金坊泰國美食

营业中

休息中

和幾位死黨們在老鼠樂園玩了一個晚上,回到現實(市區)還是要填飽肚子的,在路德圍,我想到了再吃3月時小學同學們為我慶生吃過的金坊隨心就點了蒜蓉包,黃咖哩雞,蝦餅和炒菜,4個人吃的light dinner應該很足夠吧!最先上桌是蝦餅,4件已開半,伴以梅子汁和雞醬2種沾醬吃新鮮炸好,吃到蝦的鮮味加上蝦餅做得夠彈性,是做得不錯的一道!蒜蓉包一客有6件,是長條型,因為打算伴咖哩吃的,所以等到冷了才有機會吃,但仍香脆, 蒜蓉牛油做得很香口,不沾咖哩汁獨自吃也很精彩!炒菜一看賣相就是炒埋一碟的樣子, 上碟再加一點炸蒜!其實調味是做得不俗的,不過吃下去菜好像有點點過淋了,故口感也自然比較差,味道基本上不是問題! 最後等了又等催了又催的黃咖哩雞來了,見到賣相大家的樣子都”囧”了!(好醜耶!)份量是大湯碗上的一大碗,雞則用上雪雞脾肉,但做得滑沒有過實, 咖哩汁雖然很水但做得算香,而那份微辣令我吃完又想再吃一點!配菜的土豆應該是後加的,不過味道尚可,洋蔥則可以再淋一點,相信味道會更好吧!吃過主食又來點甜食,一客椰汁西米糕再加一客芒果黑白糯米飯是大家的心水!椰汁西米糕已外賣糕點盒上桌,大家再一次啞然!我笑說也

一直都唔鐘意去呢間餐廳食,但呢一日發生左d事,實在令人不能夠忍受,決定打食評宣洩不滿!!20/9/2012午市時間,約12點55分,我就入左去,用3個朋友叫野食,等到去1點30分,在場唔單止我地,其他客人全部冇野食野飲,個員工行黎行去唔知做乜野,佢話係電腦故障落唔到單,我就真係好奇怪...電腦故障d廚師係廚房煮唔到野架咩?!成30~35分鐘,d侍應行黎行又唔係叫d廚師煮野,到底係度做緊咩?結果因為我有事要做,等左35分鐘逼於無奈要走,lunch要捱麵包...一直唔鐘意去呢間餐廳有幾個原因,都唔關食物質素事,主要係咁:1)衛生問題嚴重-門口到入面走廊都鋪左地毯,塊地毯唔乾淨,長時間鋪地毯,地毯底下更係不堪設想-餐廳用黃燈,更令人懷疑環保惡劣而需要用燈光效果遮蔽-地板長期都有黏黏的感覺,走路時自然會感覺到,已經維持了一段好長的時間-後巷連接廚房/儲食材既房,環保極惡劣!!如果有借過廁所,就會見識過2)員工態度惡劣-一個身型較大既女侍應(應該係經理),經常大聲呼罵其他員工,客人全部都見到曬-當日我苦候35分鐘離開後,有其他客人投訴,卻被呢位疑似經理既女人責罵,至於內容大概意思係怪對方沒耐性等

一直都看到此間泰式菜館,但實在每次都好多人, 無辨法排到, 今天剛好要等人,唸住順便邊等人邊等位, 終於等了個半鐘才等到.個肚好餓, 一入去馬上點菜, 有串燒: 有三種, 分別雞,牛,豬可以各兩串(一般只可叫2款), 入口不得了,真的好好味, 有燒烤香味, 味道帶一點甜, 肉又唔會好un或者過唸咖哩牛腩: 非常差, 咖哩唔香, 牛腩又so又un生菜包:好味,跟一般的帶有一些辣味,最好係無豬SO味,不錯并盤: 有葉包雞,春卷,魚餅,蝦餅, 所有都好入味,尢其D魚餅,好多香草,魚肉又彈牙.好好味甜品: 有馬豆糕,同埋椰汁糕(免費), 不會因為送已求其, 美度清清地,不會死甜,好有誠意

叫左碟菠蘿炒飯+冬蔭公明爐蒸爐魚+冬蔭公海鮮湯冬蔭公海鮮湯好入味，湯底好足料冬蔭公明爐蒸爐魚配料太多，未食完都飽到上心口仲有跟魚既湯比另外叫既湯油好多，可以改善下會好d，下次會再嚟

有朋友介紹話呢間野好食又抵食,咪同班朋友一齊去試吓今次一行十幾人去到,等位都等左個半鐘,等到呆左座張大枱,迫到阿媽都唔認得食左蒜蓉包,咖哩蟹,虾刺身,串燒,燒魚,味道還可以,不過絕對唔值得等咁耐

真係太差, 無影相, 但內容十分客觀!一入去, 個經理已經位都唔帶, 就咁求其指我地入去坐低, 算!!叫左個咖哩海南雞煲, 成煲都係水, 的雞全部都係的頭頭尾尾, 完全無肉食!!!冬陰公蜆湯, 唔明點解成煲得的蜆殼, 但無肉, 你估入油咩~~~~~最離譜係要每位收$3 水錢囉, 你估你法國餐廳開Perrier 呀! 咁都要收錢, 你唔係menu寫明!!!其他炒蝶菜都係馬馬地兩個人食四蝶野都$250, 好貴囉以後bad list唔會再黎!!!!!!

一講起吃泰國菜，好多朋友只會聯想到去九龍城，其實坊間各區亦有不少泰國菜館。就像這間泰國菜館位於荃灣路德圍，這兒小小一條路德圍，已有十多間食肆，茶餐廳、粉麵、日式，川菜或是台式飯餐等各地風味美食，應有盡有。唯獨這條街只有這間泰國菜館，開業多年，一直因人頭湧湧而無法光顧。適逢這晚十一時多才吃晩飯，便走去這間泰國菜館踫碰運氣。還好，店內並不多客人，我們被安排坐在四人卡位。豬手飯：原本想柯打海南雞飯，但店裡寫豬手飯是招牌菜，而且不是常吃到，那就一試吧。端上來賣相並不吸引，豬手肉卻炆得腍身而且很有滷水汁味，吃下滿口黏口。如果飯可以再熱一點，我想會更完美。香葉炒大蜆： 五顏六色的配料給人增添食慾，醬汁香辣惹味，用上泰式辣椒膏和金不換爆香，蜆肉和蔬菜配料帶有濃濃香葉味，用以送飯一流。唯一失望的是蜆的數目只有六只，吃下非常韌而且沒有鮮甜味。香矛炸魚沙律：看賣相令人唾涎三尺。炸魚上面爆滿了香矛粒，腰果和辣椒碎。吃下酸酸辣辣，非常開胃。只可惜魚有番炸現像，肉身非常乾硬，吃下並沒有鮮魚味。炸魚吃了一半已吃不下去。最後埋單是不用加一小費，但奇怪的是店卻要收每人三元的一杯白開水費用，而不是茶費。

之前見呢到咁多好評都黎過兩次想試下，可惜都因等得太耐又無訂位所以放棄，今晚再黎，尋日打電話訂左位，但都要等成廿分鐘先有得入去，坐低就叫左以下食物：青木瓜沙律，西柚成舊舊，味道一般，但食食下就出水，最後成碟都係水。胡椒豬肚湯，湯好清，胡椒味唔強，豬肚唔少，味道不過不失。生蝦刺身，蝦太細隻，所以無乜口感，蝦味好淡，好彩個汁都ok。海南雞半隻，基本上折晒骨，雞味淡，不過肉唔奀。咖哩大蜆，基本上蜆殼同肉全部分開晒，肉奀及只有咖哩味，蜆味無晒。個咖哩汁又唔夠辣。蒜蓉包，外胞內軟，唔錯，點咖哩汁好味。叫左野5分鐘唔夠就黎晒，快到無倫，兩個人仲叫左兩杯沙冰，埋單四舊水，我唔覺平，講真食物質素只係一普，唔明點解咁多人等位。見識過一次就算，無必要再黎。

同老公, 小蝦等去荃灣荃新天地o既嘉禾睇"復仇者聯盟", 時間緊迫, 6點先到, 離遠見到門口企左好多人, 仲諗住食唔切啦, 點知行到返去先知原來d人等緊卡位, 我地唔介意同人搭枱, 所以即刻入得, yeah!一人4人叫左5樣食品先有蝦丸應該係係即叫即炸, 個面好脆, d蝦肉打得夠實, 中間o既芝士熱辣辣, 一咬d芝士beep晒出黎, 好正 (不過真係好易燙親咀)再黎同鐵板蠔餅我嫌佢煎得唔夠香口, 不過d蠔仔食得出都新鮮o既. 而黃咖哩炒青口就唔辣, d咖哩汁加左旦花, 好香好好味, 配飯一流, 青口就一般, 因為入唔到味, 用汁送住食就ok.串燒就燒到好乾, 由其係牛肉, 乾得黎又冇咩味, 呢樣就真係麻麻.最後就係條魚好味道, 先炸過再淋上酸辣汁, 炸得岩岩好, d魚肉唔會好"鞋", d汁冇想像中咁辣, 但就真係要趁熱食, 一凍左就會好乾, 唔好食.

今天到荃灣一行四人見到這間個個都話好吃的泰國菜设有太多人等位,這樣就入去問吓有冇位.坐下見到菜牌的食物都非常吸引,點了幾個大家都話好吃的菜.這些都可以啦!之後叫伙記加水? 他就回應你一聲然後趕去水吧位傳菜,之後就當無事發生,跟住第二,第三個伙記如事這樣.之後我都不叫了,把幾火叫埋單,嘩一分鐘不雖要就拿過來,查完張單重把幾火,原來還要收每位茶錢 $3 大圓還要幾埋加壹.這裏的食物都可以,價錢不算太便宜,但係啲服務太差,只要点菜和收錢快有什麼用?真係使我拍下的相片都沒有心情上載

某一天的晚上，來到荃灣找吃的，無心插柳下來到這間泰國菜館，當時才不過晚上六時左右，它的門外已有大量人群聚集，正在等候入內。心想這間館子應該挺不錯吧，否則的話也不會有這麼多人這麼早便在門外等位啦！於是決定一試。可這一等，便足足等了差不多半個小時，才終於能夠入內享受我的晚餐。其實這館子地方是不小的，一連三個舖位都屬於它的範圍，與它能夠相比的店子，我立刻可以想到的就只有深水埗區的名店「維記」而已。不過再館子地方大也好，小也好，總之就是全店滿座，生意滔滔，人流不絕便是了。也是的，這泰國菜館的招呼雖然甚為一般，環境方面也與一般並非走高檔路線的泰菜館子的格局無異，但食物水準卻甚是不賴，而且價錢也算合理，難怪會有這麼多人前來幫襯。在這天的晚餐中，「燒大鱔」燒得火候恰可，外脆內嫩，味道也佳，蘸上酸辣開胃的醬汁後，肥美的大鱔甚為滋味。「蒜蓉包」的蒜蓉下得十分慷慨，大大小小的蒜蓉舖滿整塊烘得極為香脆的麵包上，教人未吃已能先感受到濃濃的蒜蓉香味，好吃！「青咖喱炒雜菜」較為普通，但這辣度比自己想像中高的菜式，也不失為一道挺開胃而健康的素菜呢！「香葉炒大蜆」醬汁香濃惹味，雖然大蜆的數目不多，只得六隻，不過的確甚

眼見門口有張OpenRice海報...入選食店, 請投我一票 嘩~ 一定要入去試吓原來午餐天天差不多相同, 一定會有1. 無骨海南雞飯, 2. 無骨豬手撈, 3.青/紅咖喱, 等等無骨海南雞飯$35...雞皮滑, 肉味香, 肉質癡牙, 有味飯配沾雞醬, 一流~跟餐冬蔭公湯...超鹹 都有些酸辣味香葉肉片炒金邊粉$35...香葉得好少, 吃唔出味, 蔬菜量好多但金邊粉一定少過佢, 叫做炒菜更正確, 味道只有鹹味, 比預期失望暫時來說, 憑什麽入圍???

約o左女友人RL,VL尋(12-3-2012 Mon)晚食飯,咁o岩男友被調呢日放假,咁就四個人一齊食,由於VL同RL都唔知食咩o野好,我就提議呢間同o係鱟地坊o既井上,佢o地就揀o左呢間.我同男友先o黎攞位,只係6:50pm,接待小姐問我o地幾多人?我o地答四個,佢問我o地搭唔搭枱?我o地答唔搭,咁佢就畀張飛我o地叫我o地等,等o左一陣就有枱啦.我o地坐一張四人卡位,RL同VL都到o黎喇,佢o地三個話事食咩o野,我完全冇參與過.我o地叫o左:1.$62.00o既香葉炒大蜆o黎到,個樣都幾靚,個個都夾蜆先,蜆係好大隻但少,一碟得五隻,呢個味道唔算濃,食到香葉味道.2.$53.00馬拉盞炒椰菜苗我o岩o岩食到好多馬拉盞,椰菜苗夠嫩冇渣,不過其實都平平無奇.3.唔知幾錢o既明爐烏頭如果我知道RL叫呢個,我會叫佢叫燒烏頭.呢個o黎到會跟一大碗汁,呢條烏頭幾大條,有好多肉,配埋微酸o既汁,幾惹味.4.$61.00o既半打沙嗲串燒沙爹汁唔太惹味,啲肉燒得o岩o岩好,唔乾唔硬,OK.5.$58.00三串o既燒大鱔呢個跟酸辣汁,VL幫我蘸o左啲汁,嘩!又熱又辣,唔係幾o岩我,今次燒鱔外皮唔脆,不過一

到了晚上10時,相約6位朋友吃宵夜,荃灣路德圍這地方,有好多選擇,大家想食泰國菜就到金坊.先點了飲品,有保持高水準的香濃的芒果沙冰,清新的青檸梳打,正!生菜包,其實碎肉都有點辣,但作為前菜,是好選擇.炸皮蛋球,是香脆可口,我覺得相比炸蝦球更好.蒜蓉包是必食選擇,香脆,蒜蓉味道份量適中,之後再叫多一碟.咖哩蜆,蜆好鮮甜同大件,咖哩有蛋花,少甜,少辣,伴白飯很好.鹽燒鰂魚是朋友推介的,雖然沒有汁伴,但肉質好鮮甜,沒有腥味,有驚喜!鐡板蠔仔煎蛋的份量很大,有很多蠔仔,連煎蛋都有蠔味,不錯!馬拉盞通菜保持水準,新鮮,完全很快被吃光.這間菜館的食物選擇很多,平時晚飯時段都要等位,吃宵夜就是不錯的選擇,飲品的水準都很好.

今次都唔係第一次去呢度食啦，所以就無食到海南雞飯，但叫左其他冬瓜湯（送的）雖然有雞腳，但好重胡椒味同味精味！豬手飯呢個系鹵水，雖然同正宗有豬腸嘅唔同（但起碼有半隻滷蛋），但豬手唔會爛曬+鹵水都Ok香燒雞腎無食到，我唔講啦！鮮蝦炒金邊粉難得一個唔係得顏色，而有酸味嘅金邊粉，有D豆卜同蝦米燒雞全翼脆皮柏靚咖哩（牛）好重椰味，但未撈辣椒油已經有辣味，略認為太辣！而且牛肉片還牛肉片，咖哩還咖哩！下次都係要叫海南雞飯