金子半之助 (奧海城二期)

营业中

休息中

之前喺日本食過呢間天丼！見到喺香港開咗過江龍店點可以唔去試吓呢？！選址喺奧海城商場入面…地利位置真係超級方便👏🏻👏🏻叫兩個set🍱隨餐仲附有清爽漬物＆濃郁味噌湯❤️.✨車海老軟殼蟹天丼 $168連續七屆榮獲日本全國天丼金賞😍仲要期間限定😍點可以錯過噃!!車海老即係日本竹節蝦🦐 巨型得嚟肉質緊緻滑嫩！風味細膩清甜！用嚟脆炸一流！另外鮮甜厚肉嘅軟殼蟹酥炸香脆好滋味！當中Be亦大愛個小柱魷魚！口感煙韌鮮味！！Yummmm🔥🔥.✨上天丼 $118賣相好搶眼🤩🤩白身魚, 海老, 小柱魷魚天婦羅餅, 溫泉蛋, 海苔, 莢豌豆！ 當中尤其白身魚肉質清甜而彈牙！炸到卜卜脆連細骨都可以吞埋落肚！. ✨Lemon Tea $13✨Fanta $13

必食軟殼蟹車海老天丼😍 有好大隻軟殼蟹 外面炸得好脆之餘 裏面都充滿肉汁 好出色🦀 海老係真材實料 肉質實淨彈牙 而且有足足兩大條咁多🤩 再加埋油海苔同埋炸溫泉蛋真係大滿足😋 碗飯仲配埋漬物同埋麵豉湯添 👍🏻另外都叫咗迷你天丼同埋稻庭烏冬 仲會提供海苔、木魚等唔同配料加埋落去一齊食🍜 烏冬彈牙有口感 湯底清甜 越食越開胃餐廳環境闊落 座位舒適 亦都有吧枱 坐得好舒服 所以今次嘅用餐體驗一流 每碗飯都好大碗 所以食到好飽好滿足。

今日黎到奧海城食呢間以天婦羅著名日本丼飯店，專攻三番天婦羅選擇。江戶前天丼，上天丼同埋天丼。餐廳門面及內部裝修設計得金黃色，有吧台有卡位。系吧台位置可以睇到各天婦羅製作過程，其水準及衛生一覽無遺。加上有指引寫著美味天丼既食法，可見對食物果種執著。✅江戶前天丼+$38升級車海老一上菜就見到條穴子(肥美鰻魚)好浮誇，仲長過把間尺，目測至少有30cm咁長，跟餐有味噌湯同漬物開胃。只需+$38就可品嚐2隻車海老。都值回票價。😘✅上天丼成碗有三隻蝦，蝦肉食落肉厚有少少實，加上炸到金黃色乾身，食落又唔會好油。又飲埋黑豆茶，食完成個餐都唔覺得膩。👍✅白身魚小總結:難怪咁多人黎朝勝

這間位於奧海城的金子半之助，主打天婦羅丼，有海鮮、蔬菜等天婦羅。餐廳有提供黑豆茶，味道清新又健康。軟殼蟹車海老天丼有車海老、軟殼蟹、小柱魷魚天婦羅餅、莢豌豆、海苔、溫泉蛋，天婦羅全部即叫即做，炸至金黃香脆，表面粉漿很薄，海老十分新鮮，蝦肉結實彈牙；軟殼蟹有些蟹膏。迷你天丼&稻庭烏冬(溫)有菇菌、海老、南瓜、海苔、莢豌豆、溫泉蛋，菇菌的炸漿剛好掛在菇身上，又薄又脆；溫泉蛋表面煎至微焦，中間呈流心狀，拌入飯肉令丼飯更香。烏冬配上葱花、鏗魚花及海藻，質感爽滑。

朋友見我日本思鄉病發作，帶我去奧海城食好嘢，醫下個病，應該係醫下個肚先啱。原來係日本東京嘅排隊店「金子半之助」一坐低先飲杯黑豆茶茶，有清熱作用，食煎炸嘢都唔驚。迷你天丼&稻庭烏冬 店員突然帶來一個大木箱，原來裏面有五種配料俾你加上烏冬一齊食，例如鏗魚絲，蔥花，海藻。湯底十分清甜，烏冬質感夠彈牙。之後再將溫泉蛋蛋汁撈埋烏冬一齊食，湯底即時變得更濃郁，烏冬質感更加滑溜。迷你天丼嘅天婦羅海老外層鬆脆，食落不會感覺油膩，海老好大隻，用料新鮮，不愧為日本名店。車海老軟殼蟹天丼份量十分澎湃，完全見唔到有飯。軟殼蟹肉質厚身，蟹膏香濃。魷魚海鮮炸餅（干貝+魷魚）第一次食，好鮮味。除了豐富嘅海鮮之外，仲有一隻炸至半熟嘅玉子，將蛋汁混入米飯一齊食，味道即時提升，包你可以KO所有飯。

相約舊同事一同吃晚餐。這家食肆的內部裝修新，環境清潔，店員有笑容。主打食物為現江戶時代風味天丼，天丼的天婦羅不像一般天婦羅脆口，原因是傳統做法，把新鮮炸起的食材放上飯面，然後再均勻淋上古傳秘製醬汁，目的是要每件天婦羅都能沾上醬汁。天丼送上桌時，麻油氣味方香撲鼻，天婦羅的色澤亦較深，原因是採用了日本特製高級胡麻油。期間限定車海老軟殼蟹天丼168元。迷你天丼及稻庭烏冬118元。天婦羅外層部份香口部份沾有惹味醬汁。蝦大隻，蝦肉彈牙。軟殼蟹鬆化。小柱魷魚爽口。莢碗豆翠綠。菇菌鮮甜。南瓜又甜及軟綿綿。雞蛋半熟流心。白飯軟硬適中。柚子味道清新，酸酸甜甜。稻庭烏冬凍食，口感彈牙，專用醬汁不太咸，配料還有柚子、蘿蔔、薑、海帶、白色大葱和芥末，味道層次豐富。免費提供黑豆茶，黑豆味甘，與茶味很夾。總結：環境清潔，食物美味。

今日終於去食想食左好奈既日本天丼餐廳，金子半之助天丼同非天丼既天婦羅又有所不同，因為傳統做法既天丼將新鮮炸好既食材放面再均勻淋上天丼醬汁，令每件天婦羅都可以沾上醬汁❤️所以天丼的天婦羅唔會好似一般天婦羅脆口，講既係每件天婦羅都能適量沾有醬汁餐牌都有講到佢地係用古早秘傳醬汁，可以重現江戶時代風味，見到就流口水🤤我地兩個人都接近八點先黎到奧海城呢間金子半之助，隊都係要排😂但等既同時，已經有色香兩種享受廚房接近全透明，可以俾客人睇到師傅喺度準備食物，炸天婦羅雖然廚房一定有抽油煙機，但就企喺門口都係會聞到好香麻油味，睇到餐牌介紹佢地係採用日本特製高級胡麻油，胡麻油製成的天婦羅芳香撲鼻及色澤會較深坐低之後，望一望餐牌，選擇唔算多，但勝在每款既份量都唔少。我地就揀左喺日本拎金賞既車海老軟殼蟹天丼、迷你天丼配冷稻庭烏冬、再追加埋白身魚。等野食果陣，就飲下佢地既黑豆茶，杯入面仲有兩粒黑豆，幾得意。茶味有d似麥茶，又帶d豆香，幾特別。兩set野食一次到齊，喺飯上面疊到高既天婦羅睇落好吸引，件件都想即刻夾黎咬啖車海老軟殼蟹天丼，一眼望到中間同左側有大舊軟殼蟹，中間一對車海老，右邊仲有一餅野上面有d柚子皮👍🏻

近排好多日本品牌都來港開店，食店、藥妝、超市等。當中一間就是我喜愛食店之一「金子半之助」，憶起在東京旅行時往往都要在門前排隊才可品嚐得到，今日在港已開了幾間店，仍然都有一大堆捧場客在門前排隊，可想然之他們的出品有多好食。今次到奥海城分店，店內用上日式木材裝潢來佈置，長長的工作吧檯後，全部是廚子的工作空間，燈光打照下，顯得專業又高雅。另外，店內環境最好之處當然是沒半點油煙味，令人客可品嚐到美食之餘亦不會受到油煙的煎熬。食品方面全是天婦羅炸物，專業程度可見一斑。餐牌不用多看，就點了期間限定「車海老軟殼蟹天丼」和「迷你天丼和稻庭烏冬」。 車海老軟殼蟹天丼$168澎湃豐富的天婦羅堆滿在碗頂，款式仲多，車海老大大隻，口感紮實爽口，鲜蝦味濃郁。軟殼蟹整隻炸得香脆。小柱魷魚天婦羅餅用料十足，小柱和魷魚軟腍又鮮味。海苔香脆。加隻炸過的温泉蛋，蛋汁和特別調配的醬油，混入日本米飯中，真係停唔到口。迷你天丼和稻庭烏冬$118迷你天丼內有海老、菇菌、南瓜、海苔、豌豆和溫泉蛋。海老鮮甜多汁，款款蔬菜都新鮮美味。稻庭烏冬十分幼滑，店員還送上一盒配料給我灑在上湯烏冬一起食用，清爽可口。白身魚$28追加了一件白身魚，

以前去日本旅行一定有種熟悉的感覺，有種無法抗拒的魅力，不論在視覺或是味覺不惜掛念吃著滿滿料理幸福的感覺 !創意十足從口中的天婦羅讓人一吃便上癮，皆因每一份擺盤既賣相精美，每一口油脂香氣衝擊和秘製醬汁混合真的令人很難忘 !吃得豐富一點「車海老軟殼蟹天丼」熱騰騰一碗酥脆卜卜用料十足且不馬虎，炸物層次/油温穩定全部即叫即炸有齊「色香味美」而且天婦罹一口咬下之間甜鹹內軟總有啱心水「上天丼」略有不同較愛吃魚的我特別鍾情，讓人吃後不油膩無負擔定食鮮味致極

放工跟老公去行下奧海城，買左不少野後都見有啲餓有一段時間無去奧運那邊原來開左間金子半之助軟殼蟹車海老天丼之前無呢個選項，見到唔洗諗，即叫軟殼蟹酥炸得鬆脆，切半見到滿滿的蟹膏Oh my god,入口果下真係好鮮美車海老是花竹蝦，有兩隻，肉質爽口彈牙仲有小柱魷魚，莢豌豆、海苔及溫泉蛋用筷子弄穿隻蛋，金黃色汁液均勻地跟珍珠飯拌勻，很滋味迷你天丼配稻庭烏冬我認我係貪心既，想食飯又想食烏冬迷你天丼有海老、菇菌、南瓜、海苔、莢豌豆、溫泉蛋，海老爽口，菇菌甘香，南瓜清甜，而稻庭烏冬我要熱既，真係好暖胃，店員奉上配料盒，入面有海苔，蔥花，木魚絲等等，稻庭烏冬很幼滑，呢個套餐真係食到你飽。我加多個穴子，炸鰻魚很大條又長，勁肥美，兩個人分都好開心，仲有鰻魚汁，真係好美味。食完後，再飲杯熱黑豆茶，成件事非常完美。

自從這間日本過江龍在奧海城開分店之後，晚市時分便經常大排長龍，常有人在外排隊入內用餐。這間平日的晚上，也許是我早來吧，幸運地不用排隊便可即時安排入座，雖然坐的是最近門口的吧檯位，不過可以近距離看到餐廳的廚師們分工合作，有些負責炸蝦、炸魚、炸其他丼飯的材料，有些負責烹煮烏冬，有些負責舀飯和把各式炸物放到飯面上，又可以透過餐廳的布簾的縫看到奧海城商場內人來人往的景致，這座位都算不錯。這餐廳的茶挺特別的，是別處不曾見過的「黑豆茶」，茶杯內放有兩粒黑得發亮的黑豆，喝茶時把茶倒進茶杯內，兩粒黑豆雖然被茶水掩蓋，但黑豆的味道仍然滲透進茶內，喝時味道與其他茶明顯有所不同，也許未必每個人都會喜歡，但就的確甚為特別，而且也夠健康。材料最豐富的「江戶前天丼」（$138）是必叫的吧！這丼的材料包括穴子、海老、小柱魷魚天婦羅餅、溫泉蛋、海苔和莢豌豆。它最重要的配料當然首推那份量十足，比飯碗還要長上一截的穴子天婦羅，但其實這丼飯的靈魂是它那秘製的醬汁，味道甚佳的醬汁，鹹中帶甜，為各款配料和白米飯添上可口的味道，去到中途，再把溫泉蛋戮破，讓蛋汁混和米飯，就讓人吃得更滋味了，各款配料中，外層炸得酥脆，裡面仍然保留魚

經常見到有人排隊，趁weekday少少人就試下。等位要人齊先可以入坐。呢間店係專食天婦羅嘅，除咗天婦羅，基本上無其他食物可以選擇。我細佬咁啱𠴱日喉嚨痛唔食炸野，就只可以食個稻庭烏冬，有冷熱可選擇，然後職員會攞個大木盒，入面有四款配菜俾你夾。我就揀咗 “江戶前天丼”，上枱時，覺得啲天婦羅只係微暖，同想像中即炸熱騰騰有d落差，炸蝦口感唔係太新鮮。天婦羅味道帶甜，飯量足，整體感覺不過不失，但賣相比味道好。

之前食過金子半之助嘅其他分店， 覺得好好味，成日都心思思想再去，但覺得有啲遠，而家知道九龍開咗分店就即刻去支持下。晚飯時閒都幾多人，仲要排隊等位，好彩都唔算等得太耐。金子半之助係日本爆紅既餐廳，等一陣都無所謂啦😂。我地坐Bar 枱，仲可以欣賞到師傅去砌碗丼飯，好似整緊藝術品咁。我叫左車海老軟殼蟹天丼，朋友就食迷你天丼+稻庭烏冬。車海老軟殼蟹天丼聽個名就知係海蝦同軟殼蟹做主打，仲有小柱鮑魚、海苔同豌豆同溫泉蛋，認真豐富。呢度啲天婦羅皮薄饀靚，薄薄既香酥粉皮包住各款材料，啖啖肉。食到咁上下，篤穿個溫泉蛋撈埋食仲正，蛋汁撈飯👍。迷你天丼+稻庭烏冬，有飯有烏冬，烏冬彈牙，個烏冬汁調得好味。迷利天丼細細碗，無軟殼蟹，但有蝦有南瓜同菇菌。好滿足。

🥢 東京超人氣餐廳，秉承江戶時代醬汁傳統，默默發展成而家喺東京非常知名嘅一間丼飯舖頭，嚟到香港當然要慕名去試一試啦👍🏻 經過餐廳門口已經聞到一陣好香嘅炸物味道，未入去都已經會俾佢裏面嘅味道吸引想入去食，好彩平日夜晚未到七點嘅時候唔係好多人排隊所以今次唔使等位就即刻入去食，食完出嚟已經有六七組人喺度等緊位⏳ 每一份定食都係用心製造，現場有幾位師傅即叫即炸，佢哋咁俾心機我哋當然願意等啦 ✨ 迷你天丼 ➕ 冷稻庭烏冬 $118作為一個為食嘅foodie，梗係想飯同烏冬一齊試下啦，所以今次order咗呢個set，先講烏冬，每一條烏冬都非常滑嘟嘟加埋落個凍嘅烏冬汁甜甜地帶少少鰹魚味非常好食，而個天丼上面每一樣炸物都好食，佢連塊紫菜同溫泉蛋都輕輕上左炸粉，最特出嘅係個飯底其實係加咗佢哋嘅招牌燒汁，撈埋溫泉蛋個蛋黃成本飯好濃郁好好味！！

對於金子半之助開咗喺奧海城 我表示十二萬分高興🤩係我最鍾意嘅天婦羅丼啊 七點幾嚟食晚餐 排晒長龍啊🚶🏻‍♀️🚶🏻🚶🏻‍♀️🚶🏻金子半之助大有來頭 喺日本連續5年獲得全國天丼金賞 最具特色嘅就係古早秘傳醬汁 帶有魚鮮味 更加重現江戶時代風味🇯🇵除此之外 仲採用日本特製高級胡麻油 炸起嘅天婦羅顏色較深 充滿麻油香氣✨▫️江戶前天丼▪️上天丼呢兩款都係招牌 江戶前天丼嘅主角係30cm長嘅穴子😍穴子即係星鰻 比起鰻魚脂肪較少 更加健康 但係肉身夠厚 所以食落仍然覺得肥美軟滑 而上天丼嘅主角係白身魚兩款都有海老/小柱魷魚天婦羅餅/溫泉蛋/海苔/莢豌豆 海老真係一絕🦐食得出新鮮蝦嗰種彈牙 天婦羅餅因為內饀係小柱同魷魚 口感好特別 而我哋都跟足品嚐指引 食到一半嘅時候將溫泉蛋篤穿 將蛋液包喺剩低嘅飯 好鬼正😆層次再提升咗呢度嘅天丼都會配埋味噌湯同埋漬物🥢唔好唔記得要試吓呢度嘅黑豆茶 可以解下膩 而且味道唔錯🍵