影片
更多
2010-04-05
155 浏览
哥哥生日，一家人十大一細去 isquare 吃晚飯慶祝，想食廣東式既中菜，所以上左26樓既金殿試吓。可能因為連續五日公假，幾十萬人去哂旅行，所以酒樓不大滿座，被安排到坐窗口位。26樓望住維港夜景，超正 ~ 其實酒樓有一個大露台，不過無開到比客人出去(可能安全問題掛)。爸爸發板點菜，唔知餸大細如何，叫左七餸一湯。飲完個老火湯之後，點豉油食左少少好好味既煲湯半肥瘦，D餸就來啦。藕片冰梅鳳翅球 (好食推介) 一上菜，碟中間有一隻鳳凰企係棵樹上面做伴碟，賣相都幾有氣勢 。講番食物外表，D雞翼起左骨，好似西式果D烤雞翼成個槌仔咁，可以楂起手食，再放係塊炸咗藕片上面；雞翼煎得好靚，唔會好似油淋淋咁。食落口，雞翼有少少甜甜地既甜梅汁係面，肉質好嫩滑。藕片就好香脆，唔會炸到好油膩，我唔食蓮藕都食成塊食咗。黑松露菌鮮蝦仁蝦仁同翠玉瓜兩樣都好爽口。連埋D黑松露菌一齊炒，有少少 fusion 既感覺啦。野菌鵝肝牛柳粒 (好食推介) 一上菜，成碟黑黑白白既骰仔咁好吸引。初時以為白色一粒粒既係薯仔粒，點知食落口先知係菇菇，非常彈牙，口感很Q。牛柳粒極之嫩滑，絕對唔會成粒乾柴咁，嫩滑程度好似七成熟既鋸扒咁啦。發覺
可能因為連續五日公假，幾十萬人去哂旅行，所以酒樓不大滿座，被安排到坐窗口位。26樓望住維港夜景，超正 ~ 其實酒樓有一個大露台，不過無開到比客人出去(可能安全問題掛)。
爸爸發板點菜，唔知餸大細如何，叫左七餸一湯。飲完個老火湯之後，點豉油食左少少好好味既煲湯半肥瘦，D餸就來啦。
藕片冰梅鳳翅球 (好食推介)
一上菜，碟中間有一隻鳳凰企係棵樹上面做伴碟，賣相都幾有氣勢 。講番食物外表，D雞翼起左骨，好似西式果D烤雞翼成個槌仔咁，可以楂起手食，再放係塊炸咗藕片上面；雞翼煎得好靚，唔會好似油淋淋咁。食落口，雞翼有少少甜甜地既甜梅汁係面，肉質好嫩滑。藕片就好香脆，唔會炸到好油膩，我唔食蓮藕都食成塊食咗。
黑松露菌鮮蝦仁
蝦仁同翠玉瓜兩樣都好爽口。連埋D黑松露菌一齊炒，有少少 fusion 既感覺啦。
野菌鵝肝牛柳粒 (好食推介)
一上菜，成碟黑黑白白既骰仔咁好吸引。初時以為白色一粒粒既係薯仔粒，點知食落口先知係菇菇，非常彈牙，口感很Q。牛柳粒極之嫩滑，絕對唔會成粒乾柴咁，嫩滑程度好似七成熟既鋸扒咁啦。發覺D醬汁好特別，細心再望吓碟餸，先發覺原來有第三種材料，係鵝肝粒。之前好特別既汁係D鵝肝溶左，所以味道非常之香濃。
全家人都讚不絕口；所以好快照鏡。
宮廷醬烤骨 (好食推介)
一上菜，係好似放大左既東坡肉，侍應幫忙將佢切成小件。烤到D肉好稔，八分肉兩份肥，酸酸甜甜好juicy，仲有菠蘿吊味潻。因為男友唔食豬，所以我多謝都無句食埋佢果份。正~ 哥哥亦都因為生日關係，將體型既問題暫時放低... 狂食。
碧海大班兩味之一: 西蘭花炒班球
好traditional的一味菜，魚肉好鮮甜。
碧海大班兩味之二: 砂鍋干煸班頭腩 (好食推介)
真係未出發先興奮。未上菜遠遠已聞到香味，因為酒樓用砂煲上菜，D香味由煮完到上菜D味都 keep 實，來到枱仲聽到D 吱吱聲。一打開，香味四溢。用蔥、蒜頭爆到香哂。D魚外脆內滑。
一魚兩味，之前西蘭花炒就清一些，呢一味就濃味。一淡一濃，各取所需啦。呢味就啱哂鍾意食濃味野既我。
三蝦通菜煲
又一煲仔上既菜式。有蝦干，海蝦同蝦醬炒通菜。通菜好嫩。比一般蝦醬通菜炒得好味好多。
以為會唔夠食，點知都食到十個大人好飽，碟頭算大。我地仲點埋壽包，食完仲有三款免費糖水揀，合桃露同南瓜露一D都唔 hea。
臨走時見到有人來睇結婚場地，可能因為個海景實在太剎食啦!!
侍應服務唔錯，自動波。姪仔打在個大噴嚏，噴到D粥仔成張枱布都係，佢地都自動波披一張餐布上去，讚!
尖沙咀食中菜，咁方便既地方，咁既景色，咁既價錢，真係幾難搵! 同朋友講起，原來佢地都來過，佢地話呢度原來飲茶有七折，下星期來試吓D點心得唔得!
张贴
