金樂軒雞煲魚鍋

营业中

休息中

今次我要同大家分享依間餐廳一間川菜為主餐廳，位於北角食市林立的和富道。舖頭望落應該已經經營多年，由於個人都幾幾鐘意食辣，所以就朋友一齊去幫襯，可能係平日夜晚，只有幾台客人，所以立即有得入座。
廢話唔講咁多直接同大家講下我哋食咗啲咩先：

薑蔥生蠔煲佢哋嘅有別於其他餐廳，係用鐵板上，食嘅時候要小心，因為鐵板嘅熱力令到汁會周圍彈，啲蠔全部都大大粒，蠔炸過再煮真係好正。勁多薑蔥落去爆炒，連啲薑蔥都好好食。每一隻煮完都好大粒，超級肥美。酸菜鮮魚鍋煲內有彈牙嘅鮮魚片同酸菜，個湯底酸酸爽口，魚肉鮮甜。湯底煮得啱啱，唔會太酸又唔會太淡，好適合鍾意酸辣味嘅人！花鵰醉雞如果你鍾意酒香味嘅話，咁就嚟試下花鵰醉雞啦！雞肉鮮嫩多汁，同花鵰嘅味道完美融合。加上啲香料同調味料，令呢道菜更加有層次感同風味！金銀蛋皇帝菜係一道經常都食到菜式，菜葉煮得啱啱好，保持咗蔬菜嘅鮮脆口感，而皮蛋同咸蛋則帶嚟一份豐富嘅層次同味道。
竹蔗茅根清涼解渴，有淡淡嘅甜味。呢杯飲品既健康又美味，食完辣嘢之後飲一杯，真係舒服得嚟。
總括而言，金樂軒喺北角嘅一間街坊餐廳，提供嘅菜式豐富多樣，味道正宗，絕對值得一試！

食魚煲食雞煲已經食左我地聚會成日去既選擇！今次揀左金樂軒試試，水準一流而且份量好多，絕對性價比超高！我就好推薦老重慶奇味雞煲，d雞炒得好香味道好惹味，而且用料十足，叫細份量都有半隻有多既雞係入面，抵食，細份量已經夠4人食呢！只係$188！叫左另一個煲係酸菜鮮魚鍋，魚片又嫩又滑，又係好多魚片，滿滿成個鍋都係😋姜蔥生蠔煲、椒鹽鮮魷都係我至愛！姜蔥生蠔煲隻隻蠔大隻又飽滿，一咬爆汁，好滿足！椒鹽鮮魷炸到脆卜卜，鮮魷又彈牙！仲叫左其他菜，姜蔥炆龍𧄌頭腩、福建炒米粉、福建炒飯，食得好滋味！竹蔗茅根都叫左一渣，好清甜！仲有枝大青島啤啤佢🤤

一到假日就會好仲意一家人去食雞煲魚鍋，圍埋一齊食鍋真係好正！金樂軒既雞煲魚鍋係好出名ga，黎到就梗係叫返兩個煲食下！超有鑊氣！Food list🍽️酸菜鮮魚鍋 $278（小）魚好滑，配埋酸菜等配料，酸酸辣辣，好開胃又好味，超級大煲，小size已經夠4人食，真係好抵！姜蔥炆龍𧄌頭腩 $228炆得好惹味，魚肉好鮮味，肉質好正！老重慶奇味雞煲 $188（小）雞煲又係好大份量！雞肉味道好惹味！姜蔥生蠔煲 $198蠔大大隻，炒得啱啱好！好仲意蠔好飽滿！有姜蔥加持更正！家鄉炒米粉 $108炒得剛剛好，味道好滋味！椒鹽鮮魷 $98去親食小菜必叫椒鹽鮮魷！爽口又彈牙既鮮魷，加上椒鹽真係絕配！福建炒飯 $98好多料炒飯，味道好濃味好香！竹蔗茅根一渣 $78（大）清涼又解渴！大青島 $28

今日喺北角收工！個人非常攰。想搵個地方坐下打下邊爐輕鬆下飲下啤酒，就去到附近嘅跟金樂軒火鍋打邊爐秘製雙冬羊腩煲(細):9/10分。先講講分方面分量非常多！羊腩唔會太騷，肉質都比較優質的，配菜都很多。而且送埋一份生菜的，非常抵食的糖醋排骨8.5/10分個人非常喜歡吃糖醋排骨，佢呢度嘅糖醋排骨就啱啱合我口味！非常鍾意火鍋料我就叫咗鯇魚和豚肉，鯇魚食得出係非常新鮮的，可以唔點醬料嚟食都可以的，非常推薦大家可以過來吃

餐廳位置和富道，北角地鐵站行過去幾分鐘就到，老闆娘同店員服務態度都十分好，會推介店鋪既拿手菜式，都幾有親切感，不時都會同食客吹下水，所以見到幫襯大部分都係熟客。胡椒猪肚雞煲（小）（$208）雖然叫左細煲，但份量都唔小，雞肉一路煮都唔覺特別鞋，個胡椒豬肚湯清清甜甜，成個湯底都可以飲，豬肚味道唔錯。酸菜龍躉魚鍋（中）（$458）湯底辣度揀左小辣，連埋辣椒碎、香蒜等香料，一上枱已經聞到好香，龍躉魚肉質軟熟，連住魚皮位置魚油香味十弟濃郁，食落完全無骨，酸菜酸酸甜甜特別開胃。安格斯牛頸脊（$288）色澤相當粉嫩，油花都幾靚下，肥瘦分例剛剛好，肉質鮮嫩可口，食落牛味都幾濃郁，煮完牛頸脊都有一定粉紅色，證明都幾新鮮下。椒絲腐乳通菜（$88）通菜色澤翠綠通透，通菜厚實粗壯，食落相當有滿足感。金銀蛋時菜（$88）底下係時菜，上面鋪滿皮蛋、蛋黃蛋白，時菜口感軟熟。竹蔗茅根（$78）清甜可口，四個人飲每人都飲到2-3杯，打邊爐飲無咁燥熱。

最近我哋去咗北角附近去食呢間中式嘅雞煲裝修有啲傳統中式菜館風格，有大圓枱同卡位可以坐☺️食物種類方面唔少傳統手工小菜最令人期待嘅當然係店舖嘅出名雞煲🐣雞煲用料新鮮雞件肉嫩，味道好野味，用香菇同蒜爆香，喜歡辣嘅朋友可以選擇不同辣度👍🏻我哋仲叫咗黃金蝦球，蝦球口感彈牙，蝦球被鹹香嘅鹹蛋黃包住😋煲仔菜都係餐廳出名嘅菜式，我哋揀咗薑蔥炆龍躉頭腩，龍躉頭腩份量多，味道唔會腥，配料方面有豆腐同火腩，煲仔上枱熱辣辣🥰

朋友係北角街坊，佢同我地介紹左呢間餐廳，一齊去食老重慶奇味雞煲當個煲開始滾既時候，濃郁既香氣漸漸湧出黎雞肉鮮嫩多汁，入面仲有冬菇同豆卜，吸哂啲汁既味道，非常惹味我地3人食，所以叫左個大既，份量都相當多，，食極都仲有花雕醉雞雞肉透著濃郁的花雕酒香，雞肉嫩滑，每一啖都到花雕既香味椒鹽鮮魷好有驚喜，炸粉好薄，外酥內嫩，魷魚肉質鮮嫩彈牙香脆的口感有別於其他餐廳，值得一試香煎墨魚餅墨魚餅好鮮味好彈牙，食得出入邊有墨魚粒，真材實料啫啫通菜煲用熱煲上枱，通菜加埋蝦乾，夠哂惹味

見網上好多好評所以專誠過黎試下 一坐低老闆已經好熱情過黎向我地介紹菜單聽老闆講好多以前既街坊因為掛住佢地既味道所以會專登會揸車過嚟食飯果然名不虛傳👍🏻✨-我地叫左個細既竹蔗茅根飲 好大渣！清涼解渴岩晒食住雞煲飲🍻老重慶奇味雞煲 一上枱已經熱辣辣可以即刻起筷🥘豆卜吸晒啲醬汁 又多雞同配料 好味又足料薑蔥生蠔煲 你唔好話 隻隻蠔都好鮮甜肥美脹卜卜🦪仲有6隻喺入面 完全唔怕唔夠食😋一咬落去咇晒啲汁出黎 連埋蔥段醬汁一齊食好惹味 必點！最後仲叫左碟蒜蓉蒸龍躉🐟龍躉蒸得岩岩好 魚皮夠厚又Q彈 魚肉鮮味十足-好味又足料 姐姐仲好好服務幫手炒雞煲 一定會再黎～

聽同事介紹，話佢屋企附近有間食左好多年嘅餐廳，有好多唔同嘅煲仔食。今晚佢就帶我過嚟試下。如果唔係佢帶我過嚟，其實都真係唔會留意，果然係低調嘅鋪頭，往往都會令人覺得有驚喜！餐廳就係和富中心對面，算係舊式嘅裝修。原來之前係柴灣開嘅，之後搬咗過嚟北角已經屹立左10年啦。。。薑蔥蠔煲一上枱，滋滋聲，好香。啲蠔全部都大大粒肥嘟嘟咖！十分之肥美。一啖入口爆汁，完全唔會有腥味。蠔炸過再煮真係好正。勁多薑蔥落去爆炒，連啲薑蔥都好好食。每一隻煮完都好大粒，超級肥美！奇味田雞煲呢一個田雞煲，，超大份入面仲有冬菇豆卜芹菜，再加上大量嘅芫荽喺面。加熱撈勻就食得，好大份入面材料好多。田雞煲煮得好入味話不過略嫌田雞切得太細舊，如果大嚿少少會更加正，送飯一流！啫啫通菜煲炒到好香，落左啲蝦乾去炒。通菜又唔老，爽脆好食唔會過咸。油鹽水浸花甲有冬菜又有粉絲喺底，花甲好大隻粒粒都好大粒肥美，仲要好鮮味添！好味到連粉絲都食哂。。。餐廳座位唔多，我地6點半去到就未算好多人，但7點左右已經不停有客人入座，到我地食定已經full哂，所以想食都係訂枱好啲。同埋啲員工好友善，仲以為啲uncle會好惡，點知又行嚟介紹啲出名菜，我地唔食太

朋友飯聚, 全部港島人, 於是去左北角嘅金樂軒雞煲魚鍋食雞煲同打邊爐店員熱情款待, 介紹佢地出名嘅老重慶奇味雞煲同酸菜鮮魚鍋老重慶奇味雞煲 - 雞件大, 雞肉嫩滑, 最精彩真係個醬汁, 好香濃, 雞肉入哂味.酸菜鮮魚鍋 – 魚肉真係超級嫩滑, 有質感, 魚肉香甜. 酸菜魚湯好搶口, 好好味, 真係飲左好多碗.安格斯牛頸脊 – 牛肉味濃, 入口鬆化, 油脂條紋分得幼細.鮮墨魚滑 – 超大份量墨魚滑, 爽口彈牙, 墨魚肉味香.鴨血 – 質地爽實, 有口感.鮮蝦雲吞, 菜肉雲吞 材料十足, 皮薄餡靚店員態度好, 有時重同我地吹下.

今日老細出trip可以準時放工, 甘開心緊係約埋同事一齊去啤啤佢啦, 飲啤酒第一時間就諗起雞煲簡直係絕配, 聽同事講佢之前係北角試過一間幾好食既雞煲叫金樂軒, 甘我地就決定去試下, 我地4個人去食坐一張圓檯坐得都舒服唔迫由於我地4個都鐘意食辣所以要左中辣雞煲, 店員仲介紹左另一個招牌菜酸菜鮮魚鍋中辣雞煲: 雞煲醬汁夠辣惹味, 薑 洋蔥 辣椒爆得夠香, 雞肉新鮮嫩滑, 雞煲里面仲有冬菇同豆卜, 個豆卜吸曬D醬汁好正, 雞煲個湯底濃郁 配菜我地就嗌左-牛白肉同安格斯牛頸脊肉質嫩滑重牛味, -田雞好滑 ,-墨魚滑滑嫩有彈性, -鴨血爽口-鮮蝦菜肉雲吞餡夠新鮮足料酸菜鮮魚鍋, 用左籠躉魚肉質鮮嫩又夠大塊, 湯底濃濃鮮魚味夠酸辣開胃, 鍋里仲有好多菜夠健康同事再嗌多個辣炒土豆絲, 土豆絲口感柔軟，入口即化辣辣地好味我地幾位同事都食完好飽好滿足。

平時好鍾意搵唔同嘅雞煲食，今日嚟到北角，見到佢寫住奇味雞煲同埋酸菜魚就入去試一試。兩個人叫咗一隻雞煲， $298 ，嚟到嘅時候好大煲，絕對有一隻雞既份量，黎到時佢已經可以即刻食得，唔需要等，不過如果大家唔鍾意食芫荽，就記得要叫佢走芫荽。味道方面，佢唔似出邊嗰啲麻辣雞煲味道，初頭食唔出咩味，覺得冇乜特別，但係食耐左之後，你又會覺得佢好好食，配菜入邊有豆卜，耐啲就會覺得好入味，平時我都唔係好食豆卜，但係我都食咗好多😂食到咁上下，就可以叫其他打邊爐嘅配菜，份量都幾大碟，兩個人食到好飽下次諗住過嚟食酸菜魚。服務好好，不停會過嚟幫你搞動吓個雞煲底。仲有佢嗰個竹蔗茅根水，自家製，一啲都唔甜，好好飲。大家可以試一試。整體味道指數：😋😋😋/5性價比：💰💰💰/5環境：❤️❤️❤️/5服務：✅✅✅✅/5

去咗搵住喺北角嘅朋友食飯，大家都好想食小菜，就隨便入咗一間🤣➖📌椒鹽鮮魷上網睇食評見好多人都推介，果然無推介錯😆👍🏻魷魚肉質鮮嫩彈牙，炸到外酥裡嫩➖📌蒜蓉粉絲蒸蟶子鍾意食海鮮嘅我哋見到有蟶子可以叫，即刻就order咗🥰蟶子好大份、仲好鮮甜，蒜蓉味道滲入蟶子之中，而蟶子嘅鮮味則被粉絲充分吸收➖📌香煎墨魚餅見店員推介就叫咗，同傳統嘅墨魚餅有啲唔同，份量好大份，而且食得出入邊有墨魚粒🦑➖📌香辣烤魚(小)因為我哋得兩個人，所以就叫咗小份烤魚，比起小菜烤魚水準就比較遜色，不過性價比高嘅，湯底濃郁，而且配料多🐟

金樂軒雞煲魚鍋北角和富道114號康華大廈地下C3號舖金樂軒好地道香港餐廳感覺，在北角住宅區，幫襯都是街坊多。有雞煲火鍋甚至廣東小炒都有呀！$208 胡椒豬肚雞煲，組合好特別我鐘意食豬肚同雞，有支竹，份量剛剛好。雞用上新鮮三黃雞，油流進湯中，淡淡胡椒香再點了滑牛肉只是$50 難以置信，墨魚滑同皇后菜作打邊爐食完濃味菜式，習慣會點上一碟清清清地的蔬菜來吃。$78 上湯津白$88黑醋小排骨，先炸再上汁，黑醋汁酸酸甜甜開胃之極，炸後排骨酥香口感的豐富度。

成日話圍爐取暖，係表面野既黎咖姐，真正既都係想搵個藉口，約埋班朋友見一見。你知啦，出黎社會做野，就唔能夠好似細個，話見就見，始終每個人都踏入唔同既人生階段，面對緊好多壓力、困難，朋友既價值變得更加渺小，所以身邊有好好既朋友，真係要珍惜！👇🏻📌招 牌 推 介 -▪️ 老 重 慶 奇 味 雞 煲 - $188▫️ 先黎個招牌「老重慶奇味雞煲」，我朋友唔係好食得辣，就就佢嗌左bb辣，兩條麻甩佬嗌個細煲岩岩好，雞肉肉質相當滑溜，完全唔乾身，而且料頭十足，大量洋蔥，鮮冬菇、豆卜、芫茜、蒜頭、每一啖都係相當惹味，食完雞煲鍾意既仲可以打埋邊爐，正！▪️ 燒 汁 什 菌 牛 頸 脊 - $148▫️ 第二道必食「燒汁什菌牛頸脊」，師傅炒得相當夠鑊氣，一上枱新鮮滾熱辣，而且牛頸脊肉質鬆軟綿滑，帶少少咬口，配上青紅椒，油香十足，送飯必備！▪️ 椒 鹽 九 肚 魚 - $118▫️ 食得小菜點可能唔嗌「椒鹽九肚魚」，即叫即炸，九肚魚份量夠多，炸到金黃香脆，外層相當鬆脆，食落裡面近乎入口即化，送酒真係一流。▪️ 啫 啫 通 菜 煲 - $98▫️ 呢個「啫啫通菜煲」用熱煲上枱，保證熱辣辣，通菜夠新鮮翠綠，加埋蝦乾，果種香味濃