金坊泰國美食

营业中

休息中

從網上知道這間泰國菜味道不錯，所以今日就跟愛人一齊去黃埔，然後於A出口行過去，其實距離好近，大約行三分鐘左右就已經到達門口。店門前可以泊車，所以揸車的朋友都好方便。我們點了四道餸分別是。。。雜錦拼盤、沙嗲串燒、海南雞飯、馬拉盞炒通菜。 雜錦拼盤(118元)，裏面有炸蝦餅，炸春捲，兩種炸魚餅，分別是donut型，另外一個是春捲型)。炸蝦餅好好食，好香脆，爽口彈牙，再點酸辣醬，好夾，永遠都係我的最愛。沙嗲串燒(98元)，有豬牛雞，各兩串，全部都燒得好香。雞肉串食得出香料嘅味道，還有小小甜味；牛肉串勁好食，表面有燒香味，有d 脆，香料味不會蓋過牛肉味香味；豬肉串不會燒得柴，有肉汁。海南雞飯(68元)，雞真係已經好食，雞皮是彈牙的，有層啫哩在肉與肉之間，飯是黃薑飯，第一口以為冇味但是當你食得耐，黃薑味道就會出現。醬料亦好精彩，裏面的蒜頭，魚露，辣椒等材料配搭恰到好處， 不會只有酸或辣味道。整個飯來說，如果同醬一齊食，會是錦上添花，十分精彩。最後，馬拉盞炒通菜(88元)，通菜炒得爽脆，不會太軟，証明火候剛好。店舖環境闊落，坐得好舒服，到六點半開始，就開始多客人了。店有二人餐(288元)有四道菜，

今日同媽咪去左黃埔行街途經肚餓見到呢間門面光鮮既泰國餐廳就決定入去試下有泰式火鍋，好特別可以用冬蔭公湯打邊爐好吸引餐牌上好多選擇，小食，串燒，炒飯，海鮮等海南雞飯想知一間泰國餐廳既水準點可以唔試海南雞飯雞肉好嫩滑，做到皮脆肉滑黃油飯好香配搭起黎好開胃，好好食豬手飯豬手已起骨，啖啖肉豬皮炆到入口即溶係我喜愛既口感炸蝦餅份量好大，好抵食炸得剛好，火喉控制得好好做到外脆內軟蝦肉既鮮味仍然保留到好彈牙爽口食唔停口

今日收8 落樓下食金坊中午食得有啲濟所以今晚無嗌澱粉質嗌咗個小食拼盤有蝦餅、魚餅、春卷同好似係扎肉卷最好味係春卷同蝦餅蝦餅彈牙有口感 春卷炸得香脆 材料豐富 多料真係一流👍🏻仲買咗雞牛豬串燒熱辣辣上碟😋配沙嗲醬見有沙嗲醬就嗌多咗份薄餅果然好配襯☺️牛肉串燒有啲筋 咬口一流豬肉都夠淋雞肉嫩滑 燒得焦香！飲品嗌咗斑蘭椰汁沙冰好fresh 又香 平時泰國餐廳都比較少見食到咁上下 傾到咁上下嗌咗個甜品千層糕👍🏻清新得嚟唔會濟

真係好少會喺公司附近食飯，做我地呢行通常都係周圍走，約個客喺邊區就邊食。咁啱今日得閒等開會，就醫左肚先做啦。呢間泰餐廳我知好耐架啦，但認真未食過，午餐都好抵，咁我叫左個船河，扎肉同豬🐷手，先講湯，🚢船河湯底最緊要，無得頂，夠濃，講完。👍🏻👍🏻👍🏻啲料唔錯架，其實想食碗正宗又好味嘅泰式湯粉香港唔係咁易架，好值得嚟食。😋😋我睇餐牌我諗晚市會仲多選擇，搵晚公司開夜會嘅時候嚟再食過先。

　我於二零二一年五月二十一日﹙星期五﹚於該店購買外賣，有一個不愉快的經驗。　　當日下午6:31購買了二份炒鮮蝦金邊粉和一份泰式豬頸肉米紙卷的外賣，並站到店舖外等候外賣，可惜等待多時都未見有職員取來食物，最初以為可能漏單，所以在大約在6:50PM和7:00PM分別向站在近大門處的一男一女職員查詢外賣進展，第一位男士表示會跟進，請稍等；後來再向第二位女士查詢的時候，她望向內部廚房，並表示包裝中及食品未齊，請稍等。直至等到約7:15PM，我覺得被耍，所以向收銀員表示因為外賣遲遲未有，所以要求取消訂單，最初收銀員表示要諮詢經理後才能決定及到廚房追看外賣，可惜等了幾分鐘也不見經理的蹤影，所以收銀員便直接退回所有外賣金額給我。　在現今天氣炎熱的高溫之下，要客人在門外等候45分鐘取外賣是正常的嗎？雖然最終能成功取消外賣取回費用，但卻白白浪費了45分鐘等候時間。我認為如果是因為某些情況而未能及時預備好外賣，應盡快通知顧客有所延誤而不能讓顧客呆等。

無expect 泰式炒飯係咁，咩配料都無，個飯無色，應該係叫蛋炒飯？成碟都無乜味😔自己額外加辣椒粉先得飯好油但仲係好濕帶子少少臭😨蝦同魷魚都無咩味然後服務好差，餐廳大間但好full，感覺唔夠侍應然後個個都好躁

金坊泰國美食***紅磡***45元起已經可以有一個午餐，包飲品。對於我們上班一族，是一個不錯的午餐價錢。今日，我order了一個泰式海南雞+豬手冬陰公河粉。聽個名就已經fell到好足料，好有份量。午市去仲可以包一柸飲品，冷熱都不用加費。認真超值！👍人流比較多，可能因為價錢實惠。不過如果你想食下野，聊下天，就要考慮清楚是否選此餐廳。因為店員會用盡各樣方法，當你們用膳完畢，會儘快將你們遷離店舖。😅無辦法啦，生意難做！ps.下午茶餐價錢更勝一籌！！！

依個豬手飯都應該係我食過最好食嘅之一 🤣又唔貴又大份 食曬啲飯都仲有豬手淨必須要讚下佢啲豬手好入味肥瘦份量適中 好有骨膠原最犀利係佢連瘦肉都燜到極之鬆軟真係好好食唔係講笑佢仲有個泰式醬汁係微酸微辣嘅亦都調得好開胃 😍//如果你唔想食咁多豬手嘅話你亦都可以併豬頸肉 或者海南雞個人覺得豬頸肉比較一般 但係都唔差嘅冬陰功湯亦都好好飲 係真係香嘅 😋同出面啲冬陰功湯有啲分別推薦!

和好友在金坊泰國美食吃泰菜作午膳，都需要在餐廳門口排十來 mins, 可室內就覺得有點兒擠逼感，可能因為人幫太嘈雜！朋友 order 咗燒香茅豬扒湯河，香茅味十足，河粉嫰滑，但她百思不得其解的是為何要河粉每塊呈不規則形狀！我則點了我的至愛的泰飛天炒通菜 + 白飯 + 泰式咸檸梳打！🍹🍹🍹

成日見到呢間泰國菜lunch time都好多人排隊，所以今日同同事經過見有位就入去試吓。佢哋最出名係佢嘅泰式海南雞飯，我哋就每人叫咗一個試吓，。 佢哋嘅雞肉同埋油飯嘅份量都好多，而lunch time仲會送多杯飲品。講返佢哋嘅海南雞飯， 雞肉都尚算嫰滑， 但係我覺得脂肪就偏多，至於油飯方面，就好似多水咗少少唔夠乾身，但係總括嚟講性價比都幾高值得一試。

今日試左金坊既泰國菜，我地叫左兩味，咖哩炒蟹同海鮮濕炒河。D炒蟹略為炸得有D緊要，雖然味道其實唔錯，不過賣相就一般一般，而且用膠碟上，感覺唔得高貴，總的來說是中規中舉，唔算太差可以一試但唔係特別推薦。至於海鮮濕炒河就比較出色，好惹味，可以一試。價錢就三百幾，正常價錢。不過而家疫情之下都算做足抗疫措施，有消毒地毯比客人消毒一下，抵讚。

這晚來到黃埔站A出口後面的一間泰菜，地理位置方便容易找到。星期六的晚上大約七點，餐廳差不多全滿。我們一行四人幸好有最後一張空檯，要不是就要等位了。海南雞飯配油飯，份量都幾多。雞件的數量有不少，肉質都算滑，油飯幾香。同時這個飯跟配了一碗湯，裡面有兩隻鮮雞腳，所以比較硬難咬一點。有來過用餐的朋友推薦他們的豬頸肉，就點一碟來試試。豬頸肉有兩款，我們點了貴少許跟配青檸汁的那款。豬頸肉果然不錯，除了肉質軟淋，還有燒過的香味，沾點醬汁很是惹味，而件數都幾多，三、四個人分享也不是問題。其實底部有一些蔬菜讓這道菜更好看，不過餐廳使用的是芥蘭，有點奇怪😅食泰菜當然要點很有代表性的泰式炒金邊粉。若說海南雞飯的份量很大，那這碟炒金邊粉則是巨型顏色是應有的橙色，旁邊有芽菜、花生碎和青檸，撈好灑上後就可以食。味道合格有餘，濕度和調味適中，芽菜和青檸增加了清爽度，而花生碎有增加口感。裡面的配料還有韮菜和幾隻蝦，整碟味道是可以的，特別是份量特大幾抵食。串燒一碟有六串，豬、牛、雞各三。若只想要其中一或者兩款肉應該是可以的。上菜時覺得樣子可以，事實上有很大的期望落差。由於我們是分享的，便要把肉從竹籤弄出來，不過十分困難

今日同朋友慶祝生日，就揀咗呢間泰國菜。貪佢夠近黃埔站，同埋見佢門面嘅裝修， 同埋評價都唔錯。我哋就叫咗佢哋嘅豬頸肉，青檸汁牛扒，咖喱炒蟶子，仲有馬拉盞炒通菜。首先講下佢哋嘅炭燒豬頸肉，豬頸肉燒得幾惹咪味，有少少燶邊，點買佢配嘅沙嗲醬，味道都幾好唔會太膩。再講下佢哋嘅青檸汁牛扒，牛扒唔會燒得太熟生熟到啱啱好， 配合埋佢哋特製嘅青檸汁十分開胃。佢哋嘅咖喱炒聖子都唔錯，聖子勝在夠大同埋夠新鮮。至於馬拉盞炒通菜，水準就一般。

最近鍾意同朋友捐窿捐罅搵嘢食，呢間泰國菜係朋友介紹嘅，聽聞都好多年啦，廚師係泰國人，煮出來嘅菜式相對正宗，而且見門口排滿人，相信該區都頗受歡迎。泰式豬頸肉米紙卷，餐廳姐姐大力推薦呢個菜式，果然豬頸肉烤得肉質爽而不韌，十分惹味，用米紙卷包住豬頸肉、生菜一齊食，口感豐富，配上泰式醬汁更好味。燒大鱔，大鱔烤得皮脆肉嫩，猛火將大鱔的油脂壓迫出來，吃起來更加香口。豬手飯，讚賞十足的菜式，見不少人會外賣豬手飯帶走，豬手肉厚卻煮得很軟腍，配上特製醬汁，我都忍不住一口接一口。脆肉炒椰菜苗，椰菜苗是泰國餐廳經常食到的蔬菜，用脆肉去炒椰菜苗，多了一層肉香，椰菜苗若軟身一些會口感更好。椰皇沙冰，一飲就知足料，用上整個椰皇攪拌而成，混合沙冰，又好飲又冰涼！金坊泰國美食的食物份量十足，街坊價格，今次我兩個人去食，下次試吓叫多兩個朋友，就可以叫多幾款不同菜式啦。

今晚要坐得舒服食得好，所以跳入金坊，點了冬蔭功爐魚，鴨肉金邊粉及鐵板蠔。先上鴨肉金邊粉，湯底帶甜，有D傳統泰式船麵風味，但湯底唔夠熱同埋金邊粉未煮散。再來一條大爐魚，有好多配菜係面，超好食。再來的鐵板蠔，都係唔夠熱，但味道十分好，酸酸甜甜有啲似咕嘍肉，蠔十分肥厚，而配亦是亮點之一。三色彩椒加上洋葱，剩食彩配菜都飽，而最開心係食滿三百元送兩杯飲品，點了咸檸七及椰汁珍珠涼粉冰。好滿足的一餐，又有飲品送，又唔收加一。真心推介！