金城小廚 (已搬遷) 新店位置

幫襯過幾次 , 主要都係飲茶食點心今次係 takeaway燒賣 , 2籠 , 每籠4粒燒賣裡面有隻小蝦 , 味道不及譚魚頭的普通燒賣 & 怡苑的燒賣皇的好味 山竹牛肉球 , 2籠 , 每籠3粒夠大粒 , 夠稔 , 不過冇乜味道的 , 點喼汁食就好ddtotal $45 , 比較一般酒樓便宜

有朋友介紹,亦聽聞這裡曾經有飲食雜誌介紹,加上家住沙田,所以便來一試,可惜,十萬個不滿意!一入店舖,便看見有很多人在等位,心想差極都有個譜!因為太多人,找了很久才有位置,兩個人吃,叫了椒鹽魚下巴,西蘭花炒花枝片!怎知道.........魚下巴已經是椒鹽,但仍然很腥很腥,吃完後那陣腥味還在口中徘徊!西蘭花,很老,又切得不好,獻汁太多,很肥,吃多杯茶仍然覺得肥膩!!非常失望!很難食,埋單卻要$138,好唔抵!!!菜色完全沒有水準!不知道為何會有這麼多人光顧?還有,這裡起菜超慢,每道菜起碼要等15分鐘或以上!p.s. 不得不讚陳根記,那裡的魚下巴真得比這裡好味十倍,亦比這裡便宜!!!

因為住呢頭, 所以屋企一無飯食都會黎呢到食。但點知間野差左好多!叫左個魚香茄子煲, 賣相沒問題, 但好咸! 另外既椒鹽鮮魷, 都係好咸, 而且炸過龍! 間野既環境大不如前, 唔知係唔係接左D 內地團生意, 時時都好嘈, 食都食得唔安樂~

好久沒打食評，怎料一打就要打一篇劣評。一行六人去這在附近的食肆，七時多已很多人，我們等了一會才有位。我們被安排到近門口的位置，一坐下，枱面已經有一些蚊"滋"的東西，不理了，因為大家都肚餓，我們點了：鹽水雞腳(送的)：普通，淡了一點，送的都算ok；鹽焗雞：吃了數件，每件的咸度不一，有些好咸，有些正常；沙嗲金菇肥牛粉絲煲：肥件仲有好重的雪味，沙嗲汁又偏甜；蒜香豬脾骨：這是全頓飯最好吃的，蒜汁幾醒胃，豬脾骨的肉幾滑，而且幾多，還幾入味；金銀蛋炒莧菜：正常；西蘭花炒帶子：一般，個"獻"太稠，令帶子好咸。整體食物的味道是勉強可接受的(以冬菇亭的質數來計算)，不過在進食期間，有大量蚊"滋"在桌上降落，有的在枱面，有的在茶，有的在食物，所以朋友都笑說，食物一到快點吃，否則不用吃。這是真的，早來的餸，過一會一定有蚊"滋"在面了。另外，他們漏了兩次單，一餐飯可以漏兩次單，頻率都算高。這樣的食肆，一定不會再來。

某一個星期天，我們一行連大連小共九人，去到此店吃晚飯，那時已經九時多，都有很多人，我們叫了一個大班兩味另加10元可以有一個生炒骨，鼓油王中蝦，另半隻盬焗雞，蝦餅，炒菜，還另要一個例湯，伙記說例湯平日是不用錢的，但那日就要48元，我們都要了，但拿到來，全部是豬骨，湯水則有4小碗，而那不算很中的蝦则有4隻，剪開兩截，就有8隻，而那碟蒸班腩则有一隻茶杯碟咁大碟，而向伙記投訴则沒有人理，於是走人，總共结賬共996元。早知去醉月樓好過。 早茶也不算差呀，為何晚飯這麽差，真令人失望。

金城小廚是區內有名的「冬菇亭」熟食。店內張貼了老板與食神韜哥的合照，早午茶市及晚飯時段同樣旺場。每逢下午4時半左右，門外便會出現一條師奶人龍排隊買燒肉，腩骨位尤其搶手。這裏的點心大件夾抵食，無論外賣或堂食往往要排隊揀點心，幸好有位殷勤熟手的阿姐快手快腳「執」點心給食客。我最喜愛的點心是燒賣，只售$8，好過吃小食檔用死魚做5元一串的燒賣。上星期老公託友人拿來一條超過兩斤的杉斑，恐防自己弄會暴殄天物，拿到不相熟的大酒家又怕給「掉包」，於是決定拿到金城給師傅代煮，加工費起初要$100，最後也只收了$80；大概老板看在我們還另外叫了些小菜的份上吧﹗我們另叫了蝦醬炒通菜(很入味但略嫌咸)、小炒王(包括西芹、魷魚乾和腰果等，炒得頗香)、一隻肉蟹($188一隻，很大隻但肉質不夠滑及有點黐殼)、花竹蝦8両($100大概有十多隻，本想開邊蒸，但老板娘說蝦不算大隻，白灼會較適合，的確沒錯﹗灼得剛剛熟，原汁原味最鮮甜，沾加了指天椒的豉油吃十分美味﹗)、生炒骨(至今還未有一間食店能煮出令我豎起姆指的生炒骨，這裏的也是一般)。值得一提的是金城的指定前菜沙薑雞腳很美味。說回那條魚，或許我不懂吃靚魚，不覺肉質特別鮮

提早慶祝母親節, book 左兩圍檯同奶奶, 婆婆, 舅母食飯.我地叫左十一個"送", 主打菜同魚就返d老人家. 最有印象係個大斑兩味: - 西蘭花炒斑球: 好新鮮既魚, 咬落去啖啖肉真係好滿足! - 涼瓜燜斑腩: 斑腩炸得甘香, 涼瓜切到薄薄地, 好入味.值得一提既係金城個燒鵝真係唔錯, 皮脆唔油膩, 記得要預訂, 我地冇訂到, 所以得返半隻唔夠分!其餘我地叫左d生炒骨, 沙姜雞腳, 霸王雞呀咁, 味道ok, 不過全部都幾咸仲幾重味精, 食完呢餐之後要飲好多水. 服務一般啦, 成晚不停漏單咁囉!但係真係好平! 我地食咁多野都係每人$60!!

同老公家人並12人在此晚飯, 第一次到顯徑村, 原來這倏大路有好多食店, 好熱鬧喎!這店是經友人提議的, 都好大間舖, 好多客人, 可能都是街坊多, 價錢是經濟的小菜, 我地叫了10樣, 平均都炒得好好食, 尤其是燒鵝, 炒牛肉, 生炒骨, 炒菜等等, 可惜本人覺得味道偏濃, 好口渴下. 但真是經濟實惠的.

之前因為睇到經濟日報既推介,話有D送幾有特色又好味,所以今晚同5個朋友去果到食飯,有咁O岩得咁''橋''見到推介果個人坐係我格黎,我見到佢食D送,話果D送幾好味,我咪跟風,叫D待應問佢係D乜,待應話幫我打聽之後話:「D送係叫老世幫佢做既」我就問佢:可唔可以做D送同佢一樣。待應話:冇問題,但係要等小小時間。咁就幫我地做左一個送叫做''煙肉野菌雞卷''同埋一個''鉗魚酸菜魚鍋''等等,''煙肉野菌雞卷''真係好香,食洛去又好特別同果個'鉗魚酸菜魚鍋''好正,好滑,又''HOT''又好味！服務態度係大排檔黎講係ＯＫ　啦Ｄ野食真係好好味價錢每個９０蚊都唔貴啦（叫左好多野食）

我朋友見新假期話呢間金城小廚有個一羊三食好好味,所以今晚一行10人(8個大人,2個小朋友)專程去咗呢間店.首先,叫咗個"一羊三食(有凍羊,羊片&羊湯)$180",然後叫咗一個"八寶鴨"點知係係"八寶鴿"$78佢地見雜誌打咗佢地d餸名都唔更正啦!!!然後我有個朋友想食"生炒骨"點知個侍應推介我地食&238"一斑二味"加十蚊可以有個"所謂生炒骨",仲叫咗個薑汁芥蘭.個凍羊好快到啦~味道不錯!!跟住叫可樂飲啦單寫5支佢黎4支,等咗好耐所以叫個侍應點知等咗10分鐘先黎仲要唔俾飲管.之後個"生炒骨"黎到得6件~~但係我地10個人(呀侍應姐姐就唔好推介我地啦!!!好心)d餸都黎齊啦,但係個羊湯未黎咪叫下個侍應啦~~~~過咗一陣就黎咗個羊湯但係個羊片就黎等到個湯就黎無先到.個羊片都有8片既.之後我地仲後加咗個3個餸(荔芋鴨煲&避風塘三寶&椒鹽九肚魚)都係一般,埋單差唔多要900蚊.千萬不要相信雜誌推介啦=.=

之前幫襯過兩次,食物唔錯,服務一般,不過大排檔格局,大家要求唔高,但求好味夠穫氣.琴日母親節前星期六(12-5-07), 大家話不如去金城啦,可能唔使等咁耐位.訂左位, 去到果然好多人,誰不知平時食開D撚手菜大部份都冇,只有幾個套餐同一頁咁多菜單可供選擇.睇見張菜單就把幾火,平時四五十,五六十蚊個小菜夠膽加到七十蚊起,有D仲加到成百蚊!勉為其難點左幾多菜,加個二佰八十八大班兩味(另加十蚊有姑魯肉),一共八個菜,除左小炒王,魚下巴保持水準,其他都唔惦,個所謂"大班兩味" (佢仲要話係龍躉!!!)簡直慘不忍睹,西蘭花係生的,D魚擺係道唔夠十分鐘已經全部漿埋一舊,你唔係坐係鋪頭度打死你都唔信係平時食開個間金城!節日人多,出品失準,大家可以原諒,但係過時過節狂加價,實在令人反感.我的想法好簡單:你大時大節就當我係水魚咁湯,我閒日淡季都盡量唔益你.所以我已經blacklist 左呢間金城!

試左:沙姜雞腳- 雞腳好林,味道亦岩岩好招牌鹽焗雞- 唔錯.豬骨煲+肥牛,鮮蝦,唐好菜- 豬骨煲得!係個蝦唔新鮮.沙拉骨- ok,沙拉汁又唔會太搶飛沙豬手- 豬手夠林,配料炒得香辣蒸海斑- 不會過熟,得!鐵板蠔- 好正喎,D蠔夠鮮又大大只!粟米魚肚羹- 唔錯!汽水,白反...食野掂喎,係服務麻麻...太忙人手唔夠...漏左單食唔到竹笙炒菜埋單$6xx, 平啦~

今晚同屋企人食飯....去左街市買左條芝麻班(本身買到80)加料...去到清蒸就加$60, 清炒西蘭花(好油), 豉汁蒸帶子豆腐(豆腐幾滑, 帶子好薄)同埋豆腐魚雲湯(飲左好多, 食左好多白菜仔)....整體黎講都叫得好清淡....但食到接近尾聲....我味精敏感發作...成塊面紅哂... 個胃灼熱...!其實我都知不嬲餐廳都會落味精...不過...可能呢度太多/啲味精太cheap...狂飲水下先解番無事...! P.S. 下面個價錢無計埋條魚!

個椒鹽魚下巴真係超好味,炸得好香口,又唔油,d魚肉勁滑..又大碟,一碟有成10件魚下巴,但只需$58,超抵..其他小菜都好得,仲要間野係有冷氣,大排檔風味,但又唔駛食到身水身汗..依間野我一定會再幫襯!!

去沙田探朋友，個friend話來到顯徑，一定要去食金城小廚。咁犀利？就試一試佢！先來半隻霸王雞，很有鮮味，亦好嫰滑，幾掂！跟住係時菜炒牛肉，個牛肉炒得老小小，卻可接受，而菜心夠爽口，都合格。最後既椒鹽白飯魚好脆口，又入味，唯獨是較多骨，我不太喜歡。坐都算坐得舒服，唔會太迫挾，又有電視睇，都算有ｄ特色。