金城小廚 (已搬遷) 新店位置

雖然我係住係九龍果邊,不過我都有去過金城唔少次架.通常都係去食晚飯(只係試過一次係食lunch).我覺得d食物都唔錯,仲有出菜出得好快.服務方面,當然都唔錯啦~環境......有好多電視機......雖然冇乜裝飾,但算乾淨.

20050508 7pm平時都有去開金城晚餐,因為金城的晚市小菜真係唔錯,所以今日母親節都選擇到金城.冇訂位的情況下都搵到位,望下個菜單,咦?!+價都唔在講﹙預左﹚但菜式選擇比平時少左好多,唔係咁合胃口.想叫個豆腐煲都因為今日菜單上冇就冇得食.萛啦,節日係咁咖喇.4個人要了:﹙1﹚通菜+生菜各一碟$20今日一碟炒菜要成$50-70左右,所以Order了粉麵區的白拾油菜.而一碟油菜分量分分鍾多過一碟炒菜.再+埋腩汁味道又唔錯,真係抵食到喊～﹙2﹚豉汁蒸鱔﹙忘記價錢,約$65﹚呢個蒸鱔真係比盧旺達人民見到都唔捨得食,分量少到離曬大譜！！！一向食開都好好味道,但今次味道略咸.﹙3﹚雞半隻﹙忘記價錢,約$75﹚一貫水準,好食.今晚因節日客人比平時多好多,人手極度唔夠之下服務招呼比平時較差,但係見到D阿姐身水身汗忙到〝妥妥令〞都唔會介意冇左呢一次半次服務. 無奈菜式選擇少,唔合胃口唔夠飽都冇法子,唯有一家人返屋企再食過啦.

20050428 3pm今日又同大熊去金城,叫了:﹙1﹚中湯+涼瓜牛肉飯+凍奶茶西洋菜湯味道極淡,同飲水冇乜分別.大大碟,涼瓜同牛肉亦夠多,味道OK.﹙2﹚下午茶餐:紅湯+咖哩豬扒飯+華田紅湯依然好希,但冇上次咁辣,都係唔合格.咖哩同飯分開上,咖哩今次帶點螢光色彩,有D驚.豬扒一開四,薯仔有兩塊,味道無上次咁好食. 分量又係多到食唔曬.連外賣盒+$1埋單$45

點解會咁講係因為佢只係一間屋邨餐廳但食物質素方面真係幾好當然唔可以抱住極大既希望同埋同出面d餐廳比啦呢間係一間粉面餐廳但都有一d咖哩飯餐跟餐湯餐飲~只係$30而一d特色晚餐我就叫左個「野菌牛柳薯菜」我媽媽就叫左個「黑椒羊扒」兩個都幾好唯獨是我個牛柳冇乜肉味同埋應該又打左梳打粉啦太腍勒又而薯條係即炸既唔係擺嚮度勁耐果d~最好就係跟左d蘿蔔仔~好好味^^跟餐湯餐飲及甜品都係$42好抵^^而環境都幾好因為坐得幾舒服果度又夠光猛同埋好多電視機服務就要睇邊個阿姐勒有d就好趕頭趕命有d就會好nice囉以屋邨既餐廳黎講值得比笑笑呀~

20050411 1pm同大熊兩個人去金城食Lunch,叫了:﹙1﹚潤牛麵$20 大大碗,好多豬潤.味道亦OK.﹙2﹚腩汁生菜$10 又係大碟,腩汁夠多.﹙3﹚午餐:紅湯+咖哩石班飯$22+凍檸茶$1 紅湯希到同水一樣,幾辣.完全唔合格. 咖哩同飯分開上,石班係青衣柳,有兩大塊,薯仔得兩小塊.幾好味.個飯好大好大碟.埋單$53總括食物味道OK.服務方面睇下你好唔好彩遇著邊個阿姐啦,我今次呢個OK.注意碗筷好唔乾淨.我Order一個碗仔,內外係好明顯有污漬個阿姐都拎比我...唔知真睇唔到定...

環境同一般茶餐廳差唔多架勒~~但d粉面又係$10囉~~大大碗架~~同埋水準都唔錯~~住果頭既可以落去食tea囉^^但星期六日就冇$10~~變成$12囉~~d waiter唔太好~叫佢黎時~試過黑起口面囉><