金坊泰國美食

营业中

休息中

朝早10點半左右，黎路德圍搵早餐食，先發現原來好多鋪頭都未開，行過見到金坊開咗，次次黎親都係食晚餐，今次就試吓佢嘅早餐，原來佢七點鐘就開架啦，夠晒勤力!! Order左腸仔炒蛋多士，配泰式豬頸肉金邊粉，飲埋凍檸茶都係$32 ，夠晒抵食，食厭咗沙嗲牛面有啲泰式粉面食下都唔錯，仲要份量唔細食完好鬼飽，多士夠熱夠脆炒蛋都滑，但條腸煮到彎晒要扣少少分，唔明點解佢要用膠刀，咁樣唔係太環保!!早餐去到11點， 11點打後冇早餐食，但炒野12點先開始有，如果呢個鐘數黎選擇就好少!!

住了荃灣一年，每次經過路德圍也會見到這間金坊泰國美食餐廳滿座的。由於這樣及不想排隊，所以每次都唯有放棄。終於今天早了收工，經過時見到餐廳內竟然有位不用排隊，所以馬上入內醫肚。之後叫了一個鴨肉湯河及一個豬手泰式湯河。等了十分鐘就有上菜了。上菜的時候有點嚇倒，因為份量原來都幾大碗的。先試一試湯底。味道十分濃郁，但又不似加了味精。鴨肉口味不錯，豬手也很淋很軟，容易入口。由於都頗大碗，食了半小時也不能夠食完，最後唯有食餘一點飽飽的離開。

又平又好味的泰國野。通常食泰國野會諗起九龍城，但荃灣呢間金坊價格平民，野食也合乎水準👍晚上等了一會就入座，叫了通菜，咖哩炒蟹及薄餅。咖哩非常入味，配上薄餅十分夾。蟹也十分鮮甜👍

之前青衣戲棚食過船河之後就回味無窮，所以一見到有餐廳有就想食，今日行街見到呢度下午茶有，入去食下先入去坐低，環境有陣拜神香味，可能泰式餐廳有神枱掛，實情冇考究仲有如果得2個人，侍應會強迫你哋坐單邊卡位，勁多位都好，你都需要搭枱枱面有各式香料叫咗個遊船湯河，d河粉勁粗有大量豬肉碎、2嚿蘿蔔、超微型豬潤2嚿、豬肉丸2粒可能我一直懷念青衣戲棚個船河，同呢個爭勁遠，食完呢個勁失望，少少食返當日嘅味道都冇，不過始終唔同，又唔可以將佢嚟比，但始終我覺得都係唔好食椰汁沙冰超大杯，飲極都飲唔完椰汁味唔夠香濃沙冰唔夠軟滑______________________________點解我要隔一行分開講呢，因為餐牌唔同爭好遠㗎，上面嘅餐牌就係大大碗嘅雖然大家都係下午茶，餐牌唔同但分別超大，呢個餐牌嘅全部迷你版，但餐牌完全冇提及過，有少少欺騙之嫌泰式豬頸肉遊船湯河份量係BB河，不過算啦，咁嘅價錢唔要求得咁多，但餐牌上係2粒豬紅，而實際係得1粒泰式海南雞遊船湯河完全圖文不符囉冇豬紅，隔離枱都冇，咁啱一齊同侍應講先知，之後補返嚟都係得一粒但重點係海南雞，沒有雞皮嘅海南雞，全雞胸肉同職員講，她只回覆一句：「係咁㗎啦

今日第一次食這間，入去食下午茶，我叫了雞絲扎肉河，男朋友叫了青咖哩飯，好啦！我男朋友飯到左，咁我見都算多人，就再等下啦！我男朋友已食完，我對面遲過我地叫野食碗湯河都到，我未到就同待侍應講，然後佢同我講係耐d咖啦！我同佢講對面遲過我都來左，我個碗要咁耐？佢就話唔同整法，會耐d咖！重要不停大聲同其他人講湯河要等耐點，嘩！好勁，講到好似係我搞事咁！對面個碗係朱潤，我叫的是雞絲，依加先知朱潤會快d既！佢態度差到無人有，第一次食，也是最後一次食

泰國菜，許多香港人都喜歡吃的，荃灣區最出名的，算是金坊泰國美食，尤其是路得圍那間分店，假日好難找到座位的，要提早在門口等的。每次來吃，都會叫海南雞，肉質超嫩滑彈牙，且肥瘦均勻，最重要貪其是去了骨，真是吃過不停。青檸汁燒豬頸肉，好香炭燒味道，酸酸甜甜。酸辣鳳爪沙律，也是我的至愛，酸辣開胃，無骨鳳爪，最方便不過。馬拉盞炒通菜，鍾意其好濃味，夠晒香辣惹味。芒果沙冰，三色冰，是不錯選擇。榴槤炸彈，朋友是榴槤迷，見有新推介甜品，立即好渴望想試。果然充滿榴槤幽香，熱辣辣吃是最好味。最後還送上免費甜品，椰青糕，好清新香甜。肚仔吃得超飽，超滿足回家去。

呢間泰食肆長期排長龍，荃灣無人唔識佢架，因為價錢夠親民，不過水準呢我就覺得一般，無特別想翻食嘅食物，叫做試過就算啦。生蝦刺身 $112新鮮彈牙肥大肉厚，好耐未食過咁有口感嘅大生蝦😋，但小心醬油超辣呀小食拼盤 $1084款小食中最好味係春卷同香葉包雞，春卷足料香脆可口；香葉包雞嘅雞滑香料入味；蝦餅蝦膠不足，外皮有點硬；魚餅太辣吃不出味來咖喱軟殼蟹 $148軟殼蟹斬小件所以看似好多，我估應該只有兩隻，蟹比較細所以無乜膏，而咖喱汁我非常鍾意，因為唔辣但超惹味，我哋仲特登叫咗兩客餅點汁印度簿餅 $48千祈唔好叫呢個，唔係即拉酥皮，只係翻叮嘅冰箱貨，又硬又無酥感蒜蓉包條 $48包條外脆內軟好味，點汁一流，不過蒜蓉味唔夠勁斑蘭椰汁沙冰 $35用新鮮斑蘭葉打出嚟，有淡淡斑蘭香，同時亦飲得出有椰汁香味，好清新感覺好健康，推介👍🏻芒果沙冰 $34x2朋友話好濃好香好好味三人共消費：$578

Bpmf 上完普通話班都已經9點了，好彩荃灣道Golden Thai 係可以去到零晨。 我地可以趕得及食宵夜，真的估唔到， 將來想食宵夜又唔知去邊樹，可以去荃灣睇下。我地三個人點了馬拉盞炒通菜， 燒鰂魚，生蝦及兩杯椰皇沙冰一杯珍多冰。1）馬拉盞炒通菜： 點炒都好食，食菜健康，唔叫好似少了一道菜。2）燒鰂魚 ：第一次食，係有少少草青味，配上特製泰汁又好配合及食唔停。3）生蝦 ：生蝦大隻又爽及彈牙，不知不覺食多了一隻😆4）兩杯椰皇沙冰一杯珍多冰。

逛下逛下已經差唔多5點，見到金坊有下午茶，當然即入! 青咖喱雞配蒜蓉包條 - 製作需時，都等左幾耐。先講個青咖喱汁好水溜溜，仲要唔熱，都幾失望，入面有好多豆角，同埋都多雞肉，難得出色係蒜蓉包條 (有3條)，熱辣辣，又夠蒜蓉味，好香好鬆軟! 豬頸肉配札肉湯河 - 好多配菜 (芫荽同通菜)，再有舊蘿蔔，不過有渣既，然後豬頸肉都多同夠口感，扎肉兩片 (厚切)，但河粉相對夠小，不太夠飽。整體又唔係難食，但失望囉......

👉🏻泰式生蝦8隻🦐💲99個汁幾辣🌶蝦大隻又爽口唔會滑潺潺😗〰〰〰〰〰〰〰〰〰〰👉🏻咖哩炒大蜆🥘💲98個咖哩睇落好多辣油好似好辣但其實超好甜🤤好似加左蛋幾滑😙蜆都大嘅不過好似有粒冇左💩成碟得五隻嘅情況下仲要少左隻😹如果加飯撈個咖哩汁真係超正🤤〰〰〰〰〰〰〰〰〰〰👉🏻燒豬頸肉🥓💲82呢個我厭佢太多肥膏🤢又唔係燒得香😟〰〰〰〰〰〰〰〰〰〰佢送左個甜品 好似係椰青+椰汁+大菜糕🤣中意食大菜糕嘅話應該覺得好好食😹

是日與男友晚餐，想食泰國菜，就想起這個餐廳。豬手飯：豬手軟又入味，飯粒配上豬手汁，美味，這個飯另外有配冬瓜湯，感覺足料，味道也是不錯。馬拉盞豬頸肉炒通菜：豬頸肉煙靭有咬口，馬拉盞的鹹香味跟通菜很配，都很好下飯，但略嫌有些油。生菜包（走辣）：生菜新鮮爽脆，但豬肉走辣後有點酸，配上生洋蔥，挺開胃的，份量都蠻大。斑蘭椰汁沙冰：沒有太重的斑蘭味，比較像椰奶沙冰，喝到最後有點略甜。在速食餐廳就不要要求有很好的服務，但這間餐廳也挺乾淨，明亮，只是服務員姐姐在下單時有點不耐煩，可能客人太多。

呢間鋪之前都食過但一直都無寫過食評，可以令到我再番去食就梗係👍🏻啦生蝦（每次都必點見佢既蝦都好大隻，加埋佢個生蝦醬汁，辣辣地好好食）雜菜炒粉絲（呢個係辣既，辣得好過癮超好食）食得辣既朋友仔一定會鐘意冬陰公湯-細（呢個湯好濃郁既冬陰公味同埋都算辣既料都有好多）馬拉盞炒菜（超香既蝦醬味）炸蝦餅（即炸熱辣辣上枱，加埋甜酸醬一齊食好好食）黃咖哩牛（份量好大份，牛肉都好‘林’，有埋薯仔都好好食）印度薄餅（用黎點咖哩食既，點咖哩真係一流，上次我叫青咖哩係超好食，今次黃咖哩就覺得味道無咁夾，但都好食既）生菜包（都係必點肉份量好多，菜都好新鮮）

今日又同朋友去左荃灣食野,岩岩番到黎香港唔太習慣香港太熱既天氣,咁我提議不如食泰國野開下胃啦,黎到長場都好多人既金坊,可能真係太多客人招呼唔晒,呢到既阿姐都感覺有點大大咧呢,先黎個柚子沙律酸酸甜甜開開胃,再叫,呢個應該係生菜卷吧,肉唔太多,加埋蘿蔔絲,生菜新鮮爽口,好鍾意佢有少少水夾係中間,食落感覺好fresh~點埋泰式酸汁唔錯～最後再黎個黃咖哩炒軟殼蟹,呢碟送一上枱,咖哩既香味就即時忍唔住叫碗白飯😆軟殼蟹不嬲都係my favourite,再加埋咖哩汁撈飯,真係悶熱既天氣都忘記晒了👍🏻👍🏻

三個人夜晚黎到荃灣,口痕想食THAI FOOD 之後就入左黎,可能因為洛雨,所以唔洗點等,入到去我地坐張12人圓桌,因為剛好都無卡位LU。第一樣就係生蝦: 好厚肉,好好味第二樣就係鳳腳沙律:都好大牒同埋成牒起碼有8隻腳,算係錦!菜呀番茄都好新鮮,汁又係酸酸甜甜,唔錯幾開胃!海南雞飯:雞係好滑,但飯就無味,一般!蟹BOO:蟹好大隻,粉絲分量夠4個人食,好香,加左聰就好入味三色冰就係椰 奶味重,其他入面綠色呀紅色野好好味好煙UN。最後,三種肉既串燒,點埋佢既沙嗲汁好好味,一點都唔DRY

黎到食飯時間，唔知食咩好，朋友介紹話要食出名既泰菜，最後黎到金坊。海南雞飯雞好滑，不過飯唔夠味，有色但無咩既油飯生蝦係一定要叫的，真心正，唔會輸既菜。好簡單既炒菜可以睇得出功夫，好夠味沙嗲雞肉，牛肉，豬肉串燒, 夠曬惹味Ｄ沙嗲，根本重點係個沙嗲，不過太少了，點左幾點就食曬，希望有得ＲＥＦＩＬＬ。ＣＲＡＢ唔錯，不過都成ＨＫＤ３００多元，粉絲多，ＣＲＡＢ肉都多，不過味道普通，不值得一試。椰汁沙冰可以不點好好既開胃菜好細心比埋個夾