金坊泰國美食

营业中

休息中

每當約朋友A在荃灣午膳, 朋友總指定要去這間開業很久的金坊泰國餐廳。她解釋說價錢不貴，坐得舒服，有飯有湯，還有飲品，很超值。又好像挺有道理的餐廳很大， 空間感十足， 裝修擺設也很有泰國特色，店內一直播著流行曲的純音樂， 給人感覺很舒服，讚👍可是侍應比較少，叫侍應要多花一點時間。先來一碗贈送的苦瓜湯， 內有幾片苦瓜， 湯品偏鹹，而且味精重。再來一碟泰式金邊粉，賣相不錯， 分量不少，很重蕃茄醬的味道。還有檸檬茶，簡單愉快的一餐午膳。

夏天又焗又熱成日無咩胃口，最岩就喺食酸酸辣辣嘅泰國菜開下胃。青芒果絲沙律平時泰式餐廳多數只有青木瓜絲沙律，今次見有芒果絲所以就試下。芒果絲同木瓜絲嘅口感其實差不多，都喺偏向爽脆清新，而芒果絲食落就甜啲多啲果香，比較開胃易入口。醬汁方面依舊濃郁，辣度都唔少，仲會愈食愈辣添。冬陰功湯 (小)冬陰功唔算太辣，帶有好香濃嘅蕃茄味。湯料份量都幾多而且好多餸，有青口、魷魚同魚肉等等。餐廳用左小火爐裝住冬陰功湯，點火之後就可以不停暖住，唔怕湯變凍唔好飲。燒帆立貝用左蒜蓉牛油做調味，味道較淡唔夠牛油香，帆立貝比想像中細隻，肉質鞋口同唔新鮮，但每隻仍要$24 所以個人唔太推薦。蝦頭膏炒飯蝦膏味唔算太濃，所以食落感覺同普通炒飯差不多。面頭有幾隻大蝦，雖然係雪藏蝦但都算爽口彈牙，不過不失。飯後送左免費嘅甜品，大菜糕爽口清新，唔算太甜，如果有多啲椰汁味會更好吃。

Met my frd for lunch and i was a bit early.I took the seat first. The service was so bad.The staff asked different customer to take my frd's seat many times, even i told them.I also heard of that the waitress told other customers if you ordered some fried dishes, you have to wait for 20 mins, because not enough chef.I was thinking "WTH".There are many choices for lunch set.Me and my frd also ordered Tom Yum Kung soup noodles.We also added $5 for the small dish.The noodles portion was so big, me

同男朋友去食泰國菜，第一次可以由坐底到埋單都係比人黑臉，黑臉都算。員工上菜時，唔小心將金邊粉上邊隻大蝦整跌左落枱....（我同男朋友望住)之後見個員工係櫃度拎左啲餐具出嚟，我以為佢執起隻蝦拎去拋但佢竟然係當住我地面前將隻蝦由枱面夾起，再放返落我地碟粉度！？我地當場嘩然！之後個員工keep住黑我地臉，好似我地先係有問題！？最後佢好唔滿意咁話同我地換左碟粉(但覺得佢根本無換)啲員工好似完全無衛生意識唔敢想像廚房衛生係點！呢間野真係永遠唔會再去！

呢間野排隊真係世界級！原本呀爸想食泰國菜慶祝下爸爸節，選間地區入面算出名既餐廳啦，就去左呢間金坊試下 知道多人 等下都在所難免。七點鐘拎位，好！我等！ 一行五個人等一個鐘 無問題，我地無訂檯，比有訂檯既入先我接受，好啦 入既入 插隊既插，都當睇唔到，唔同兩老講，等到八點二十分，終於叫到我個號碼，雖然唔係即刻入去，話執緊檯，執完就比你，叫我地企停停係門口準備，點知一個預約左八點既客人返左黎就即刻比佢地入左我地張五人檯！！！大佬呀 都叫到我個號碼啦 仲叫埋我地企哂門口準備入去，咁樣一黎又補返飛比人入，咁你叫我等咁耐做咩呀，等緊其間已經比你係咁插飛啦，不如你直接同我講，無預約就無得入嫁喇，你每個時段都有人book位，遲左二十五分鐘到既預約客人你都可以補到飛比佢，下張食完都到九點個round既booking，真係燥哂底！忍無可忍！未試過一間餐廳可以咁！ 唔會再去呢間野！

這間泰國店很有歷史，午餐套餐$50 連飲品（選了即磨咖啡）亦有+5 小食小食選擇很多，5元真係好經濟：泰式木瓜沙律，泰式鳳爪，炸芝士丸，油菜，冬陰功湯，苦瓜湯……即磨咖啡很濃，這是我很喜歡，比茶餐廳香。午餐有固定每日精選有飯，金邊粉，船麵選擇比較多人吃及本人吃過的安全選擇：海南雞飯香矛豬排飯泰式鮮蝦炒金邊粉馬拉盞豬肉炒粉絲甜酸魚柳飯遊船湯河選了泰式蠔仔煎蛋飯，份量很大，與老婆同吃，另外+5 泰式鳳爪 （小食）+ $30青檸梳打水。環境衛生可放心食用比較街坊生意又經濟！

今日咁啱經過荃灣，就梗係黎路德圍搵好嘢食啦！見到呢間最大間泰國菜就試一試佢。叫咗三個餸一個鐵板豪仔煎蛋，一個生菜包肉碎豬頸肉，同埋一個炒通菜。泰式炒通菜就食得多，佢呢個真係非常之特別，煮出嚟嘅味道係好好味！成日都會怕太鹹，但佢呢個唔太鹹。唯一就係太多汁，不過都唔錯！嗰鐵版豪仔煎蛋，就係基本上係蠔再加炒蛋，冇乜特別。但係啲豪都幾大隻，唔錯。個生菜包肉碎就普通左少少，個人認為比較酸，但都過得去。總體來講都係值得推介嘅！

黎到荃灣路德圍呢度，真係唔怕會餓親，不過如果想食正餐就真係要小心選擇。呢度附近有大量餐廳，見到呢間金坊泰國菜有2間鋪咁大規模，諗住投佢信心一票，結果。。。門外有店員安排入座既，我地其實想係門外參考下餐牌同價錢先，結果店員極不友善就大聲地問：見佢價錢還可以就話好啦，店員安排入細鋪卡位，成間鋪只有一個員工，坐低最少5分鐘先黎鋪餐紙同擺低2杯水。去到呢度已經覺得間鋪好有問題，都係求其食碗粉算啦。👎餐紙標榜泰國廚師主理，新鮮食材由泰國空運到港。鴨肉湯河⭐️⭐️⭐️鴨肉唔錯，份量亦都比我想像中多，湯底偏咸，食完好口渴，應該落好重味精。一間餐廳，就算味道再好，都需要顧及服務水平。服務水平絕對會影響到一間餐廳的好與壞。呢間餐廳雖然免收加一，但原來杯水要收費，店員當然事前無說明啦。事後睇openrice, 原來佢地已經累積左唔少負評，希望老闆可以好好正視呢個問題。👎

荃灣人很多都會試過這間泰國餐廳的晚餐， 不知道早餐多不多人知道， 這間餐廳的早餐誠意十足，33元大大碗粉加多士或餐包拼雙蛋加扎肉或火腿， 多士或餐包多數也會叫他走掉， 因為實在太豐富了， 而且多士也'烘得不夠香脆 ，不吃也罷， 雞蛋選擇可以選擇烚蛋煎蛋炒蛋， 我多數也會選擇烚蛋， 把它帶走不作浪費， 扎肉味道正常， 雞絲金邊粉， 充滿蒜香， 有一嚿小小的蘿蔔， 十分入味， 湯頭清甜， 唯一要擔心的事， 早上食得太濃味 ，口腔不夠清新蒜味太重

荃灣路德圍附近都好多好野食， 好多時行左入去會選擇困難症發作， 唔知食邊間好。 由於都9點幾10 點， 好肚餓又唔想食得咁 heavy, 所以都有dd 目標， 就係想搵碗越南 / 泰式湯粉食下。。。行行下見到呢間， 門口有位服務員， 好無禮物咁問我地係唔係食， 最初聽起黎感覺唔太好， 所以即刻停一停諗下入唔入去食好， 跟住覺得可能會好食， 唔好比個店員就咁就影響左。👎🏻👎🏻👎🏻👎🏻👎🏻佢有兩邊鋪， 安排左我地入細鋪個邊， 入到去， 裡面的樓面態度都好差下， 我地叫左2碗湯粉， 一碗係泰式豬手金邊粉， 一碗係泰式鴨肉湯河， 食物係唔錯的， 份量都好大碗。👍🏻到埋單見到有項$6 , 我問一句係咩野費用。。。個店員答我" 係杯水收費， 我地已經無收加一， 水當然要比錢啦"👎🏻👎🏻👎🏻👎🏻👎🏻我又無話唔比， 我只係好奇問下個收費。。。

入座：訂座4位，人數不足，不准入座可以理解，但亦無需向客人說：「如果比你一個人入去先，然後只叫飲品點算？」進餐：冷氣甚涼，向待應要求可否將溫度略為調整，侍應竟毫無禮貌地回應：「已將溫度設為25度，絕對合乎香港法例，絕無問題！」結帳：向侍應示意結帳，侍應路過視而不見，結果示意超過5次才理會，侍應將帳單遞上時，客人只將銀包拿出，侍應已毫無禮貌地說：「只收現金！」以上的體驗是一間餐廳應有的服務態度嗎？老實說，路德圍店剛剛裝修過後，打算跟朋友光顧，經此一役後，決定不會再去.......

週日，與好友到城門水塘郊遊一番，於是在荃灣路德圍附近先吃個下午茶。這帶雖然很多食店，到底週日的下午茶時間也有很多人，路過熟識的店舖，不多想的走進去。幸運地剛好有食客離開，我們即時可以坐下，稍後進來的卻要再等候。很快的從餐牌選擇了三個套餐，此店上菜的速度非常高，值得讚揚。泰式鴨肉遊船湯河，濃濃的泰式湯底，濃且香，鴨肉味香，口感尚算嫩滑，作為配菜的蘿蔔及豬紅，煮得很入味，反而河粉就變得一般。遊船湯河附送青咖哩汁印度薄餅，青咖哩汁很香椰汁氣味，帶點點辣，可惜印度薄餅的香味不足，帶不出青咖哩汁應有的香辣味，有點可惜。泰式牛肉遊船湯河，同樣是濃濃的泰式湯底，濃且香，配菜的蘿蔔及豬紅，煮得很入味，牛肉還算不錯，湯底的濃牛肉更可口。遊船湯河附送泰式甜品，甜味一般，尚算有咬感，卻並不太突出。青咖哩飯，同樣椰汁氣香濃，點點辣，配著雜菜雞肉，與飯一起吃，反而味道很香，與餐廳選用的泰國米配合，極為可口。在荃灣，此泰式食店有著不少食客，說到底都是因為價錢相宜，味道水準不錯，且又保持水準，所以能在荃灣區多年。

經過荃灣 若想食泰國菜的話便會想起《金坊泰國美食》這間餐廳已開業很多年呢~這次點了3個東西食·原隻燒魷魚配上特色泰國醬汁 令魷魚的味道喚然一新·串燒拼盤可選豬/牛/雞/羊/雞腎等等的肉類串燒炭燒以及椒鹽的味道 十分惹味😋·豉椒炒通菜有很微微的辣 食起上泥還可以份量中等吧

是夜和朋友二人吃飯，幸好是星期一，平日多數要等很久，這晚非常好運一來便有位炒通菜，每次也要來一客，不會太咸，又爽又好味這個燒鱔，每一啖都有份量超乎想像的濃郁口感。油脂在口中不停打滾，絕對要推介。一開始最好先吃原味，然後再配上汁，那個汁酸酸的中和肥滿的油脂，若不是只得二人必來多一碟。大家默默無言就迅即將此美食清除。這個羊腩煲，很好彩只叫了一個細，上來是滿滿的食材在煲中，這個咖喱有馬來風味，羊腩不少，味道超好，肉質很滑，不需要努力咀嚼已能吃下。吃完這餐後的飽滿感非同少可，真的要說就是因為食材太多，咖喱汁變得偏少了

見門面好多人聚集，以為要等好耐啦點知佢話唔使等，帶我地入左條小巷，樓上原來別有洞天樓上都算幾大，擺左幾張大枱食食下，連樓上都滿埋座有冇咁好食啊Menu都幾大本，幾多選擇同行既人戰鬥力太弱，所以5個人都只係嗌左7樣嘢除左我飲咸檸樂之外，其他人都係飲芒果冰咸檸樂罐可樂係唔凍既咸檸都係同七喜friend啲，溝可樂怪怪地但罐可樂唔凍，又點都要溝落啲咸檸到咖喱炒軟殼蟹依個好食個咖喱好香濃但佢係佢第一個上既餸，等到後期啲麵包上嚟既時候，佢已經凍左馬拉盞炒通菜幾惹味但食得多就覺得有啲鹹App既強大😂😂😂不禁佩服沙嗲串燒質素中規中矩啦菠蘿海鮮炒飯都係中規中矩，無乜特別南瓜咖喱海鮮朋友仔鐘意南瓜，所以覺得好好食但可惜我唔食南瓜的，覺得一般般都係咖喱軟殼蟹個咖喱好食啲同惹味啲蒜蓉包條本身蒜蓉味都幾重，所以我覺得配咖喱個味有啲多左但佢夠脆，口感搭夠返再嗌多左個薄餅，我都係鐘意薄餅蘸咖喱多啲本身仲嗌多左個菜，但等左成20分鐘，催左都未有就唔等，諗住埋單啦點知無人理我地，就直接行出去埋啦見到張單有個菜，我地就話無上到，可唔可以幫我地cancel佢望一望廚房既出菜位，話整好左啦喎我地一望，有好多碟嘢放晒係到無人理