金坊泰國美食

营业中

休息中

呢度既食物都好大份 同埋熱辣辣香草辣椒肉碎 好好食夠香 少少辣好開胃 配埋生菜包 好泰式燒雞比想像中好食 外脆內軟 有陣燒烤味 調料入味 有肉汁 半隻雞都好大份 咖喱軟殼蟹配薄餅一流 不過薄餅唔夠脆 下次配白飯好似會更夾 青木瓜魚柳沙律 醬汁酸酸甜甜 好開胃少少辣 魚柳份量都好多 不過醬汁淋上去魚柳冇咁脆 小食拼盤都係新鮮即炸 好夠熱 配埋醬汁都好好食 炸雞翼脆卜卜 整體而言 性價比好高 環境都唔錯，裝修咗幾闊落 上菜速度都好快 嘢飲都正常發揮 係紅磡附近嘅泰菜好選擇

第二次去這餐廳，但今次實在不快，很想投訴。某個仕應態度差，兩次下錯單又不承認，堅持說是我們下錯單，第一，我要的是咖喱軟殼蟹但來了炸軟殼蟹，最後只是把來錯的加上烯烯的咖喱給我們，第二，我們下單是椰青但變了椰汁沙冰，本想要蒜容包點咖喱但又沒有到，催單只是說麪包要焗所以時間長，但吃完仍未到，收抬態度便知道她很不滿，極差，埋單才知道原來蒜容包沒有下單，估計是他們又下錯單，蒜蓉包下了炸軟殼蟹。我們想加單，向某男仕揮手但他視而不倒，吃了一肚氣，不會再去🤬

#金坊泰國美食 係寫字樓工作一段時間，好多時都係同同事一齊食飯，依間金坊係其中一間同事覺得幾唔錯既泰式餐廳。第一次食午餐，海南雞拼豬頸肉飯，$60。海南雞份量唔算多，但味道幾好，尚算皮爽肉嫩，豬頸肉都唔會乾柴，做得唔錯。最好係個醬，有兩款，都幾惹味，撈飯食都幾正👍第二次自己去試另一推介，海鮮炒河，$56。同樣跟熱飲同雞湯，今次個湯唔夠熱而且偏咸，炒河賣相都可以，食落就係另一回事😓河粉厚身但一舊舊，少少偏碎，海鮮包括魷魚，大蝦仁同一粒帶子，但全部味道都偏淡，基本上係冇乜底味，整體比較一般。第三次係下午茶時間，食肥牛船金邊粉，反而有驚喜🤣 湯底夠濃夠熱亦夠味，唔會好咸。金邊粉偏淋，肥牛就一般。下午茶$45，仲跟一份小食同熱飲，都算幾 好。整體會比較欣賞下午茶多於午餐，一來人少會坐得比較舒服，二來依個下午茶餐質素幾好，可以試吓。金坊泰國美食紅磡民泰街43號地下C1舖@foodiehck2022 #港飲港食平靚正 #紅磡 #泰國菜 #午餐 #下午茶

金坊泰國美食（Whampoa)咁啱經過黃埔諗住隨心搵間食下午茶☕️ 見哩間舖頭嘅姐姐係門口好熱心招呼🫡 於是就入去喇 小編都係第一次試咁抵食嘅泰式下午茶🇹🇭⌖ 冬陰功豬頸肉扎肉湯粉 🌶️🐖🍜💰$45一上檯已經聞到超香嘅冬陰功味👃 湯底飲落辣辣地超惹味！感覺就係飲緊原盅冬陰功湯😍😍 配料亦都好豐富 除咗有爽口嘅豬頸肉、大大塊黑椒扎肉、秀珍菇🍄 金邊粉仲要超掛湯💦 重口味人士必嗌😙😙 性價比好高～⌖ 熱好立克💰$0（跟餐價）正常發揮 夠濃郁😛⌖ 椰汁西米糕 🥥💰$8下午茶追加嘅小食 細細件有三個 好重椰香味🥥 西米偏淋身 都幾好食😋😋⌖ 泰式牛肉遊船湯河粉 🐂🍜💰$45湯底牛味濃郁帶甜味🤤 肥牛份量都幾多🤩🤩 河粉完全無煮到散開 面頭仲有啲九層塔同埋香口嘅炸豬皮 夾埋食可以豐富成個口感😚😚⌖ 凍奶茶💰$2（跟餐價）冇特別嗌泰式奶茶 哩款係中規中矩嘅港式奶茶😂⌖ 青咖喱印度薄餅💰$0（跟餐價）青咖喱甜甜地完全唔辣 薄餅得兩塊一定要趁熱食🔥 ☻ 回頭指數：8 / 10

同朋友去開附近，隨心搵食，見門面乾乾淨淨，就入去坐低。菠蘿海鮮炒飯，無乜菠蘿，海鮮量正常豬肉碎包菜，好咸🫣咸到要即飲大杯水炒金邊炒😅無乜味既？咖哩軟殼蟹，正常芒果黑糯米飯，黑糯米煮得岩岩好，但椰奶唔夠濃，似溝多左水？蒜蓉麵條，香脆可口，估唔到最好食係佢🤣印度薄餅，可以不理，叫多份蒜蓉麵好過😅

這泰菜館星期六日也有午餐供應，價錢更和星期一至五相同，可說是有良心。我們點了海南雞拼豬手飯（ $58 ）和冬陰功豬頸肉扎肉河粉（ $52 ），另外追加了午市小食酸辣鳳爪沙律（ $18 ）。午餐奉送飲品，分別點了熱檸檬水和熱檸檬茶。海南雞拼豬手飯：豬手和海南雞合起來份量不少，還有半隻烚蛋和少量芥蘭，米飯也不少，可說是分量十足。豬手味道好，不過就不夠泰式風味。記得在泰國吃的豬手飯，豬手的肉質都非常柔軟，而且醬汁味道濃郁。至於海南雞，雞肉很嫩滑，味道也不錯，當然，吃這價錢的海南雞，便不能要求鮮味十足。這飯配有兩碟醬汁，把豬手和海南雞沾上醬汁，增加了不少泰國風味。冬陰功豬頸肉扎肉河粉：湯頭酸酸的，微辣，辣一點更好。豬頸肉有五六片，味道很好，扎肉有三片，跟平時吃的有點不同，味道一般，河粉不太多，是很粗的那種，有泰國特色。湯頭裏還有小蕃茄和菇，食材豐富。酸辣鳳爪沙律：這追加的小食只收$18 ，份量頗多，簡直超值！味道方面，酸酸的，微辣，也是辣一點更佳。沙律中還有洋蔥、蕃茄和芹菜等，甚是好吃。

紅磡呢條街真係聚集咗好多餐廳 各國嘅佳餚都會喺呢度搵到 今次就嚟咗食呢間泰國餐廳😗 中午一點時分嚟到有好多打工仔啊 餐廳幾乎坐滿餐廳有份餐牌係有啲每日推介嘅特價午餐 大概比你喺主餐牌度叫平兩蚊左右😂豬手拼豬頸肉飯呢度餸嘅份量真係幾足 豬手同豬頸肉都有返咁上下多🤫 豬手肉質幾有咬口 仲有少少軟骨嘅部份 豬頸肉就偏韌 兩樣餸揀我會鍾意食豬手多啲 陳皮係入口即溶㗎😍柏靚咖喱豬軟骨飯呢度嘅咖喱幾重香料味 食到好香嘅香葉味 都有少少辣味 豬軟骨肉質比較乾身 咬落比較鞋😂 坦白講呢個賣相就唔係特別吸引嘅 但係佢嘅味道又唔錯喎 尤其係佢嘅軟骨部份真係燜得好腍好入味熱奶茶 熱檸茶午餐包咗一杯餐飲 味道就正正常常啦值得一提兩個碟頭飯嘅飯量都幾多 如果比較細食嘅朋友 最好就叫少飯 以免浪費食物啦😮 不過餐廳真係好忙碌 所以店員都有少少急進呀😅

兩個人揀咗個$288嘅二人餐 唔洗煩先嚟個冬瓜雞腳湯 出奇地好飲 好夠熱同香再嚟個馬拉盞炒椰菜苗 上面有啲肉碎同乾蒜同蔥 好香好惹味 用嚟送白飯一流再上半隻海南雞 比我想像中好食 香同滑 但得一款醬 酸酸甜甜都唔錯之後嚟半打串燒就比較失望 啲肉好Un 好難咬得開 早知試炭燒豬頸肉最後嚟個炒粉絲 味道一般 個豬肉又係好Un 同諧 佢個餐反而唔係跟金邊粉呢啲大路嘢最後送個甜品 咬落口爽同埋少少甜 無乜椰香 埋單$294 無收加人但收了每人$3水錢🤣

突然好想去泰國旅行所以嗌咗泰國嘢食yeah✌🏻豬手唔會太乾，味道鹹鹹地但係送飯一流😌！海南雞飯都ok!!! d肉幾滑又唔會好肥～ 加埋汁真係會食到停唔到口🤤 而濕炒河粉啲餸仲多過粉which is幾正🤣 不過牛肉就麻麻... 可能太熟(?)完全咬唔開😅 外賣嚟計整體份量都算幾多㗎～ 大家經過不妨都可以入去試吓呀🥰！金坊泰國美食 Golden Thailand Food 🥘 🐔 海南雞飯 $68 🐷 豬手飯 $68 🐮 濕炒河粉（牛）$88 推介指數：🐘🐘🐘🐘

今天感覺腳特別累不想吃只想坐..再一次走到這條街..看到大大隻字寫著”下午茶餐”在下便進去了因為下午茶餐的意思是..比較細份 😅昨天聽到別人問到海南雞飯那今天在下便吃海南雞飯吧 $45最讚的地方是沒有骨頭最適合像在下一樣怕骨頭的人吃😛而且這裡的油飯做得很好吃在下喜歡跟個椰汁西米糕 $8很久沒吃了常常在家周圍看到就都不會故意去買今天也能好好回味一下這味道但原來吃來也有點困難不能一口把整顆一粒西米不漏地吃乾淨唯有用舌頭舔但附近桌客人的目光告訴了在下在下的食相真不好看 😅小食印度薄餅 $20原來只有一小塊開4份愛薄餅的在下有點不夠但小食多滋味吧薄餅一點也不油膩薄薄的不脆也不Q雖然說沒有很好吃但也過得去啊最近一杯餐飲咸07 $6這裡沒有原粒咸檸而是碎跟漿味道沒昨天的香濃但的確還是不錯的這裡服務招呼普普通通是不會友善但也不會做什麼讓你反感的那種就是..客人自生自滅類型好吧..不能總是要求要感恩還能在外吃到堂食 🥰

講起食泰國嘢 大家可能都係諗起九龍城 但係其實紅磡都有好食嘅泰國菜 今日下晝就嚟咗呢一間金坊泰國美食🤭餐廳有少少似茶餐廳嘅感覺 有每日嘅精選午餐 啱晒啲選擇困難症嘅朋友呀🥰泰式無骨豬手飯貫徹返茶餐廳嘅感覺 豬手飯真係大件夾抵食 無骨豬手鋪滿成個飯面😝 飯嘅份量亦都好多 豬手滷得好入味 可以改善嘅係滷水蛋 雖然係配菜 但係真係好硬啊😂鮮蝦炒金邊粉 加辣要食金邊粉都係有少少辣味比較啱口味 金邊粉炒得幾乾身😉 撈埋花生碎同芽菜 口感唔錯 雖然上碟嘅時候唔係好見啲鮮蝦 但係其實啲鮮蝦係呢個金邊粉嘅底🙊呢間泰國餐廳 價錢真係好平民 啱晒糧尾又想食泰國嘢嘅朋友😆

一間好好食嘅泰國菜，今次就想介紹一下！呢一度泰國菜嘅款式好多，我好鍾意食呢度嘅食串燒，呢一度嘅豬肉同埋雞肉都好好食，而且再加埋有花生醬香味嘅醬汁，真係非常之加分！另外，呢一度嘅咖喱亦都好好食，叫咗一份青咖喱雞，青咖喱嘅味道好香，而且麻辣味到十足！

經常路過紅磡都會經過這裏，每次都匆匆忙忙，今晚趁有空檔便來到了這間抵食的泰國餐廳。二人套餐$288，包括馬拉盞炒通菜、海南雞半隻、沙嗲串燒、香辣炒豬肉粉絲，套餐包兩碗白飯和例湯。馬拉盞炒通菜，鑊氣十足，不會過鹹，非常有亞洲特色。海南雞半隻，雞皮爽口，雞肉鮮嫩美味，非常有雞味，加上起了雞骨，非常容易進食。如果再配合而家製的海南雞醬，味道更加好。沙嗲串燒，因為是即點即製的，所以要等10多分鐘，炭燒香味濃郁，加些美味的沙嗲醬，不失為一道美味的泰國菜。香辣炒豬肉粉絲，粉絲吸收了豬肉和辣椒的味道，非常惹味，爽口彈牙。青島啤酒$16，呢個價錢喺泰國餐廳嚟講，非常超值。

金坊泰國美食Golden Thai紅磡民泰街43號地下C1舖紅磡區本身唔多大型shopping mall, 最近都要去到WHAMPAO區, 但這原因亦都造就左小店林立。小食肆有自己特式最抵食應該係個2人餐$16 要個油飯，因為呢度出名海南雞，個飯吸曬雞湯汁，粒粒有染薑黃架黃色鹹香$98 SATAT 串燒半打, 有豬雞牛選擇, 也可混搭,要了雞同豬，肉塊有咬口，花生香架satay 醬加了唔少分數$22 hot lemon tea 全日免加一服務費, 社交平台 打卡仲有泰式甜品送添

今晚食的泰菜，是紅磡民泰街的金坊泰國美食。餐廳裝修富有泰國特色，在門口已感覺到。金坊精選二人餐酸辣鳳爪沙律燒鰂魚、黃咖哩牛、印度薄餅、附送白飯及冬瓜湯兩碗。酸辣鳳爪沙律，一般食泰菜都比較喜愛點的菜式，就是酸辣鳳爪沙律，鳳爪酸酸辣辣又帶爽口，很惹味！燒鰂魚即點即燒，大約等了有十五分鐘，初時以為燒鰂魚是一個套餐，所以會比較細條，但上枱後發現燒鰂魚卻非常大條，燒鰂魚肉質非常嫩滑多汁，惹味的特式醬汁，令燒鰂魚更為惹味！黃咖哩牛，咖哩很香濃，牛肉沾著濃濃的咖哩，真的很好味，印度薄餅有兩件，一分為四，比較薄，香脆中帶點煙韌，點上咖哩醬汁，令軟腍的牛肉及香口的薄餅，盡顯異國風味。除二人餐外，還要多一個甜品，椰汁西米糕，甜品裏面有較多的粟米粒、芋頭粒，更增加口感及多重味道，令今餐食得頗滿足。