影片
更多
2005-03-16
34 浏览
尋晚兩個人8點9左右來到，幾個分店開埋同一條街，閒日都咁多人，我地被安排坐小食店gor度，真有趣。蝦刺身：一碟有8隻蝦，切左好多薑絲呀、辣椒絲呀、蒜頭絲呀咁，辣得好好味，但係得8隻蝦就唔係好夠喉lor，一碟$70架！拼盆（細）：炸蝦餅、雞肉串、荷包雞、蝦春卷，各3件，全部都熱辣辣，好好食；冬陰公（細）：好多料、好香，辣得好刺激，當堂出哂汗，最鍾意係佢\用個爐’興’住個湯，驚凍左唔好飲；泰式炒粉：d粉好煙韌，好有咬感，有d火腿，伴d旦絲呀、花生碎呀咁，不過要趁熱食，凍左d粉黏住哂一劈，當堂唔想食；紅毛丹冰：幾多紅毛丹bor，最得意係d紅色syrup係分開上，俾你自己調味，幾細心；鹹檸七：俾罐7喜你自己慢慢斟，非常爽！今餐食得好開心，雖然唔算坐得好舒服，但食物好味，服務又唔錯，下次要班多幾個朋友來食多d。
蝦刺身：一碟有8隻蝦，切左好多薑絲呀、辣椒絲呀、蒜頭絲呀咁，辣得好好味，但係得8隻蝦就唔係好夠喉lor，一碟$70架！
拼盆（細）：炸蝦餅、雞肉串、荷包雞、蝦春卷，各3件，全部都熱辣辣，好好食；
冬陰公（細）：好多料、好香，辣得好刺激，當堂出哂汗，最鍾意係佢\用個爐’興’住個湯，驚凍左唔好飲；
泰式炒粉：d粉好煙韌，好有咬感，有d火腿，伴d旦絲呀、花生碎呀咁，不過要趁熱食，凍左d粉黏住哂一劈，當堂唔想食；
紅毛丹冰：幾多紅毛丹bor，最得意係d紅色syrup係分開上，俾你自己調味，幾細心；
鹹檸七：俾罐7喜你自己慢慢斟，非常爽！
今餐食得好開心，雖然唔算坐得好舒服，但食物好味，服務又唔錯，下次要班多幾個朋友來食多d。
张贴