金寶泰國菜館 (已搬遷) 新店位置

上次到此開餐已是2,3年前的事, 當時感覺蠻不錯,今晚本想到LEE咖哩屋試試,但實在多人及肚餓,於是便走到幾街之隔的金寶, 想不到水準之下降令人大失所望..1) 座位太窄,身邊不停有人行來行去,感覺不太舒服.2) 上菜太慢...我們差不多把炒飯吃完菜才來3) 招牌菜炸蝦餅不過爾爾, 原本以為是醬爆的.4) 沙爹豬牛雞味道完全一樣,有味如嚼蠟之感. 而且雞串初拿來的時候外面燒焦,內裡還有些生.2人埋單1７0元,不太抵食,相信不會再去.

尋晚兩個人8點9左右來到，幾個分店開埋同一條街，閒日都咁多人，我地被安排坐小食店gor度，真有趣。蝦刺身：一碟有8隻蝦，切左好多薑絲呀、辣椒絲呀、蒜頭絲呀咁，辣得好好味，但係得8隻蝦就唔係好夠喉lor，一碟$70架！拼盆（細）：炸蝦餅、雞肉串、荷包雞、蝦春卷，各3件，全部都熱辣辣，好好食；冬陰公（細）：好多料、好香，辣得好刺激，當堂出哂汗，最鍾意係佢\用個爐’興’住個湯，驚凍左唔好飲；泰式炒粉：d粉好煙韌，好有咬感，有d火腿，伴d旦絲呀、花生碎呀咁，不過要趁熱食，凍左d粉黏住哂一劈，當堂唔想食；紅毛丹冰：幾多紅毛丹bor，最得意係d紅色syrup係分開上，俾你自己調味，幾細心；鹹檸七：俾罐7喜你自己慢慢斟，非常爽！今餐食得好開心，雖然唔算坐得好舒服，但食物好味，服務又唔錯，下次要班多幾個朋友來食多d。

大年初四晚. 同家人落黎金寶開飯. 叫了: 1. 生蝦刺身- 個汁真係幾嗆~ 中細型蝦有8-10隻.OK之作.2. 醬爆蝦丸- 足足等了大半個鐘先上檯. 蝦丸實卜卜的. 半個拳頭咁大. 外型好吸引. 第一啖係唔會"爆醬"住的. 因為個皮幾厚下. 第二啖先黎料. "Bill" 晒D蝦黃出黎. 幾惹味. ( 不過本人而言就唔多鐘意個殼. 太實囉. 幾有牙力先咬得開的) 3. 砂鍋雲吞翅- 散翅也.無論係翅量同高湯量也太少. 佢話二至三人份喎.我話一人都唔夠o候啦!4. 全場最正的就係咖喱牛根腩. 牛腩燜得淋度適中. 選用的應是坑腩位置. 牛根都撈到三四件. 個汁可以用黎點法包同撈白飯食都絕. 我第一次出街食牛腩係今次食得最唔停到口的. ....5. 越式生牛粉- 份量夠二三人分的. 肥牛& 湯底Quality Ok; 河粉底最正. 又滑又爽. 得呀~ 6. 咸魚炒芥蘭+ 泰式炒通菜- 炒菜都係咁上下表現啦. 冇乜特別. 不論飯廳同Tiolet 都係迫. 服務可以. 笑容多d仲好~

中秋夜歐聯兩點幾開波，睇完皇馬大翻身後一時未能鬆馳下來，訓唔著；到第日起身時己經日上三竿，見無事做就約女友到九龍城行街街兼大快朵頤。金寶之名聽得多，但就未曾試過，今日路經難得大家興致勃勃，就決定推門探探其虛實。一條街雖然有數間金寶，但間間都其門如市，其受歡迎程度可見一班。豬肉凍卷($45)先來，透明薄皮包住濛粉、生菜、豬肉、香葉，一碟有四舊，味道清新，沾上一點酸甜汁都幾醒胃，不過由於包有香葉，不愛香料味者唔點此菜為妙。醬爆蝦丸($60)一客四粒，既然係鎮店之寶貴一點亦無可口非，蝦丸十分彈牙，中間既蝦膏十分香濃惹味，由於本人酷愛蝦膏等香口野，所以呢味野都幾岩我。越南咖哩牛脯配法包($55)既法包可算係一絕，香脆係基本要求，難得係咬落無渣，沾上咖哩汁後令人食不停口；實在不知泰式咖哩跟越式咖哩有何分別，不過此咖哩係幾合港人胃口，咖哩唔辣帶甜味，好味道；牛脯炆得夠淋而且肥瘦適中，都幾滿意。特式金邊粉($30)碗大份量少，由於味道唔出眾，材料大致上亦忘記了。埋單合$190唔收加一，感覺上抵番少少。相比起其他同區泰菜價錢屬中上，但味道環境等亦較佳，個人認為比之前食過既隆姐、小曼谷及籽苗葉好，值得再

間鋪比較細，人多既時候會比較迫，但好食咪得囉～好多雜誌、食評書都有介紹過，食物以醬爆蝦丸最好味,咬落去好彈牙，味道好正，有陣陣濃郁的蝦膏味，之後再叫左生牛矇粉食，價錢都ok，最鍾意個d配汁，酸酸甜甜咁，撈埋食好開胃好正~

食左醬爆蝦丸,幾好食~反而我覺得活蝦刺身就麻麻，d辣味遮晒d蝦味，可能我唔太鍾意呢種食法啦!個老細炒飯都係一般，我就覺得淡左d好似冇咩味咁~仲有食左個咖喱牛腩配法包，d 咖哩幾好，辣度岩岩好，牛腩都好食同埋都幾足料。而甜品食左個椰汁糕都幾好食。

22 June 2004, 9pm響又一城睇完戲落九龍城食飯，我死o累話要去金寶，因為好掛住活蝦刺身，點知.......好失望..........2人吃- 活蝦刺身x 1，個汁越o黎越辣，感覺上似可能蝦o吾夠新鮮，爆漿蝦丸x 1，水準，明星炒x 1，一味死咸死辣，老細炒飯x 1，o吾覺得特別好食(早知食返菠蘿炒飯啦!!!)，咸檸七x 1失望

星期六晚特登同朋友落九龍城揾嘢食，路過就入咗去試吓，我們叫咗明爐鸟頭、辣椒炒蟹、三色串燒(猪牛雞)、越式拼盤。兩杯越色飲品。明爐鱼及越色拼盤只是一般，辣椒炒蟹幾好食不過味道比較廣東，反而串燒幾好，可能我們坐二樓環境麻麻，冷氣唔夠食到我出晒汗。但整體都算OK啦！

九龍城的金寶泰國菜館又開分店，在九龍城衙前塱道的開了金寶小食店，食物以輕便為主。試了他們的越式法包夾--法包香脆內軟，餡料也新穎，以酸咪咪的酸蘿蔔絲及青木瓜絲代替沙律醬，夾了火腿、熏蹄、札肉吃也不覺膩，反而愈吃愈開胃。$20/一件$13/半件當tea都ok

食物麻麻，出名既醬爆蝦丸都只可叫ok啦，但吊高嚟賣，無咩真係好食，不吃無妨

十點幾搵飯食，諗住九龍城區會多D選擇，點知都係越南泰國野多，最後俾佢0既醬爆蝦丸吸引左入黎。個醬爆蝦丸真係唔平，$60得四粒，計番要成$15/粒，雖然都幾大粒，但真係貴。食落都幾彈牙，裡面好多膏同好多油，都幾香，唔錯。反而其他野食就麻麻，無乜特別。佢仲有隻蒸0既醬爆蝦丸，怕熱氣可以試試，但都係好油…

醬爆蝦丸-一定要試!

其實金寶o既炸蝦頭都幾特別，尋日我去食午飯，我同事叫了炸蝦頭，個賣相雖然唔係好好，我有d同事見到都唔係咁想食，但食落又幾唔錯﹗唔係太油，都幾脆，都幾好味﹗但d串燒又真係認真麻麻，上枱時暖o既，都唔熱…千期唔好叫牛添呀，d肉"實"到咬唔開呀﹗

The curry chicken w/ french bread is very delicious especially the curry sauce. The bread can completely absorb the curry sauce. I recommend to order an additional load of bread so that you will not waste the curry sauce. However, people who love spicy food may not like this dish because the curry sauce is not spicy.

我男朋友話醬爆蝦丸好好味, 話因為呢個菜,令金寶起死回生,帶我來試下,7點去到,要排隊, 不過都好快可以入去坐。坐位都幾迫下.. 張台都幾細下...見到d價錢都幾貴, 叫了醬爆蝦丸, 抄通菜, 咖哩雞配法包, 炸春卷蒙粉。醬爆蝦丸- 有4粒, 咬落去好彈牙, 好香, 入面既爆係蝦膏, 但我覺得好油,d油係咁留出黎,成個涵都係油..加d黑色一點點既蝦膏(怕唔健康耶...d油咁多)抄通菜- 一般, 油好多咖哩雞配法包- 法包好脆, 點d咖哩汁都ok, 但其實咖哩味唔夠,好重椰汁.炸春卷蒙粉- 有4粒1吋長的春卷,不過不失, 但太多牙菜埋單18x, 好貴!唔抵!