿着menu仔細研究了一下，打算叫些冷盤大菜，當是吃晚餐的態度來點菜，這才是道理嘛:)....吃滬菜的前菜冷盤，其中少不了的當然是燻魚及雞絲粉皮。魚的細骨多得很，吃起來總是有些麻煩，但自己一向不怕吐骨，所以還是可以接受的:)。這裡的燻魚雪得冰冰涼涼，像是剛才冰箱拿出來似的，質地硬梆梆，再加上那個帶甜的獻汁也同因雪得太久而變得太杰，故此吃起來是蠻難受:(而且魚肉入口帶着濃厚腥氣，獻汁亦未全然滲入肉當中。所以這道小吃，小弟無奈要給它一個喊臉了；雞絲粉皮同樣雪得冰凍，雞絲是人手撕開的，頗見心機，麻醬也下得不輕手，這是最要緊的:)。粉皮太腍雖是缺點，但相比起那硬實的燻魚，這粉皮也算做得像樣了....滬菜的精粹所在必然是所謂的"濃油赤醬"。看着面前的這道炒年糕，一望便知是不太合格了:(。一直不算是上海式年糕的粉絲，不知何解對它那樣煙韌的口感沒有太大興趣，所以只夾了一兩件試試便算....火腿津白亦是很例牌之作，津白太硬又不算甜，火腿不夠香而味道亦太鹹.....甜酸桂魚賣相不錯，但那甜酸汁嗅落刺鼻不已，味也是過份的酸，吃得人喉嚨不太舒服魚外層炸得尚脆，魚肉雖也滑，但卻是沒有甚麼味道的:(，令人失望透頂:(....包點類的水準亦是平平無奇 ---- 小籠包沒有爆汁效果，肉不很鮮，皮也搓得不夠挺身；銀絲卷並沒有一撕即變成"絲"之感，入口像是在吃饅頭，真奇怪....結尾的高力豆沙的豆沙餡只得一丁點，軟熟度倒是夠的，砂糖能再多些就更佳....難得在龍城有一間新的京川滬菜館，本好應支持一下，但以如此平凡的水準，要小弟再來光顧，恐怕是有相當難度吧....…查看更多

一家三口在九龍城做完按摩後順便在附近食埋晚飯．老婆話想食上海菜，印象在金寶隔離有間咪行去睇睇．去到門口見晚飯高峰期裡面只得七成滿便心中一涼． 不過見裝修尚算企理就即管入去試試． 拿起菜牌一看已知並非正宗滬菜，問問女侍應有沒有開洋荵油拌麵，見佢一面迷茫就確實唔可以要求甚麼正宗上海菜． 立定心意只要唔太難食就算．只揀了一些最基本菜式希望食得落：麻辣拍黃瓜，回鍋肉加菜飯，嫩雞燴麵，上海粗炒，小籠包． 麻辣拍黃瓜好搞笑，根本冇拍過，只是用刀把黃瓜切成大大粒，拌ｄ豆瓣醬上碟．回鍋肉味道勉強合格，只是豬肉本身不是新鮮很重雪味．菜飯就非常油膩．嫩雞燴麵的湯好淡，同正宗的用濃湯差好遠．上海粗炒算ＯＫ，好食冇份不過唔太差．小籠包好明顯係雪藏貨，唔好食唔緊要，最衰係全部爛駛，甩皮甩骨，冇一隻可以完整地夾起食．食完只有一個疑問：咁o既廚藝都敢落九龍城開舖？？…查看更多

帶住剛剛放學的仔仔去九龍城買書, 買完之後, 到了一間新開的上海食店食我們的晚餐 -- 金池上海料理:) 可能時間尚早, 客人很少, 我地兩個都係想輕鬆的食一碗麵同一點小食, 便叫了一碟麻婆豆腐, 一碗嫩雞煨麵同一杯豆漿食! 這間上海小店的食物還不錯, 麻婆豆腐的味道唔錯, 上枱時熱辣辣, 咸淡適中, 輕微的辣刺激了胃口, 好食! 碗麵都好, 因為湯底係濃郁的雞湯, 有味得嚟唔係一味死咸, 而夾雜麵條之間的菜絲 (相信係白菜絲), 係令碗麵更可口的配料:) 價錢都唔貴, 食得過的 :)…查看更多

晚上一家四口去到位於九龍城衙前塱道的金池上海京川滬料理晚飯, 味道不差的我們吃的包括嫩雞燴麵, 小籠包, 酸甜魚柳, 上海粗炒同火腿津白, 另外再加兩碗飯填肚嫩雞燴麵是比較稀爛的, 以口感計其實不是太好, 因為好像漿糊似的, 入口很漿, 食得唔舒服, 不過味道就不錯, 湯底有濃厚的雞湯味, 雞肉絲, 白菜都煮出很濃的味道, 令這個麵都算可口, 只係不要煮太爛的話, 相信我會好鍾意!小籠包很好, 皮薄, 肉汁不少, 我很喜歡皮薄的飽和餃點, 皮做得薄, 是功力的表現, 都係一個包好食的最主要因素, 如果皮太厚, 根本就只會有皮的味道, 這個小籠包, 點浙醋食, 係好好味的:)酸甜魚柳其實就像一般的咕嚕魚柳, 個汁味道唔錯, 可惜紅蘿蔔好像"縮"了, 有點異味上海粗炒唔會太過咸, 炒功不錯, 上桌時熱辣辣, 味道可口:); 火腿津白做得幾有心機, 一paul paul的津白, 佐以金華火腿茸, 很香口不錯的一餐晚飯, 吃得我們全家盡興而回了…查看更多

27-7-2009幾經常一個人食飯, 好少幫襯京川滬菜館, 除咗因為質素參差, 食物大部分更屬「家庭」份量, 唔通入去淨叫碟銀絲卷咁混吉麼? 見呢度供應三十幾四十蚊的一人份量午市及麵餐, 試試醉雞擔擔麵 ($40) 吧.醉雞: 見有唔少雞翼位置, 大喜. 雞肉嫩滑, 雞皮就太厚, 一舊舊肥油的感覺真係麻麻, 而且整體其實唔多入味. 唔差, 但絕對可以更好.擔擔麵: 麵條賣相黐埋一餅嘢的, 不過食落彈牙, 口感不錯; 湯底好重花生味, 極少辣 (連我都覺得唔辣, 嗜辣的記住加辣!), 肉碎落得好少, 味道都幾「悶」. 不過呢度係嚴重缺乏上海 / 四川 / 京川滬菜館的九龍城, 算吧.食物一般, 環境就係衛生 ok 的「摩登茶記」格局; 招呼就好唔錯, 店員哥哥態度好得令我有點打冷震, 哈哈哈. 好在呢度發現得唔算遲, 放低 $40, 有機會試試 dinner 都好.…查看更多

一個人去左九龍城, 本來想食thai food, 但見有新店開張, 加上九龍城又少有上海菜, 一於來個午餐!點左如題兩款: 麵既湯底唔錯, 不濃不淡 (本人個人喜好), 而鱔糊幾有肉, 炒得唔錯! 小籠飽不過不失, 只係表皮厚左少少, 味道尚可!有人話每種菜都有其代表既湯, 就好似thai菜有冬蔭公; 如果下次再到, 希望可以試下佢地代表上海菜既酸辣湯! :) …查看更多

好抵食ar!! 味道又好!! 叫左份醉雞 $ 60 有半隻, 絕對抵食!! 小籠包即叫即蒸......鱔糊石頭飯, 必食推介!!!!雖然出菜慢左小小........不過d 服務都幾好ga!!!…查看更多

放工後~~同朋友們到九龍城搵食~發現新開左間上海野~~於是入去試下喇~點左:韮皇炒鱔糊個味好夠~d鱔好正~推介!! 醉雞雞肉好滑~唔會太肥~but如果濃返小小就最好喇! 糖醋魚塊:因為我都幾鍾意食d酸酸甜甜既野.理味就岩晒我喇~味道岩岩好~d魚炸得好 脆, 入面d肉又滑,加上仲保持有小小肉汁~送飯一流 回窩肉:好好食~唔會太肥膩~大家可以試下~不過飲品就小左d~得豆漿同汽水~好在d侍應既服務都好好又nice~不時同我地加茶~環境都唔錯~雖然唔係大裝修~但係俾人既感覺都好舒服~:)呢間上海野都幾有水準既~值得再幫襯…查看更多

本想去金寶食泰國菜, 但隔離新開了一間食上海野的舖頭, 於是大膽試試夜晚入去食, 都幾多人, 八九成滿了, 氣氛都幾熱鬧呢! 食物包括了炒鱔糊, 紅油炒手, 上海粗炒, 擔擔麵炒鱔燸幾好食, 鱔肉爽口, 而個汁就好夠味; 紅油一d都唔辣, 我覺得佢唔夠紅, 可以好d; 上海粗炒好得, 咸的程度啱啱好, 擔擔麵味道雖然好, 但覺得佢唔夠正宗, 因為正宗的擔擔麵係好杰的, 有花生醬, 麻醬先似, 呢度碗擔擔麵就係湯麵, 不過味道都ok, 當係食第二樣野啦!豆漿好好味, 好杰, 好甜, 好香豆味, 飲品可以叫呢個服務都唔錯, 新開, 店員都想留個好印象俾客人, 下次食上海野都會再嚟食!…查看更多