金坊泰國美食

营业中

休息中

上星期在附近的店舖吃飯，發現這裏原來都有一間泰式食店，今晚便來到了。這裏除了提供探熱和酒精搓手液之外，門口還有一幅地氈，可以清洗鞋底，這個安排實在很窩心。現在有一個推廣優惠，星期一至四，但惠顧晚市滿$300，奉送飲品兩杯，包括啤酒呀。星期五至日返惠顧晚市滿$400，奉送飲品兩杯，包括啤酒。象啤(免費)冰凍又可口。燒鯽魚$110，粗鹽鋪滿了魚的表面，魚肉吸收了鹽味之後，更加香甜可口，加上魚肚內的香料，雖然簡單的做法，已經令到魚的鮮味得以提升。如果喜歡濃味一點，可以點些泰式酸辣的海鮮醬，味道更佳。泰式古法煲仔翅$168，除了魚翅之外，還有冬菇絲、雞絲、紅蘿蔔絲和蟹肉，湯頭味道鮮甜濃郁，加點芫荽、芽菜或香醋，便可以增加層次感。泰式豬手$86，豬手的皮軟諗，肉質吸收了醬油的香味，份量適中，再加上伴碟的酸菜，便可以減少豬手的油膩感。芒果鴛鴦糯米飯$66，芒果味道鮮甜，份量差不多有一個芒果，黑／白糯米飯口感偏腍，如果糯米硬一點，而椰漿多一點，味道更佳。這裏是全日免收加一，不過清水每杯$3。

雖然而家武漢肺炎搞到有四人飯聚令但係都無改我想出去飲飲食食😁今日同老公忍唔住去咗屋企樓下呢一間泰國菜館食嘢因為見到啲位真係唔會密質質門口有探熱消毒地氈 真心覺得幾安全😂其實我哋平時都有食開不過佢啲嘢食好大份如果兩個人唔係好餓嘅話根本食唔到咁啱我哋兩個都冇食午餐.💟冬陰功湯(小) $128呢個真心好抵 我哋嗌咗細煲講真其實兩個人真係飲唔曬首先本身佢個湯底已經好濃味其實飲唔到超過三碗入面料亦都好多有蝦 魷魚 魚 青口 同埋好多菇😁又甜又辣勁開胃 入面好多茄蓉超足料講真如果係四人以內飲呢個細嘅已經夠 性價比勁高☺️💟香茅炸雞$88勁大碟 入面最有半隻大雞 香茅味好足啲雞又炸到好亂 應該叫多個咖哩 點香茅炸雞☺️☺️仲多過kfc 真係好痴線好抵💟勁量蝦餅$88個蝦餅有掌心拳頭咁大個 彈牙爽口香蝦味外層炸粉炸到脆卜卜點埋泰式辣醬簡直世界級💟泰式金邊粉$76睇顏色已經知道 好好味入面有蝦芽菜蛋絲 大大碟又係驚死你唔飽 味道酸酸甜甜好有泰國風 不過我哋真係食唔曬 眼闊肚窄雖然而家唔可以成日同人周圍傾計但係員工都好友善 門口嗰位姐姐又風趣幽默 真心抵讚埋單食到咁飽四百蚊左右 抵🥶🥶🥶.🎀金坊泰國美食Gold

今日想食泰國菜🇹🇭就同朋友黎咗金坊食。我同朋友叫咗5碟餸，有海南雞、豬手，仲有芒果黑白糯米飯，另外仲叫咗咸蛋炒魷魚同甜品榴槤炸彈。間餐廳嘅芒果🥭糯米飯整法好正宗，加上芒果依家夏天係當做季節，令到個飯昇華到去另一層次。個飯熱熱哋加埋香滑嘅椰汁🥥簡直令自己好似係響泰國食緊糯米飯。至於碟炒魷魚🦑亦值得一提，魷魚炒得啱啱好，加埋咸蛋令成碟菜香脆可口。當然，亦吾少得甜品榴槤炸彈，炸得外脆內嫩，入面嘅榴槤熱辣辣咁，極為香甜，而餐廳送嘅椰汁糕亦都好香滑，入面有粟米粒🌽，食落清爽可口。而天時地熱配埋餐廳嘅泰國象啤🍻都係一個吾錯嘅選擇！！😋

金坊泰菜有幾間分店，之前成日途經荃灣都想試,今次就順道黎左紅磡分店同大部分餐廳一樣，進入前請先量體溫。座位卡啦甘供應。雖定價比九龍城區泰菜高d, 但食物質素有驚喜，全日免收加一外，而家外賣自取仲有8折！餐牌都算幾多款式，剩係炒菜嘅款式都兩版甘多。港式檸檬茶 （走甜）青檸汁燒牛排青檸酸辣調味好好，牛扒火候剛好、油香牛味濃。底部仲有芥蘭墊底添！馬拉盞炒粉絲海鮮夠足料，粉絲炒得乾身入味。燒馬友 除馬友仲有另外4款魚揀，魚肉燒得咸香紮實，沾酸辣汁幾醒胃。椰汁千層糕總共8件本想叫芒果糯米飯，店家話芒果太酸無得食就轉叫呢個，椰汁千層糕口感煙韌軟Q，都不錯吃。

復活節幾日紅假都冇特別去邊度，只係夜晚去附近食個飯。金坊係一間連鎖泰菜店，好多年前喺佢荃灣店食過，味道唔差份量又足，見佢喺黃埔開左新分店又好耐冇食，近近地就去試外。金坊除左例牌會幫食客量體溫同提供清毒搓手液之外，每個食客入店都要先踩過消毒地氈，每張四人枱之間都加左膠板隔住，食得放心。龍眼冰($33)入面有超多龍眼，甜度亦啱啱好。椰汁沙冰($33)雖然話係沙冰，但打得夠碎完全唔會飲倒冰碎，椰汁味亦夠重。燒雞翼($20/隻)雞翼燒到金黃色，唔會太乾，雞翼我揀左辣，辣辣地幾惹味。酸菜明爐烏頭($162)哩個明爐烏頭非常抵食，本身單價都已經比出面平少少，烏頭上面鋪滿唔同蔬菜，有通菜、椰菜、西蘭花、椰菜花同紅蘿蔔，非常足料。烏頭上枱時仲連埋多一碗酸辣湯，煮到乾水可以加湯入去，酸辣度夠酸夠辣好開胃，不過就杰身左少少，如果稀返啲更好。烏頭好多肉，冇乜細骨好易食。香辣乾炒河粉($86)河粉都幾大碟，夠兩三個人share食，河粉比較大塊，不過厚度可接受，河粉有豬牛雞揀，我揀左豬肉，另外仲有秀珍菇同紅蘿蔔，都幾足料，只係略嫌油左少少。芒果黑白糯米飯($66)白糯米轉左做綠色嘅班蘭糯米，兩款糯米都好軟糯，芒

今晚同朋友去咗食泰國🇹🇭地道嘢，叫咗碟青檸汁燒豬頸肉、青咖喱海鮮炒飯🦐、咖喱卜卜大蜆煲同埋芒果冰沙、椰青。我最鐘意食係餐廳嘅青咖喱海鮮炒飯，炒飯吾會太辣，海鮮亦好足料，啲蝦夠哂嫩滑。另外，碟豬頸肉亦吾差，燒得外脆內嫩，夠哂惹味。至於煲咖喱大蜆煲亦令人一試難忘，咖喱放咗落gas爐度滾🍲，保證夠熱🔥，送飯一流，配埋餐廳夠哂溶嘅特式芒果冰同正宗嘅椰青，簡直令自己好似係泰國咁，下次一定黎試埋佢嘅炒蟹🦀同冬陰公湯！！😋

天氣很好☀， 陽光燦爛的日子🌞。 復活節假期，很想重拾郊遊的感覺 ，吹吹海風曬曬太陽。因疫情關係，避開人山人海的離島線。到北角逛逛，再坐船到黃埔海濱公園🌅。 穿上運動衫，在海旁的緩跑徑 盡情放電😆😆。預早book好餐廳，吃喜愛的泰國菜。 出完一身汗 ，盡情食鍾意食嘅嘢。香辣炸鱸魚🌶🌶鱸魚係超震撼的size😆， 份量頗多 😎😎。香脆肉嫩的魚肉 ， 配搭大量青胡椒、 辣椒、香茅、炸蒜、 炸金不換。 超級惹味😍😍咖哩炒大蜆🍲蒜蓉包條🍞大蜆肥厚肉嫩冇沙， 黃咖哩加入滑蛋🥚， 香香甜甜又滑身， 再加埋青椒+ 紅椒+ 洋蔥 +青蔥， 更加豐富口感。 記得一定要嗌蒜蓉包條， 呢個汁配蒜蓉包真係絕配😋😋😋蒜蓉包外層鬆脆，仲塗滿厚厚嘅蒜蓉醬🍞。糯米釀雞翼🍯大大隻嘅去骨雞翼， 釀咗煙韌又飽滿嘅糯米飯， 加入芫茜香蔥， 香口惹味。雞翼外層炸到酥酥脆脆， 同煙韌嘅糯米飯形成強烈嘅對比😋😋最後仲有免費嘅椰汁西米糕贈送😆😆😚😚超級冰凍的西米糕， 面層係香濃嘅椰汁， 餡料有西米 +香芋+粟米🌽， 唔太甜又夠香濃， 令人回味無窮。

今日因為探細妹佢喺紅磡讀緊理工大學。因為怕冇位，所以早半個鐘去霸位，慶祝佢考試成功。這個菜式我同佢由細食到大都覺得咁好食。柚子泰國沙律:這個菜嘅特色就係酸得嚟好甜得嚟腳好酸。裏面用上海蝦其他同埋柚子青木瓜。青木瓜是用泰國上等青木瓜做所以特別香甜。其他餐廳做唔到呢個感覺。最主要係色香味俱全令人覺得心曠神怡。我細妹同我最愛係佢哋嘅手拉奶茶非常好飲。唔係淨係得個甜字最主要有奶香味。餐廳無論服務質素同埋環境我自己覺得一流。😊

晏晝同朋友去開黃埔嗰邊，就食埋晚飯至返屋企啦。呢晚想食泰國菜，於是就去金坊，我以前喺呢邊返工成日食，因為午餐好抵食👍🏻，但夜晚就第一次幫襯。一去到餐廳門口，店員先為我哋量體溫，再安排我哋入座。由於政府新規例，餐廳安排食客要隔開坐，好彩餐廳夠大，無難度😃。餐廳菜式選擇超多，不能盡錄，類別包括沙律、小食、燒烤、小菜、海鮮、燒魚、咖哩、蔬菜、飯、麵、甜品等等，數都數唔哂，基本上你諗到同諗唔到嘅都有😜。抵讚嘅係餐廳全日唔收加一，大時大節除外，不過留意返呢到收$3茶錢一個人。雜錦拼盤($112)，拼盤幾時食都咁繽紛😋，因為乜都有啲，兩個人都可以食多幾款。拼盤份量超多，其中炸蝦餅同炸魚餅都各有4個半件(大大件)，春卷就有2條(可分4件)同埋2件香葉包雞，其實四個人都夠食！🐟炸魚餅最有驚喜，本身有啲辣味再加香茅香，中間仲有啲豆角粒脆脆的；🦐炸蝦餅亦都夠彈牙。另外，香葉包雞肉質唔會乾，而春卷個餡都OK。咖哩炒軟殼蟹($158)，哇估唔到呢碟又係咁大大碟🦀，傻㗎！呢到嘅咖哩香多過辣，小朋友都啱食，而且咖哩汁入面落咗好多蛋、青椒、紅椒同洋蔥，配白飯食一流。不過我哋今日叫咗麵，下次先🙈。軟殼蟹唔算炸得特別脆

今晚同朋友過嚟黃埔食飯，兩個人食得勁豐富「青芒絲水晶軟殼蟹卷」$98 呢個係我同朋友全晚至愛，軟殼蟹卷大大嚿，生菜、青瓜絲、紅蘿蔔絲好Fresh, 再配上香脆軟殼蟹，整個配搭勁好味「泰式青咖喱雞肉」$94 青咖喱奶香味好重，帶點酸味，配上「印度薄餅」$50味道不錯「泰式粉絲什菜煲」$86 好足料嘅粉絲煲，超多唔同的種類嘅蔬菜，炒粉絲吸收晒泰式醬料嘅鹹香味，好入味「芒果黑白糯米飯」$66 芒果鮮甜，黑白糯米煙煙銀銀，配上香濃嘅椰奶，絕對係冇得輸嘅配搭「椰汁西米糕」又係一道奶香味好重嘅甜品，底層嘅一粒粒既西米甜甜地，配上頂層的椰汁糕，味道唔錯

以前去過荃灣嗰間食過今次去到這間分店覺得質素一樣保持到。就係可以顯示到泰國菜本身應有嘅特色。自己永遠最愛嘅就係泰式滷水豬手。首先豬手係好難整同埋做好滷水,能夠做到好食絕對要超過十年功夫。這間餐廳令我覺得可以做到我嘅要求。譬如肉香嫩滑鮮甜無比。我自己同家姐最愛就係佢哋嘅冬陰功海鮮湯。完全感受到泰國嗰種地道風土人情嘅溫馨。冬陰功湯顧名思義就有泰國薑,香茅,加上海鮮唔同嘅味道,例如魷魚。可謂做到色香味俱全。間餐廳離地鐵站我相信都唔超過五分鐘路程。適合帶老人家去。😊

紅磡民泰街一帶有好多餐廳😋 應有盡有，朋友話想食泰國菜，「平靚正」當然係座無虛席既哩間，因為哩間泰菜價格勁抵，而且份量真係好多呀，食物質素又出色❤️鐵板蠔餅，用燒熱嘅鐵板奉上，份量多，蛋味重，蠔仔🦪好飽滿又夠大粒，加埋辣醬食，味道真係好夾呀，有蛋香又有蠔仔嘅鮮味😘🎈燒烏頭，每次都會叫哩種魚，因為啖啖肉，燒烤後勁香後，完全唔腥，魚肉好新鮮，一啲都唔乾又有魚汁，只係用左啲鹽去燒就有咁既效果，正😉🎈原隻燒魷魚 🦑，配上泰國辣甜醬汁，可以令魷魚提鮮😝😝清新既感覺❤️❤️ 重點魷魚美味又彈牙的🥰🎈燒雞全翼，上菜有驚喜，烤得好香脆，夠味又大隻又有肉汁😝🎈咸檸梳打❤️❤️❤️同青檸梳打❤️前者係醃鹹檸檬🍋配上梳打，後者係新鮮青檸配梳打，係完美既泰式飲國💓💓🎈椰汁千層糕，好有口感，一層一層既🥰🥰椰汁西米糕，好鐘意啲西米，沾滿了椰汗既香味🥳🥳

點左呢個海南雞加豬頸肉既雙拼飯。一拎到上黎，份量真係嚇親人，基本上夠兩個人食，肉既份量完全係良心飯店既感覺。雞肉滑嫩，豬頸肉又香，啲泰式汁都正到不得了。上次我食佢既河粉覺得好失望，今次呢個飯就完全拉高番我對呢間餐廳嘅印象。

黃埔真係有好多嘢食，今晚幾想食泰國嘢，就去咗呢間雖然有好多分店，但質素冇分薄到嘅金坊開餐啦！香茅蠔仔煲呀姐我同同行友人因為好鍾意食蠔仔，叫咗呢個煲。不過食落就有啲太鹹，蠔仔就有10隻左右，其餘墊煲底嘅都係草菇。好多洋蔥同香茅，所以香味十足。如果鍾意重口味嘅人士就啱晒喇泰式炒椰菜苗呀姐我一定要食菜。所以叫咗個泰菜必食嘅椰菜苗。好似落咗啲蝦醬炒，對我來說同樣都係有啲鹹，不過蔬菜新鮮，大大碟，整體來講都係非常好味，鹹度未至於入唔到口，撈飯食就OK！青咖喱海鮮炒飯青咖喱炒飯唔記得咗影相。中間夾左啲三色豆，蝦同魷魚，少少辣好開胃。連我唔食得辣嘅人士都接受到。不得不提啲海鮮好新鮮隻蝦仲彈牙嘅。椰青椰青又係唔記得咗影相。大大個椰青有好多椰肉，價錢合理啦又唔可以話特別抵又唔可以話特別貴。

今日遲咗起身，差唔多一點九先落去食飯，但又啱啱好未夠下午茶時間，咁就去咗樓下呢間，近近哋嘅泰國餐廳。叫左個白咖哩燒髀飯，不過可能因為差唔多轉下午茶時間，所以佢個白咖哩雞髀有啲凍，但係個味道係唔錯不過如果熱啲就會更加好食。反而佢杯凍檸茶有驚喜，同埋嚿大杯，我一路飲再坐一陣都得。佢呢間嘢環境都幾大，同埋平時都好多人幫襯，所以我先決定入嚟食呢間。 喺紅磡嚟講泰國餐廳嘅選擇真係唔多間，味道唔錯，又有分店信心嘅保證。